സഭാപു​സ്‌ത​കാ​ധ്യ​യനം വിദ്യാ​ഭ്യാ​സ പ്രവർത്ത​ന​ങ്ങളെ പുരോ​ഗ​മി​പ്പി​ക്കു​ന്നു

¹ യഹോ​വ​യു​ടെ സ്ഥാപന​ത്തി​ന്റെ വിദ്യാ​ഭ്യാ​സ​പ​രി​പാ​ടി​യിൽ സഭാപു​സ്‌ത​കാ​ധ്യ​യ​ന​ത്തിന്‌ ഒരു മർമ​പ്ര​ധാ​ന​മായ പങ്കുണ്ട്‌. പുസ്‌ത​കാ​ധ്യ​യ​ന​ക്കൂ​ട്ടങ്ങൾ പ്രദേ​ശത്ത്‌ അങ്ങുമി​ങ്ങു​മാ​യി പലയി​ട​ങ്ങ​ളിൽ സ്ഥിതി​ചെ​യ്യു​ന്നു. ഇതുമു​ഖാ​ന്തരം, എല്ലാവർക്കും പങ്കെടു​ക്കാ​നു​ളള സൗകര്യ​മുണ്ട്‌. തങ്ങളുടെ അയൽപ​ക്കത്ത്‌ ഒരു അധ്യയനം ഉണ്ടെന്നു കേൾക്കു​മ്പോൾ അതിൽ സംബന്ധി​ക്കാ​നു​ളള ക്ഷണം സ്വീക​രി​ക്കാൻ താത്‌പ​ര്യ​ക്കാർ കൂടുതൽ മനസ്സൊ​രു​ക്കം കാണി​ച്ചേ​ക്കാം.

² ഓരോ കൂട്ട​ത്തെ​യും ചെറു​താ​ക്കി നിലനിർത്താൻ ശ്രമം ചെയ്യ​പ്പെ​ടു​ന്നു. ഓരോ​രു​ത്തർക്കും വ്യക്തി​പ​ര​മായ സഹായം കൊടു​ക്കാൻ ഇത്‌ അധ്യയ​ന​നിർവാ​ഹ​കനെ സഹായി​ക്കു​ന്നു. എല്ലാവ​രും ഒരേ വേഗത​യി​ലല്ല പഠിക്കു​ന്നത്‌. നേരത്തെ പാഠം പഠിച്ചി​ട്ടും ഒരു ആശയം മനസ്സി​ലാ​ക്കാൻ ആർക്കെ​ങ്കി​ലും ബുദ്ധി​മു​ട്ടു​ണ്ടെ​ങ്കിൽ അധ്യയ​ന​ത്തി​നു​ശേഷം അധ്യയ​ന​നിർവാ​ഹ​കന്‌ അതു സംബന്ധി​ച്ചു കൂടുതൽ ചർച്ച​ചെ​യ്യു​ന്ന​താണ്‌. കൂടാതെ, ചെറിയ കൂട്ടങ്ങ​ളാ​കു​മ്പോൾ അഭി​പ്രാ​യങ്ങൾ പറയാ​നും തിരു​വെ​ഴു​ത്തു​കൾ വായി​ക്കു​ന്ന​തിൽ പങ്കെടു​ക്കാ​നും കൂടുതൽ അവസര​ങ്ങ​ളുണ്ട്‌. ക്രമമാ​യി അഭി​പ്രാ​യങ്ങൾ പറഞ്ഞു​കൊണ്ട്‌ നിങ്ങൾ ചർച്ചയിൽ പങ്കെടു​ക്കാ​റു​ണ്ടോ? സ്വന്തം വാക്കു​ക​ളിൽ ഉത്തരം പറയാൻ നിങ്ങൾ ശ്രമി​ക്കാ​റു​ണ്ടോ? പങ്കെടു​ക്കാ​നു​ളള നിങ്ങളു​ടെ മനസ്സൊ​രു​ക്കം നിങ്ങൾക്കും മററു​ള​ള​വർക്കും പ്രയോ​ജ​ന​ക​ര​മാ​യേ​ക്കാം. നിങ്ങൾ ഒരുങ്ങു​മ്പോൾ പാഠത്തി​ലെ ചില ആശയങ്ങൾ നിങ്ങൾക്കു വ്യക്തി​പ​ര​മാ​യി എങ്ങനെ ബാധക​മാ​ക്കാ​നാ​വു​മെന്നു വിവേ​ചി​ക്കാൻ നിങ്ങളു​ടെ ചിന്താ​പ്രാ​പ്‌തി​കളെ ഉപയോ​ഗി​ക്കുക.—എബ്രാ. 5:14.

