മാതാ​പി​താ​ക്ക​ളേ, കുഞ്ഞാ​ടു​ക​ളെ​പ്പോ​ലെ നിങ്ങളു​ടെ മക്കളെ മേയ്‌ക്കു​ക

1, 2. (എ) പുരാ​ത​ന​കാ​ല​ത്തെ ആട്ടിട​യ​ന്മാ​രു​ടെ ചില ഉത്തരവാ​ദി​ത്വ​ങ്ങൾ എന്തൊ​ക്കെ​യാ​യി​രു​ന്നു? (ബി) മാതാ​പി​താ​ക്കൾ ഇടയന്മാ​രെ​പ്പോ​ലെ​യാ​ണെന്ന്‌ പറയാ​നാ​കു​ന്നത്‌ എന്തു​കൊണ്ട്‌?

പുരാതന ഇസ്രാ​യേ​ലി​ലെ ഇടയന്മാ​രു​ടെ ജീവിതം കഠിന​മാ​യി​രു​ന്നു. ചൂടും തണുപ്പും അവർക്ക്‌ സഹി​ക്കേ​ണ്ടി​വ​ന്നി​രു​ന്നു. ക്രൂര​മൃ​ഗ​ങ്ങ​ളിൽനി​ന്നും കൊള്ള​ക്കാ​രിൽനി​ന്നും ആടുകളെ സംരക്ഷി​ക്കേണ്ട ഉത്തരവാ​ദി​ത്വം അവർക്കു​ണ്ടാ​യി​രു​ന്നു. അവർ ആടുകളെ നിരന്തരം പരി​ശോ​ധി​ക്കു​ക​യും രോഗ​മു​ള്ള​വ​യെ​യും മുറി​വേ​റ്റ​വ​യെ​യും ശുശ്രൂ​ഷി​ക്കു​ക​യും ചെയ്‌തി​രു​ന്നു. വളർച്ച​യെ​ത്തി​യ ആടുക​ളു​ടെ കരുത്തും ബലവും ആട്ടിൻകു​ട്ടി​കൾക്ക്‌ ഇല്ലാത്ത​തി​നാൽ അവർ അവയ്‌ക്ക്‌ പ്രത്യേ​ക​ശ്രദ്ധ നൽകു​മാ​യി​രു​ന്നു.—ഉല്‌പ. 33:13.

² ക്രിസ്‌തീ​യ മാതാ​പി​താ​ക്കൾ പല വിധങ്ങ​ളി​ലും ഇടയന്മാ​രെ​പ്പോ​ലെ​യാണ്‌. ആട്ടിട​യ​ന്മാർക്കു​ണ്ടാ​യി​രി​ക്കേണ്ട പല ഗുണങ്ങ​ളും അവർക്കും ആവശ്യ​മാണ്‌. മക്കളെ “യഹോ​വ​യു​ടെ ശിക്ഷണ​ത്തി​ലും അവന്റെ ചിന്തകൾക്ക്‌ അനുസൃ​ത​മാ​യും​” വളർത്തി​ക്കൊ​ണ്ടു​വ​രാ​നുള്ള ഉത്തരവാ​ദി​ത്വം മാതാ​പി​താ​ക്കൾക്കുണ്ട്‌. (എഫെ. 6:4) എന്നാൽ ഇത്‌ എളുപ്പ​മു​ള്ള ഒരു ദൗത്യ​മാ​ണോ? അല്ല! കാരണം, കുട്ടി​കൾക്ക്‌ സാത്താന്റെ കുപ്ര​ചാ​ര​ണ​ങ്ങ​ളു​മാ​യും തങ്ങളു​ടെ​ത​ന്നെ അപൂർണ​ചാ​യ്‌വു​ക​ളു​മാ​യും നിരന്തരം പോരാ​ടേ​ണ്ട​തുണ്ട്‌. (2 തിമൊ. 2:22; 1 യോഹ. 2:16) നിങ്ങൾക്ക്‌ മക്കളു​ണ്ടെ​ങ്കിൽ അവരെ എങ്ങനെ സഹായി​ക്കാ​നാ​കും? നിങ്ങളു​ടെ മക്കളെ മേയ്‌ക്കു​ന്ന​തിൽ ഉൾപ്പെ​ട്ടി​രി​ക്കു​ന്ന മൂന്നു കാര്യങ്ങൾ നമുക്കു പരിചിന്തിക്കാം—അവരെ അടുത്ത​റി​യു​ക, പരി​പോ​ഷി​പ്പി​ക്കു​ക, വഴിന​യി​ക്കു​ക.

മക്കളെ അടുത്ത​റി​യു​ക

3. മാതാ​പി​താ​ക്കൾ മക്കളുടെ ‘അവസ്ഥ അറിയണം’ എന്നു പറയു​ന്ന​തി​ന്റെ അർഥം എന്താണ്‌?

³ ആടുക​ളെ​ല്ലാം ആരോ​ഗ്യ​ത്തോ​ടി​രി​ക്കു​ന്നു​വെന്ന്‌ ഉറപ്പു​വ​രു​ത്താൻ ഒരു നല്ല ഇടയൻ അവയെ ഓരോ​ന്നി​നെ​യും ശ്രദ്ധാ​പൂർവം പരി​ശോ​ധി​ക്കും. ആലങ്കാ​രി​ക​മാ​യി പറഞ്ഞാൽ മക്കളുടെ കാര്യ​ത്തി​ലും നിങ്ങൾക്ക്‌ ഇതുതന്നെ ചെയ്യാ​നാ​കും. “നിന്റെ ആടുക​ളു​ടെ അവസ്ഥ അറിവാൻ ജാഗ്ര​ത​യാ​യി​രി​ക്ക” എന്ന്‌ ബൈബിൾ പറയുന്നു. (സദൃ. 27:23) ഈ ദൗത്യം നന്നായി നിർവ​ഹി​ക്കാ​നാ​യി മക്കളുടെ പ്രവർത്ത​ന​ങ്ങൾ മാത്രമല്ല, അവരുടെ ചിന്തക​ളും വികാ​ര​ങ്ങ​ളും നിങ്ങൾ കണക്കി​ലെ​ടു​ക്ക​ണം. അത്‌ എങ്ങനെ സാധി​ക്കും? നിങ്ങളു​ടെ മക്കളു​മാ​യി കൂടെ​ക്കൂ​ടെ സംഭാ​ഷ​ണ​ത്തിൽ ഏർപ്പെ​ടു​ക എന്നതാണ്‌ അതിനുള്ള ഒരു നല്ല മാർഗം.

