നമ്മുടെ ഇന്നത്തെ ശുശ്രൂ​ഷ​യിൽ ലഘു​ലേ​ഖകൾ വളരെ മൂല്യ​വ​ത്താ​യി​രി​ക്കു​ന്ന​തി​ന്റെ കാരണം

¹ ആയിര​ത്തി​ത്തൊ​ള​ളാ​യി​രത്തി തൊണ്ണൂ​റ​റി​യൊ​ന്നു ജനുവരി 1-ലെ വാച്ച്‌ടവർ ലക്കത്തിന്റെ 30-ാമത്തെ പേജിൽ, “അദ്ദേഹം ട്രാക്കിൽ ഒരു ട്രാക്‌ററ്‌ കണ്ടെത്തി” എന്ന ഒരു അനുഭവം ഉണ്ടായി​രു​ന്നു. ഒരു പാളത്തി​ന​ടി​യിൽ തിരു​കി​വ​ച്ചി​രുന്ന നമ്മുടെ ലഘു​ലേ​ഖ​ക​ളിൽ ഒന്ന്‌ കണ്ടെത്തിയ റെയിൽപ്പാത അററകു​റ​റ​പ്പ​ണി​യു​ടെ ഒരു സൂപ്പർ​വൈ​സ​റി​നെ​ക്കു​റിച്ച്‌ അതു പറഞ്ഞു. അദ്ദേഹം ഉടൻതന്നെ ആ ലഘുലേഖ വായി​ക്കു​ക​യും തന്റെ മരുമ​ക​നോട്‌ ഇങ്ങനെ പറയു​ക​യും ചെയ്‌തു: “ഇന്നു ഞാൻ സത്യം കണ്ടെത്തി​യി​രി​ക്കു​ന്നു!” അവർ രണ്ടു​പേ​രും കൂടുതൽ സാഹി​ത്യ​ത്തി​നു ഓർഡർ ചെയ്യു​ക​യും അതു പഠിക്കു​ക​യും ചെയ്‌തു. ഇപ്പോൾ അവരുടെ പിൻഗാ​മി​ക​ളിൽ നൂറി​ലേ​റെ​പ്പേർ സത്യത്തിൽ സജീവ​മാ​യി പ്രവർത്തി​ക്കു​ന്ന​വ​രാണ്‌. കേവലം ഒരു ലഘുലേഖ വായി​ക്കു​ന്ന​തിൽനിന്ന്‌ എന്തു ഫലമു​ണ്ടാ​കാൻ കഴിയു​മെന്ന്‌ ഇതു പ്രകട​മാ​ക്കു​ന്നു.

² അവസര​ങ്ങളെ പ്രയോ​ജ​ന​പ്പെ​ടു​ത്തൽ: എല്ലായി​ട​ത്തു​മു​ളള സഹോ​ദ​രങ്ങൾ ലഘു​ലേ​ഖകൾ സമർപ്പി​ക്കാ​നു​ളള അവസര​ങ്ങളെ പ്രയോ​ജ​ന​പ്പെ​ടു​ത്തു​ന്നുണ്ട്‌. തന്റെ സ്‌കൂൾ അധ്യാ​പിക അവരുടെ അമ്മായി​യ​മ്മ​യു​ടെ മരണം നിമിത്തം ദുഃഖ​മ​നു​ഭ​വി​ക്കു​ക​യാ​ണെന്ന്‌ ഒരു യുവസാ​ക്ഷി ശ്രദ്ധിച്ചു. ഈ യുവസ​ഹോ​ദരി അധ്യാ​പി​ക​യ്‌ക്ക്‌ ആശ്വാ​സ​ദാ​യ​ക​മായ ഒരു എഴുത്ത്‌ എഴുതു​ക​യും അതിനു​ള​ളിൽ നമ്മുടെ മരിച്ച പ്രിയ​പ്പെ​ട്ട​വർക്ക്‌ എന്തു പ്രത്യാശ? എന്ന ലഘുലേഖ അടക്കം ചെയ്യു​ക​യും ചെയ്‌തു. അധ്യാ​പിക ഒരു കൃതജ്ഞ​താ​കു​റിപ്പ്‌ എഴുതു​ക​യും നമ്മുടെ യുവസ​ഹോ​ദ​രി​യു​മാ​യി സംസാ​രി​ക്കു​ക​യും ചെയ്‌തു. ഇപ്പോൾ ആ അധ്യാ​പിക അവളിൽനി​ന്നു ക്രമമാ​യി മാസി​കകൾ സ്വീക​രി​ക്കു​ന്നു.

