ശുശ്രൂ​ഷ​യി​ലെ നിങ്ങളു​ടെ തീക്ഷ്‌ണത നിലനി​റു​ത്തുക

ഇന്ന്‌ ഭൂമി​യിൽ നടക്കുന്ന ഏറ്റവും പ്രധാ​ന​പ്പെട്ട വേലയാണ്‌ സുവാർത്താ പ്രസം​ഗ​വേല. യഹോ​വ​യു​ടെ വിശ്വ​സ്‌ത​ദാ​സ​രിൽപ്പെട്ട നിങ്ങൾ ശിഷ്യ​രാ​ക്കൽവേ​ല​യിൽ പങ്കെടു​ക്കാൻ കഴിയു​ന്ന​തി​നെ വലി​യൊ​രു ബഹുമ​തി​യാ​യി​ട്ടാണ്‌ കരുതു​ന്നത്‌ എന്നതിൽ സംശയ​മി​ല്ല. എന്നാൽ, ശുശ്രൂ​ഷ​യിൽ തീക്ഷ്‌ണത നിലനി​റു​ത്തു​ന്ന​തിൽ, പയനി​യർമാ​രാ​യാ​ലും പ്രസാ​ധ​ക​രാ​യാ​ലും മിക്ക​പ്പോ​ഴും​ത​ന്നെ വെല്ലു​വി​ളി​കൾ നേരി​ടു​ന്നു​ണ്ടെന്ന്‌ നിങ്ങൾക്ക​റി​യാം.

വീടു​തോ​റു​മുള്ള ശുശ്രൂ​ഷ​യിൽ ശ്രദ്ധി​ക്കു​ന്ന ഒരു കാത്‌ കണ്ടെത്താൻ ചില പ്രസാ​ധ​കർ വളരെ ബുദ്ധി​മു​ട്ടു​ന്നു. പലയി​ട​ത്തും ആളില്ലാ​ഭ​വ​ന​ങ്ങ​ളാണ്‌ അധിക​വും. ഇനി ആളുകൾ ഉണ്ടെങ്കിൽത്ത​ന്നെ പലർക്കും രാജ്യ​സ​ന്ദേ​ശ​ത്തോട്‌ താത്‌പ​ര്യ​മി​ല്ല. ചിലർക്കാ​ക​ട്ടെ കടുത്ത എതിർപ്പു​മാണ്‌. മറ്റു ചിലർക്ക്‌ പ്രവർത്തി​ക്കാൻ വിസ്‌തൃ​ത​മാ​യ പ്രദേ​ശ​ങ്ങ​ളുണ്ട്‌, അവിടെ കേൾക്കാൻ ചായ്‌വു​ള്ള അനേകം ആളുക​ളു​മുണ്ട്‌. ആ പ്രദേ​ശ​ങ്ങ​ളി​ലെ പ്രസാ​ധ​കർ പ്രദേശം എന്നെങ്കി​ലും പ്രവർത്തിച്ച്‌ തീരു​മോ​യെന്ന്‌ ആശങ്ക​പ്പെ​ടു​ന്നു. ഇനിയും മറ്റു ചില പ്രസാ​ധ​ക​രാ​ക​ട്ടെ, വേല ഇത്രയും കാലം നീണ്ടു​പോ​കു​മെന്ന്‌ ഒരിക്ക​ലും കരുതി​യി​രു​ന്നി​ല്ല. തന്മൂലം അനേക​വർഷ​ങ്ങ​ളാ​യി സുവാർത്ത പ്രസം​ഗി​ച്ചു​വ​രു​ന്ന അവരിൽ ചിലർ നിരു​ത്സാ​ഹി​ത​രാണ്‌.

യഹോ​വ​യു​ടെ ജനത്തിൽ എല്ലാവർക്കും​ത​ന്നെ, തീക്ഷ്‌ണത കെടു​ത്തി​ക്ക​ള​യു​ന്ന എന്തെങ്കി​ലു​മൊ​ക്കെ വെല്ലു​വി​ളി​കൾ നേരി​ടേ​ണ്ടി​വ​രു​ന്നു എന്നതിൽ അതിശ​യി​ക്കാ​നു​ണ്ടോ? ഒരിക്ക​ലു​മി​ല്ല. എന്തിന്‌, പിശാ​ചാ​യ സാത്താൻ എന്ന “ദുഷ്ടന്റെ” അധീന​ത​യിൽ കിടക്കുന്ന ഈ ലോക​ത്തിൽ, ദൈവ​ത്തിൽനി​ന്നു​ള്ള ജീവദാ​യക സന്ദേശം ഘോഷി​ക്കു​ക എളുപ്പ​മാ​യി​രി​ക്കു​മെന്ന്‌ നമ്മിൽ ആരാണ്‌ പ്രതീ​ക്ഷി​ക്കു​ക!—1 യോഹ. 5:19.