4, 5. (എ) മാതാ​പി​താ​ക്ക​ളോട്‌ മക്കൾ ഉള്ളുതു​റന്ന്‌ സംസാ​രി​ക്കാൻ ഏത്‌ പ്രാ​യോ​ഗി​ക​മാർഗങ്ങൾ സഹായി​ച്ചേ​ക്കാം? (ലേഖനാ​രം​ഭ​ത്തി​ലെ ചിത്രം കാണുക.) (ബി) മക്കൾക്ക്‌ നിങ്ങ​ളോട്‌ മനസ്സു​തു​റ​ക്കു​ന്നത്‌ എളുപ്പ​മാ​ക്കാൻ നിങ്ങൾ എന്താണ്‌ ചെയ്‌തി​രി​ക്കു​ന്നത്‌?

⁴ മക്കൾ കൗമാ​ര​ത്തിൽ എത്തുന്ന​തോ​ടെ അവരു​മാ​യു​ള്ള ആശയവി​നി​മ​യം ബുദ്ധി​മു​ട്ടേ​റു​ന്ന​താ​യി ചില മാതാ​പി​താ​ക്കൾ കണ്ടിരി​ക്കു​ന്നു. ഈ പ്രായ​ത്തിൽ അവർ ഉൾവലി​യാൻ സാധ്യ​ത​യുണ്ട്‌, അവരുടെ ചിന്തക​ളും വികാ​ര​ങ്ങ​ളും തുറന്ന്‌ പ്രകടി​പ്പി​ക്കാൻ അവർ മടികാ​ണി​ച്ചേ​ക്കാം. നിങ്ങളു​ടെ മകന്റെ​യോ മകളു​ടെ​യോ കാര്യ​ത്തിൽ ഇങ്ങനെ സംഭവി​ക്കു​ന്നെ​ങ്കിൽ എന്ത്‌ ചെയ്യാ​നാ​കും? അവരെ പിടി​ച്ചി​രു​ത്തി ദീർഘ​വും ഗൗരവ​മേ​റി​യ​തും ആയ ചർച്ചകൾ നടത്തു​ന്ന​തി​നു പകരം വീണു​കി​ട്ടു​ന്ന അവസരങ്ങൾ പ്രയോ​ജ​ന​പ്പെ​ടു​ത്താൻ ശ്രമി​ക്കു​ക. (ആവ. 6:6, 7) കൂടാതെ, അവരോ​ടൊ​പ്പം കാര്യങ്ങൾ ചെയ്യു​ന്ന​തി​നു​വേ​ണ്ടി നിങ്ങൾ ബോധ​പൂർവം അവസരങ്ങൾ സൃഷ്ടി​ക്കേ​ണ്ട​തു​ണ്ടാ​യി​രി​ക്കാം. ഒരുപക്ഷേ അവരോ​ടൊ​പ്പം ഒന്നു നടക്കാൻ പോകു​ക​യോ വാഹന​ത്തിൽ ഒന്നു ചുറ്റി​ക്ക​റ​ങ്ങു​ക​യോ കളിക​ളിൽ ഏർപ്പെ​ടു​ക​യോ വീട്ടു​ജോ​ലി​ക​ളിൽ അവരെ കൂടെ​ക്കൂ​ട്ടു​ക​യോ ചെയ്യാ​നാ​കും. ഇത്തരത്തി​ലു​ള്ള അനൗപ​ചാ​രി​ക​മാ​യ അവസര​ങ്ങ​ളിൽ കൗമാ​ര​ക്കാർ മടികൂ​ടാ​തെ മനസ്സു​തു​റ​ന്നേ​ക്കാം.

⁵ ഇങ്ങനെ​യൊ​ക്കെ ചെയ്‌തി​ട്ടും നിങ്ങളു​ടെ മകനോ മകളോ ഉള്ളിലു​ള്ളത്‌ തുറന്നു​പ​റ​യു​ന്നി​ല്ലെ​ങ്കിൽ എന്തു ചെയ്യാ​നാ​കും? മറ്റൊരു മാർഗം പരീക്ഷി​ച്ചു​നോ​ക്കു​ക. ഉദാഹ​ര​ണ​ത്തിന്‌, ‘ഇന്ന്‌ എങ്ങനെ​യു​ണ്ടാ​യി​രു​ന്നു’ എന്ന്‌ മകളോട്‌ ചോദി​ക്കു​ന്ന​തി​നു പകരം ആ ദിവസത്തെ നിങ്ങളു​ടെ വിശേ​ഷ​ങ്ങൾ അവളോട്‌ അങ്ങോട്ട്‌ പറയുക. അങ്ങനെ​യാ​കു​മ്പോൾ സ്വാഭാ​വി​ക​മാ​യും അവൾ അന്നത്തെ തന്റെ വിശേ​ഷ​ങ്ങൾ പറഞ്ഞു​തു​ട​ങ്ങി​യേ​ക്കാം. ഇനിയും, പരീക്ഷി​ച്ചു​നോ​ക്കാ​നാ​കുന്ന മറ്റൊരു മാർഗം ഇതാണ്‌: ഒരു വിഷയ​ത്തെ​ക്കു​റിച്ച്‌ മകളോട്‌ അവളുടെ അഭി​പ്രാ​യം ചോദി​ക്കു​ന്ന​തി​നു പകരം ആ വിഷയ​ത്തെ​ക്കു​റിച്ച്‌ അവളുടെ കൂട്ടു​കാ​രി എന്താണ്‌ പറയാ​റു​ള്ള​തെ​ന്നു ചോദി​ക്കു​ക. അതിനു ശേഷം, ഇക്കാര്യ​ത്തെ​ക്കു​റിച്ച്‌ ആ കൂട്ടു​കാ​രിക്ക്‌ അവൾ എന്തു മാർഗ​നിർദേ​ശം നൽകും എന്ന്‌ ചോദി​ക്കാ​നാ​കും. അങ്ങനെ​യാ​കു​മ്പോൾ അവളെ ചോദ്യം ചെയ്യു​ക​യാ​ണെ​ന്നു തോന്നി​പ്പി​ക്കാ​തെ അവളുടെ ഉള്ളിലു​ള്ളത്‌ കോരി​യെ​ടു​ക്കാൻ നിങ്ങൾക്കാ​കും.

6. മക്കൾ തുറന്ന്‌ സംസാ​രി​ക്ക​ണ​മെ​ങ്കിൽ മാതാ​പി​താ​ക്കൾ എങ്ങനെ​യു​ള്ള​വ​രാ​യി​രി​ക്കണം?

