ബൈബിൾ വിദ്യാർഥി​കളെ ശുശ്രൂ​ഷ​ക്കാ​യി ഒരുക്കുക

¹ ബൈബി​ള​ധ്യ​യ​നങ്ങൾ നടത്തു​ന്ന​തി​ന്റെ അന്തിമ ലക്ഷ്യം, മററു​ള​ള​വരെ പഠിപ്പി​ക്കു​ന്ന​തിൽ നമ്മോ​ടൊ​പ്പം ചേരുന്ന പുതിയ ശിഷ്യരെ ഉളവാ​ക്കുക എന്നതാണ്‌. (മത്താ. 28:19, 20) അതു​കൊണ്ട്‌ അധ്യയ​ന​ത്തി​ന്റെ ഉദ്ദേശ്യം കേവലം അറിവു പകരുക എന്നതല്ല; അതു നമ്മുടെ വിദ്യാർഥി​ക​ളിൽ ഹൃദയം​ഗ​മ​മായ വിശ്വാ​സം നട്ടുവ​ളർത്തു​ക​യും തങ്ങളുടെ പ്രത്യാശ മററു​ള​ള​വ​രോ​ടു പങ്കുവ​യ്‌ക്കു​ന്ന​തിൽ അവരെ ഒരുക്കു​ക​യും ചെയ്യണം. (2 കൊരി. 4:13) മററു​ള​ള​വരെ പഠിപ്പി​ക്കാൻ യോഗ്യ​രാ​യി​ത്തീ​രു​ന്ന​തിന്‌ അവരെ ഏതെല്ലാം പ്രാ​യോ​ഗിക വിധങ്ങ​ളിൽ നമുക്കു സഹായി​ക്കാ​നാ​കും?—2 തിമൊ. 2:2.

² ശുശ്രൂ​ഷയെ ഒരു ലാക്കാക്കി വയ്‌ക്കുക: സത്യാ​രാ​ധ​ന​യിൽ “രക്ഷയ്‌ക്കാ​യു​ളള പരസ്യ​പ്ര​ഖ്യാ​പനം” ഉൾപ്പെ​ടു​ന്നു​വെ​ന്നതു തുടക്കം മുതൽത്തന്നെ വ്യക്തമാ​ക്കുക. (റോമ. 10:10, NW) യഹോ​വ​യു​ടെ സാക്ഷികൾ എന്ന നമ്മുടെ പേരു​തന്നെ നാം മററു​ള​ള​വ​രോ​ടു സംസാ​രി​ക്കണം എന്നു സൂചി​പ്പി​ക്കു​ന്നു. അവർ പഠിപ്പി​ക്ക​പ്പെ​ടു​ന്നത്‌ അവരുടെ മാത്രം രക്ഷയ്‌ക്കു വേണ്ടിയല്ല എന്നു മനസ്സി​ലാ​ക്കാൻ അവരെ സഹായി​ക്കുക. അവർതന്നെ പഠിപ്പി​ക്കു​ന്നവർ ആയിത്തീ​രു​മ്പോൾ അവരെ ശ്രദ്ധി​ക്കു​ന്ന​വർക്ക്‌ രക്ഷയ്‌ക്കു​ളള ഒരു അവസരം ലഭിക്കു​ന്നു.—1 തിമൊ. 4:16.

³ പഠിച്ച കാര്യങ്ങൾ പുനര​വ​ലോ​കനം ചെയ്യുക: പഠിച്ച കാര്യങ്ങൾ കുറെ​ക്കാ​ലം കൂടു​മ്പോൾ അവലോ​കനം ചെയ്യു​ന്നത്‌ വില​യേ​റിയ ഒരു പഠിപ്പി​ക്കൽ സഹായി​യാണ്‌. പുതു​താ​യി പഠിച്ച സത്യങ്ങൾ വിദ്യാർഥി​യു​ടെ മനസ്സി​ലും ഹൃദയ​ത്തി​ലും ആഴത്തിൽ പതിയു​മ്പോൾ ആത്മീയ​മാ​യി വളരാൻ അവ അയാളെ സഹായി​ക്കു​ന്നു. വീക്ഷാ​ഗോ​പുര അധ്യയ​ന​ത്തിൽ ഉൾപ്പെ​ടു​ത്തി​യി​രി​ക്കുന്ന പുനര​വ​ലോ​കന ചോദ്യ​ങ്ങൾക്ക്‌ ഉത്തരം പറയു​മ്പോൾ നാംതന്നെ ഇത്‌ അനുഭ​വി​ച്ച​റി​ഞ്ഞി​ട്ടുണ്ട്‌. വിദ്യാർഥി​യു​ടെ സ്വന്തം വാക്കു​ക​ളിൽ ഉത്തരം പറയാൻ അദ്ദേഹ​ത്തി​നു കഴി​യേ​ണ്ട​തി​നു ലളിത​വും നേരി​ട്ടു​ള​ള​തു​മായ ചോദ്യ​ങ്ങൾ തയ്യാറാ​ക്കുക.