സുവാർത്ത പ്രസം​ഗി​ക്കു​ന്ന​തിൽ വ്യക്തി​പ​ര​മാ​യി നിങ്ങൾ നേരി​ടു​ന്ന പ്രശ്‌ന​ങ്ങൾ എന്തുത​ന്നെ​യാ​യി​രു​ന്നാ​ലും അതി​നെ​യെ​ല്ലാം മറിക​ട​ക്കാൻ യഹോവ നിങ്ങളെ സഹായി​ക്കും എന്ന്‌ ഉറപ്പു​ള്ള​വ​രാ​യി​രി​ക്കുക. അങ്ങനെ​യെ​ങ്കിൽ, ക്രിസ്‌തീ​യ​ശു​ശ്രൂ​ഷ​യി​ലെ തീക്ഷ്‌ണത വർധി​പ്പി​ക്കാൻ നിങ്ങൾക്ക്‌ എന്തു ചെയ്യാ​നാ​കും? ചില നിർദേ​ശ​ങ്ങൾ നമുക്ക്‌ പരിചി​ന്തി​ക്കാം.

അനുഭ​വ​പ​രി​ച​യം കുറഞ്ഞ​വ​രെ സഹായി​ക്കു​ക

വർഷ​ന്തോ​റും ആയിര​ങ്ങ​ളാണ്‌ യഹോ​വ​യു​ടെ സാക്ഷി​ക​ളാ​യി സ്‌നാ​ന​മേൽക്കു​ന്നത്‌. അടുത്ത​കാ​ലത്ത്‌ ദൈവ​ത്തിന്‌ സമർപ്പിച്ച്‌ സ്‌നാ​ന​മേറ്റ ഒരു വ്യക്തി​യാണ്‌ നിങ്ങ​ളെ​ങ്കിൽ, ഏറെക്കാ​ല​മാ​യി പ്രസം​ഗ​വേല ചെയ്‌തു​വ​രു​ന്ന​വ​രു​ടെ അനുഭ​വ​പ​രി​ച​യ​ത്തിൽനിന്ന്‌ നിങ്ങൾ പ്രയോ​ജ​നം നേടു​മെ​ന്ന​തിൽ സംശയ​മി​ല്ല. ഇനി നിങ്ങൾത​ന്നെ വർഷങ്ങ​ളാ​യി ഒരു രാജ്യ​പ്ര​സാ​ധ​ക​നാ​ണെ​ങ്കിൽ, പുതി​യ​വ​രെ പരിശീ​ലി​പ്പി​ക്കാൻ നിങ്ങൾ ആഗ്രഹി​ക്കി​ല്ലേ? തീർച്ച​യാ​യും അത്‌ ഉചിത​വും പ്രതി​ഫ​ല​ദാ​യ​ക​വും ആയിരി​ക്കും.

തന്റെ ശിഷ്യ​ന്മാർ കഴിവുറ്റ സുവി​ശേ​ഷ​ക​രാ​യി​ത്തീ​ര​ണ​മെ​ങ്കിൽ അവർക്ക്‌ നിർദേ​ശ​ങ്ങൾ ആവശ്യ​മാ​ണെന്ന്‌ യേശു​വിന്‌ അറിയാ​മാ​യി​രു​ന്നു. അതു​കൊ​ണ്ടു​ത​ന്നെ വേല എങ്ങനെ നിർവ​ഹി​ക്ക​ണം എന്ന്‌ യേശു അവർക്ക്‌ കാണി​ച്ചു​കൊ​ടു​ത്തു. (ലൂക്കോ. 8:1) ഇന്നും, വൈദ​ഗ്‌ധ്യ​മു​ള്ള ശുശ്രൂ​ഷ​ക​രാ​യി​ത്തീ​രാൻ ആളുകൾക്ക്‌ പരിശീ​ല​നം ആവശ്യ​മാണ്‌.