⁶ എന്നാൽ മക്കൾ മനസ്സ്‌ തുറന്ന്‌ സംസാ​രി​ക്ക​ണ​മെ​ങ്കിൽ നിങ്ങൾ വളരെ തിരക്കു​ള്ള​വ​ര​ല്ലെ​ന്നും തങ്ങൾക്ക്‌ എന്തും തുറന്നു പറയാ​നു​ള്ള സ്വാത​ന്ത്ര്യ​മു​ണ്ടെ​ന്നും അവർക്ക്‌ തോന്നണം. സംസാ​രി​ക്കാൻ സമയമി​ല്ലാ​ത്ത വിധം മാതാ​പി​താ​ക്കൾ സദാ തിരക്കു​ള്ള​വ​രാ​ണെന്ന്‌ മക്കൾക്ക്‌ തോന്നി​യാൽ, അവർ തങ്ങളുടെ പ്രശ്‌ന​ങ്ങൾ മിക്ക​പ്പോ​ഴും ഉള്ളി​ലൊ​തു​ക്കി​വെ​ക്കും. കുട്ടി​കൾക്ക്‌ എന്തും തുറന്നു​പ​റ​യാൻ സ്വാത​ന്ത്ര്യം തോന്നു​ന്ന​തിന്‌ എന്ത്‌ ചെയ്യാ​നാ​കും? “നിനക്ക്‌ എന്നോട്‌ എന്തും എപ്പോൾവേ​ണ​മെ​ങ്കി​ലും സംസാ​രി​ക്കാം​” എന്ന്‌ പറഞ്ഞാൽ മാത്രം പോരാ. നിങ്ങൾ അവരുടെ പ്രശ്‌ന​ങ്ങൾ നിസ്സാ​രീ​ക​രി​ക്കി​ല്ലെ​ന്നും പെട്ടെന്ന്‌ ദേഷ്യ​പ്പെ​ടി​ല്ലെ​ന്നും മക്കൾക്ക്‌ തോന്നണം. അനേകം മാതാ​പി​താ​ക്കൾ ഇക്കാര്യ​ത്തിൽ ഒരു നല്ല മാതൃക വെക്കുന്നു. 19 വയസ്സു​കാ​രി​യാ​യ കെയ്‌ലാ പറയുന്നു: “എനിക്ക്‌ എന്റെ ഡാഡി​യോട്‌ എന്തി​നെ​ക്കു​റി​ച്ചും സംസാ​രി​ക്കാം. ഡാഡി ഇടയ്‌ക്കു​ക​യ​റി പറയു​ക​യോ കുറ്റ​പ്പെ​ടു​ത്തു​ക​യോ ചെയ്യില്ല, ഞാൻ പറയു​ന്നത്‌ ശ്രദ്ധിച്ച്‌ കേൾക്കും. എന്നിട്ട്‌, ഏറ്റവും മികച്ച മാർഗ​നിർദേ​ശം തരും.”

7. (എ) പ്രണയ​ബ​ന്ധം​പോ​ലു​ള്ള ഒരു വിഷയ​ത്തിൽ മാതാ​പി​താ​ക്കൾക്ക്‌ എങ്ങനെ സമചി​ത്ത​ത​യോ​ടെ​യു​ള്ള ഒരു സമീപനം സ്വീക​രി​ക്കാം? (ബി) ശ്രദ്ധി​ച്ചി​ല്ലെ​ങ്കിൽ മാതാ​പി​താ​ക്കൾ മക്കളെ അസഹ്യ​പ്പെ​ടു​ത്തി​യേ​ക്കാ​വു​ന്നത്‌ എങ്ങനെ?

⁷ പ്രണയ​ബ​ന്ധം​പോ​ലെ, സൂക്ഷിച്ച്‌ കൈകാ​ര്യം ചെയ്യേണ്ട വിഷയങ്ങൾ ചർച്ച ചെയ്യു​മ്പോൾപ്പോ​ലും​, അപകട​ങ്ങ​ളെ​ക്കു​റി​ച്ചു​ള്ള മുന്നറി​യി​പ്പു​കൾക്ക്‌ അമിത​മാ​യ ഊന്നൽ കൊടു​ക്കു​ന്ന​തി​നു പകരം ആ പ്രശ്‌നം കൈകാ​ര്യം ചെയ്യാ​നു​ള്ള ഉചിത​മാ​യ മാർഗം മക്കളെ പഠിപ്പി​ക്കാൻ ശ്രദ്ധയു​ള്ള​വ​രാ​യി​രി​ക്കുക. ഇത്‌ ഇങ്ങനെ ദൃഷ്ടാ​ന്തീ​ക​രി​ക്കാം​: നിങ്ങൾ ഒരു ഹോട്ട​ലിൽ ഭക്ഷണം കഴിക്കാൻ പോ​യെന്ന്‌ കരുതുക. എന്നാൽ മെനു​കാർഡിൽ ഭക്ഷ്യവി​ഷ​ബാ​ധ​യെ​ക്കു​റി​ച്ചുള്ള മുന്നറി​യി​പ്പു​കൾ മാത്രമേ കാണു​ന്നു​ള്ളൂ എങ്കിലോ? നിങ്ങൾ മറ്റൊരു ഹോട്ടൽ നോക്കി​പ്പോ​കാ​നാണ്‌ സാധ്യത. സമാന​മാ​യി, മക്കൾ നിങ്ങളു​ടെ അടുക്കൽ മാർഗ​നിർദേ​ശ​ത്തി​നാ​യി വരു​മ്പോൾ നിങ്ങളു​ടെ ‘മെനു​കാർഡിൽ’ കടുത്ത മുന്നറി​യി​പ്പു​ക​ളു​ടെ ഒരു നീണ്ട പട്ടിക മാത്ര​മാ​ണു​ള്ള​തെ​ങ്കിൽ അവർ മാർഗ​നിർദേ​ശം തേടി മറ്റെവി​ടെ​യെ​ങ്കി​ലും പോ​യേ​ക്കാം. (കൊ​ലോ​സ്യർ 3:21 വായി​ക്കു​ക.) അതു​കൊണ്ട്‌ സമചി​ത്ത​ത​യോ​ടെ ഇടപെ​ടു​ക. എമിലി എന്ന ഒരു യുവസ​ഹോ​ദ​രി തന്റെ അനുഭവം പറയുന്നു: “എന്റെ മാതാ​പി​താ​ക്കൾ പ്രണയ​ബ​ന്ധ​ങ്ങ​ളെ​ക്കു​റിച്ച്‌ എന്നോട്‌ സംസാ​രി​ക്കു​ന്നത്‌, അത്‌ തീർത്തും മോശ​മാ​യ ഒരു വിഷയ​മാണ്‌ എന്ന മട്ടിലല്ല. ഒരാളെ അടുത്ത​റി​യു​ന്ന​തും ശരിയായ ഒരു വിവാ​ഹ​പ​ങ്കാ​ളി​യെ കണ്ടെത്തു​ന്ന​തും സന്തോ​ഷ​മു​ള്ള കാര്യം​ത​ന്നെ​യാണ്‌ എന്ന്‌ അവർ അംഗീ​ക​രിച്ച്‌ സംസാ​രി​ക്കു​ന്നു. അതു​കൊണ്ട്‌ അവരോട്‌ ജാള്യ​ത​യി​ല്ലാ​തെ അതേപ്പറ്റി സംസാ​രി​ക്കാൻ എനിക്ക്‌ കഴിയു​ന്നു. അടുത്ത്‌ പരിച​യ​പ്പെ​ടു​ന്ന ഏതൊരു വ്യക്തി​യെ​ക്കു​റി​ച്ചും മാതാ​പി​താ​ക്ക​ളിൽനിന്ന്‌ ഒളിച്ചു​വെ​ക്കാ​നല്ല, പകരം അവരും ആ വ്യക്തിയെ അറിയാ​നും പരിച​യ​പ്പെ​ടാ​നു​മാണ്‌ ഞാൻ ആഗ്രഹി​ക്കു​ന്നത്‌.”