⁴ നിങ്ങളു​ടെ പുനര​വ​ലോ​കനം വയൽസേവന രംഗസം​വി​ധാ​ന​ത്തി​ലാ​കാ​വു​ന്ന​താണ്‌. മററു​ള​ള​വ​രോ​ടു സാക്ഷീ​ക​രി​ക്കു​മ്പോൾ സാധാ​ര​ണ​മാ​യി ഉയർന്നു​വ​ന്നേ​ക്കാ​വുന്ന ഒരു സാഹച​ര്യ​ത്തെ വർണി​ക്കു​ക​യോ ഒരു ചോദ്യം ഉന്നയി​ക്കു​ക​യോ ചെയ്യുക. നിങ്ങൾ ഒരു വീട്ടു​കാ​ര​നാ​യി വർത്തി​ച്ചു​കൊണ്ട്‌ വിദ്യാർഥി എന്തു പറയു​മെന്നു പ്രകടി​പ്പി​ക്കാൻ അയാളെ അനുവ​ദി​ക്കുക. നന്നായി ചെയ്‌ത​തിന്‌ അദ്ദേഹത്തെ അനു​മോ​ദി​ക്കുക. അടുത്ത തവണ അതിലു​മ​ധി​കം ഫലപ്ര​ദ​നാ​യി​ത്തീ​രാൻ അദ്ദേഹത്തെ സഹായി​ക്കുന്ന നിർദേ​ശങ്ങൾ പ്രദാനം ചെയ്യുക. ഇങ്ങനെ​യു​ളള പരിശീ​ലനം, താൻ മനസ്സി​ലാ​ക്കി​യി​രി​ക്കു​ന്നത്‌ എങ്ങനെ ഉപയോ​ഗി​ക്കാ​മെന്ന്‌ അദ്ദേഹത്തെ പഠിപ്പി​ക്കു​ക​യും ബൈബിൾ ഉപയോ​ഗി​ക്കാ​നു​ളള അദ്ദേഹ​ത്തി​ന്റെ വൈദ​ഗ്‌ധ്യ​ത്തെ വർധി​പ്പി​ക്കു​ക​യും ചെയ്യും.

⁵ ന്യായ​വാ​ദം പുസ്‌തകം: ന്യായ​വാ​ദം പുസ്‌ത​ക​ത്തി​ന്റെ ഒരു കോപ്പി നിങ്ങളു​ടെ വിദ്യാർഥി​ക്കു​ണ്ടെന്ന്‌ ഉറപ്പു​വ​രു​ത്തുക. അത്‌ ഉപയോ​ഗി​ക്കാൻ അദ്ദേഹത്തെ പരിശീ​ലി​പ്പി​ക്കു​ക​യും ചെയ്യുക. സംഭാ​ഷണം തുടങ്ങാ​നും ബൈബിൾ ചോദ്യ​ങ്ങൾക്ക്‌ ഉത്തരങ്ങൾ പറയാ​നും അല്ലെങ്കിൽ തടസ്സവാ​ദ​ങ്ങളെ കൈകാ​ര്യം ചെയ്യാ​നും അത്‌ എങ്ങനെ നിർദേ​ശങ്ങൾ പ്രദാനം ചെയ്യു​ന്നു​വെന്നു കാട്ടി​ക്കൊ​ടു​ക്കുക. ബോധ്യം​വ​രു​ത്തുന്ന ഒരു വിധത്തിൽ മററു​ള​ള​വ​രോ​ടു സംസാ​രി​ക്കാ​നു​ളള വിധങ്ങൾ പ്രകടി​പ്പി​ച്ചു കാണി​ക്കു​ന്ന​തിന്‌ അധ്യയ​ന​ത്തിൽ ഈ പുസ്‌തകം ഉപയോ​ഗി​ക്കുക. ഇതിന്‌ അദ്ദേഹ​ത്തി​ന്റെ ആത്മവി​ശ്വാ​സത്തെ കെട്ടു​പണി ചെയ്യാ​നും രാജ്യ​സ​ന്ദേശം പ്രഖ്യാ​പി​ക്കാൻ മുൻകൈ എടുക്കു​ന്ന​തിന്‌ അദ്ദേഹ​ത്തി​ന്റെ മനസ്സൊ​രു​ക്കത്തെ വർധി​പ്പി​ക്കാ​നും കഴിയും.