³ ഒരു സെമി​ത്തേ​രി​യി​ലേക്കു പോകുന്ന വഴിയിൽ സാക്ഷീ​ക​രി​ക്കു​ക​യാ​യി​രുന്ന ചില സാക്ഷികൾ, ആളുകൾ ശവക്കല്ല​റ​കൾക്കു വെളള​യ​ടി​ക്കു​ന്നതു കണ്ടു. ലഘു​ലേ​ഖകൾ സമർപ്പി​ക്കാൻ പ്രസാ​ധകർ ഈ അവസരം ഉപയോ​ഗ​പ്പെ​ടു​ത്തി. അടുത്ത ദിവസം അനേക​മാ​ളു​കൾ സെമി​ത്തേരി സന്ദർശി​ക്കുന്ന ഒരു വിശേ​ഷ​ദി​വ​സ​മാ​യി​രു​ന്നു, അതു​കൊണ്ട്‌ ഈ പ്രസാ​ധകർ സെമി​ത്തേ​രി​യു​ടെ വാതിൽക്കൽ നിന്നു ലഘു​ലേ​ഖകൾ സമർപ്പി​ക്കാൻ തീരു​മാ​നി​ച്ചു. അഞ്ഞൂറി​ല​ധി​കം ലഘു​ലേ​ഖകൾ സമർപ്പി​ച്ചു, മൂന്നു​പേർ മാത്രമേ അതു നിരസി​ച്ചു​ളളു. അടുത്ത വർഷം, പ്രസാ​ധകർ മടങ്ങി​വ​രി​ക​യും ആയിര​ത്തി​ല​ധി​കം ലഘു​ലേ​ഖകൾ സമർപ്പി​ക്കു​ക​യും ചെയ്‌തു, കേവലം ആറുപേർ മാത്രമേ നിരസി​ച്ചു​ളളു. വളരെ​യ​ധി​കം വ്യക്തികൾ ആഴമായ വിലമ​തി​പ്പു പ്രകടി​പ്പി​ച്ചു. തിരി​കെ​പ്പോ​കു​മ്പോൾ ഒരു മനുഷ്യൻ ആ ലഘുലേഖ വായിച്ചു, അല്‌പം കഴിഞ്ഞ​പ്പോൾ അതു നൽകിയ സഹോ​ദ​രി​യോ​ടു സംസാ​രി​ക്കാൻ അയാൾ മടങ്ങി​വന്നു. അയാൾ ഇപ്രകാ​രം പറഞ്ഞു: “ഈ സന്ദേശം വായി​ക്കാൻ ഞാൻ ആഗ്രഹി​ക്കുന്ന ഒരാളുണ്ട്‌. എനിക്ക്‌ ഒരെണ്ണം​കൂ​ടി തരാമോ?”

⁴ ലഘു​ലേ​ഖകൾ കൈയിൽ കൊണ്ടു​ന​ട​ക്കാ​വുന്ന വലിപ്പ​ത്തി​ലു​ള​ള​തും നാം പോകു​ന്നി​ട​ത്തെ​ല്ലാം കൊണ്ടു​പോ​കാൻ എളുപ്പ​മു​ള​ള​തു​മാണ്‌. മററു​ള​ള​വ​രു​മാ​യി അനൗപ​ചാ​രി​ക​മാ​യി സംസാ​രി​ക്കു​മ്പോൾ, അവർ അപരി​ചി​ത​രോ പരിച​യ​ക്കാ​രോ ആയി​ക്കൊ​ള​ളട്ടെ, നമുക്കി​പ്പോൾ ലഭ്യമാ​യി​രി​ക്കുന്ന എട്ടു ലഘു​ലേ​ഖ​ക​ളിൽ ഒരെണ്ണം ചർച്ച ചെയ്യു​ന്ന​തി​ലേക്കു നയിക്കാൻ കഴിയുന്ന ഒരു ഹ്രസ്വ​മായ പ്രസ്‌താ​വന നടത്താൻ നാം കഠിന​ശ്രമം ചെയ്യണം. അയൽക്കാ​രോ​ടു സംസാ​രി​ക്കു​മ്പോ​ഴോ, സാധനങ്ങൾ വാങ്ങു​ക​യോ ഒരാളെ കാത്തി​രി​ക്കു​ക​യോ ചെയ്യു​മ്പോ​ഴോ, ബന്ധുക്കളെ സന്ദർശി​ക്കു​മ്പോ​ഴോ, മററന​വധി സാഹച​ര്യ​ങ്ങ​ളി​ലോ ഇതു ചെയ്യാൻ കഴിയും.