8, 9. (എ) മക്കൾ സംസാ​രി​ക്കു​മ്പോൾ തടസ്സ​പ്പെ​ടു​ത്താ​തെ ശ്രദ്ധി​ക്കു​ന്ന​തു​കൊണ്ട്‌ എന്തു പ്രയോ​ജ​ന​മുണ്ട്‌? (ബി) മക്കൾക്കു പറയാ​നു​ള്ളത്‌ ശ്രദ്ധി​ക്കു​ന്ന​തിൽ നിങ്ങൾ എത്ര​ത്തോ​ളം വിജയി​ച്ചി​രി​ക്കു​ന്നു?

⁸ കെയ്‌ലാ പറഞ്ഞതി​നോ​ടു​ള്ള ചേർച്ച​യിൽ, നിങ്ങളു​ടെ കുട്ടികൾ സംസാ​രി​ക്കു​മ്പോൾ ക്ഷമാപൂർവം ശ്രദ്ധി​ച്ചു​കൊണ്ട്‌ നിങ്ങൾ എപ്പോ​ഴും സമീപി​ക്കാ​കു​ന്ന​വ​രാ​ണെന്ന്‌ കാണി​ക്കാ​നാ​കും. (യാക്കോബ്‌ 1:19 വായി​ക്കു​ക.) കാറ്റ്യ എന്നു പേരുള്ള ഒറ്റയ്‌ക്കു​ള്ള ഒരു മാതാവ്‌ ഇങ്ങനെ പറഞ്ഞു: “മുമ്പൊ​ക്കെ മകളോട്‌ സംസാ​രി​ക്കു​മ്പോൾ എന്റെ ക്ഷമകെ​ടു​മാ​യി​രു​ന്നു. ഒന്ന്‌ പറഞ്ഞു​തീർക്കാൻപോ​ലും ഞാൻ അവസരം കൊടു​ക്കി​ല്ലാ​യി​രു​ന്നു. ഒന്നുകിൽ എനിക്ക്‌ വല്ലാത്ത ക്ഷീണമാ​യി​രി​ക്കും​, അല്ലെങ്കിൽ അവൾ ഓരോന്ന്‌ പറഞ്ഞു​കൊണ്ട്‌ വരുന്നത്‌ എനിക്ക്‌ ശല്യമാ​യി തോന്നു​മാ​യി​രു​ന്നു. എന്നാൽ ഞാൻ എന്റെ രീതി​കൾക്ക്‌ മാറ്റം വരുത്തി​യ​പ്പോൾ അവളും മാറ്റം വരുത്തി. അവൾ ഇപ്പോൾ നന്നായി സഹകരി​ക്കു​ന്നുണ്ട്‌.”

⁹ കൗമാ​ര​പ്രാ​യ​ക്കാ​രി​യായ തന്റെ മകളെ​പ്പ​റ്റി പിതാ​വാ​യ റോണൾഡ്‌ ഇങ്ങനെ പറയുന്നു: “അവൾ സ്‌കൂ​ളിൽ ഒരു ആൺകു​ട്ടി​യു​മാ​യി പ്രേമ​ത്തി​ലാ​ണെന്ന്‌ പറഞ്ഞ​പ്പോൾ എനിക്ക്‌ ആദ്യം ദേഷ്യ​മാണ്‌ വന്നത്‌. എന്നാൽ യഹോവ തന്റെ ദാസ​രോട്‌ ക്ഷമയോ​ടും ന്യായ​ബോ​ധ​ത്തോ​ടും കൂടെ ഇടപെ​ടു​ന്ന​തി​നെ​ക്കു​റിച്ച്‌ ഞാൻ ഓർത്തു. അപ്പോൾ, അവളെ നേരെ​യാ​ക്കാൻ ശ്രമി​ക്കു​ന്ന​തി​നു മുമ്പ്‌ സ്വന്തം വികാ​ര​ങ്ങൾ പ്രകടി​പ്പി​ക്കാൻ അവൾക്ക്‌ ഒരു അവസരം കൊടു​ക്കു​ന്ന​താ​യി​രി​ക്കും നല്ലത്‌ എന്ന്‌ ഞാൻ ചിന്തിച്ചു. ഞാൻ അങ്ങനെ ചെയ്‌തത്‌ എത്ര നന്നാ​യെ​ന്നോ! ജീവി​ത​ത്തിൽ ആദ്യമാ​യി എനിക്ക്‌ എന്റെ മകളുടെ ഉള്ളറി​യാൻ കഴിഞ്ഞു! അവൾ ഉള്ളുതു​റ​ന്ന​തോ​ടെ സ്‌നേ​ഹ​പൂർവം അവളോട്‌ സംസാ​രി​ക്കു​ന്നത്‌ എനിക്ക്‌ എളുപ്പ​മാ​യി. ഞാൻ കൊടുത്ത ബുദ്ധി​യു​പ​ദേ​ശം അവൾ ശ്രദ്ധി​ച്ച​പ്പോൾ എനിക്ക്‌ അതിശയം തോന്നി. തന്റെ സ്വഭാ​വ​രീ​തി​യിൽ മാറ്റം വരുത്താൻ ആത്മാർഥ​മാ​യ ആഗ്രഹ​മു​ണ്ടെ​ന്നും അവൾ പറഞ്ഞു.” മക്കളു​മാ​യി കൂടെ​ക്കൂ​ടെ സംസാ​രി​ക്കു​ന്നത്‌ അവരുടെ ചിന്തക​ളും വികാ​ര​ങ്ങ​ളും നന്നായി മനസ്സി​ലാ​ക്കാൻ നിങ്ങളെ സഹായി​ക്കും. പിന്നീട്‌ അവർ തീരു​മാ​ന​ങ്ങൾ എടുക്കു​മ്പോൾ നിങ്ങ​ളെ​യും ഉൾപ്പെ​ടു​ത്താൻ അത്‌ വഴി​യൊ​രു​ക്കും.a

മക്കളെ പരി​പോ​ഷി​പ്പി​ക്കുക

10, 11. മക്കൾ ആത്മീയ​മാ​യി അകന്നു​പോ​കാ​തി​രി​ക്കാൻ നിങ്ങൾക്ക്‌ അവരെ എങ്ങനെ സഹായി​ക്കാം?

