ശ്രദ്ധാ​ശൈ​ഥി​ല്യം കൂടാതെ യഹോ​വയെ സേവി​ക്കു​ക

¹ “യഹോവ ദൈവ​മാ​യി​രി​ക്കുന്ന ജനം സന്തുഷ്ട​രാ​കു​ന്നു!” (സങ്കീ. 144:15, NW) ദാവീദ്‌ രാജാ​വി​ന്റെ ആ വാക്കുകൾ ഈ ദുഷ്ടനാ​ളു​ക​ളിൽപ്പോ​ലും സത്യമാ​ണോ? (എഫെ. 5:16) ഉവ്വ്‌! യഹോ​വയെ സേവി​ക്കു​ന്ന​തിൽ ക്രിസ്‌ത്യാ​നി​കൾ ഇപ്പോ​ഴും സന്തോഷം കണ്ടെത്തു​ന്നു. എന്നാൽ കാര്യങ്ങൾ നമുക്ക്‌ എപ്പോ​ഴും എളുപ്പ​മു​ള​ളതല്ല. ഈ “ദുർഘ​ട​സമയ”ങ്ങളിൽ സാത്താൻ നമുക്കു വിഷമ​തകൾ ഉണ്ടാക്കു​ന്നു, എങ്കിലും നമ്മുടെ ഉൻമേഷം നശിക്കു​ന്നില്ല. (2 തിമൊ. 3:1, 2) ദൈവ​രാ​ജ്യം അധഃപ​തി​ച്ചു​കൊ​ണ്ടി​രി​ക്കുന്ന ഈ പഴയ ലോകത്തെ തുടച്ചു​നീ​ക്കി​ക്ക​ളഞ്ഞ്‌ അതിന്റെ സ്ഥാനത്തു സംശു​ദ്ധ​മായ ഒരു പുതിയ ലോകം സ്ഥാപി​ക്കാ​നു​ളള സമയം അടുത്തി​രി​ക്കു​ന്നു എന്നതിന്റെ കൂടു​ത​ലായ തെളി​വാ​ണു വഷളാ​യി​ക്കൊ​ണ്ടി​രി​ക്കുന്ന ഈ അവസ്ഥകൾ. (2 പത്രൊ. 3:13) ഈ ലോക​ത്തി​ന്റെ അന്ധകാരം സന്തുഷ്ട​മായ നമ്മുടെ പ്രത്യാ​ശ​യു​ടെ ജ്വാല കെടു​ത്തി​ക്ക​ള​യു​ക​യോ മങ്ങിയ​താ​ക്കു​ക​യോ ചെയ്യു​ന്നില്ല; പകരം നമ്മുടെ രാജ്യ​പ്ര​ത്യാ​ശ എന്നത്തേ​തി​ലും ശോഭ​യോ​ടെ പ്രകാ​ശി​ക്കു​ന്നു. അന്ധകാ​രാ​വൃ​ത​മായ ഈ ലോക​ത്തിൽ ഒരു ജ്യോ​തി​സ്സെന്ന നിലയിൽ യഹോ​വയെ സേവി​ക്കു​ന്ന​തിൽ നിങ്ങൾ ആഹ്ലാദ​മു​ള​ള​വ​നല്ലേ?—ഫിലി. 2:15.

² വ്യക്തി​ക​ളെന്ന നിലയിൽ, നാം യഹോ​വയെ എങ്ങനെ സേവി​ക്കു​ന്നു​വെന്നു നിരന്തരം നിരീ​ക്ഷി​ക്കണം. എന്തു​കൊണ്ട്‌? എന്തു​കൊ​ണ്ടെ​ന്നാൽ വലിയ ശ്രദ്ധാ​ശൈ​ഥി​ല്യം വരുത്തു​ന്ന​വ​നാണ്‌ സാത്താൻ. “ശ്രദ്ധാ​ശൈ​ഥി​ല്യ​മു​ണ്ടാ​ക്കുക” എന്നതിന്റെ ഇംഗ്ലീഷ്‌ പദത്തെ [“distract”] ഒരു നിഘണ്ടു നിർവ​ചി​ക്കു​ന്നത്‌ ഇങ്ങനെ​യാണ്‌: “അകററുക,” “ഒരേ സമയം​തന്നെ മറെറാ​രു വസ്‌തു​വി​ലേ​ക്കോ മററു ദിശക​ളി​ലേ​ക്കോ (ഒരുവന്റെ ശ്രദ്ധ) ആകർഷി​ക്കു​ക​യോ തിരി​ച്ചു​വി​ടു​ക​യോ ചെയ്യുക,” “വിരു​ദ്ധ​മായ വികാ​ര​ങ്ങൾകൊ​ണ്ടോ ലക്ഷ്യങ്ങൾകൊ​ണ്ടോ വ്യാമി​ശ്ര​മാ​ക്കുക അല്ലെങ്കിൽ ആശയക്കു​ഴപ്പം സൃഷ്ടി​ക്കുക.” ഈ ഭൂമി​യി​ലേക്കു വലി​ച്ചെ​റി​യ​പ്പെ​ട്ട​തു​മു​തൽ സാത്താൻ മനുഷ്യ​വർഗത്തെ “തെററി​ച്ചു​ക​ള​യുന്ന”തിൽ വിജയി​ച്ചി​ട്ടുണ്ട്‌. നമ്മുടെ നാളിലെ യഥാർഥ വിവാ​ദ​വി​ഷ​യ​ങ്ങ​ളിൽനി​ന്നു മമനു​ഷ്യ​ന്റെ ശ്രദ്ധ അകററാൻ അവൻ നിരവധി ഉപായങ്ങൾ പ്രയോ​ഗി​ക്കു​ന്നു. (വെളി. 12:9) കഴിഞ്ഞ നൂറു വർഷമാ​യി രാജ്യ​ത്തെ​ക്കു​റി​ച്ചു പ്രസം​ഗി​ക്കു​ന്ന​തിൽ യഹോ​വ​യു​ടെ സാക്ഷികൾ സതീക്ഷ്‌ണം പ്രവർത്തി​ച്ചി​രി​ക്കു​ന്നു​വെ​ങ്കിൽ പോലും, ദൈവ​രാ​ജ്യം മുഖാ​ന്ത​ര​മു​ളള യഹോ​വ​യു​ടെ നാമവി​ശു​ദ്ധീ​ക​ര​ണ​വും അവിടു​ത്തെ പരമാ​ധി​കാ​ര​സം​സ്ഥാ​പ​ന​വും എന്ന സർവ​പ്ര​ധാ​ന​മായ വിവാ​ദ​വി​ഷ​യങ്ങൾ എത്രപേർ വിലമ​തി​ക്കു​ന്നുണ്ട്‌? തുലോം വിരളം. (1 യോഹ. 5:19) ഈ ഭൂമി​യി​ലെ ശതകോ​ടി​ക്ക​ണ​ക്കിന്‌ ആളുകൾക്കു ശ്രദ്ധാ​ശൈ​ഥി​ല്യം വരുത്താൻ സാത്താനു കഴിയു​ന്നെ​ങ്കിൽ, അതിന്റെ അർഥം യഹോ​വ​യു​ടെ സേവനം ഉപേക്ഷി​ക്കാൻത​ക്ക​വണ്ണം നമ്മുടെ ശ്രദ്ധയെ ശിഥി​ല​മാ​ക്കു​ക​യോ ശ്രദ്ധ പിടി​ച്ചെ​ടു​ക്കു​ക​യോ ചെയ്യു​മെന്ന അപകടം എപ്പോ​ഴു​മു​ണ്ടെ​ന്നാണ്‌. ദുഃഖ​ക​ര​മെന്നു പറയട്ടെ, നമ്മുടെ സഹോ​ദ​രൻമാ​രിൽ ചിലർ സാത്താന്റെ ശൈഥി​ല്യ​ങ്ങ​ളാൽ ആശയക്കു​ഴ​പ്പ​ത്തി​ലാ​യി​ട്ടുണ്ട്‌. വ്യത്യസ്‌ത ദിശക​ളി​ലേക്കു തങ്ങളുടെ മനസ്സുകൾ അലയാൻ അവർ അനുവ​ദി​ച്ചി​രി​ക്കു​ന്നു. ഇന്ന്‌ എല്ലാത്ത​ര​ത്തി​ലു​ളള ശൈഥി​ല്യ​ങ്ങ​ളു​മുണ്ട്‌. അവയിൽ ചിലത്‌ എന്തെന്നു നോക്കുക.