⁶ യോഗ​ങ്ങ​ളു​ടെ പ്രാധാ​ന്യ​ത്തെ ഊന്നി​പ്പ​റ​യുക: സഭാ​യോ​ഗങ്ങൾ, പ്രത്യേ​കിച്ച്‌ സേവന​യോ​ഗ​വും ദിവ്യാ​ധി​പത്യ ശുശ്രൂ​ഷാ​സ്‌കൂ​ളും വയൽസേ​വ​ന​ത്തി​നാ​യി നമ്മെ ഒരുക്കാൻ ആസൂ​ത്രണം ചെയ്യ​പ്പെ​ട്ടി​ട്ടു​ള​ള​വ​യാണ്‌. ഫലപ്ര​ദ​മായ സാക്ഷീ​ക​ര​ണ​ത്തി​ന്റെ അടിസ്ഥാ​ന​സം​ഗ​തി​കൾ അനുഭ​വ​പ​രി​ച​യ​വും വൈദ​ഗ്‌ധ്യ​വു​മു​ള​ളവർ അവലോ​കനം ചെയ്യു​ക​യും പ്രകടി​പ്പി​ച്ചു കാണി​ക്കു​ക​യും ചെയ്യുന്നു. യോഗ​ങ്ങ​ളു​ടെ പ്രാധാ​ന്യ​ത്തെ ഊന്നി​പ്പ​റ​യുക. അവയിൽ സംബന്ധി​ക്കു​ന്ന​തിന്‌ അദ്ദേഹത്തെ സഹായി​ക്കാൻ നിങ്ങളാൽ കഴിയു​ന്നതു ചെയ്യുക. ക്രമമാ​യി യോഗ​ങ്ങൾക്കു ഹാജരാ​കു​ന്നത്‌ യേശു​വി​ന്റെ ഒരു യഥാർഥ ശിഷ്യ​നാ​യി​ത്തീ​രാ​നാ​വ​ശ്യ​മായ ഉത്തേജനം നിങ്ങളു​ടെ വിദ്യാർഥി​ക്കു പ്രദാനം ചെയ്യും.

⁷ നിങ്ങളു​ടെ സ്വന്തം വ്യക്തി​പ​ര​മായ ദൃഷ്ടാ​ന്ത​വും അവഗണി​ക്ക​രുത്‌. പ്രസം​ഗ​പ്ര​വർത്ത​ന​ത്തി​ലെ നിങ്ങളു​ടെ മനസ്സൊ​രു​ക്ക​വും ക്രമവും സത്യ​ത്തോ​ടു​ളള നിങ്ങളു​ടെ ആഴമായ വിലമ​തി​പ്പി​നെ പ്രകട​മാ​ക്കു​ന്നു. അത്തര​മൊ​രു ഗതി തന്റെ വിശ്വാ​സത്തെ പ്രകടി​പ്പി​ച്ചു​കാ​ണി​ക്കാൻ കൂടുതൽ ചെയ്യു​ന്ന​തി​നു നിങ്ങളു​ടെ വിദ്യാർഥി​യെ പ്രോ​ത്സാ​ഹി​പ്പി​ക്കും. (ലൂക്കൊ. 6:40) ഇതെല്ലാം ശുശ്രൂ​ഷയെ ഒരു പദവി​യാ​യി വീക്ഷി​ക്കാ​നും അതിൽ ഒരു പങ്കുണ്ടാ​യി​രി​ക്കു​ന്ന​തിൽ നന്ദിയു​ള​ള​വ​നാ​യി​രി​ക്കാ​നും ഒരു പുതിയ വ്യക്തിയെ സഹായി​ക്കു​ന്നു.—1 തിമൊ. 1:12.