‘സൂക്ഷി​ക്കുക! ആരും നിങ്ങളെ അടിമ​ക​ളാ​ക്ക​രുത്‌!’

1. കൊ​ലോ​സ്യർ 2:4, 8 പറയു​ന്ന​തു​പോ​ലെ, സാത്താൻ എങ്ങനെ​യാ​ണു നമ്മുടെ ചിന്തകൾ നിയ​ന്ത്രി​ക്കാൻ ശ്രമി​ക്കു​ന്നത്‌?

നമ്മൾ യഹോ​വ​യ്‌ക്കെ​തി​രെ തിരി​യ​ണ​മെ​ന്നാ​ണു സാത്താന്റെ ആഗ്രഹം. ഈ ലക്ഷ്യം നേടു​ന്ന​തിന്‌, നമ്മൾ ചിന്തി​ക്കുന്ന രീതിയെ സ്വാധീ​നി​ക്കാൻ അവൻ ശ്രമി​ക്കു​ന്നു. ഫലത്തിൽ, നമ്മുടെ മനസ്സ്‌ അവന്റെ നിയ​ന്ത്ര​ണ​ത്തി​ലാ​കാ​നും അവന്റെ ഇഷ്ടത്തിന്‌ അനുസ​രിച്ച്‌ നമ്മൾ ചിന്തി​ക്കാ​നും ആണ്‌ അവൻ ആഗ്രഹി​ക്കു​ന്നത്‌. ആകർഷ​ക​മായ കാര്യങ്ങൾ ഉപയോ​ഗിച്ച്‌ വഞ്ചിച്ചു​കൊണ്ട്‌ നമ്മളെ തന്റെ പക്ഷത്താ​ക്കാൻ അവൻ ശ്രമി​ക്കു​ന്നു.—കൊ​ലോ​സ്യർ 2:4, 8 വായി​ക്കുക.

2-3. (എ) കൊ​ലോ​സ്യർ 2:8-ലെ മുന്നറി​യി​പ്പി​നു നമ്മൾ ശ്രദ്ധ കൊടു​ക്കേ​ണ്ടത്‌ എന്തു​കൊണ്ട്‌? (ബി) ഈ ലേഖന​ത്തിൽ നമ്മൾ എന്തു പഠിക്കും?

² സാത്താൻ നമ്മളെ വഴി​തെ​റ്റി​ക്കാ​നുള്ള സാധ്യത എത്ര​ത്തോ​ള​മുണ്ട്‌? കൊ​ലോ​സ്യർ 2:8-ലെ മുന്നറി​യി​പ്പു പൗലോസ്‌ എഴുതി​യത്‌ അവിശ്വാ​സി​കൾക്കല്ല എന്ന്‌ ഓർക്കുക. പരിശു​ദ്ധാ​ത്മാ​വി​നാൽ അഭി​ഷേകം പ്രാപിച്ച ക്രിസ്‌ത്യാ​നി​കൾക്കാണ്‌ അദ്ദേഹം അത്‌ എഴുതി​യത്‌. (കൊലോ. 1:2, 5) ഇതു കാണി​ക്കു​ന്നത്‌ ആ ക്രിസ്‌ത്യാ​നി​കളെ സാത്താൻ വഴി​തെ​റ്റി​ക്കാ​നുള്ള സാധ്യ​ത​യു​ണ്ടാ​യി​രു​ന്നു എന്നാണ്‌. അതിലും വലിയ അപകട​മാ​ണു നമ്മൾ ഇന്നു നേരി​ടു​ന്നത്‌. (1 കൊരി. 10:12) എന്തു​കൊ​ണ്ടാണ്‌ അങ്ങനെ പറയു​ന്നത്‌? സാത്താന്റെ പ്രവർത്തനം ഇന്നു ഭൂമി​യു​ടെ പരിസ​ര​ങ്ങ​ളിൽ മാത്ര​മാ​യി ഒതുക്ക​പ്പെ​ട്ടി​രി​ക്കു​ക​യാണ്‌. ദൈവ​ത്തി​ന്റെ വിശ്വ​സ്‌ത​ദാ​സ​ന്മാ​രെ എങ്ങനെ​യും വഴി​തെ​റ്റി​ക്കാൻ അവൻ തീവ്ര​ശ്രമം ചെയ്യു​ക​യാണ്‌. (വെളി. 12:9, 12, 17) ഇനി, ദുഷ്ടമ​നു​ഷ്യ​രും തട്ടിപ്പു​കാ​രും ‘അടിക്കടി അധഃപ​തി​ക്കുന്ന’ ഒരു കാലത്താ​ണു നമ്മൾ ജീവി​ക്കു​ന്ന​തും.—2 തിമൊ. 3:1, 13.

