അടിമ​ത്ത​ത്തിൽനിന്ന്‌ മോചനം—അന്നും ഇന്നും!

ഒരു ബ്യൂട്ടീ​ഷ്യൻ ജോലി ലഭിക്കു​മെന്ന ഉറപ്പിന്റെ പുറത്താണ്‌ ബ്ലെസ്സിa യൂറോ​പ്പി​ലേക്കു പറന്നത്‌. എന്നാൽ അവളെ കാത്തി​രു​ന്നത്‌ മറ്റൊ​ന്നാ​യി​രു​ന്നു. പത്തു ദിവസത്തെ തുടർച്ച​യായ മർദന​വും വീട്ടി​ലു​ള്ള​വരെ ഉപദ്ര​വി​ക്കു​മെന്ന ഭീഷണി​യും അവൾ നേരിട്ടു. അങ്ങനെ നിർബ​ന്ധ​ത്തി​നു വഴങ്ങി ഒടുവിൽ അവൾക്ക്‌ ഒരു വേശ്യ​യാ​കേ​ണ്ടി​വന്നു.

യൂറോ​പ്പി​ലേക്ക്‌ എത്താൻ ചെലവായ 40,000 യൂറോ തന്റെ മാഡത്തിന്‌ തിരികെ നൽകാ​നാ​യി ബ്ലെസ്സിക്ക്‌ ഓരോ രാത്രി​യും 200-300 യൂറോ സമ്പാദി​ക്ക​ണ​മാ​യി​രു​ന്നു.b ബ്ലെസ്സി പറയുന്നു: “എനിക്കു രക്ഷപ്പെ​ട​ണ​മെ​ന്നു​ണ്ടാ​യി​രു​ന്നു, പക്ഷേ കുടും​ബ​ത്തി​ലു​ള്ള​വർക്ക്‌ എന്തെങ്കി​ലും സംഭവി​ക്കു​മോ എന്ന പേടി എന്നെ അലട്ടി. ഞാൻ ശരിക്കും കുടു​ങ്ങി​പ്പോ​യി.”

ഏതാണ്ട്‌ 4,000 വർഷങ്ങൾക്കു മുമ്പ്‌ യോ​സേഫ്‌ എന്നു പേരുള്ള ഒരു കൗമാ​ര​ക്കാ​രനെ അവന്റെ കൂടപ്പി​റ​പ്പു​കൾ വിറ്റു​ക​ളഞ്ഞു. ഈജി​പ്‌തി​ലെ ഒരു പ്രമാ​ണി​യു​ടെ വീട്ടിൽ അവന്‌ അടിമ​യാ​കേ​ണ്ടി​വന്നു. ബ്ലെസ്സി​യെ​പ്പോ​ലെ, യോ​സേ​ഫിന്‌ അവന്റെ യജമാ​ന​നിൽനിന്ന്‌ ആദ്യ​മൊ​ന്നും മോശ​മായ പെരു​മാ​റ്റം സഹി​ക്കേ​ണ്ടി​വ​ന്നില്ല. എന്നാൽ ഒരിക്കൽ യജമാ​നന്റെ ഭാര്യ​യു​ടെ വശീക​ര​ണ​ത്തി​നു വഴങ്ങാ​ത്ത​തി​ന്റെ പേരിൽ യോ​സേഫ്‌ ജയില​ഴി​കൾക്കു​ള്ളി​ലാ​യി. പീഡന​ശ്ര​മ​മാ​യി​രു​ന്നു അവന്റെ മേൽ അന്യാ​യ​മാ​യി ചുമത്തിയ കുറ്റം.—ഉൽപത്തി 39:1-20; സങ്കീർത്തനം 105:17, 18.