ശുശ്രൂ​ഷ​യിൽ കേവലം പങ്കുപ​റ്റു​ന്ന​തി​ലൂ​ടെ മാത്രം ഒരു പുതിയ പ്രസാ​ധ​കൻ പഠിപ്പി​ക്കൽപ്രാ​പ്‌തി​കൾ ആർജി​ച്ചു​കൊ​ള്ളു​മെന്ന്‌ നാം ഒരിക്ക​ലും നിഗമനം ചെയ്യരുത്‌. ശുശ്രൂ​ഷ​യിൽ അനുഭ​വ​പ​രി​ച​യ​മു​ള്ള ഒരു വ്യക്തി​യു​ടെ സ്‌നേ​ഹ​ത്തോ​ടും ദയയോ​ടും കൂടെ​യു​ള്ള സഹായം ആ വ്യക്തിക്ക്‌ ആവശ്യ​മാണ്‌. അത്തരം പരിശീ​ല​ന​ത്തിൽ എന്തെല്ലാ​മാണ്‌ ഉൾപ്പെ​ട്ടി​രി​ക്കു​ന്നത്‌? എങ്ങനെ (1) ഒരു അവതരണം തയ്യാറാ​കാ​നും പരിശീ​ലി​ക്കാ​നും കഴിയും, (2) വീടു​തോ​റും അനൗപ​ചാ​രി​ക​മാ​യും സാക്ഷീ​ക​രി​ക്കാ​നാ​കും, (3) പ്രസി​ദ്ധീ​ക​ര​ണ​ങ്ങൾ സമർപ്പി​ക്കാം, (4) മടക്കസ​ന്ദർശ​ന​ങ്ങൾ നടത്താം, (5) ഒരു ബൈബി​ള​ധ്യ​യ​നം ആരംഭി​ക്കാം എന്നെല്ലാം അനുഭ​വ​പ​രി​ച​യം കുറഞ്ഞ പ്രസാ​ധ​കർക്ക്‌ കാണി​ച്ചു​കൊ​ടു​ക്കു​ന്ന​താണ്‌ അതിൽ ഉൾപ്പെ​ടു​ന്നത്‌. ശുശ്രൂ​ഷ​യിൽ പരിശീ​ല​കൻ പിൻപ​റ്റു​ന്ന രീതികൾ നിരീ​ക്ഷി​ക്കു​ക​യും അനുക​രി​ക്കു​ക​യും ചെയ്യു​ന്നെ​ങ്കിൽ പരിശീ​ല​നം നേടുന്ന വ്യക്തി അതിൽനിന്ന്‌ പ്രയോ​ജ​നം അനുഭ​വി​ക്കും. (ലൂക്കോ. 6:40) തന്നെ ശ്രദ്ധി​ക്കു​ന്ന, ആവശ്യ​മാ​യ സന്ദർഭ​ങ്ങ​ളിൽ സഹായി​ക്കു​ന്ന ഒരു വ്യക്തി കൂടെ​യു​ണ്ടാ​യി​രി​ക്കു​ന്നത്‌ ഒരു പുതിയ പ്രസാ​ധ​കൻ വിലമ​തി​ക്കും എന്നതിന്‌ സംശയ​മി​ല്ല. കൂടാതെ, തനിക്കു ലഭിക്കുന്ന അഭിന​ന്ദ​ന​വാ​ക്കു​ക​ളിൽനി​ന്നും സഹായ​ക​മാ​യ നിർദേ​ശ​ങ്ങ​ളിൽനി​ന്നും ആ പ്രസാ​ധ​കൻ പ്രയോ​ജ​നം നേടും.—സഭാ. 4:9, 10.

ശുശ്രൂ​ഷ​യി​ലെ സഹകാ​രി​യു​മാ​യി സംസാ​രി​ക്കു​ക

വീട്ടു​കാ​രു​മാ​യി നല്ല ചർച്ചകൾ നടത്താൻ നാം ശ്രമി​ക്കാ​റുണ്ട്‌. എന്നാൽ ചില ദിവസ​ങ്ങ​ളിൽ, കൂടെ​യു​ള്ള സഹോ​ദ​ര​നോ​ടോ സഹോ​ദ​രി​യോ​ടോ സംസാ​രി​ച്ച​താ​യി​രി​ക്കാം അന്ന്‌ ആസ്വദിച്ച ഏറ്റവും മികച്ച സംഭാ​ഷ​ണം. യേശു തന്റെ ശിഷ്യ​ന്മാ​രെ “ഈരണ്ടാ​യി”ട്ടാണ്‌ സുവാർത്ത പ്രസം​ഗി​ക്കാൻ അയച്ച​തെന്ന്‌ ഓർക്കുക. (ലൂക്കോ. 10:1) ഒരുമി​ച്ചു പ്രവർത്തി​ച്ച​പ്പോൾ പരസ്‌പ​രം പ്രോ​ത്സാ​ഹി​പ്പി​ക്കാ​നും പ്രചോ​ദ​നം പകരാ​നും അവർക്ക്‌ കഴിഞ്ഞു. അതു​കൊണ്ട്‌ സഹവി​ശ്വാ​സി​യു​മാ​യി ശുശ്രൂ​ഷ​യിൽ ചെലവി​ടു​ന്ന സമയം ‘പ്രോ​ത്സാ​ഹന കൈമാ​റ്റ​ത്തി​നു​ള്ള’ നല്ല ഒരു അവസരം നമുക്കു നൽകുന്നു.—റോമ. 1:12.