¹⁰ ഒരു നല്ല ഇടയന്‌ തന്റെ ആട്ടിൻകൂ​ട്ട​ത്തി​ലെ ഏതൊരു ആടും എപ്പോൾവേ​ണ​മെ​ങ്കി​ലും കൂട്ടം വിട്ട്‌ പോ​യേ​ക്കാ​മെന്ന്‌ അറിയാം. ഒരുപക്ഷേ കുറച്ച്‌ മാറി പച്ചപ്പ്‌ കണ്ടിട്ട്‌ ഒരു ആട്‌ അങ്ങോട്ട്‌ പോ​യേ​ക്കാം​, അവി​ടെ​നിന്ന്‌ അത്‌ വീണ്ടും കുറച്ചു​കൂ​ടെ അകലേക്ക്‌ പോ​യേ​ക്കാം. അങ്ങനെ അത്‌ പതി​യെ​പ്പ​തി​യെ ആട്ടിൻകൂ​ട്ട​ത്തിൽനിന്ന്‌ വളരെ അകന്നു​പോ​യെ​ന്നു​വ​രാം. അതേവി​ധ​ത്തിൽ, ഹാനി​ക​ര​മാ​യ സഹവാ​സ​ത്താ​ലോ അധഃപ​തി​ച്ച വിനോ​ദ​ങ്ങ​ളാ​ലോ വശീക​രി​ക്ക​പ്പെട്ട്‌ ഒരു കുട്ടി ക്രമേണ ആത്മീയ​മാ​യി അപകട​ക​ര​മാ​യ ഒരു വഴിയി​ലൂ​ടെ അകന്നകന്ന്‌ പോ​യേ​ക്കാം. (സദൃ. 13:20) നിങ്ങളു​ടെ മക്കൾക്ക്‌ ഇങ്ങനെ സംഭവി​ക്കാ​തി​രി​ക്കാൻ നിങ്ങൾക്ക്‌ എന്തു ചെയ്യാ​നാ​കും?

¹¹ മക്കളെ പഠിപ്പി​ക്കു​മ്പോൾ, അത്തരം ഒരു ബലഹീനത അവർക്കു​ള്ള​താ​യി നിങ്ങളു​ടെ ശ്രദ്ധയിൽപ്പെ​ടു​ന്നെ​ങ്കിൽ പെട്ടെന്ന്‌ നടപടി സ്വീക​രി​ക്കു​ക. അതിന്‌ നിങ്ങൾക്ക്‌ എന്തു ചെയ്യാ​നാ​കും? നിങ്ങളു​ടെ മക്കളി​ലു​ള്ള ക്രിസ്‌തീ​യ​ഗു​ണ​ങ്ങൾ കരുത്തു​റ്റ​താ​ക്കാൻ അവരെ സഹായി​ക്കു​ക. (2 പത്രോ. 1:5-8) ഇതിനു പറ്റിയ ഏറ്റവും നല്ല സമയം വാരം​തോ​റു​മു​ള്ള കുടും​ബാ​രാ​ധ​നാ​വേ​ള​ക​ളാണ്‌. ഈ ക്രമീ​ക​ര​ണ​ത്തെ​ക്കു​റിച്ച്‌ 2008 ഒക്‌ടോ​ബർ രാജ്യ ശുശ്രൂഷ ഇങ്ങനെ പറയുന്നു: “അർഥവ​ത്താ​യ ബൈബിൾപ​ഠ​നം കുടും​ബ​ത്തി​ലു​ണ്ടെന്ന്‌ ഉറപ്പു​വ​രു​ത്താ​നു​ള്ള ദൈവദത്ത ഉത്തരവാ​ദി​ത്വം നിറ​വേ​റ്റാൻ എല്ലാ കുടും​ബ​നാ​ഥ​ന്മാ​രെ​യും പ്രോ​ത്സാ​ഹി​പ്പി​ക്കു​ക​യാണ്‌ ഞങ്ങൾ.” നിങ്ങളു​ടെ മക്കൾക്ക്‌ ഇടയവേല ചെയ്യാ​നു​ള്ള ഈ സ്‌നേ​ഹ​പു​ര​സ്സ​ര​മാ​യ ക്രമീ​ക​ര​ണം നിങ്ങൾ പൂർണ​മാ​യി പ്രയോ​ജ​ന​പ്പെ​ടു​ത്തു​ന്നു​ണ്ടോ? മക്കളുടെ ആത്മീയാ​വ​ശ്യ​ങ്ങൾക്കു​വേണ്ടി കരുതു​ന്നത്‌ നിങ്ങൾ ഒന്നാമത്‌ വെക്കു​മ്പോൾ അവർ അത്‌ വിലമ​തി​ക്കു​മെന്ന്‌ ഉറപ്പു​ള്ള​വ​രാ​യി​രി​ക്കുക.—മത്താ. 5:3; ഫിലി. 1:10.

12. (എ) കുടും​ബാ​രാ​ധ​ന​യിൽനിന്ന്‌ ചില യുവജ​ന​ങ്ങൾ പ്രയോ​ജ​നം നേടി​യി​രി​ക്കു​ന്നത്‌ എങ്ങനെ? (“അവർ അത്‌ വിലമ​തി​ക്കു​ന്നു” എന്ന ചതുര​ത്തി​ലെ ആശയങ്ങൾ ഉൾപ്പെ​ടു​ത്തു​ക.) (ബി) കുടും​ബാ​രാ​ധ​ന​യിൽനിന്ന്‌ നിങ്ങൾ എങ്ങനെ പ്രയോ​ജ​നം ആസ്വദി​ച്ചി​രി​ക്കു​ന്നു?