³ ഈ ലേഖന​ത്തിൽ, നമ്മുടെ ചിന്തയെ നിയ​ന്ത്രി​ക്കാൻ സാത്താൻ വഞ്ചകവും കഴമ്പി​ല്ലാ​ത്ത​തും ആയ ആശയങ്ങൾ എങ്ങനെ​യാണ്‌ ഉപയോ​ഗി​ക്കു​ന്ന​തെന്നു നമ്മൾ ചർച്ച ചെയ്യും. നമ്മൾ അവന്റെ മൂന്നു ‘കുടി​ല​ത​ന്ത്ര​ങ്ങ​ളെ​ക്കു​റിച്ച്‌’ പഠിക്കും. (എഫെ. 6:11) ഇപ്പോൾത്തന്നെ നമ്മുടെ ചിന്താ​രീ​തി​യിൽ സാത്താന്റെ ചിന്തകൾ അൽപ്പ​മെ​ങ്കി​ലും കടന്നു​വ​ന്നി​ട്ടു​ണ്ടെ​ങ്കിൽ അത്‌ എങ്ങനെ നീക്കി​ക്ക​ള​യാ​മെന്ന്‌ അടുത്ത ലേഖന​ത്തിൽ പഠിക്കും. എന്നാൽ ആദ്യം, ഇസ്രാ​യേ​ല്യർ വാഗ്‌ദ​ത്ത​ദേ​ശത്ത്‌ പ്രവേ​ശി​ച്ചു​ക​ഴിഞ്ഞ്‌ സാത്താൻ അവരെ വഴി​തെ​റ്റി​ച്ച​തിൽനിന്ന്‌ എന്തു പഠിക്കാ​മെന്നു നോക്കാം.

വിഗ്ര​ഹാ​രാ​ധ​ന​യിൽ ഏർപ്പെ​ടാ​നുള്ള പ്രലോ​ഭ​നം

4-6. ആവർത്തനം 11:10-15 അനുസ​രിച്ച്‌, വാഗ്‌ദ​ത്ത​ദേ​ശത്ത്‌ താമസ​മു​റ​പ്പി​ച്ച​പ്പോൾ ഇസ്രാ​യേ​ല്യർക്കു കൃഷി​രീ​തി​യിൽ എന്തു മാറ്റം വരു​ത്തേ​ണ്ടി​വന്നു?

⁴ വിഗ്ര​ഹാ​രാ​ധ​ന​യിൽ ഏർപ്പെ​ടാൻ ഇസ്രാ​യേ​ല്യ​രെ സാത്താൻ തന്ത്രപൂർവം പ്രലോ​ഭി​പ്പി​ച്ചു. അവൻ എങ്ങനെ​യാണ്‌ അതു ചെയ്‌തത്‌? ഭക്ഷണം എന്ന അവരുടെ അടിസ്ഥാ​നാ​വ​ശ്യ​ത്തെ സാത്താൻ മുത​ലെ​ടു​ത്തു. വാഗ്‌ദ​ത്ത​ദേ​ശത്ത്‌ പ്രവേ​ശിച്ച ഇസ്രാ​യേ​ല്യർക്ക്‌ ധാന്യം വിളയി​ക്കാൻ പുതിയ രീതി പഠി​ക്കേ​ണ്ടി​വന്നു. ഈജി​പ്‌തി​ലാ​യി​രു​ന്ന​പ്പോൾ നൈൽ നദിയിൽനി​ന്നുള്ള വെള്ളം​കൊ​ണ്ടാണ്‌ അവർ തങ്ങളുടെ കൃഷി​യി​ടങ്ങൾ നനച്ചി​രു​ന്നത്‌. എന്നാൽ വാഗ്‌ദ​ത്ത​ദേ​ശത്തെ കൃഷി ഏതെങ്കി​ലും നദിയി​ലെ വെള്ളം ഉപയോ​ഗി​ച്ച​ല്ലാ​യി​രു​ന്നു, പകരം മഴയെ​യും മഞ്ഞി​നെ​യും ആശ്രയി​ച്ചാ​യി​രു​ന്നു. (ആവർത്തനം 11:10-15 വായി​ക്കുക; യശ. 18:4, 5) അതു​കൊണ്ട്‌ ഇസ്രാ​യേ​ല്യർ പുതിയ കൃഷി​രീ​തി പഠി​ക്കേ​ണ്ടി​യി​രു​ന്നു. ഇത്‌ അത്ര എളുപ്പ​മാ​യി​രു​ന്നില്ല, കാരണം കൃഷി ചെയ്‌ത്‌ പരിച​യ​മു​ണ്ടാ​യി​രുന്ന മിക്കവ​രും വിജന​ഭൂ​മി​യിൽവെച്ച്‌ മരിച്ചു​പോ​യി​രു​ന്നു.

⁵ തന്റെ ജനത്തിന്റെ സാഹച​ര്യ​ങ്ങൾക്കു വന്ന മാറ്റ​ത്തെ​ക്കു​റിച്ച്‌ പറഞ്ഞതി​നു തൊട്ടു​പി​ന്നാ​ലെ യഹോവ അവർക്ക്‌ ഒരു മുന്നറി​യി​പ്പു കൊടു​ത്തു: “എന്നാൽ സൂക്ഷി​ച്ചു​കൊ​ള്ളുക: നിങ്ങളു​ടെ ഹൃദയം വഴി​തെറ്റി അന്യ​ദൈ​വ​ങ്ങളെ ആരാധി​ക്കാ​നും അവയുടെ മുമ്പാകെ കുമ്പി​ടാ​നും വശീക​രി​ക്ക​പ്പെ​ട​രുത്‌.” (ആവ. 11:16, 17) ഒറ്റ നോട്ട​ത്തിൽ, ഈ വാക്കു​കൾക്കു കൃഷി​യു​മാ​യി ഒരു ബന്ധവു​മി​ല്ലെന്നു തോന്നി​യേ​ക്കാം. പുതിയ കൃഷി​രീ​തി​കൾ പഠിക്കു​ന്ന​തി​നെ​പ്പറ്റി വിശദീ​ക​രി​ച്ച​പ്പോൾ വ്യാജ​ദൈ​വ​ങ്ങളെ ആരാധി​ക്കു​ന്ന​തിന്‌ എതിരെ യഹോവ എന്തു​കൊ​ണ്ടാണ്‌ സംസാ​രി​ച്ചത്‌?