നിങ്ങൾക്ക്‌ എന്തെല്ലാം കാര്യ​ങ്ങ​ളെ​ക്കു​റിച്ച്‌ സംസാ​രി​ക്കാൻ കഴിയും? നിങ്ങളിൽ ആർക്കെ​ങ്കി​ലും അടുത്തി​ടെ ശുശ്രൂ​ഷ​യിൽ പ്രോ​ത്സാ​ഹ​ജ​ന​ക​മാ​യ ഒരു അനുഭ​വ​മു​ണ്ടാ​യോ? വ്യക്തി​പ​ര​മാ​യ പഠനത്തി​ലോ കുടും​ബാ​രാ​ധ​ന​യി​ലോ താത്‌പ​ര്യ​ജ​ന​ക​മാ​യ എന്തെങ്കി​ലും ആശയം നിങ്ങൾ കണ്ടെത്തി​യി​രു​ന്നോ? യോഗ​ത്തിൽ കേട്ട ഏതെങ്കി​ലും കാര്യം നിങ്ങൾക്ക്‌ പ്രോ​ത്സാ​ഹ​നം പകരു​ക​യു​ണ്ടാ​യോ? നിങ്ങ​ളോ​ടൊ​പ്പം പ്രവർത്തി​ക്കു​ന്ന ആൾ ചില​പ്പോൾ നിങ്ങളു​ടെ സ്ഥിരം സഹകാ​രി​യ​ല്ലാ​യി​രി​ക്കാം. ആ സഹോ​ദ​ര​നോ സഹോ​ദ​രി​യോ സത്യം സ്വീക​രി​ക്കാൻ ഇടയാ​യത്‌ എങ്ങനെ​യാ​ണെ​ന്നു നിങ്ങൾക്ക്‌ അറിയാ​മോ? ഇത്‌ യഹോ​വ​യു​ടെ സംഘട​ന​യാ​ണെന്ന്‌ ആ പ്രസാ​ധ​ക​നെ/പ്രസാ​ധി​ക​യെ ബോധ്യ​പ്പെ​ടു​ത്തി​യത്‌ എന്താണ്‌? എന്തൊക്കെ പദവികൾ ആ വ്യക്തി ആസ്വദി​ച്ചി​ട്ടുണ്ട്‌? എന്തെല്ലാം അനുഭ​വ​ങ്ങ​ളു​ണ്ടാ​യി​ട്ടുണ്ട്‌? ഒരുപക്ഷേ, യഹോ​വ​യു​ടെ സേവന​ത്തിൽ നിങ്ങൾക്കു​ണ്ടാ​യ ചില അനുഭ​വ​ങ്ങ​ളും പങ്കു​വെ​ക്കാൻ കഴിയും. വയൽസേ​വ​ന​ത്തിൽ ലഭിക്കുന്ന പ്രതി​ക​ര​ണം എന്തുമാ​യി​ക്കൊ​ള്ള​ട്ടെ, ഒരു സഹവി​ശ്വാ​സി​യോ​ടൊ​പ്പം ശുശ്രൂ​ഷ​യി​ലാ​യി​രി​ക്കു​ന്നത്‌ ‘അന്യോ​ന്യം ആത്മീയ​വർധന വരുത്താൻ’ നമുക്ക്‌ സവി​ശേ​ഷ​മാ​യ ഒരു അവസരം തരുന്നു.—1 തെസ്സ. 5:11.