പുരാ​ത​ന​കാ​ല​ത്തെ ഒരു അടിമ​യാ​യി​രു​ന്നു യോ​സേഫ്‌, ബ്ലെസ്സി​യാ​കട്ടെ 21-ാം നൂറ്റാ​ണ്ടി​ലെ​യും. എന്നാൽ ഇവർ രണ്ടു പേരും കാലങ്ങ​ളാ​യുള്ള മനുഷ്യ​ക്ക​ട​ത്തി​ന്റെ ഇരകളാണ്‌; ലാഭം മാത്രം മുന്നിൽക്കണ്ട്‌ മനുഷ്യ​രെ വെറും കച്ചവട​ച്ച​ര​ക്കു​ക​ളാ​യി വിൽക്കുന്ന വ്യവസാ​യ​ത്തി​ന്റെ ഇരകൾ.

യുദ്ധം അടിമ​ക്ക​ച്ച​വ​ട​ത്തിന്‌ ആക്കം കൂട്ടി

രാഷ്‌ട്ര​ങ്ങൾക്ക്‌ അടിമ​കളെ സ്വന്തമാ​ക്കാ​നുള്ള ഒരു എളുപ്പ​മാർഗ​മാ​യി​ത്തീർന്നു യുദ്ധങ്ങൾ. കനാനി​ലെ ഒരു സൈനി​ക​നീ​ക്ക​ത്തി​നു ശേഷം ഈജി​പ്‌തി​ലെ രാജാ​വാ​യി​രുന്ന തുത്മോസ്‌ മൂന്നാമൻ അവി​ടെ​യുള്ള 90,000 തടവു​കാ​രെ അടിമ​ക​ളാ​യി കൊണ്ടു​പോ​യ​താ​യി പറയ​പ്പെ​ടു​ന്നു. ഈജി​പ്‌തി​ലെ ക്ഷേത്ര​ങ്ങ​ളു​ടെ​യും കനാലു​ക​ളു​ടെ​യും നിർമാ​ണ​ത്തി​ലും ഖനിക​ളി​ലും ഒക്കെയാ​യി അവർക്ക്‌ മരിച്ചു​പ​ണി​യെ​ടു​ക്കേ​ണ്ടി​വന്നു.

റോമൻ സാമ്രാ​ജ്യ​ത്തിൽ നടമാ​ടിയ യുദ്ധങ്ങൾ അവർക്ക്‌ ധാരാളം അടിമ​കളെ നേടി​ക്കൊ​ടു​ത്തു. അടിമ​കളെ ആവശ്യ​പ്പെ​ട്ടു​കൊ​ണ്ടുള്ള മുറവി​ളി​കൾ പലപ്പോ​ഴും യുദ്ധങ്ങൾക്കു വഴി​തെ​ളി​ച്ചു. ഒരു കണക്ക്‌ സൂചി​പ്പി​ക്കു​ന്ന​തു​പോ​ലെ ഒന്നാം നൂറ്റാ​ണ്ടാ​യ​പ്പോ​ഴേ​ക്കും റോമി​ലെ ജനസം​ഖ്യ​യു​ടെ പകുതി​യും അടിമ​ക​ളാ​യി​രു​ന്നു. ഈജി​പ്‌തി​ലും റോമി​ലും ഉള്ള പല അടിമ​ക​ളും നിഷ്‌ഠു​ര​മായ ചൂഷണ​ത്തിന്‌ ഇരകളാ​യി. റോമൻ ഖനിക​ളിൽ പണി​യെ​ടു​ത്തി​രുന്ന അടിമ​കൾക്ക്‌ ഏതാണ്ട്‌ 30 വർഷത്തെ ആയുസ്സേ ഉണ്ടായി​രു​ന്നു​ള്ളൂ.