⁶ ചുറ്റും താമസി​ച്ചി​രുന്ന ജനതക​ളിൽനിന്ന്‌ പ്രാ​ദേ​ശി​ക​മായ കൃഷി​രീ​തി​ക​ളെ​ക്കു​റിച്ച്‌ പഠിക്കാൻ ഇസ്രാ​യേ​ല്യർക്ക്‌ ജിജ്ഞാസ തോന്നു​മെന്ന്‌ യഹോ​വ​യ്‌ക്ക്‌ അറിയാ​മാ​യി​രു​ന്നു. കൃഷി​കാ​ര്യ​ങ്ങ​ളിൽ ഇസ്രാ​യേ​ല്യ​രെ​ക്കാൾ വളരെ​യ​ധി​കം പരിച​യ​സ​മ്പ​ന്ന​രാ​യി​രു​ന്നു അവരുടെ അയൽക്കാർ. ഇസ്രാ​യേ​ല്യർക്ക്‌ അവരിൽനിന്ന്‌ കൃഷി​യോ​ടു ബന്ധപ്പെട്ട്‌ പല പുതിയ വിവര​ങ്ങ​ളും കിട്ടു​മാ​യി​രു​ന്നു. എന്നാൽ അതിൽ ഒരു അപകട​മു​ണ്ടാ​യി​രു​ന്നു. കനാൻ ദേശത്തെ കൃഷി​ക്കാ​രു​ടെ ചിന്താ​രീ​തി​യെ ബാൽ ആരാധന സ്വാധീ​നി​ച്ചി​രു​ന്നു. ആകാശം ബാൽ ദേവ​ന്റേ​താ​ണെ​ന്നും മഴ തരുന്നത്‌ ആ ദേവനാ​ണെ​ന്നും ആയിരു​ന്നു അവരുടെ വിശ്വാ​സം. ഇത്തരം തെറ്റായ വിശ്വാ​സങ്ങൾ തന്റെ ജനത്തെ വഴി​തെ​റ്റി​ക്കാൻ യഹോവ ആഗ്രഹി​ച്ചില്ല. എന്നാൽ എന്താണു സംഭവി​ച്ചത്‌? ഇസ്രാ​യേ​ല്യർ പിന്നെ​യും​പി​ന്നെ​യും ബാലാ​രാ​ധ​ന​യി​ലേക്കു തിരിഞ്ഞു. (സംഖ്യ 25:3, 5; ന്യായാ. 2:13; 1 രാജാ. 18:18) ഇസ്രാ​യേ​ല്യ​രെ തന്റെ നിയ​ന്ത്ര​ണ​ത്തി​ലാ​ക്കാൻ സാത്താന്‌ എങ്ങനെ​യാ​ണു കഴിഞ്ഞ​തെന്നു നോക്കാം.

സാത്താൻ ഉപയോഗിച്ച മൂന്നു തന്ത്രങ്ങൾ

7. വാഗ്‌ദ​ത്ത​ദേ​ശത്ത്‌ പ്രവേ​ശിച്ച ഇസ്രാ​യേ​ല്യർക്കു വിശ്വാ​സ​ത്തി​ന്റെ എന്തു പരി​ശോ​ധ​ന​യാ​ണു നേരി​ടേ​ണ്ടി​വ​ന്നത്‌?

⁷ ദേശത്ത്‌ മഴ പെയ്‌തു​കാ​ണാ​നുള്ള സ്വാഭാ​വി​ക​മായ ആഗ്രഹത്തെ മുത​ലെ​ടു​ക്കുക എന്നതാണു സാത്താൻ ഉപയോ​ഗിച്ച ആദ്യത​ന്ത്രം. വർഷത്തിൽ, ഏപ്രിൽ അവസാനം മുതൽ സെപ്‌റ്റം​ബർ വരെയുള്ള കാലയ​ള​വിൽ വാഗ്‌ദ​ത്ത​ദേ​ശത്ത്‌ കാര്യ​മായ മഴ ലഭിച്ചി​രു​ന്നില്ല. സാധാ​ര​ണ​ഗ​തി​യിൽ, ഒക്ടോ​ബ​റോ​ടെ ആരംഭി​ക്കുന്ന മഴയെ ആശ്രയി​ച്ചാ​യി​രു​ന്നു ഇസ്രാ​യേ​ല്യ​രു​ടെ ജീവി​ത​വും സമൃദ്ധി​യും എല്ലാം. അതിന്‌, വ്യാജാ​രാ​ധ​ക​രായ അയൽക്കാ​രു​ടെ ചില ആചാരങ്ങൾ സ്വീക​രി​ക്ക​ണ​മെന്ന്‌ ഇസ്രാ​യേ​ല്യർ കരുതി. ചില ചടങ്ങുകൾ ഒക്കെ നടത്തി​യാ​ലേ ദൈവങ്ങൾ പ്രസാ​ദി​ക്കു​ക​യും തങ്ങൾക്കു മഴ തരുക​യും ചെയ്യൂ എന്നാണ്‌ ആ അയൽക്കാർ വിശ്വ​സി​ച്ചി​രു​ന്നത്‌. വരൾച്ച​യു​ടെ കാലം നീണ്ടു​പോ​കാ​തി​രി​ക്കാൻ ഇതേ മാർഗ​മു​ള്ളൂ എന്ന്‌ യഹോ​വ​യിൽ വിശ്വാ​സ​മി​ല്ലാ​തി​രുന്ന ഇസ്രാ​യേ​ല്യർ കരുതി. അതു​കൊണ്ട്‌ അവർ വ്യാജ​ദേ​വ​നായ ബാലിനെ പ്രസാ​ദി​പ്പി​ക്കാൻ ജനതക​ളു​ടെ ചടങ്ങു​ക​ളിൽ ഏർപ്പെട്ടു.