¹² കുടും​ബാ​രാ​ധന തന്റെ കുടും​ബ​ത്തെ എങ്ങനെ സഹായി​ച്ചെന്ന്‌ കൗമാ​ര​പ്രാ​യ​ക്കാ​രി​യായ കാരിസ പറയുന്നു: “ഞങ്ങൾ എല്ലാവ​രും ഒരുമി​ച്ചി​രുന്ന്‌ സംസാ​രി​ക്കു​ന്നത്‌ എനിക്ക്‌ ഇഷ്ടമാണ്‌. അത്‌ ഞങ്ങൾക്കി​ട​യി​ലെ ബന്ധം ശക്തമാ​ക്കു​ന്നു, നല്ലനല്ല ഓർമകൾ സമ്മാനി​ക്കു​ന്നു. എന്റെ ഡാഡി കുടും​ബാ​രാ​ധന ഒരിക്ക​ലും മുടക്കാ​റി​ല്ല. ഡാഡി അത്‌ ഗൗരവ​ത്തോ​ടെ കാണു​ന്നത്‌ എനിക്ക്‌ പ്രോ​ത്സാ​ഹ​ന​മേ​കു​ന്നു, അങ്ങനെ ഞാനും കുടും​ബാ​രാ​ധന ഗൗരവ​ത്തോ​ടെ കാണുന്നു. നല്ലൊരു പിതാ​വും ആത്മീയ​കാ​ര്യ​ങ്ങ​ളിൽ നേതൃ​ത്വ​മെ​ടു​ക്കു​ന്ന ഒരാളും എന്ന നിലയിൽ ഡാഡിയെ ആദരി​ക്കാൻ ഇത്‌ എന്നെ സഹായി​ക്കു​ന്നു.” ബ്രിട്‌നി എന്ന ഒരു യുവസ​ഹോ​ദ​രി ഇങ്ങനെ പറയുന്നു: “മാതാ​പി​താ​ക്ക​ളു​മാ​യി അടുക്കാൻ കുടും​ബാ​രാ​ധന എന്നെ സഹായി​ച്ചി​രി​ക്കു​ന്നു. എന്റെ പ്രശ്‌ന​ങ്ങൾ കേൾക്കാൻ അവർക്ക്‌ താത്‌പ​ര്യ​മു​ണ്ടെ​ന്നും അവർ എന്നെക്കു​റിച്ച്‌ ചിന്തയു​ള്ള​വ​രാ​ണെ​ന്നും അത്‌ എന്നെ ബോധ്യ​പ്പെ​ടു​ത്തു​ന്നു. കെട്ടു​റ​പ്പു​ള്ള ഒരു കുടും​ബ​മെന്ന നിലയിൽ ഒത്തൊ​രു​മ​യോ​ടെ പ്രവർത്തി​ക്കാൻ അത്‌ ഞങ്ങളെ സഹായി​ക്കു​ന്നു.” നല്ല ഇടയനാ​യി​രി​ക്കാ​നു​ള്ള ഒരു സുപ്ര​ധാ​ന​മാർഗ​മാണ്‌ നിങ്ങളു​ടെ മക്കളെ ആത്മീയ​മാ​യി പരി​പോ​ഷി​പ്പി​ക്കു​ന്നത്‌, പ്രത്യേ​കിച്ച്‌ കുടും​ബാ​രാ​ധ​ന​യി​ലൂ​ടെ.b

മക്കളെ വഴിന​യി​ക്കു​ക

13. യഹോ​വ​യെ സേവി​ക്കാൻ മക്കളെ എങ്ങനെ പ്രചോ​ദി​പ്പി​ക്കാം?

¹³ ഒരു നല്ല ഇടയൻ തന്റെ കോൽ ഉപയോ​ഗിച്ച്‌ ആട്ടിൻകൂ​ട്ട​ത്തെ നയിക്കു​ക​യും സംരക്ഷി​ക്കു​ക​യും ചെയ്യുന്നു. ഇടയന്റെ ഒരു പ്രധാ​ന​ല​ക്ഷ്യം ആടുകളെ “നല്ല മേച്ചൽപു​റ”ത്തേക്കു നയിച്ചു​കൊ​ണ്ടു​പോ​കുക എന്നതാണ്‌. (യെഹെ. 34:13, 14) ഒരു മാതാ​വോ പിതാ​വോ എന്ന നിലയിൽ, നിങ്ങൾക്കും ആത്മീയാർഥ​ത്തിൽ ഇതേ ലക്ഷ്യമല്ലേ ഉള്ളത്‌? യഹോ​വ​യെ സേവി​ക്കും​വി​ധം മക്കളെ വഴിന​യി​ക്കാൻ നിങ്ങൾ ആഗ്രഹി​ക്കു​ന്നു. പിൻവ​രു​ന്ന​പ്ര​കാ​രം എഴുതിയ സങ്കീർത്ത​ന​ക്കാ​ര​നെ​പ്പോ​ലെ നിങ്ങളു​ടെ മക്കൾക്ക്‌ തോന്ന​ണ​മെ​ന്ന​ല്ലേ നിങ്ങൾ ആഗ്രഹി​ക്കു​ന്നത്‌? “എന്റെ ദൈവമേ, നിന്റെ ഇഷ്ടം ചെയ്‌വാൻ ഞാൻ പ്രിയ​പ്പെ​ടു​ന്നു; നിന്റെ ന്യായ​പ്ര​മാ​ണം എന്റെ ഉള്ളിൽ ഇരിക്കു​ന്നു.” (സങ്കീ. 40:8) സമാന​മാ​യ വിലമ​തിപ്പ്‌ നട്ടുവ​ളർത്തു​ന്ന കുട്ടികൾ തങ്ങളുടെ ജീവിതം യഹോ​വ​യ്‌ക്ക്‌ സമർപ്പിച്ച്‌ സ്‌നാ​ന​മേൽക്കു​ന്നു. എന്നാൽ, ആ തീരു​മാ​ന​മെ​ടു​ക്കാൻ തക്ക പക്വത പ്രാപി​ക്കു​ക​യും യഹോ​വ​യെ സേവി​ക്കാ​നു​ള്ള ആത്മാർഥ​മാ​യ ആഗ്രഹ​മു​ണ്ടാ​വു​ക​യും ചെയ്യു​മ്പോ​ഴാണ്‌ അവർ ആ പടി സ്വീക​രി​ക്കേ​ണ്ടത്‌.

14, 15. (എ) ക്രിസ്‌തീ​യ​മാ​താ​പി​താ​ക്ക​ളു​ടെ ലക്ഷ്യം എന്തായി​രി​ക്ക​ണം? (ബി) കൗമാ​ര​പ്രാ​യ​ക്കാർ സത്യാ​രാ​ധ​ന​യെ​ക്കു​റിച്ച്‌ സംശയം പ്രകടി​പ്പി​ക്കു​ന്നത്‌ എന്തു​കൊ​ണ്ടാ​യി​രി​ക്കാം?