³ സാമ്പത്തിക പ്രശ്‌ന​ങ്ങ​ളും ഭൗതിക വസ്‌തു​ക്ക​ളോ​ടു​ളള സ്‌നേ​ഹ​വും: ഭൂമി​യി​ലെ മിക്ക രാജ്യ​ങ്ങ​ളി​ലും തൊഴി​ലി​ല്ലാ​യ്‌മ​യും ഉയർന്ന ജീവി​ത​ച്ചെ​ല​വു​ക​ളും ഉത്‌ക​ണ്‌ഠ​കൾക്കു കാരണ​മാണ്‌. നമുക്കു​ത​ന്നെ​യും നമ്മുടെ കുടും​ബ​ങ്ങൾക്കും ആഹാര​വും വസ്‌ത്ര​വും പാർപ്പി​ട​വും നാം നൽകേ​ണ്ട​തു​ണ്ടെ​ന്നു​ള​ളത്‌ സത്യമാണ്‌. എന്നാൽ ജീവി​താ​വ​ശ്യ​ങ്ങൾ സംബന്ധി​ച്ചു നാം വളരെ​യ​ധി​കം ഉത്‌ക​ണ്‌ഠാ​കു​ല​രാ​കു​ന്നെ​ങ്കിൽ ആ ഉത്‌ക​ണ്‌ഠകൾ നമ്മുടെ ചിന്തയെ ഭരിക്കും. രാജ്യ​വി​വാ​ദ​വി​ഷ​യ​ത്തി​നു പിന്തുണ കൊടു​ക്കു​ന്ന​തി​നു പകരം നമ്മുടെ ഭൗതി​ക​മായ അതിജീ​വ​ന​ത്തി​ലാ​യി​രി​ക്കും മുഖ്യ പ്രാധാ​ന്യം. ഈ കാര്യ​ത്തിൽ അപ്പോ​സ്‌ത​ല​നായ പൗലോസ്‌ എബ്രായർ 13:5, 6-ൽ ബുദ്ധ്യു​പ​ദേശം നൽകി. രാജ്യം ഒന്നാമത്‌ അന്വേ​ഷി​ക്കു​ന്ന​വർക്ക്‌ ഉത്‌ക​ണ്‌ഠ​പ്പെ​ടേണ്ട ആവശ്യ​മി​ല്ലെന്നു യേശു​ക്രി​സ്‌തു നമുക്ക്‌ ഉറപ്പു നൽകുന്നു; നമുക്കു വാസ്‌ത​വ​ത്തിൽ ആവശ്യ​മു​ളള സംഗതി​കൾ യഹോവ പ്രദാനം ചെയ്യുന്നു. (മത്താ. 6:25-34) ലോക​മെ​മ്പാ​ടു​മു​ളള പയനി​യർമാർക്കും മുഴു​സമയ ദാസർക്കും ഇതു സത്യമാ​ണെന്ന്‌ ഉറപ്പിച്ചു പറയാൻ കഴിയും.

⁴ ഭൗതിക വസ്‌തു​ക്ക​ളോ​ടു​ളള സ്‌നേ​ഹത്തെ സാത്താന്റെ ലോകം ഊട്ടി​വ​ളർത്തു​ക​യാണ്‌. കൂടുതൽ വസ്‌തു​ക്കൾ സ്വരൂ​പി​ക്കു​ന്നത്‌ അല്ലെങ്കിൽ അവയെ കാത്തു​സൂ​ക്ഷി​ക്കു​ന്നത്‌ ദശലക്ഷ​ക്ക​ണ​ക്കി​നാ​ളു​ക​ളു​ടെ ജീവി​ത​ത്തി​ലെ പ്രേര​ക​ശ​ക്തി​യാണ്‌. സമാന​മായ ശൈഥി​ല്യ​ങ്ങൾ യേശു​വി​ന്റെ നാളിൽ ഉണ്ടായി​രു​ന്നു. നിത്യ​ജീ​വൻ അവകാ​ശ​മാ​ക്കാൻ താൻ എന്താണു ചെയ്യേ​ണ്ട​തെന്നു ധനിക​നായ ഒരു യുവഭ​ര​ണാ​ധി​കാ​രി യേശു​വി​നോ​ടു ചോദി​ച്ചു. യേശു ഇപ്രകാ​രം മറുപടി പറഞ്ഞു: “സൽഗു​ണ​പൂർണ്ണൻ [അല്ലെങ്കിൽ തികഞ്ഞവൻ] ആകുവാൻ ഇച്ഛിക്കു​ന്നു എങ്കിൽ നീ ചെന്നു നിനക്കു​ള​ളതു വിററു ദരി​ദ്രർക്കു കൊടുക്ക; . . . പിന്നെ വന്നു എന്നെ അനുഗ​മിക്ക.” (മത്താ. 19:16-23) വ്യക്തമാ​യും, ഒട്ടനവധി ഭൗതിക സ്വത്തുക്കൾ മുഴു​ദേ​ഹി​യോ​ടെ ദൈവത്തെ സേവി​ക്കു​ന്ന​തിൽനിന്ന്‌ ഈ യുവാ​വി​നെ തടഞ്ഞു. അയാളു​ടെ ഹൃദയം തന്റെ സമ്പത്തിന്റെ നേർക്കാ​യി​രു​ന്നു. ഈ ശൈഥി​ല്യ​ങ്ങ​ളെ​ല്ലാം ഇറക്കി​വെ​ച്ചാൽ ആ യുവമ​നു​ഷ്യ​നു കൂടുതൽ പ്രയോ​ജനം കിട്ടു​മെന്നു യേശു​വി​ന​റി​യാ​മാ​യി​രു​ന്നു. ദൈവ​ത്തോ​ടു​ളള തന്റെ ഭക്തിയിൽ തികഞ്ഞവൻ ആയിരി​ക്കു​ന്ന​തിൽനിന്ന്‌ അവ അദ്ദേഹത്തെ തടഞ്ഞു. നിങ്ങളെ സംബന്ധി​ച്ചോ? നിങ്ങൾ പരിച​യി​ച്ചു​പോന്ന ജീവി​ത​രീ​തി നിലനിർത്താൻ കൂടുതൽ സമയം ലൗകിക ജോലി ചെയ്യു​ന്ന​താ​യി നിങ്ങൾ കണ്ടെത്തു​ന്നു​വോ? യഹോ​വ​ക്കു​ളള നിങ്ങളു​ടെ സേവനത്തെ അതു ബാധി​ച്ചി​ട്ടു​ണ്ടോ? നിങ്ങളു​ടെ ഭൗതിക സ്വത്തുക്കൾ രാജ്യ​താ​ത്‌പ​ര്യ​ങ്ങളെ തിക്കി പുറത്താ​ക്കു​ന്നു​ണ്ടോ? (മത്താ. 6:24) കൂടുതൽ സമയം ആത്മീയ താത്‌പ​ര്യ​ങ്ങൾക്ക്‌ അർപ്പി​ക്കാൻ കഴി​യേ​ണ്ട​തി​നു നിങ്ങളു​ടെ ജീവി​തത്തെ ലളിത​മാ​ക്കാൻ നിങ്ങൾക്കാ​കു​മോ?