8. ഇസ്രാ​യേ​ല്യ​രെ വഴി​തെ​റ്റി​ക്കാൻ സാത്താൻ ഉപയോ​ഗിച്ച രണ്ടാമത്തെ തന്ത്രം എന്താണ്‌? വിശദീ​ക​രി​ക്കുക.

⁸ രണ്ടാമ​താ​യി, അധാർമി​ക​മായ മോഹങ്ങൾ ഉണർത്തിക്കൊണ്ട്‌ സാത്താൻ ഇസ്രാ​യേ​ല്യ​രെ വഴി​തെ​റ്റി​ച്ചു. ജനതക​ളു​ടെ ആരാധ​ന​യിൽ അങ്ങേയറ്റം ഹീനമായ അധാർമി​ക​പ്ര​വൃ​ത്തി​കൾ ഉൾപ്പെ​ട്ടി​രു​ന്നു. സ്‌ത്രീ​ക​ളും പുരു​ഷ​ന്മാ​രും ക്ഷേത്ര​വേ​ശ്യാ​വൃ​ത്തി​യിൽ ഏർപ്പെ​ട്ടി​രു​ന്നു. സ്വവർഗ​ര​തി​പോ​ലുള്ള ലൈം​ഗിക അധാർമി​ക​ത​യു​ടെ മറ്റു രൂപങ്ങ​ളും വെച്ചു​പൊ​റു​പ്പി​ച്ചി​രു​ന്നു. മാത്രമല്ല, അതൊക്കെ അവർക്കു സാധാ​ര​ണ​കാ​ര്യ​ങ്ങ​ളാ​യി​രു​ന്നു. (ആവ. 23:17, 18; 1 രാജാ. 14:24) ഇത്തരം ആചാര​ങ്ങ​ളിൽ ഏർപ്പെ​ടു​ക​യാ​ണെ​ങ്കിൽ തങ്ങളുടെ ദേവന്മാർ പ്രസാ​ദി​ക്കു​മെ​ന്നും അവർ ദേശം ഫലപു​ഷ്ടി​യു​ള്ള​താ​ക്കു​മെ​ന്നും ആ ജനതകൾ വിശ്വ​സി​ച്ചു. പല ഇസ്രാ​യേ​ല്യർക്കും അധാർമി​ക​മായ അത്തരം ആചാര​ങ്ങ​ളോട്‌ ആകർഷണം തോന്നി. അങ്ങനെ അവർ വ്യാജ​ദൈ​വ​ങ്ങളെ സേവി​ക്കാൻ തുടങ്ങി. വാസ്‌ത​വ​ത്തിൽ, അവർ സാത്താന്റെ അടിമ​ക​ളാ​യി​ത്തീ​രു​ക​യാ​ണു ചെയ്‌തത്‌.

9. ഹോശേയ 2:16, 17-ൽ കാണു​ന്ന​തു​പോ​ലെ ഇസ്രാ​യേ​ല്യർ യഹോ​വയെ മറക്കാൻ സാത്താൻ എങ്ങനെ​യാണ്‌ ഇടയാ​ക്കി​യത്‌?