നല്ല പഠനശീ​ലം നിലനി​റു​ത്തു​ക

ശുശ്രൂ​ഷ​യി​ലെ ശുഷ്‌കാ​ന്തി നിലനി​റു​ത്താൻ നല്ല പഠനശീ​ലം നട്ടുവ​ളർത്തു​ന്ന​തും അതി​നോ​ടു പറ്റിനിൽക്കു​ന്ന​തും പ്രധാ​ന​മാണ്‌. “വിശ്വ​സ്‌ത​നും വിവേ​കി​യു​മാ​യ അടിമ” അനവധി​യാ​യ വിഷയ​ങ്ങ​ളെ​ക്കു​റി​ച്ചു​ള്ള വിവരങ്ങൾ പ്രസി​ദ്ധീ​ക​രി​ക്കു​ന്നുണ്ട്‌. (മത്താ. 24:45) അതു​കൊണ്ട്‌ ആത്മീയ​ഭ​ക്ഷ​ണ​ത്തി​നാ​യി വൈവി​ധ്യ​മാർന്ന പഠനവി​ഷ​യ​ങ്ങൾ നിങ്ങൾക്ക്‌ ലഭ്യമാണ്‌. വ്യക്തി​പ​ര​മാ​യ പഠനത്തിന്‌ അനു​യോ​ജ്യ​മാ​യ ഒരു നല്ല വിഷയ​ത്തെ​ക്കു​റി​ച്ചു നമുക്കു പരിചി​ന്തി​ക്കാം: രാജ്യ​പ്ര​സം​ഗ​വേല വളരെ പ്രാധാ​ന്യം അർഹി​ക്കു​ന്ന ഒന്നായി​രി​ക്കു​ന്നത്‌ എന്തു​കൊണ്ട്‌? 16-ാം പേജിലെ ചതുരം അതിന്റെ ചില കാരണങ്ങൾ ചൂണ്ടി​ക്കാ​ണി​ക്കു​ന്നു.

ചതുര​ത്തിൽ കൊടു​ത്തി​രി​ക്കു​ന്ന ആശയങ്ങ​ളെ​ക്കു​റി​ച്ചു ചിന്തി​ക്കു​ന്നത്‌ പ്രസം​ഗ​വേ​ല​യിൽ തീക്ഷ്‌ണ​ത​യോ​ടെ മുന്നേ​റു​ന്ന​തിൽ തുടരാൻ നിങ്ങളെ പ്രചോ​ദി​പ്പി​ക്കും. ഈ വേലയിൽ അവിരാ​മം തുടരു​ന്ന​തിന്‌ കൂടു​ത​ലാ​യി മറ്റെന്തു കാരണ​ങ്ങ​ളാണ്‌ നമുക്കു​ള്ളത്‌ എന്ന്‌ കണ്ടെത്താൻ നിങ്ങൾക്ക്‌ ഇത്‌ ഒരു പഠനവി​ഷ​യ​മാ​ക്കി​ക്കൂ​ടേ? എന്നിട്ട്‌ ആ കാരണ​ങ്ങ​ളെ​യും അവയെ പിന്താ​ങ്ങു​ന്ന തിരു​വെ​ഴു​ത്തു​ക​ളെ​യും കുറിച്ച്‌ ധ്യാനി​ക്കു​ക. ഇങ്ങനെ ചെയ്യു​ന്നത്‌ ശുശ്രൂ​ഷ​യി​ലെ നിങ്ങളു​ടെ തീക്ഷ്‌ണത പൂർവാ​ധി​കം വർധി​പ്പി​ക്കു​മെ​ന്ന​തിൽ സംശയം​വേ​ണ്ടാ.

തുറന്ന മനസ്സോ​ടെ നിർദേ​ശ​ങ്ങൾ സ്വീക​രി​ക്കു​ക

യഹോ​വ​യു​ടെ സംഘടന, ശുശ്രൂഷ മെച്ച​പ്പെ​ടു​ത്താ​നു​ള്ള നിർദേ​ശ​ങ്ങൾ ക്രമമാ​യി നമുക്ക്‌ നൽകു​ന്നുണ്ട്‌. വീടു​തോ​റു​മു​ള്ള വേല കൂടാതെ നാം കത്തുക​ളി​ലൂ​ടെ​യും ടെലി​ഫോൺ മുഖാ​ന്ത​ര​വും സാക്ഷീ​ക​ര​ണം നടത്തുന്നു. തെരു​വു​ക​ളി​ലും മറ്റു പൊതു​സ്ഥ​ല​ങ്ങ​ളി​ലും ബിസി​നെസ്സ്‌ പ്രദേ​ശ​ങ്ങ​ളി​ലും നാം ഔപചാ​രി​ക​മാ​യും അനൗപ​ചാ​രി​ക​മാ​യും ആളുക​ളോട്‌ സുവാർത്ത പറയുന്നു. കൂടാതെ, അധികം പ്രവർത്തി​ച്ചി​ട്ടി​ല്ലാ​ത്ത പ്രദേ​ശ​ങ്ങ​ളിൽ സാക്ഷ്യം നൽകുക എന്ന ലക്ഷ്യത്തിൽ നമ്മുടെ കാര്യാ​ദി​കൾ ക്രമ​പ്പെ​ടു​ത്താ​നും നമുക്കു കഴി​ഞ്ഞേ​ക്കും.