⁵ അനുദിന ജീവി​ത​ത്തി​ലെ സാധാരണ കാര്യങ്ങൾ: സൂക്ഷ്‌മത പുലർത്തു​ന്നി​ല്ലെ​ങ്കിൽ, ആത്മീയ കാര്യ​ങ്ങളെ അവഗണി​ച്ചു​കൊ​ണ്ടു സാധാരണ കാര്യ​ങ്ങ​ളിൽ നാം ആമഗ്നരാ​യി​ത്തീർന്നേ​ക്കാം. നോഹ​യു​ടെ നാളിലെ ആളുകളെ ഓർക്കുക. സാമൂ​ഹിക കാര്യങ്ങൾ, തീററ​കു​ടി, വിവാഹം കഴിക്കൽ, മക്കളുടെ വിവാഹം നടത്തൽ തുടങ്ങിയ കാര്യ​ങ്ങ​ളിൽ അവർ വ്യാപൃ​ത​രാ​യി​രു​ന്നു. അതു​കൊണ്ട്‌ ആസന്നമായ പ്രളയ​ത്തെ​ക്കു​റി​ച്ചു​ളള നോഹ​യു​ടെ മുന്നറി​യി​പ്പിൻ സന്ദേശ​ത്തിന്‌ അവർ ശ്രദ്ധ കൊടു​ത്തില്ല. അവർ മനസ്സി​ലാ​ക്കും മുമ്പ്‌, ജലപ്ര​ളയം വന്ന്‌ അവരെ​യെ​ല്ലാം അടി​ച്ചൊ​ഴു​ക്കി​ക്കൊ​ണ്ടു​പോ​യി. ശൈഥി​ല്യ​ങ്ങൾ അവർക്കു നാശമാ​യാ​ണു ഭവിച്ചത്‌. യേശു ഇങ്ങനെ പറഞ്ഞു: “മനുഷ്യ​പു​ത്രന്റെ വരവും അങ്ങനെ തന്നേ ആകും.” (മത്താ. 24:37-39) നിശ്ചയ​മാ​യും, തങ്ങൾക്കു ലഭിക്കുന്ന മുന്നറി​യി​പ്പിൻ ദൂതിനു ശ്രദ്ധ കൊടു​ക്കാൻ കഴിയാ​ത​വണ്ണം മിക്കയാ​ളു​ക​ളും ഇന്നു തങ്ങളുടെ സ്വന്തം ജീവി​ത​കാ​ര്യ​ങ്ങ​ളിൽ വളരെ​യ​ധി​കം ആമഗ്നരാ​കു​ന്നു. അവർ ആത്മീയ കാര്യ​ങ്ങ​ളോ​ടു കടുത്ത ഉദാസീ​നത കാട്ടുന്നു.