⁹ സാത്താൻ ഉപയോ​ഗിച്ച മൂന്നാ​മത്തെ തന്ത്രം എന്തായി​രു​ന്നു? ഇസ്രാ​യേ​ല്യർ യഹോ​വയെ മറക്കാൻ ഇടയാക്കി. “ബാൽ കാരണം” ഇസ്രാ​യേ​ല്യർ തന്റെ പേരു മറന്നു​പോ​കാൻ വ്യാജ​പ്ര​വാ​ച​ക​ന്മാർ ഇടയാ​ക്കി​യെന്നു യിരെമ്യ പ്രവാ​ച​കന്റെ കാലത്ത്‌ യഹോവ പ്രഖ്യാ​പി​ച്ചി​രു​ന്നു. (യിരെ. 23:27) തെളി​വ​നു​സ​രിച്ച്‌, ദൈവ​ജനം യഹോ​വ​യു​ടെ പേര്‌ ഉപയോ​ഗി​ക്കു​ന്ന​തു​തന്നെ നിറു​ത്തി​യി​രി​ക്കാം. ആ സ്ഥാനത്ത്‌ “യജമാനൻ” എന്നോ “ഉടയവൻ” എന്നോ അർഥം വരുന്ന ബാൽ എന്ന പേര്‌ ഉപയോ​ഗി​ച്ചു​തു​ട​ങ്ങു​ക​യും ചെയ്‌തു. ഇതു കാരണം ഇസ്രാ​യേ​ല്യർക്ക്‌ യഹോ​വ​യും ബാലും തമ്മിലുള്ള വ്യത്യാ​സം മനസ്സി​ലാ​ക്കാൻ കഴിയാ​താ​യി. ബാലാ​രാ​ധ​ന​യു​ടെ ചടങ്ങുകൾ യഹോ​വ​യു​ടെ ആരാധ​ന​യു​മാ​യി കൂട്ടി​ച്ചേർക്കു​ന്ന​തി​നും അത്‌ ഇടയാക്കി.—ഹോശേയ 2:16, 17-ഉം അടിക്കു​റി​പ്പും വായി​ക്കുക.

സാത്താന്റെ തന്ത്രങ്ങൾ ഇക്കാലത്ത്‌

10. ഇക്കാലത്ത്‌ സാത്താൻ ഏതെല്ലാം തന്ത്രങ്ങ​ളാണ്‌ ഉപയോ​ഗി​ക്കു​ന്നത്‌?

¹⁰ സാത്താൻ ഇക്കാല​ത്തും അതേ തന്ത്രങ്ങൾത​ന്നെ​യാണ്‌ ഉപയോ​ഗി​ക്കു​ന്നത്‌. സ്വാഭാ​വി​ക​മായ ആഗ്രഹ​ങ്ങളെ മുത​ലെ​ടു​ത്തു​കൊ​ണ്ടും അധാർമി​ക​മായ മോഹങ്ങൾ ഉണർത്തി​ക്കൊ​ണ്ടും യഹോ​വയെ മറക്കാൻ ഇടയാ​ക്കി​ക്കൊ​ണ്ടും സാത്താൻ ആളുകളെ അടിമ​ക​ളാ​ക്കി​യി​രി​ക്കു​ന്നു. നമുക്ക്‌ ആ അവസാ​ന​ത​ന്ത്രം ആദ്യം നോക്കാം.

11. ആളുകൾ യഹോ​വയെ മറക്കാൻ സാത്താൻ ഇടയാ​ക്കി​യി​രി​ക്കു​ന്നത്‌ എങ്ങനെ?

¹¹ യഹോ​വയെ മറക്കാൻ സാത്താൻ ഇടയാ​ക്കു​ന്നു. അപ്പോ​സ്‌ത​ല​ന്മാ​രു​ടെ മരണത്തി​നു ശേഷം ക്രിസ്‌ത്യാ​നി​കൾ എന്ന്‌ അവകാ​ശ​പ്പെട്ട ചിലർ വ്യാജ​പ​ഠി​പ്പി​ക്ക​ലു​കൾ പ്രചരി​പ്പി​ക്കാൻ തുടങ്ങി. (പ്രവൃ. 20:29, 30; 2 തെസ്സ. 2:3) ഈ വിശ്വാ​സ​ത്യാ​ഗി​കൾ ഏകസത്യ​ദൈവം ആരാ​ണെന്നു തിരി​ച്ച​റി​യു​ന്ന​തു​തന്നെ ബുദ്ധി​മു​ട്ടാ​ക്കി. ഉദാഹ​ര​ണ​ത്തിന്‌, അവരുടെ ബൈബി​ളിൽനിന്ന്‌ ദൈവ​ത്തി​ന്റെ പേര്‌ നീക്കി, പകരം “കർത്താവ്‌” എന്നതു​പോ​ലുള്ള സ്ഥാന​പ്പേ​രു​കൾ ഉപയോ​ഗി​ച്ചു. അങ്ങനെ, ബൈബിൾ വായി​ക്കുന്ന ഒരാൾക്ക്‌ യഹോ​വ​യും, തിരു​വെ​ഴു​ത്തു​ക​ളി​ലെ മറ്റു ‘കർത്താ​ക്ക​ന്മാ​രും’ തമ്മിലുള്ള വ്യത്യാ​സം മനസ്സി​ലാ​ക്കുക ബുദ്ധി​മു​ട്ടാ​യി. (1 കൊരി. 8:5) കൂടാതെ, അവർ യഹോ​വ​യ്‌ക്കും യേശു​വി​നും “കർത്താവ്‌” എന്ന ഒരേ വാക്കു​തന്നെ ഉപയോ​ഗി​ച്ചു. അങ്ങനെ അവർ യഹോ​വ​യും യഹോ​വ​യു​ടെ മകനും രണ്ടു വ്യക്തി​ക​ളാ​ണെന്നു മനസ്സി​ലാ​ക്കു​ന്നതു തടഞ്ഞു. (യോഹ. 17:3) ദൈവ​ത്തി​ന്റെ വചനത്തിൽ പറഞ്ഞി​ട്ടു​പോ​ലു​മി​ല്ലാത്ത ത്രിത്വം എന്ന പഠിപ്പി​ക്ക​ലിന്‌ ഈ ആശയക്കു​ഴപ്പം വഴി​യൊ​രു​ക്കി. ഇതിന്റെ ഫലമായി, ദൈവം ഒരു നിഗൂ​ഢ​ത​യാ​ണെ​ന്നും ദൈവ​ത്തെ​ക്കു​റിച്ച്‌ മനസ്സി​ലാ​ക്കാ​നാ​കി​ല്ലെ​ന്നും പലരും വിശ്വ​സി​ക്കു​ന്നു. എന്തൊരു നുണ! —പ്രവൃ. 17:27.