കാലം കടന്നു​പോ​യി​ട്ടും അടിമ​ത്ത​ത്തി​ന്റെ യാതന​കൾക്ക്‌ ഒരു കുറവും വന്നില്ല. 16 മുതൽ 19 വരെയുള്ള നൂറ്റാ​ണ്ടു​ക​ളിൽ ആഫ്രി​ക്ക​യും അമേരി​ക്ക​യും തമ്മിൽ നടത്തിയ അടിമ​ക്ക​ച്ച​വ​ട​മാ​യി​രു​ന്നു ലോകത്ത്‌ ഏറ്റവും കൊള്ള​ലാ​ഭം കൊയ്‌ത കച്ചവടം. യുനെ​സ്‌കോ-യുടെ ഒരു റിപ്പോർട്ട്‌ പറയു​ന്ന​ത​നു​സ​രിച്ച്‌ ‘ഏതാണ്ട്‌ 2 കോടി 50 ലക്ഷത്തി​നും മൂന്നു കോടി​ക്കും ഇടയ്‌ക്ക്‌ പുരു​ഷ​ന്മാ​രെ​യും സ്‌ത്രീ​ക​ളെ​യും കുട്ടി​ക​ളെ​യും ആണ്‌ തട്ടി​ക്കൊ​ണ്ടു​പോ​യി വിറ്റത്‌.’ അറ്റ്‌ലാ​ന്റിക്‌ സമുദ്രം കുറുകെ കടന്ന​പ്പോൾ അവരിൽ ലക്ഷക്കണ​ക്കിന്‌ അടിമ​ക​ളാണ്‌ മരിച്ചു​വീ​ണത്‌. അതിനെ അതിജീ​വിച്ച ഒലാഡോ ഇക്വാ​നോ എന്ന അടിമ പറയുന്നു: “സ്‌ത്രീ​ക​ളു​ടെ അലർച്ച, മരിച്ചു​കൊ​ണ്ടി​രി​ക്കു​ന്ന​വ​രു​ടെ ഞരക്കം. . . ഇതൊക്കെ ആ അന്തരീ​ക്ഷത്തെ ഭയാന​ക​മാ​ക്കി.”

ദുഃഖ​ക​ര​മെ​ന്നു പറയട്ടെ, അടിമത്തം എന്നതു ചരി​ത്ര​ത്തി​ന്റെ താളു​ക​ളിൽ അടഞ്ഞ ഒരു അധ്യാ​യമല്ല. അന്താരാ​ഷ്‌ട്ര തൊഴിൽ സംഘടന (ILO) പറയു​ന്ന​ത​നു​സ​രിച്ച്‌, ഇപ്പോ​ഴും ഏതാണ്ട്‌ 2 കോടി 10 ലക്ഷം പുരു​ഷ​ന്മാ​രും സ്‌ത്രീ​ക​ളും കുട്ടി​ക​ളും അടിമ​ക​ളാ​യി പണി​യെ​ടു​ക്കു​ന്നു; ചിലർ തുച്ഛമായ വേതന​ത്തിന്‌, മറ്റു ചിലർ വേതന​മി​ല്ലാ​തെ. അവർ പണി​യെ​ടു​ക്കു​ന്നത്‌ ഖനിക​ളി​ലും വസ്‌ത്ര​നിർമാണ ഫാക്‌ട​റി​ക​ളി​ലും ഇഷ്ടിക​ക്ക​ള​ങ്ങ​ളി​ലും വേശ്യാ​ല​യ​ങ്ങ​ളി​ലും വീടു​ക​ളി​ലും ഒക്കെയാണ്‌. നിയമ​പ​ര​മ​ല്ലെ​ങ്കി​ലും ഇത്തരം അടിമത്തം ഇന്നു വർധി​ച്ചു​വ​രു​ന്നു.