⁶ ആത്മീയ കാര്യ​ങ്ങൾക്കു ശ്രദ്ധ കുറഞ്ഞു​കു​റഞ്ഞു വരാൻ ഇടയാ​ക​ത്ത​ക്ക​വണ്ണം നിങ്ങളു​ടെ ജീവി​ത​ത്തിൽ സാമൂ​ഹിക പ്രവർത്ത​നങ്ങൾ വന്നുനി​റ​യു​ക​യാ​ണോ? ഒരവസ​ര​ത്തിൽ മാർത്ത​യു​ടെ​യും മറിയ​യു​ടെ​യും വീട്ടിൽ യേശു ഒരു അതിഥി​യാ​യി ക്ഷണിക്ക​പ്പെട്ടു. യേശു​വി​നു പറയാ​നു​ണ്ടാ​യി​രുന്ന കാര്യ​ങ്ങൾക്കു മറിയ സൂക്ഷ്‌മ​ശ്രദ്ധ കൊടു​ത്തു​കൊ​ണ്ടി​രു​ന്നു. നേരെ മറിച്ച്‌, മാർത്ത “അനേകം ജോലി​ക​ളിൽ മുഴുകി ശ്രദ്ധ പതറിക്ക”പ്പെട്ടവ​ളാ​യി​രു​ന്നു. ഒരു നല്ല ആതിഥേയ ആയിരി​ക്കു​ന്നതു സംബന്ധി​ച്ചു മാർത്തക്ക്‌ അനുചി​ത​മായ ഉത്‌ക​ണ്‌ഠ​യാ​യി​രു​ന്നു ഉണ്ടായി​രു​ന്നത്‌. യേശു​വി​നെ ശ്രദ്ധി​ക്കാൻ സമയ​മെ​ടു​ക്കേണ്ട ആവശ്യത്തെ വിലമ​തി​ക്കാൻ അവൾ പരാജ​യ​പ്പെട്ടു. വലിയ വിഭവ​ങ്ങ​ളു​ടെ​യൊ​ന്നും ആവശ്യ​മി​ല്ലാ​യി​രു​ന്നു​വെന്ന്‌ യേശു മാർത്തക്കു ദയാപു​ര​സ്സരം ചൂണ്ടി​ക്കാ​ട്ടി​ക്കൊ​ടു​ത്തു; മറിച്ച്‌ കൂടുതൽ ശ്രദ്ധ ആത്മീയ കാര്യ​ങ്ങൾക്കു കൊടു​ക്കേ​ണ്ടി​യി​രു​ന്നു. ആ ബുദ്ധ്യു​പ​ദേശം നിങ്ങൾ ബാധക​മാ​ക്കേ​ണ്ട​തു​ണ്ടോ? (ലൂക്കോ. 10:38-42, NW) നമ്മുടെ സുബോ​ധത്തെ മന്ദീഭ​വി​പ്പി​ച്ചു​കൊണ്ട്‌ അമിത​മാ​യി തിന്നു​കു​ടി​ക്കാ​തി​രി​ക്കാൻ നമുക്കു​തന്നെ ശ്രദ്ധ കൊടു​ക്ക​ണ​മെ​ന്നും യേശു മുന്നറി​യി​പ്പു നൽകി. മാനവ​ച​രി​ത്ര​ത്തി​ലെ ഈ നിർണാ​യക സമയത്ത്‌, നാം പൂർണ​മാ​യും ജാഗ്രത പാലി​ക്കേ​ണ്ട​തുണ്ട്‌.—ലൂക്കൊ. 21:34-36.

⁷ സുഖ​ഭോ​ഗ​ങ്ങൾക്കു വേണ്ടി​യു​ളള അനുധാ​വനം: രാജ്യ​വി​ഷ​യ​ത്തിൽനി​ന്നു ശ്രദ്ധ പതറി​ക്കാൻ പിശാച്‌ ഉപയോ​ഗി​ക്കുന്ന ഏററവും വലിയ ശൈഥി​ല്യ​ങ്ങ​ളി​ലൊ​ന്നു സുഖ​ഭോ​ഗ​ങ്ങൾക്കു വേണ്ടി​യു​ളള അനുധാ​വ​ന​മാണ്‌. ക്രൈ​സ്‌ത​വ​ലോ​ക​ത്തി​ലെ ദശലക്ഷ​ക്ക​ണ​ക്കി​നാ​ളു​കൾ ദൈവ​ത്തി​ന്റെ സ്ഥാനത്ത്‌ ഉല്ലാസത്തെ പ്രതി​ഷ്‌ഠി​ച്ചി​രി​ക്കു​ന്നു. ദൈവ​വ​ച​ന​ത്തിൽ കാര്യ​മായ താത്‌പ​ര്യ​മെ​ടു​ക്കു​ന്ന​തി​നു പകരം വിനോ​ദ​ത്തി​ലേർപ്പെട്ടു രസിക്കു​ന്ന​തി​ലാണ്‌ അവർക്കു കൂടുതൽ ഇഷ്ടം. (2 തിമൊ. 3:4) തീർച്ച​യാ​യും, ആരോ​ഗ്യാ​വ​ഹ​മായ വിനോ​ദ​വും കളിക​ളും അവയിൽത്തന്നെ തെററല്ല. എന്നാൽ ടെലി​വി​ഷൻ, ചലച്ചി​ത്രങ്ങൾ, വീഡി​യോ​കൾ, സ്‌പോർട്‌സ്‌, ലൗകിക പ്രസി​ദ്ധീ​ക​ര​ണ​ങ്ങ​ളു​ടെ വായന, അല്ലെങ്കിൽ ഹോബി​കൾ എന്നിവ പോലു​ളള പ്രവർത്ത​ന​ങ്ങൾക്കാ​യി അളവിൽക്ക​വിഞ്ഞ സമയം ഓരോ വാരവും ചെലവ​ഴി​ക്കു​മ്പോൾ അതു വഞ്ചനാ​ക​ര​മായ ഒരു ഹൃദയം വളർന്നു​വന്നു യഹോ​വ​യിൽനിന്ന്‌ അകന്നു​പോ​കാൻ ഇടയാ​ക്കി​യേ​ക്കാം. (യിരെ. 