12. (എ) സാത്താൻ വ്യാജ​മ​ത​ങ്ങളെ ഉപയോ​ഗിച്ച്‌ എന്തു ചെയ്യുന്നു? (ബി) റോമർ 1:28-31 പറയു​ന്ന​തു​പോ​ലെ അതിന്റെ ഫലമെ​ന്താണ്‌?

¹² സാത്താൻ അധാർമി​ക​മോ​ഹങ്ങൾ ഉണർത്തു​ന്നു. പുരാതന ഇസ്രാ​യേ​ലി​ന്റെ കാലത്ത്‌ അധാർമി​കത വ്യാപി​പ്പി​ക്കാൻ സാത്താൻ വ്യാജ​മ​ത​ങ്ങളെ ഉപയോ​ഗി​ച്ചു. അവൻ ഇന്നും അതുത​ന്നെ​യാ​ണു ചെയ്യു​ന്നത്‌. വ്യാജ​മ​തങ്ങൾ അധാർമി​കത വെച്ചു​പൊ​റു​പ്പി​ക്കുക മാത്രമല്ല, അതി​ലൊ​ന്നും ഒരു തെറ്റു​മില്ല എന്ന ധാരണ കൊടു​ക്കു​ക​യും ചെയ്യുന്നു. അതു​കൊണ്ട്‌ ദൈവത്തെ സേവി​ക്കു​ന്നു എന്ന്‌ അവകാ​ശ​പ്പെ​ടുന്ന അനേക​മാ​ളു​കൾ ദൈവ​ത്തി​ന്റെ വ്യക്തമായ ധാർമി​ക​നി​ല​വാ​രങ്ങൾ കാറ്റിൽപ്പ​റ​ത്തി​യി​രി​ക്കു​ന്നു. ഇതി​ന്റെ​യെ​ല്ലാം ഫലമെ​ന്താ​ണെന്ന്‌ അപ്പോ​സ്‌ത​ല​നായ പൗലോസ്‌ റോമർക്കുള്ള കത്തിൽ വിവരി​ക്കു​ന്നുണ്ട്‌. (റോമർ 1:28-31 വായി​ക്കുക.) “അവിഹി​ത​മായ കാര്യങ്ങൾ” എന്നതു സ്വവർഗ​രതി ഉൾപ്പെടെ എല്ലാ തരം ലൈം​ഗിക അധാർമി​ക​ത​യെ​യും കുറി​ക്കു​ന്നു. (റോമ. 1:24-27, 32; വെളി. 2:20) നമ്മൾ ബൈബി​ളി​ന്റെ വ്യക്തമായ പഠിപ്പി​ക്ക​ലു​ക​ളോ​ടു പറ്റിനിൽക്കേ​ണ്ടത്‌ എത്ര പ്രധാ​ന​മാണ്‌!

13. സാത്താൻ ഉപയോ​ഗി​ക്കുന്ന മറ്റൊരു തന്ത്രം ഏതാണ്‌?

¹³ സാത്താൻ സ്വാഭാ​വി​ക​മായ ആഗ്രഹ​ങ്ങളെ മുത​ലെ​ടു​ക്കു​ന്നു. നമുക്കും നമ്മുടെ കുടും​ബ​ത്തി​നും വേണ്ടി കരുതാ​നുള്ള സ്വാഭാ​വി​ക​മായ ആഗ്രഹം നമുക്കുണ്ട്‌. അതിനു​വേണ്ടി എഴുത്തും വായന​യും പോലുള്ള അടിസ്ഥാ​ന​പ​ര​മായ ചില കഴിവു​കൾ നേടി​യെ​ടു​ക്കണം. (1 തിമൊ. 5:8) മിക്ക​പ്പോ​ഴും, ഇങ്ങനെ​യുള്ള കഴിവു​കൾ നേടു​ന്ന​തി​നു നമ്മൾ സ്‌കൂ​ളിൽ പോയി നന്നായി പഠിക്കണം. എന്നാൽ ഇതിൽ ഒരു അപകടം ഒളിഞ്ഞി​രി​പ്പുണ്ട്‌. പല രാജ്യ​ങ്ങ​ളി​ലെ​യും വിദ്യാ​ഭ്യാ​സ​സ​മ്പ്ര​ദാ​യം മാനു​ഷിക തത്ത്വജ്ഞാ​ന​വും പഠിപ്പി​ക്കു​ന്നുണ്ട്‌. ദൈവ​മു​ണ്ടോ എന്നു സംശയി​ക്കുന്ന, ബൈബി​ളി​നെ പുച്ഛ​ത്തോ​ടെ വീക്ഷി​ക്കുന്ന ഒരു യുവത​ല​മു​റ​യെ​യാണ്‌ അതു വാർത്തെ​ടു​ക്കു​ന്നത്‌. ‘വിവര​മുള്ള എല്ലാവ​രും പരിണാ​മ​ത്തി​ലേ വിശ്വ​സി​ക്കൂ’ എന്നാണു വിദ്യാർഥി​കളെ പഠിപ്പി​ക്കു​ന്നത്‌. (റോമ. 1:21-23) ഇത്തരം പഠിപ്പി​ക്ക​ലു​കൾ ‘ദൈവ​ത്തി​ന്റെ ജ്ഞാനത്തിന്‌’ നേർവി​പ​രീ​ത​മാണ്‌.—1 കൊരി. 1:19-21; 3:18-20.