സ്വാത​ന്ത്ര്യ​ത്തി​നാ​യുള്ള പോരാ​ട്ടം

അടിമ​ക​ളോ​ടുള്ള മൃഗീ​യ​മായ പെരു​മാ​റ്റം സ്വാത​ന്ത്ര്യ​ത്തി​നു​വേ​ണ്ടി​യുള്ള പോരാ​ട്ട​ത്തിൽ കലാശി​ച്ചു. ബി.സി. ഒന്നാം നൂറ്റാ​ണ്ടിൽ, പോരാ​ളി​യാ​യി​രുന്ന സ്‌പാർറ്റാ​ക്ക​സും ഒരു ലക്ഷത്തോ​ളം അടിമ​ക​ളും ചേർന്ന്‌ റോമിന്‌ എതിരെ പടപൊ​രു​തി​യെ​ങ്കി​ലും വിജയി​ക്കാ​നാ​യില്ല. 18-ാം നൂറ്റാ​ണ്ടിൽ ഹിസ്‌പാ​നി​യോ​ള​യി​ലെ കരീബി​യൻ ദ്വീപി​ലുള്ള അടിമകൾ അവരുടെ യജമാ​ന​ന്മാർക്കെ​തി​രെ തിരിഞ്ഞു. കരിമ്പിൻ തോട്ട​ങ്ങ​ളിൽ അടിമകൾ സഹി​ക്കേ​ണ്ടി​വന്ന ക്രൂര​മായ പെരു​മാ​റ്റം 13 വർഷം നീണ്ടു​നിന്ന ആഭ്യന്ത​ര​ക​ലാ​പ​ത്തി​നു തിരി​കൊ​ളു​ത്തി. 1804-ൽ ഹെയ്‌റ്റി ഒരു സ്വത​ന്ത്ര​രാ​ഷ്‌ട്ര​മാ​യി​ത്തീ​രാൻ ആ കലാപം വഴി​യൊ​രു​ക്കി.

അടിമ​കൾക്കു സ്വാത​ന്ത്ര്യം ലഭിച്ച​തി​ന്റെ ചരി​ത്ര​ത്തി​ലെ ഏറ്റവും മികച്ച ഉദാഹ​ര​ണ​മാണ്‌ ഈജി​പ്‌തിൽനി​ന്നുള്ള ഇസ്രാ​യേ​ല്യ​രു​ടെ വിടുതൽ. ഒരു ജനത മുഴുവൻ, സാധ്യ​ത​യ​നു​സ​രിച്ച്‌ 30 ലക്ഷം അടിമ​ക​ളാണ്‌, അന്ന്‌ ഈജി​പ്‌തി​ന്റെ അടിമ​ത്ത​ത്തിൽനിന്ന്‌ മോചി​ത​രാ​യത്‌. ആ സ്വാത​ന്ത്ര്യം അവർ അർഹി​ക്കു​ന്ന​താ​യി​രു​ന്നു. ഈജി​പ്‌തു​കാർ “അവരെ​ക്കൊണ്ട്‌ ദുസ്സഹ​മായ സാഹച​ര്യ​ങ്ങ​ളിൽ എല്ലാ തരം അടിമ​പ്പ​ണി​യും ചെയ്യിച്ചു” എന്നാണ്‌ ബൈബിൾ രേഖ​പ്പെ​ടു​ത്തു​ന്നത്‌. (പുറപ്പാട്‌ 1:11-14) ഇസ്രാ​യേൽ ജനത്തിന്റെ വർധന തടയാ​നാ​യി കുഞ്ഞു​ങ്ങളെ കൊ​ന്നൊ​ടു​ക്കണം എന്നൊരു കല്‌പ​ന​പോ​ലും അന്നത്തെ ഫറവോൻ പുറ​പ്പെ​ടു​വി​ച്ചു.—പുറപ്പാട്‌ 1:8-22.