17:9; എബ്രാ. 3:12) അത്‌ എങ്ങനെ സംഭവി​ക്കാം? ക്രിസ്‌തീയ യോഗ​ങ്ങ​ളു​ടെ സമയത്തു മനസ്സ്‌ അലഞ്ഞു​തി​രി​യു​ന്ന​താ​യി നിങ്ങൾ തിരി​ച്ച​റി​ഞ്ഞേ​ക്കാം; നിങ്ങൾക്കു സുഖ​ഭോ​ഗ​ങ്ങൾക്കു പിന്നാലെ പോകാൻ കഴി​യേ​ണ്ട​തി​നു യോഗം അവസാ​നി​ക്കാൻ പോലും നിങ്ങൾ ആഗ്രഹി​ച്ചേ​ക്കാം. താമസി​യാ​തെ, യോഗ​ങ്ങ​ളോ വയൽസേ​വ​ന​മോ ഒഴിവാ​ക്കി​ക്കൊ​ണ്ടു വീട്ടിൽ കഴിഞ്ഞു​കൂ​ടാൻ നിങ്ങൾ കാരണ​ങ്ങൾക്കു വേണ്ടി പരതു​ന്ന​താ​യി കണ്ടെത്തും. ഈ അനുധാ​വ​നങ്ങൾ നിങ്ങളു​ടെ ജീവി​ത​ത്തിൽ ശൈഥി​ല്യ​ങ്ങ​ളാ​യി​ത്തീർന്നി​രി​ക്കു​ന്നു​വോ എന്നു സ്‌പഷ്ട​മാ​യി തീരു​മാ​നി​ക്കു​ന്ന​തി​നു​ളള സമയം ഇപ്പോ​ഴാണ്‌. (ലൂക്കൊ. 8:14) വിനോ​ദ​ത്തി​നു വേണ്ടി ചെലവ​ഴി​ക്കുന്ന വിലപ്പെട്ട മണിക്കൂ​റു​ക​ളിൽ ചിലത്‌ ആത്മീയ പുരോ​ഗ​തി​ക്കു വേണ്ടി കൂടുതൽ മെച്ചമാ​യി ഉപയോ​ഗി​ച്ചു​കൂ​ടേ?

⁸ സമയം കവർന്നെ​ടു​ക്കുന്ന മററു സംഗതി​കൾ: ആധുനിക സമൂഹ​ത്തിൽ സാധാ​ര​ണ​മാ​യു​ളള പ്രശ്‌നങ്ങൾ പരിഹ​രി​ക്കാ​നു​ളള ശ്രമങ്ങ​ളിൽ ചിലർ കുരു​ങ്ങി​പ്പോ​യി​ട്ടുണ്ട്‌. ഈ ലോക​ത്തി​ലെ സാമൂ​ഹിക വിവാ​ദ​വി​ഷ​യ​ങ്ങളെ ചൊല്ലി​യു​ളള അന്തമി​ല്ലാത്ത തർക്കങ്ങ​ളി​ലും നീതി​കേടു തിരു​ത്താ​നു​ളള അതിന്റെ വ്യർഥ​മായ പോരാ​ട്ട​ങ്ങ​ളി​ലും ഏർപ്പെ​ടു​ന്നതു ക്രിസ്‌ത്യാ​നി​കൾ ഒഴിവാ​ക്കേ​ണ്ട​തുണ്ട്‌. (യോഹ. 17:16) ഇവയെ​ല്ലാം, ബൈബി​ളി​ന്റെ ബുദ്ധ്യു​പ​ദേ​ശ​ത്തിൽനി​ന്നും ദൈവ​രാ​ജ്യ​മെന്ന ഒരൊററ ദീർഘ​കാല പരിഹാ​രം മാത്ര​മേ​യു​ള​ളൂ​വെന്ന അടിസ്ഥാന വസ്‌തു​ത​യിൽനി​ന്നും ശ്രദ്ധ വ്യതി​ച​ലി​പ്പി​ക്കാ​നു​ളള സാത്താന്റെ പദ്ധതി​യു​ടെ ഭാഗമാണ്‌. നാം വ്യക്തി​പ​ര​മാ​യി ദ്രോ​ഹ​മോ അനീതി​യോ സഹി​ക്കേണ്ടി വന്നിട്ടു​ണ്ടെ​ങ്കിൽ പ്രതി​കാ​ര​മ​നോ​ഭാ​വ​മു​ള​ള​വ​രോ യഹോ​വ​യു​ടെ സാക്ഷി​ക​ളാ​ണെന്ന കാര്യം മറക്കാ​നി​ട​യാ​ക​ത്ത​ക്ക​വണ്ണം വൈകാ​രി​ക​മാ​യി വളരെ സംഭ്രാ​ന്ത​രോ ആയിത്തീ​രാ​തി​രി​ക്കാൻ നാം ജാഗ്രത പുലർത്തണം. സർവോ​പരി, തെററു ചെയ്‌തി​രി​ക്കു​ന്നതു യഹോ​വ​ക്കെ​തി​രെ​യാണ്‌, അവിടു​ത്തെ നാമമാ​ണു നാം വിശു​ദ്ധീ​ക​രി​ക്കേ​ണ്ടത്‌.—യെശ. 43:10-12; മത്താ. 6:9.