14. മാനു​ഷിക തത്ത്വജ്ഞാ​നം ആളുക​ളിൽ എന്താണു വളർത്തു​ന്നത്‌?

¹⁴ മനുഷ്യ​രു​ടെ തത്ത്വജ്ഞാ​നം യഹോ​വ​യു​ടെ നീതി​യുള്ള നിലവാ​ര​ങ്ങൾക്കും എതിരാണ്‌, അവയെ അവഗണി​ക്കു​ക​യും ചെയ്യുന്നു. അതു ദൈവാ​ത്മാ​വി​ന്റെ ഫലത്തിനു പകരം “ജഡത്തിന്റെ പ്രവൃ​ത്തി​കൾ” ആണു വളർത്തു​ന്നത്‌. (ഗലാ. 5:19-23) അത്‌ അഹങ്കാരം ജനിപ്പി​ക്കു​ന്നു. ഇതി​ന്റെ​യെ​ല്ലാം ഫലമായി ആളുകൾ ‘സ്വസ്‌നേ​ഹി​കൾ’ ആയിത്തീ​രു​ന്നു. (2 തിമൊ. 3:2-4) ദൈവം തന്റെ ദാസന്മാ​രിൽനിന്ന്‌ പ്രതീ​ക്ഷി​ക്കുന്ന താഴ്‌മ എന്ന ഗുണത്തിന്‌ എതിരാണ്‌ ഇവയെ​ല്ലാം. (2 ശമു. 22:28) സർവക​ലാ​ശാല വിദ്യാ​ഭ്യാ​സം നേടിയ ക്രിസ്‌ത്യാ​നി​ക​ളിൽ ചിലർ, തങ്ങളുടെ ചിന്തകളെ മനയാൻ ദൈവത്തെ അനുവ​ദി​ക്കു​ന്ന​തി​നു പകരം മാനു​ഷിക ചിന്തകളെ അനുവ​ദി​ച്ചി​രി​ക്കു​ന്നു. ഇതിന്റെ അപകട​ത്തെ​ക്കു​റിച്ച്‌ മനസ്സി​ലാ​ക്കാൻ പിൻവ​രുന്ന അനുഭവം നമ്മളെ സഹായി​ക്കും.

15-16. ഒരു സഹോ​ദ​രി​യു​ടെ അനുഭ​വ​ത്തിൽനിന്ന്‌ നിങ്ങൾ എന്തു പഠിച്ചു?

¹⁵ മുഴു​സ​മ​യ​സേ​വ​ന​ത്തിൽ 15 വർഷം പിന്നിട്ട ഒരു സഹോ​ദരി ഇങ്ങനെ പറയുന്നു: “സ്‌നാ​ന​മേറ്റ ഒരു സാക്ഷി​യെന്ന നിലയിൽ സർവക​ലാ​ശാല വിദ്യാ​ഭ്യാ​സ​ത്തി​ന്റെ അപകട​ങ്ങ​ളെ​ക്കു​റിച്ച്‌ ഞാൻ വായി​ക്കു​ക​യും കേൾക്കു​ക​യും ഒക്കെ ചെയ്‌തി​രു​ന്നു. എന്നാൽ ഞാൻ അതിനു ശ്രദ്ധ കൊടു​ത്തില്ല. ആ ഉപദേശം എനിക്കു ബാധക​മ​ല്ലെ​ന്നാ​ണു ഞാൻ കരുതി​യത്‌.” അതിന്റെ ഫലമായി എന്തെല്ലാം പ്രശ്‌ന​ങ്ങ​ളാ​ണു സഹോ​ദ​രി​ക്കു​ണ്ടാ​യത്‌? സഹോ​ദരി തുറന്നു​പ​റ​യു​ന്നു: “പഠനത്തി​നു​വേണ്ടി ധാരാളം സമയവും ശ്രമവും ആവശ്യ​മാ​യി​വന്നു. അതു കാരണം, മുമ്പ​ത്തെ​പ്പോ​ലെ സമയ​മെ​ടുത്ത്‌ പ്രാർഥി​ക്കാൻ കഴിയാ​താ​യി. എല്ലാം കഴിഞ്ഞ്‌ ആകെ മടുത്തു​പോ​കും, ശുശ്രൂ​ഷ​യിൽ ബൈബിൾചർച്ചകൾ ആസ്വദി​ക്കാ​നോ മീറ്റി​ങ്ങു​കൾക്കു നന്നായി തയ്യാറാ​കാ​നോ എനിക്കു കഴിഞ്ഞി​രു​ന്നില്ല. ഇങ്ങനെ പോയാൽ യഹോ​വ​യു​മാ​യുള്ള എന്റെ ബന്ധം തകരു​മെന്ന്‌ എനിക്കു മനസ്സി​ലാ​യി. ഉന്നതവി​ദ്യാ​ഭ്യാ​സം നിറു​ത്താൻതന്നെ ഞാൻ തീരു​മാ​നി​ച്ചു, ഞാൻ നിറു​ത്തു​ക​യും ചെയ്‌തു.”