¹⁴ നിങ്ങളു​ടെ മക്കൾ ആത്മീയ​പു​രോ​ഗ​തി വരുത്തു​ന്നി​ല്ലെന്ന്‌ തോന്നു​ന്നെ​ങ്കിൽ എന്തു ചെയ്യാ​നാ​കും? ഇനി, ചില ബൈബിൾപ​ഠി​പ്പി​ക്ക​ലു​കൾപോ​ലും അവർ ചോദ്യം ചെയ്യു​ക​യാ​ണെ​ങ്കി​ലോ? യഹോ​വ​യോ​ടു​ള്ള സ്‌നേ​ഹ​വും അവൻ ചെയ്‌തി​രി​ക്കു​ന്ന കാര്യ​ങ്ങ​ളോ​ടു​ള്ള വിലമ​തി​പ്പും അവരിൽ ഉൾനടാൻ ശ്രമി​ക്കു​ക. (വെളി. 4:11) അങ്ങനെ ചെയ്യു​മ്പോൾ ദൈവത്തെ ആരാധി​ക്കു​ന്ന കാര്യ​ത്തിൽ തക്കസമ​യത്ത്‌ സ്വയം തീരു​മാ​നം എടുക്കാൻ അവർ പ്രാപ്‌ത​രാ​യി​ത്തീ​രും.

¹⁵ എന്നാൽ ദൈവി​ക​നി​ല​വാ​ര​ങ്ങൾക്ക്‌ ചേർച്ച​യിൽ ജീവി​ക്കു​ന്നത്‌ പ്രാ​യോ​ഗി​ക​മാ​ണോ എന്ന്‌ നിങ്ങളു​ടെ മക്കൾ സംശയം പ്രകടി​പ്പി​ക്കു​ന്നെന്ന്‌ കരുതുക. യഹോ​വ​യെ സേവി​ക്കു​ന്ന​താണ്‌ ഏറ്റവും മികച്ച ജീവി​ത​ഗ​തി​യെ​ന്നും അത്‌ നിലനിൽക്കു​ന്ന സന്തോ​ഷ​ത്തിൽ കലാശി​ക്കു​മെ​ന്നും തിരി​ച്ച​റി​യാൻ സഹായി​ച്ചു​കൊണ്ട്‌ ഒരു ഇടയ​നെ​പ്പോ​ലെ നിങ്ങൾക്ക്‌ അവരെ എങ്ങനെ വഴിന​യി​ക്കാ​നാ​കും? അവരുടെ സംശയ​ങ്ങൾക്ക്‌ പുറകി​ലെ യഥാർഥ​കാ​ര​ണം കണ്ടെത്താൻ ശ്രമി​ക്കു​ക. ഉദാഹ​ര​ണ​ത്തിന്‌, നിങ്ങളു​ടെ മകന്‌ ബൈബിൾപ​ഠി​പ്പി​ക്ക​ലു​ക​ളോട്‌ യഥാർഥ​ത്തിൽ വിയോ​ജി​പ്പു​ണ്ടോ, അതോ സഹപാ​ഠി​ക​ളോട്‌ സത്യ​ത്തെ​ക്കു​റിച്ച്‌ സംസാ​രി​ക്കാ​നു​ള്ള ആത്മവി​ശ്വാ​സം ഇല്ലാത്ത​താ​ണോ പ്രശ്‌നം? ദൈവ​ത്തി​ന്റെ നിലവാ​ര​ങ്ങൾക്ക്‌ ചേർച്ച​യിൽ ജീവി​ക്കു​ന്നത്‌ ജ്ഞാനമാ​ണോ എന്ന്‌ നിങ്ങളു​ടെ മകൾക്ക്‌ യഥാർഥ​ത്തിൽ സംശയ​മു​ണ്ടോ, അതോ മറ്റുള്ളവർ അവളെ ഒറ്റപ്പെ​ടു​ത്തു​ന്ന​താ​ണോ അവളുടെ പ്രശ്‌നം?

16, 17. സത്യം സ്വന്തമാ​ക്കാൻ മാതാ​പി​താ​ക്കൾക്ക്‌ മക്കളെ ഏതു വിധങ്ങ​ളിൽ സഹായി​ക്കാ​നാ​കും?

¹⁶ അടിസ്ഥാ​ന​കാ​ര​ണം എന്തുത​ന്നെ​യാ​യി​രു​ന്നാ​ലും, സംശയങ്ങൾ വേരോ​ടെ പിഴു​തു​ക​ള​യാൻ നിങ്ങൾക്ക്‌ നിങ്ങളു​ടെ കുട്ടിയെ സഹായി​ക്കാൻ കഴിയും. എങ്ങനെ? അനേകം മാതാ​പി​താ​ക്കൾ പ്രാ​യോ​ഗി​ക​വും ഫലപ്ര​ദ​വും ആയി കണ്ടെത്തിയ ഒരു മാർഗം, പിൻവ​രു​ന്ന​തു​പോ​ലുള്ള ചോദ്യ​ങ്ങൾ ചോദി​ച്ചു​കൊണ്ട്‌ മകന്റെ​യോ മകളു​ടെ​യോ ഉള്ളറി​യു​ക എന്നതാണ്‌: “ഒരു ക്രിസ്‌ത്യാ​നി​യാ​യി​രി​ക്കു​ന്ന​തി​നെ​പ്പറ്റി എന്താണ്‌ നിന്റെ അഭി​പ്രാ​യം? അതു​കൊണ്ട്‌ നിനക്ക്‌ എന്തെല്ലാം നേട്ടങ്ങ​ളുണ്ട്‌? എന്തൊ​ക്കെ​യാണ്‌ അതു​കൊ​ണ്ടു​ള്ള നഷ്ടങ്ങൾ? ഇപ്പോ​ഴു​ള്ള​തും ഭാവി​യിൽ ലഭിക്കാ​നി​രി​ക്കു​ന്ന​തു​മായ നേട്ടങ്ങൾ, നഷ്ടങ്ങ​ളെ​ക്കാൾ വളരെ അധിക​മാ​ണെന്ന്‌ നീ തിരി​ച്ച​റി​യു​ന്നു​ണ്ടോ? എന്തു​കൊണ്ട്‌?” നിങ്ങൾ ഈ ചോദ്യ​ങ്ങൾ താത്‌പ​ര്യ​ത്തോ​ടെ, സ്വന്തം വാക്കു​ക​ളിൽ, ദയാപൂർവം ചോദി​ക്ക​ണം. അവരെ ചോദ്യം ചെയ്യു​ക​യാ​ണെന്ന്‌ തോന്ന​രുത്‌. സംഭാ​ഷ​ണ​ത്തിന്‌ ഇടയിൽ മർക്കോസ്‌ 10:29, 30 നിങ്ങൾക്ക്‌ ചർച്ച ചെയ്യാ​വു​ന്ന​താണ്‌. ചില യുവാക്കൾ നേട്ടവും നഷ്ടവും കോളം​തി​രിച്ച്‌ എഴുതാൻ ആഗ്രഹി​ച്ചേ​ക്കാം. ഈ രീതി​യിൽ എഴുതി വിലയി​രു​ത്തു​ന്നത്‌ അവർക്കുള്ള പ്രശ്‌ന​ങ്ങൾ തിരി​ച്ച​റി​യാ​നും പരിഹ​രി​ക്കാ​നും സഹായ​ക​മാ​കും. ബൈബിൾ പഠിപ്പി​ക്കു​ന്നു പുസ്‌ത​ക​വും ‘ദൈവ​സ്‌നേ​ഹം’ പുസ്‌ത​ക​വും ബൈബിൾവി​ദ്യാർഥി​ക​ളു​മാ​യി ചർച്ച ചെയ്യേ​ണ്ട​തി​ന്റെ പ്രാധാ​ന്യം നമുക്ക്‌ അറിയാം. അങ്ങനെ​യെ​ങ്കിൽ, നമ്മുടെ സ്വന്തം മക്കളു​മാ​യി അവ പഠി​ക്കേ​ണ്ടത്‌ എത്രയ​ധി​കം പ്രധാ​ന​മാണ്‌! നിങ്ങൾ അത്‌ ചെയ്യു​ന്നു​ണ്ടോ?