⁹ ഒരു പരിധി​വരെ നല്ല ആരോ​ഗ്യം നിലനിർത്താൻ എല്ലാവ​രും ആഗ്രഹി​ക്കു​ന്നു​വെ​ന്നി​രി​ക്കെ, വെച്ചു​നീ​ട്ട​പ്പെ​ടുന്ന അന്തമി​ല്ലാത്ത സിദ്ധാ​ന്ത​ങ്ങൾക്കും പരിഹാ​ര​മാർഗ​ങ്ങൾക്കും അനുചി​ത​മായ ശ്രദ്ധ കൊടു​ക്കു​ന്നത്‌ ആരോ​ഗ്യ​പ​ര​മായ കാര്യ​ങ്ങ​ളിൽ വളരെ​യ​ധി​കം മുഴു​കി​പ്പോ​കാൻ ഇടയാ​ക്കും. ശാരീ​രി​ക​വും വൈകാ​രി​ക​വു​മായ പ്രശ്‌ന​ങ്ങൾക്ക്‌ നാനാ​വിധ ആഹാര​ക്ര​മ​വും ചികി​ത്സാ​മു​റ​ക​ളും വിധി​ക​ളും ശുപാർശ ചെയ്യു​ന്നവർ അനവധി​യാണ്‌. അത്തരം കാര്യ​ങ്ങ​ളി​ല​ധി​ക​വും ഒന്നി​നോ​ടൊ​ന്നു വിരു​ദ്ധ​മാണ്‌. ആരോ​ഗ്യ​പ​ര​മായ കാര്യ​ങ്ങ​ളിൽ ഒരാൾ ചെയ്യുന്ന ഒരു സംഗതി ബൈബിൾ തത്ത്വങ്ങ​ളു​ടെ ലംഘന​മാ​കാ​ത്തി​ട​ത്തോ​ളം​കാ​ലം അതു വ്യക്തി​പ​ര​മായ ഒരു തീരു​മാ​ന​മാണ്‌. മനുഷ്യ​വർഗ​ത്തി​ന്റെ എല്ലാ രോഗ​ങ്ങൾക്കും യഥാർഥ പരിഹാ​ര​മെന്ന നിലയിൽ ദൈവ​രാ​ജ്യ​ത്തിൽ നമുക്കു നമ്മുടെ സമ്പൂർണ ആശ്രയം എല്ലായ്‌പോ​ഴും വയ്‌ക്കാം.—യെശ. 33:24; വെളി. 21:3, 4.

¹⁰ സ്ഥിരത​യു​ള​ള​വ​രും അചഞ്ചല​രു​മാ​യി​ത്തീ​രുക: അവസാനം അടുത്തു​വ​രവേ, യഹോ​വ​യു​ടെ സേവന​ത്തിൽനി​ന്നു നിങ്ങളെ വ്യതി​ച​ലി​പ്പി​ക്കാ​നു​ളള സാത്താന്റെ ശ്രമങ്ങൾ പെരു​കും. “വിശ്വാ​സ​ത്തിൽ സ്ഥിരമു​ള​ള​വ​രാ​യി അവനോ​ടു എതിർത്തു നില്‌പിൻ.” (1 പത്രൊ. 5:9) എങ്ങനെ? ദൈവ​ത്തി​ന്റെ ചിന്തകൾകൊണ്ട്‌ നിങ്ങളെ സ്വയം പരി​പോ​ഷി​പ്പി​ക്കേ​ണ്ട​തുണ്ട്‌. (മത്താ. 4:4) ദൈവ​വ​ചനം പരിചി​ന്തി​ക്കു​ന്ന​തി​നും അതി​നെ​ക്കു​റി​ച്ചു ശാന്തമാ​യി ധ്യാനി​ക്കു​ന്ന​തി​നും നിങ്ങൾക്കും നിങ്ങളു​ടെ കുടും​ബ​ത്തി​നും ആവശ്യ​മു​ളള സമയം ഈ ലോക​ത്തി​ലെ ശൈഥി​ല്യ​ങ്ങൾ കവർന്നു​ക​ള​യാ​തി​രി​ക്കട്ടെ. കുടുംബ ഭക്ഷണ​വേ​ള​ക​ളിൽ പരിപു​ഷ്ടി​പ്പെ​ടു​ത്തുന്ന അനുഭ​വ​ങ്ങ​ളും മററ്‌ ആത്മീയ കാര്യ​ങ്ങ​ളും സംസാ​രി​ക്കുക. വ്യക്തി​പ​ര​മായ പഠനത്തി​നും യോഗ​ങ്ങൾക്കാ​യി തയ്യാറാ​കു​ന്ന​തി​നും വേണ്ടി സ്ഥിരമായ ഒരു പട്ടിക​യോ​ടു പററി​നിൽക്കുക.