ഈ നിർദേ​ശ​ങ്ങൾ ഒരു തുറന്ന മനസ്സോ​ടെ നിങ്ങൾ സ്വീക​രി​ക്കു​ന്നു​ണ്ടോ? ഇവയിൽ ചിലത്‌ ഇതി​നോ​ട​കം നിങ്ങൾ പരീക്ഷി​ച്ചു​നോ​ക്കി​യോ? അങ്ങനെ ചെയ്‌തു​നോ​ക്കി​യ അനേകർ അത്‌ ഉളവാ​ക്കു​ന്ന സത്‌ഫ​ല​ങ്ങൾ നിമിത്തം വളരെ​യ​ധി​കം സന്തോഷം ആസ്വദി​ച്ചി​രി​ക്കു​ന്നു. ഈ മൂന്ന്‌ ഉദാഹ​ര​ണ​ങ്ങൾ നോക്കുക.

ബൈബി​ള​ധ്യ​യ​നങ്ങൾ ആരംഭി​ക്കു​ന്ന​തിന്‌ നമ്മുടെ രാജ്യ​ശു​ശ്രൂ​ഷ​യു​ടെ ഒരു ലക്കം നൽകിയ നിർദേ​ശം പരീക്ഷി​ച്ചു​നോ​ക്കി​യ​പ്പോൾ ലഭിച്ച ഫലത്തെ​ക്കു​റി​ച്ചാണ്‌ ആദ്യത്തെ ഉദാഹ​ര​ണം. ഈ നിർദേ​ശം ലഭിച്ച​പ്പോൾ, ഏപ്രിൽ എന്നു പേരുള്ള ഒരു സഹോ​ദ​രി തന്റെ മൂന്നു സഹപ്ര​വർത്ത​ക​രോട്‌ ബൈബി​ള​ധ്യ​യന ക്രമീ​ക​ര​ണ​ത്തെ​ക്കു​റിച്ച്‌ പറയാൻ തീരു​മാ​നി​ച്ചു. അവർ മൂവരും ഒരു​പോ​ലെ ബൈബി​ള​ധ്യ​യ​നം സ്വീക​രി​ക്കു​ക​യും ക്രിസ്‌തീ​യ യോഗ​ങ്ങൾക്ക്‌ വരാൻ തുടങ്ങു​ക​യും ചെയ്‌ത​പ്പോൾ സഹോ​ദ​രി ശരിക്കും അത്ഭുത​പ്പെ​ട്ടു​പോ​യി. അവൾക്ക്‌ തന്റെ സന്തോഷം പറഞ്ഞറി​യി​ക്കാ​നാ​യി​ല്ല!

മാസികാ സമർപ്പ​ണ​ത്തെ​ക്കു​റി​ച്ചു​ള്ള​താണ്‌ രണ്ടാമത്തെ ഉദാഹ​ര​ണം. നമ്മുടെ മാസി​ക​ക​ളി​ലെ ചില പ്രത്യേക വിഷയ​ങ്ങ​ളോട്‌ താത്‌പ​ര്യം കാണി​ച്ചേ​ക്കാ​വു​ന്ന ആളുകളെ തിരഞ്ഞ്‌ കണ്ടെത്താൻ സംഘടന നമ്മെ പ്രോ​ത്സാ​ഹി​പ്പി​ച്ചി​ട്ടുണ്ട്‌. ഐക്യ​നാ​ടു​ക​ളി​ലെ ഒരു സർക്കിട്ട്‌ മേൽവി​ചാ​ര​ക​ന്റേ​താണ്‌ പിൻവ​രു​ന്ന അനുഭവം. ഉണരുക! മാസി​ക​യിൽ ടയറു​ക​ളെ​ക്കു​റിച്ച്‌ ഒരു ലേഖനം വന്നപ്പോൾ, ഒരു പ്രദേ​ശ​ത്തു​ണ്ടാ​യി​രു​ന്ന എല്ലാ ടയർ വ്യാപാ​രി​കൾക്കും അദ്ദേഹം ഓരോ പ്രതി കൊണ്ടു​പോ​യി നൽകി. അതു​പോ​ലെ, “നിങ്ങളു​ടെ ഡോക്‌ട​റെ മനസ്സി​ലാ​ക്കു​ക” എന്ന വിഷയ​ത്തിൽ ഒരു ലേഖന​പ​ര​മ്പര വന്നപ്പോൾ, അദ്ദേഹ​വും ഭാര്യ​യും കൂടി സർക്കി​ട്ടി​ലെ 100-ലധികം ഡോക്‌ടർമാ​രു​ടെ പക്കൽ ആ മാസിക എത്തിച്ചു. അദ്ദേഹം പറയുന്നു: “ആ സന്ദർശ​ന​ങ്ങൾ നമ്മെയും നമ്മുടെ സാഹി​ത്യ​ത്തെ​യും പരിച​യ​പ്പെ​ടു​ത്താൻ മികച്ച അവസര​ങ്ങ​ളാ​യി​രു​ന്നു. അവി​ടെ​യു​ള്ള​വ​രു​മാ​യി സൗഹൃദം സ്ഥാപി​ച്ചെ​ടു​ത്ത ശേഷം അവരു​മാ​യി വീണ്ടും ബന്ധപ്പെ​ടാൻ ഞങ്ങൾക്ക്‌ കഴിഞ്ഞി​രി​ക്കു​ന്നു.”