⁵ ഫലപ്ര​ദ​മാ​യി​രി​ക്കു​ന്ന​തി​ന്റെ കാരണം: ലഘു​ലേ​ഖകൾ ആകർഷ​ക​മാം​വി​ധം നിറമു​ള​ള​വ​യാണ്‌. അവ ചെറു​താണ്‌. വളരെ​യ​ധി​കം വായി​ക്കാൻ ബാദ്ധ്യത തോന്ന​ത്ത​ക്ക​വണ്ണം വീട്ടു​കാ​രും അനൗപ​ചാ​രിക സന്ദർഭ​ങ്ങ​ളിൽ നാം കണ്ടുമു​ട്ടുന്ന ആളുക​ളും ഉത്‌ക്ക​ണ്‌ഠാ​കു​ല​രാ​വു​ക​യില്ല. എന്നാൽ, സന്ദേശം രസകര​വും വിജ്ഞാ​ന​പ്ര​ദ​വു​മാണ്‌. ലഘു​ലേ​ഖ​യിൽ ചർച്ച ചെയ്‌തി​രി​ക്കുന്ന വാദവി​ഷ​യത്തെ സംബന്ധിച്ച ഉറപ്പുളള തിരു​വെ​ഴു​ത്തു​പ​ര​മായ വീക്ഷണം വായന​ക്കാ​രനു കിട്ടുന്നു. സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം എന്ന ലഘുലേഖ ലഭിക്കു​ക​യും അത്‌ അവലോ​കനം നടത്തു​ക​യും ചെയ്‌ത​ശേഷം ഒരു ചെറു​പ്പ​ക്കാ​രൻ ഇപ്രകാ​രം ഉദ്‌ഘോ​ഷി​ച്ചു: “ലോക​ത്തി​ന്റെ അവസ്ഥ സംബന്ധിച്ച്‌ ഇത്തരം പ്രോ​ത്സാ​ഹ​ജ​ന​ക​മായ വിവരങ്ങൾ ഞാൻ മുമ്പൊ​രി​ക്ക​ലും കേട്ടി​ട്ടില്ല!”

⁶ ഉചിത​മായ എല്ലാ സന്ദർഭ​ങ്ങ​ളി​ലും ഈ ലഘു​ലേ​ഖകൾ ഉപയോ​ഗി​ക്കാൻ നാം ആഗ്രഹി​ക്കു​ന്നു. വീടു​തോ​റു​മു​ളള വേലയിൽ സംഭാ​ഷണം തുടങ്ങാൻ അവ സഹായ​ക​മാ​ണെന്ന്‌ അനേകം പ്രസാ​ധ​ക​രും കണ്ടെത്തി​യി​രി​ക്കു​ന്നു. ഇപ്പോൾ നടത്ത​പ്പെ​ടുന്ന അനവധി ബൈബി​ള​ദ്ധ്യ​യ​നങ്ങൾ ഒരു ലഘു​ലേ​ഖ​കൊ​ണ്ടു തുടങ്ങി​യ​വ​യാണ്‌. ലഘു​ലേ​ഖകൾ ഫലപ്ര​ദ​മാ​യി എങ്ങനെ ഉപയോ​ഗി​ക്കാം എന്നതു സംബന്ധി​ച്ചു പ്രാ​യോ​ഗി​ക​മായ ചില നിർദ്ദേ​ശങ്ങൾ ഈ ലക്കം നമ്മുടെ രാജ്യ ശുശ്രൂ​ഷ​യു​ടെ 4-ാം പേജിൽ ഉണ്ട്‌. അതേ, ലഘു​ലേ​ഖകൾ ചെറു​താണ്‌, എന്നാൽ നമ്മുടെ ശുശ്രൂ​ഷക്ക്‌ അവ വില​യേ​റിയ ഉപകര​ണ​ങ്ങ​ളാണ്‌.