¹⁶ ഉന്നതവി​ദ്യാ​ഭ്യാ​സം എങ്ങനെ​യാ​ണു സഹോ​ദ​രി​യു​ടെ ചിന്തകളെ സ്വാധീ​നി​ച്ചത്‌? സഹോ​ദരി പറയുന്നു: “മറ്റുള്ള​വ​രു​ടെ, വിശേ​ഷിച്ച്‌ സഹോദരങ്ങളുടെ, കുറവു​ക​ളിൽ ശ്രദ്ധ കേന്ദ്രീ​ക​രി​ക്കാ​നും അവരിൽനിന്ന്‌ കൂടുതൽ പ്രതീ​ക്ഷി​ക്കാ​നും അവരിൽനിന്ന്‌ സ്വയം ഒറ്റപ്പെ​ടു​ത്താ​നും ആണു ഞാൻ തിര​ഞ്ഞെ​ടുത്ത വിദ്യാ​ഭ്യാ​സം എന്നെ പഠിപ്പി​ച്ചത്‌. ഓർക്കു​മ്പോൾത്തന്നെ എനിക്കു നാണ​ക്കേടു തോന്നു​ന്നു. ഇത്തരം തെറ്റായ ചിന്തകൾ മാറ്റി​യെ​ടു​ക്കാൻ എനിക്കു കുറെ സമയം വേണ്ടി​വന്നു. നമ്മുടെ സ്വർഗീ​യ​പി​താവ്‌ തന്റെ സംഘട​ന​യി​ലൂ​ടെ തരുന്ന മുന്നറി​യി​പ്പു​കൾ അവഗണി​ക്കു​ന്നത്‌ എത്ര അപകട​ക​ര​മാ​ണെന്ന്‌ എന്റെ അനുഭ​വ​ത്തി​ലൂ​ടെ ഞാൻ പഠിച്ചു. എന്നെക്കാൾ കൂടുതൽ എന്നെ അറിയാ​വു​ന്നത്‌ യഹോ​വ​യ്‌ക്കാണ്‌. യഹോവ പറഞ്ഞതു ഞാൻ കേൾക്കേ​ണ്ട​താ​യി​രു​ന്നു.”

17. (എ) എന്താണു നിങ്ങളു​ടെ ഉറച്ച തീരു​മാ​നം? (ബി) അടുത്ത ലേഖന​ത്തിൽ നമ്മൾ എന്തു ചർച്ച ചെയ്യും?

¹⁷ സാത്താന്റെ ലോക​ത്തി​ന്റെ ‘വഞ്ചകവും കഴമ്പി​ല്ലാ​ത്ത​തും ആയ ആശയങ്ങൾ’ നമ്മളെ അടിമ​ക​ളാ​ക്കാൻ അനുവ​ദി​ക്കി​ല്ലെന്നു നമുക്ക്‌ ഉറച്ച തീരു​മാ​ന​മെ​ടു​ക്കാം. സാത്താന്റെ തന്ത്രങ്ങൾക്ക്‌ എതിരെ എപ്പോ​ഴും ജാഗ്ര​ത​യോ​ടെ​യി​രി​ക്കുക. (1 കൊരി. 3:18; 2 കൊരി. 2:11) യഹോ​വയെ നിങ്ങൾ മറന്നു​ക​ള​യാൻ സാത്താൻ ഇടയാ​ക്ക​രുത്‌. യഹോ​വ​യു​ടെ ഉന്നതമായ ധാർമി​ക​നി​ല​വാ​ര​ങ്ങൾക്കു ചേർച്ച​യിൽ ജീവി​ക്കുക. സാത്താന്റെ വഞ്ചനയിൽ കുടുങ്ങി യഹോ​വ​യു​ടെ ഉപദേശം അവഗണി​ക്ക​രുത്‌. എന്നാൽ ലോക​ത്തി​ന്റെ ചിന്താ​രീ​തി ഇപ്പോൾത്തന്നെ നിങ്ങളെ ബാധി​ച്ചി​ട്ടു​ള്ള​താ​യി കാണു​ന്നെ​ങ്കി​ലോ? ‘കോട്ട​കൾപ്പോ​ലെ’ ശക്തമായ ചിന്തക​ളെ​യും ശീലങ്ങ​ളെ​യും ഇടിച്ചു​ക​ള​യാൻ ദൈവ​വ​ചനം നമ്മളെ എങ്ങനെ സഹായി​ക്കു​മെന്ന്‌ അടുത്ത ലേഖനം ചർച്ച ചെയ്യും.—2 കൊരി. 10:4, 5.