ഇസ്രാ​യേ​ല്യർ ഈജി​പ്‌തിൽ അനുഭ​വിച്ച അന്യാ​യ​മായ ദുരി​ത​ത്തിൽനി​ന്നുള്ള വിടുതൽ ശ്രദ്ധേ​യ​മായ ഒന്നായി​രു​ന്നു. കാരണം അവരെ മോചി​പ്പി​ച്ചത്‌ ദൈവ​മാണ്‌. മോശ​യോ​ടു ദൈവം ഇങ്ങനെ പറഞ്ഞു: ‘അവർ അനുഭ​വി​ക്കുന്ന വേദനകൾ എനിക്കു നന്നായി അറിയാം. അവരെ ഈജി​പ്‌തു​കാ​രു​ടെ കൈയിൽനിന്ന്‌ രക്ഷിക്കാൻ ഞാൻ ഇറങ്ങി​ച്ചെ​ല്ലും.’ (പുറപ്പാട്‌ 3:7, 8) സ്വാത​ന്ത്ര്യം ലഭിച്ച ആ ദിനം ഓർക്കാ​നാ​യി ലോക​മെ​ങ്ങു​മുള്ള ജൂതർ ഇന്നും പെസഹ ആചരി​ക്കു​ന്നു.—പുറപ്പാട്‌ 12:14.

അടിമ​ത്ത​ത്തി​നു കൂച്ചു​വി​ലങ്ങ്‌!

ബൈബിൾ പറയുന്നു: ‘നമ്മുടെ ദൈവ​മായ യഹോവ അനീതി കാണി​ക്കാ​ത്ത​വ​നാണ്‌.’ ദൈവ​ത്തി​നു മാറ്റം വന്നിട്ടി​ല്ലെ​ന്നും ബൈബിൾ ഉറപ്പു നൽകുന്നു. (2 ദിനവൃ​ത്താ​ന്തം 19:7; മലാഖി 3:6) ദൈവം യേശു​വി​നെ ഭൂമി​യി​ലേക്ക്‌ അയച്ചത്‌ ‘ബന്ദിക​ളോ​ടു സ്വാത​ന്ത്ര്യം ലഭിക്കു​മെന്നു പ്രഖ്യാ​പി​ക്കാ​നും മർദി​തരെ സ്വത​ന്ത്ര​രാ​ക്കാ​നും’ വേണ്ടി​യാ​യി​രു​ന്നു. (ലൂക്കോസ്‌ 4:18) ഇവിടെ പറഞ്ഞി​രി​ക്കു​ന്നത്‌ അക്ഷരീ​യ​മായ അടിമ​ത്ത​ത്തിൽനി​ന്നുള്ള സ്വാത​ന്ത്ര്യ​മാ​ണോ? അല്ലെന്നു വ്യക്തം. കാരണം പാപത്തി​ന്റെ​യും മരണത്തി​ന്റെ​യും അടിമ​ത്ത​ത്തിൽനിന്ന്‌ വിടു​വി​ക്കാ​നാണ്‌ യേശു​വി​നെ അയച്ചത്‌. യേശു പറഞ്ഞു: ‘സത്യം നിങ്ങളെ സ്വത​ന്ത്ര​രാ​ക്കും.’ (യോഹ​ന്നാൻ 8:32) യേശു പഠിപ്പിച്ച സത്യം ഇന്നും അനേക​രെ​യും പല വിധങ്ങ​ളിൽ സ്വത​ന്ത്ര​രാ​ക്കു​ന്നു.—“വേറിട്ട ഒരു അടിമ​ത്ത​ത്തിൽനിന്ന്‌ മോചനം” എന്ന ചതുരം നോക്കുക.

യോ​സേ​ഫി​ന്റെ​യും ബ്ലെസ്സി​യു​ടെ​യും കാര്യ​ത്തിൽ, ദൈവം വ്യത്യ​സ്‌ത​വി​ധ​ങ്ങ​ളിൽ അവരെ അടിമ​ത്ത​ത്തിൽനിന്ന്‌ മോചി​പ്പി​ച്ചു. യോ​സേ​ഫി​നെ​ക്കു​റി​ച്ചുള്ള സവി​ശേ​ഷ​മായ ആ വിവരണം ബൈബി​ളി​ലെ ഉൽപത്തി പുസ്‌ത​ക​ത്തി​ന്റെ 39-41 അധ്യാ​യ​ങ്ങ​ളിൽ കാണാം. സ്വാത​ന്ത്ര്യ​ത്തി​നു​വേ​ണ്ടി​യുള്ള ബ്ലെസ്സി​യു​ടെ ദാഹവും എടുത്തു​പ​റ​യത്തക്ക ഒന്നാണ്‌.