മൂന്നാ​മ​ത്തെ ഉദാഹ​ര​ണം ടെലി​ഫോൺ സാക്ഷീ​ക​ര​ണ​ത്തെ​ക്കു​റി​ച്ചു​ള്ള​താണ്‌. ടെലി​ഫോൺ സാക്ഷീ​ക​ര​ണം നടത്താൻ സംഘടന നൽകിയ പ്രോ​ത്സാ​ഹ​ന​ത്തി​നു നന്ദി പറഞ്ഞു​കൊണ്ട്‌ ജൂഡി എന്നു പേരുള്ള ഒരു സഹോ​ദ​രി ലോകാ​സ്ഥാ​ന​ത്തേക്ക്‌ ഒരു കത്ത്‌ എഴുതി. സഹോ​ദ​രി​യു​ടെ 86 വയസ്സുള്ള അമ്മയ്‌ക്ക്‌ പല ആരോ​ഗ്യ​പ്ര​ശ്‌ന​ങ്ങ​ളു​ണ്ടെ​ങ്കി​ലും വിശു​ദ്ധ​സേ​വ​ന​ത്തി​ന്റെ ഈ മേഖല​യിൽ ക്രമമാ​യി പങ്കുപ​റ്റു​ന്നു​ണ്ടെന്ന്‌ സഹോ​ദ​രി പറഞ്ഞു. ടെലി​ഫോ​ണി​ലൂ​ടെ ബൈബി​ള​ധ്യ​യ​നം നടത്താ​നാ​കു​ന്ന​തിൽ സഹോ​ദ​രി​യു​ടെ അമ്മ അതീവ സന്തുഷ്ട​യാണ്‌, 92-വയസ്സുള്ള മറ്റൊരു സ്‌ത്രീ​ക്കാണ്‌ അധ്യയനം!

സാക്ഷീ​ക​ര​ണ​ത്തി​നാ​യി നമ്മുടെ പ്രസി​ദ്ധീ​ക​ര​ണ​ങ്ങൾ നൽകുന്ന നിർദേ​ശ​ങ്ങൾ തികച്ചും പ്രാ​യോ​ഗി​ക​മാണ്‌. അവ ഉപയോ​ഗി​ച്ചു നോക്കുക! ശുശ്രൂ​ഷ​യി​ലെ ശുഷ്‌കാ​ന്തി​യും സന്തോ​ഷ​വും നിലനി​റു​ത്താൻ അവ തീർച്ച​യാ​യും നിങ്ങളെ സഹായി​ക്കും.

ന്യായ​മാ​യ ലക്ഷ്യങ്ങൾ വെക്കുക

ശുശ്രൂ​ഷ​യി​ലെ നമ്മുടെ വിജയ​ത്തിന്‌ ആധാരം മുഖ്യ​മാ​യും, എത്ര പ്രസി​ദ്ധീ​ക​ര​ണ​ങ്ങൾ സമർപ്പി​ച്ചു, എത്ര ബൈബി​ള​ധ്യ​യ​ന​ങ്ങൾ നടത്തു​ന്നുണ്ട്‌, എത്ര പേരെ സത്യത്തിൽ കൊണ്ടു​വ​ന്നു എന്നതൊ​ന്നു​മല്ല. നോഹ​യു​ടെ കാര്യം ഓർത്തു​നോ​ക്കു​ക. അവന്റെ പ്രസം​ഗ​പ്ര​വർത്ത​നം​കൊണ്ട്‌ അടുത്ത കുടും​ബാം​ഗ​ങ്ങ​ള​ല്ലാ​തെ മറ്റാ​രെ​ങ്കി​ലും യഹോ​വ​യു​ടെ ആരാധ​ക​രാ​യി​ത്തീർന്നോ? പക്ഷേ, പ്രസം​ഗ​പ്ര​വർത്ത​ന​ത്തിൽ വിജയം​വ​രി​ച്ച ഒരാൾത​ന്നെ​യാണ്‌ നോഹ. എന്താണ്‌ അതിന്റെ അർഥം? വിശ്വ​സ്‌ത​ത​യോ​ടെ യഹോ​വ​യെ സേവി​ക്കു​ന്ന​താണ്‌ വിജയ​ത്തി​ന്റെ അളവു​കോൽ.—1 കൊരി. 4:2.