¹⁷ ആരെ സേവി​ക്ക​ണം എന്നത്‌ സംബന്ധിച്ച്‌ നിങ്ങളു​ടെ മക്കൾ സ്വയം തീരു​മാ​ന​മെ​ടു​ക്കേണ്ട സമയം വരും. നിങ്ങളു​ടെ വിശ്വാ​സം അവർ സ്വതവേ ‘ആഗിരണം’ ചെയ്‌തു​കൊ​ള്ളു​മെന്ന്‌ കരുത​രുത്‌. ഓരോ വ്യക്തി​യും സത്യം സ്വന്തമാ​ക്കേ​ണ്ട​തുണ്ട്‌. (സദൃ. 3:1, 2) ഇതുവ​രെ​യും നിങ്ങളു​ടെ കുട്ടി സത്യം സ്വന്തമാ​ക്കി​യി​ട്ടി​ല്ലെന്ന്‌ തോന്നു​ന്നെ​ങ്കിൽ അടിസ്ഥാ​ന​കാ​ര്യ​ങ്ങൾ അവനു​മാ​യി വീണ്ടും ചർച്ച ചെയ്യേ​ണ്ട​തു​ണ്ടാ​യി​രി​ക്കാം. പിൻവ​രു​ന്ന ചോദ്യ​ങ്ങ​ളെ​ക്കു​റിച്ച്‌ യുക്തി​സ​ഹ​മാ​യി ചിന്തി​ക്കാൻ നിങ്ങളു​ടെ മകനെ​യോ മകളെ​യോ സഹായി​ക്കു​ക: ദൈവ​മു​ണ്ടെന്ന്‌ എനിക്ക്‌ എങ്ങനെ അറിയാം? യഹോ​വ​യാം ദൈവം എന്നെ വില​പ്പെ​ട്ട​വ​നാ​യി കരുതു​ന്നു​ണ്ടെന്ന്‌ എന്നെ ബോധ്യ​പ്പെ​ടു​ത്തു​ന്നത്‌ എന്താണ്‌? യഹോ​വ​യു​ടെ നിലവാ​ര​ങ്ങൾ പിൻപ​റ്റു​ന്നത്‌ എന്റെ നന്മയിൽ കലാശി​ക്കു​മെന്ന്‌ ഞാൻ വിശ്വ​സി​ക്കു​ന്നത്‌ എന്തു​കൊണ്ട്‌? യഹോ​വ​യു​ടെ വഴിയാണ്‌ ഏറ്റവും മികച്ച ജീവി​ത​ഗ​തി​യെന്ന്‌ നിങ്ങളു​ടെ കുട്ടിക്ക്‌ ബോധ്യം വരാൻ അവനെ​യോ അവളെ​യോ ക്ഷമാപൂർവം സഹായി​ച്ചു​കൊണ്ട്‌ നിങ്ങൾ ഒരു നല്ല ഇടയനാ​ണെന്ന്‌ തെളി​യി​ക്കു​ക.c—റോമ. 12:2.

18. മാതാ​പി​താ​ക്കൾക്ക്‌ മഹായി​ട​യ​നാ​യ യഹോ​വ​യെ എങ്ങനെ അനുക​രി​ക്കാം?

¹⁸ എല്ലാ സത്യ​ക്രി​സ്‌ത്യാ​നി​ക​ളും മഹാനായ ഇടയനെ അനുക​രി​ക്കാൻ ആഗ്രഹി​ക്കു​ന്നു. (എഫെ. 5:1; 1 പത്രോ. 2:25) വിശേ​ഷാൽ മാതാ​പി​താ​ക്കൾ തങ്ങളുടെ ആട്ടിൻകൂ​ട്ട​ത്തി​ന്റെ—പ്രിയ​മ​ക്ക​ളു​ടെ—അവസ്ഥ അറി​യേ​ണ്ട​തുണ്ട്‌. യഹോവ കരുതി​വെ​ച്ചി​രി​ക്കു​ന്ന അനു​ഗ്ര​ഹ​ങ്ങ​ളി​ലേക്ക്‌ മക്കളെ വഴിന​യി​ക്കാൻ ആവശ്യ​മാ​യ​തെ​ല്ലാം അവർ ചെയ്യണം. അതു​കൊണ്ട്‌ മാതാ​പി​താ​ക്ക​ളേ, നിങ്ങളു​ടെ മക്കളെ സത്യത്തി​ന്റെ മാർഗ​ത്തിൽ വളർത്തി​ക്കൊ​ണ്ടു​വ​രാൻ പരമാ​വ​ധി യത്‌നി​ച്ചു​കൊണ്ട്‌ കുഞ്ഞാ​ടു​ക​ളെ​പ്പോ​ലെ അവരെ മേയ്‌ക്കു​ക!