യൂറോപ്പ്‌ വിടേ​ണ്ടി​വന്ന ബ്ലെസ്സി സ്‌പെ​യി​നി​ലേക്കു കുടി​യേറി. അവിടെ യഹോ​വ​യു​ടെ സാക്ഷി​ക​ളോ​ടൊ​പ്പം അവൾ ബൈബിൾ പഠിക്കാൻതു​ടങ്ങി. ജീവിതം തിരി​ച്ചു​പി​ടി​ക്കാ​നുള്ള ആഗ്രഹ​ത്തോ​ടെ സ്ഥിരവ​രു​മാ​ന​മുള്ള ഒരു ജോലി അവൾ കണ്ടെത്തി. മാസം​തോ​റും കൊടു​ക്കാ​നുള്ള തുകയിൽ ഇളവ്‌ വരുത്താ​നും മാഡ​ത്തോട്‌ ആവശ്യ​പ്പെട്ടു. അങ്ങനെ​യി​രി​ക്കെ ഒരു ദിവസം ബ്ലെസ്സിക്ക്‌ മാഡത്തി​ന്റെ ഒരു ഫോൺകോൾ വന്നു. അവർ ബ്ലെസ്സി​യോ​ടു ക്ഷമ ചോദി​ക്കു​ക​യും തരാനുള്ള പണം ഇനി വേണ്ടെന്നു പറയു​ക​യും ചെയ്‌തു. എന്താണ്‌ ഈ മാറ്റത്തി​നു കാരണം? മാഡവും യഹോ​വ​യു​ടെ സാക്ഷി​ക​ളോ​ടൊത്ത്‌ ബൈബിൾ പഠിക്കാൻതു​ട​ങ്ങി​യി​രി​ക്കു​ന്നു! ബ്ലെസ്സി പറയുന്നു: “അത്ഭുത​ക​ര​മായ വിധത്തി​ലാണ്‌ സത്യം നമ്മളെ സ്വത​ന്ത്ര​രാ​ക്കു​ന്നത്‌.”

ഈജി​പ്‌തിൽ അടിമ​ക​ളാ​യി​രുന്ന ഇസ്രാ​യേ​ല്യർ അനുഭ​വിച്ച ക്രൂര​മായ പീഡനങ്ങൾ കണ്ടപ്പോൾ യഹോ​വ​യ്‌ക്കു ദുഃഖം തോന്നി. ഇന്നും അത്തരത്തി​ലുള്ള അനീതി കാണു​മ്പോൾ യഹോ​വ​യ്‌ക്ക്‌ അതുത​ന്നെ​യാണ്‌ തോന്നു​ന്നത്‌. അടിമത്തം തുടച്ചു​നീ​ക്ക​ണ​മെ​ങ്കിൽ മനുഷ്യ​സ​മൂ​ഹ​ത്തി​നു വലി​യൊ​രു മാറ്റം അനിവാ​ര്യ​മാണ്‌. അത്തര​മൊ​രു മാറ്റമാണ്‌ ദൈവ​വും വാഗ്‌ദാ​നം ചെയ്‌തി​രി​ക്കു​ന്നത്‌. “ദൈവ​ത്തി​ന്റെ വാഗ്‌ദാ​ന​ത്തി​നു ചേർച്ച​യിൽ പുതിയ ആകാശ​ത്തി​നും പുതിയ ഭൂമി​ക്കും വേണ്ടി കാത്തി​രി​ക്കു​ക​യാ​ണു നമ്മൾ; അവിടെ നീതി കളിയാ​ടും.”—2 പത്രോസ്‌ 3:13