പ്രസം​ഗ​പ്ര​വർത്ത​ന​ത്തി​ലെ തങ്ങളുടെ ഉത്സാഹം ജ്വലി​പ്പി​ച്ചു​നി​റു​ത്താൻ ന്യായ​മാ​യ ലക്ഷ്യങ്ങൾവെച്ച്‌ പ്രവർത്തി​ക്കേ​ണ്ടത്‌ അനിവാ​ര്യ​മാ​ണെന്ന്‌ പല രാജ്യ​പ്ര​സാ​ധ​ക​രും മനസ്സി​ലാ​ക്കു​ന്നു. അവയിൽ ചിലത്‌ ഏതെല്ലാ​മാണ്‌? ഈ പേജിലെ ചതുര​ത്തിൽ അത്തരത്തിൽ ചില ലാക്കുകൾ കാണാ​വു​ന്ന​താണ്‌.

യഹോ​വ​യു​ടെ സഹായ​ത്തോ​ടെ, നിങ്ങളു​ടെ സേവനം ഫലപ്ര​ദ​വും ഗുണ​മേ​ന്മ​യു​ള്ള​തും ആക്കിത്തീർക്കാ​നു​ള്ള വഴികൾ അന്വേ​ഷി​ക്കു​ക. ഒടുവിൽ ലക്ഷ്യങ്ങ​ളിൽ എത്തി​ച്ചേ​രു​മ്പോൾ, സുവാർത്ത പ്രസം​ഗി​ക്കാൻ നിങ്ങൾ സർവ​ശ്ര​മ​വും നടത്തു​ക​യാ​ണെന്ന തിരി​ച്ച​റിവ്‌ നിങ്ങൾക്ക്‌ ചാരി​താർഥ്യ​വും ആത്മസം​തൃ​പ്‌തി​യും നേടി​ത്ത​രും.

സുവാർത്താ പ്രസം​ഗ​വേല ഒരു വെല്ലു​വി​ളി ആയിരു​ന്നേ​ക്കാം എന്നത്‌ ശരിയാണ്‌. എന്നിരു​ന്നാ​ലും, തീക്ഷ്‌ണ​ത​യു​ള്ള രാജ്യ​ഘോ​ഷ​ക​നാ​യി​ത്തീ​രാൻ നിങ്ങൾക്കു ചെയ്യാ​നാ​കു​ന്ന ചില കാര്യ​ങ്ങ​ളുണ്ട്‌. ശുശ്രൂ​ഷ​യിൽ കൂടെ പ്രവർത്തി​ക്കു​ന്ന​വ​രു​മാ​യി സംസാ​രി​ച്ചു​കൊണ്ട്‌ പരസ്‌പ​രം പ്രോ​ത്സാ​ഹി​പ്പി​ക്കു​ക. നല്ല പഠനശീ​ല​ങ്ങൾ വളർത്തി​യെ​ടുത്ത്‌ അതി​നോട്‌ പറ്റിനിൽക്കു​ക. വിശ്വ​സ്‌ത​നാ​യ അടിമ​യു​ടെ നിർദേ​ശ​ങ്ങൾ പ്രയോ​ഗ​ത്തിൽ വരുത്താൻ പരിശീ​ലി​ക്കു​ക. ന്യായ​മാ​യ ലക്ഷ്യങ്ങൾ വെക്കുക. സർവോ​പ​രി, രാജ്യ​സു​വാർത്ത പ്രസം​ഗി​ച്ചു​കൊണ്ട്‌ തന്നെക്കു​റിച്ച്‌ സാക്ഷ്യം നൽകാ​നു​ള്ള അതുല്യ​മാ​യ പദവി യഹോവ നിങ്ങൾക്കു നൽകി​യി​രി​ക്കു​ന്നു എന്ന്‌ ഓർക്കുക. (യെശ. 43:10) ശുശ്രൂ​ഷ​യി​ലെ തീക്ഷ്‌ണത കെടാതെ കാത്തു​സൂ​ക്ഷി​ക്കു​ന്നെ​ങ്കിൽ നിങ്ങളു​ടെ സന്തോഷം എത്ര വലുതാ​യി​രി​ക്കും!