¹¹ ഉത്‌ക​ണ്‌ഠകൾ നിങ്ങളു​ടെ മനസ്സിനെ ഇളക്കി​മ​റി​ക്കു​മെന്നു തോന്നു​മ്പോൾ നിങ്ങളു​ടെ ഭാരം പ്രാർഥ​ന​യിൽ യഹോ​വ​യു​ടെ​മേൽ ഇട്ടു​കൊ​ള​ളുക. അവിടുന്ന്‌ നിങ്ങൾക്കു വേണ്ടി കരുതു​ന്നു​വെന്ന്‌ ഉറപ്പു​ള​ള​വ​രാ​യി​രി​ക്കുക. (1 പത്രൊ. 5:7) ദൈവ​സ​മാ​ധാ​നം നിങ്ങളു​ടെ ഹൃദയ​ത്തെ​യും മാനസി​ക​പ്രാ​പ്‌തി​ക​ളെ​യും കാക്കട്ടെ. (ഫിലി. 4:6, 7) നിങ്ങളു​ടെ ആത്മീയ വീക്ഷണം മങ്ങി​പ്പോ​കാൻ ശൈഥി​ല്യ​ങ്ങളെ അനുവ​ദി​ക്കാ​തി​രി​ക്കുക. യേശു ചെയ്‌ത​തു​പോ​ലെ, നിങ്ങളു​ടെ മുമ്പാകെ യഹോ​വയെ നിരന്തരം പ്രതി​ഷ്‌ഠി​ക്കുക. (പ്രവൃ. 2:25) സദൃശ​വാ​ക്യ​ങ്ങൾ 4:25-27 പറയു​ന്ന​തു​പോ​ലെ നിങ്ങളു​ടെ ദൃഷ്ടി നേരെ മുമ്പി​ലു​ളള ലക്ഷ്യത്തിൽത്തന്നെ പതിപ്പി​ച്ചു​നിർത്തുക: “നിന്റെ കണ്ണു നേരെ നോക്കട്ടെ; നിന്റെ കണ്ണിമ ചൊവ്വെ മുമ്പോ​ട്ടു മിഴി​ക്കട്ടെ. നിന്റെ കാലു​ക​ളു​ടെ പാതയെ നിരപ്പാ​ക്കുക; നിന്റെ വഴിക​ളെ​ല്ലാം സ്ഥിരമാ​യി​രി​ക്കട്ടെ. ഇടത്തോ​ട്ടോ വലത്തോ​ട്ടോ തിരി​യ​രു​തു.”

¹² എല്ലാ യോഗ​ങ്ങ​ളി​ലും വിശ്വ​സ്‌ത​ത​യോ​ടെ പങ്കുപ​റ​റുക. ദൈവ​വ​ച​ന​ത്തിൽനി​ന്നു​ളള പ്രബോ​ധ​ന​ത്തി​നു ശ്രദ്ധ കൊടു​ക്കേ​ണ്ട​തിന്‌ സ്വയം ശിക്ഷണം നൽകുക. (എബ്രാ. 2:1; 10:24, 25) ഈ അധഃപ​തിച്ച ലോകം പ്രദാനം ചെയ്യുന്ന സുഖങ്ങ​ളി​ലേക്കു നോക്കു​ന്ന​തി​നു പകരം ഫലദാ​യ​ക​മായ ശുശ്രൂഷ നിലനിർത്താൻ ലക്ഷ്യമി​ടുക. അതാണ്‌ നിലനിൽക്കുന്ന സന്തോ​ഷ​വും സംതൃ​പ്‌തി​യും കൈവ​രു​ത്തു​ന്നത്‌. (1 തെസ്സ. 2:19, 20) ഒടുവിൽ, വിശുദ്ധ സേവന​ത്തിൽനി​ന്നു നിങ്ങളെ വ്യതി​ച​ലി​പ്പി​ക്കാൻ ഏതെങ്കി​ലും സംഗതി​യെ​യോ വ്യക്തി​യെ​യോ അനുവ​ദി​ക്കാ​തി​രി​ക്കുക. “ഉറപ്പു​ള​ള​വ​രും കുലു​ങ്ങാ​ത്ത​വ​രും നിങ്ങളു​ടെ പ്രയത്‌നം കർത്താ​വിൽ വ്യർത്ഥമല്ല എന്നു അറിഞ്ഞി​രി​ക്ക​യാൽ കർത്താ​വി​ന്റെ വേലയിൽ എപ്പോ​ഴും വർദ്ധി​ച്ചു​വ​രു​ന്ന​വ​രും ആകുവിൻ.”—1 കൊരി. 15:58.