³ അധ്യയ​ന​നിർവാ​ഹകൻ ഉപയോ​ഗി​ക്കുന്ന പഠിപ്പി​ക്കൽവി​ധങ്ങൾ നിരീ​ക്ഷി​ച്ചു​കൊണ്ട്‌, കൂടുതൽ രസാവ​ഹ​വും പ്രബോ​ധ​നാ​ത്മ​ക​വു​മായ വിധത്തിൽ ഭവന​ബൈ​ബി​ള​ധ്യ​യ​നങ്ങൾ എങ്ങനെ നടത്താ​മെന്നു നിങ്ങൾക്കു മനസ്സി​ലാ​ക്കാ​നാ​വും. യോഗ്യ​ത​യു​ളള ഒരു സഹോ​ദരൻ ഖണ്ഡികകൾ വായി​ച്ചു​ക​ഴി​യു​മ്പോൾ ചോദ്യ​ങ്ങൾ പരിചി​ന്തി​ക്കു​ന്നു. കേൾക്കാ​വുന്ന ഒച്ചത്തിൽ സംസാ​രി​ക്കാൻ അധ്യയ​ന​നിർവാ​ഹകൻ സകല​രെ​യും പ്രോ​ത്സാ​ഹി​പ്പി​ക്കു​ന്നു. പരാമർശി​ച്ചി​രി​ക്കുന്ന തിരു​വെ​ഴു​ത്തു​ക​ളെ​ക്കു​റിച്ച്‌, അവ നമുക്ക്‌ എങ്ങനെ ബാധക​മാ​കു​ന്നു എന്നു മനസ്സി​ലാ​ക്കാൻ നമ്മെ സഹായി​ക്കു​ന്ന​തിന്‌, സമയമു​ള​ള​ത​നു​സ​രിച്ച്‌ അഭി​പ്രാ​യങ്ങൾ പറയി​പ്പി​ക്കാൻ അദ്ദേഹം ശ്രമി​ക്കു​ന്നു. (താരത​മ്യം ചെയ്യുക: നെഹെ​മ്യാ​വു 8:8.) ഒരു പ്രധാന ആശയം വ്യക്തമാ​ക്കാൻ അദ്ദേഹം ചില​പ്പോൾ ഹ്രസ്വ​മായ, സുവ്യ​ക്ത​മായ അഭി​പ്രാ​യ​പ്ര​ക​ട​ന​ങ്ങ​ളോ സഹായക ചോദ്യ​ങ്ങ​ളോ കൂടു​ത​ലാ​യി ഉൾക്കൊ​ള​ളി​ച്ചേ​ക്കാം. വിവരങ്ങൾ നമ്മുടെ ജീവി​ത​വു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നു എന്നു മനസ്സി​ലാ​ക്കാൻ ഒരു ഉദാഹ​ര​ണ​മോ ദൃഷ്ടാ​ന്ത​മോ നമ്മെ സഹായി​ച്ചേ​ക്കാം.

⁴ ചിലയി​ട​ങ്ങ​ളിൽ സഭാപു​സ്‌ത​കാ​ധ്യ​യ​ന​ങ്ങ​ളി​ലെ ഹാജർനില താരത​മ്യേന കുറവാണ്‌. നിങ്ങൾ ക്രമമാ​യി സംബന്ധി​ക്കാ​റു​ണ്ടോ? ഇല്ലെങ്കിൽ, ഒരു പ്രധാന കരുതൽസം​വി​ധാ​നത്തെ നിങ്ങൾ വിട്ടു​ക​ള​യു​ക​യാണ്‌. നമ്മോ​ടു​ളള യഹോ​വ​യു​ടെ കരുതൽ പ്രകട​മാ​ക്കുന്ന വിധങ്ങ​ളിൽ ഒന്ന്‌ പുസ്‌ത​കാ​ധ്യ​യന ക്രമീ​ക​ര​ണ​മാണ്‌. (1 പത്രൊ. 5:7) ആത്മീയ​മാ​യി കരുത്ത​രാ​യി​ത്തീ​രു​ന്ന​തി​നു​വേണ്ടി നാം അറിവി​ലും പരിജ്ഞാ​ന​ത്തി​ലും പുരോ​ഗതി കൈവ​രി​ക്ക​ണ​മെന്ന്‌ അവൻ ആഗ്രഹി​ക്കു​ന്നു. എന്നാൽ അതേസ​മ​യം​തന്നെ, നാം യഹോ​വ​ക്കും അവന്റെ സ്ഥാപന​ത്തി​നും ഉപകാ​ര​പ്പെ​ടു​ന്ന​തിൽ കുറഞ്ഞു​വ​രണം എന്നാണു സാത്താൻ ആഗ്രഹി​ക്കു​ന്നത്‌. അതിനു​വേണ്ടി നമ്മുടെ ആത്മീയ പുരോ​ഗ​തി​യെ മന്ദഗതി​യി​ലാ​ക്കി നമ്മെ ദുർബ​ല​രാ​ക്കാൻ അവൻ ശ്രമി​ക്കും. ഇതു സംഭവി​ക്കാൻ അനുവ​ദി​ക്ക​രുത്‌! ഈ ഗാഢസൗ​ഹൃദ സമൂഹ​ത്തി​ലെ ഊഷ്‌മ​ള​മായ, സ്‌നേ​ഹ​പു​ര​സ്സ​ര​മായ അന്തരീക്ഷം നിങ്ങളു​ടെ ഹൃദയത്തെ സ്‌പർശി​ക്കു​ക​യും യഹോ​വയെ സ്‌തു​തി​ക്കു​ന്നതു തുടരാൻ നിങ്ങളെ പ്രചോ​ദി​പ്പി​ക്കു​ക​യും ചെയ്യു​മാ​റാ​കട്ടെ.—താരത​മ്യം ചെയ്യുക: സങ്കീർത്തനം 111:1.

⁵ ഒട്ടുമിക്ക പുസ്‌ത​കാ​ധ്യ​യ​ന​കേ​ന്ദ്ര​ങ്ങ​ളി​ലും പ്രസാ​ധ​കർക്കു സൗകര്യ​പ്ര​ദ​മായ വിധത്തിൽ വയൽസേ​വ​ന​യോ​ഗങ്ങൾ നടത്തു​ന്നുണ്ട്‌. ഇതാകട്ടെ, മധ്യവാ​ര​ത്തി​ലോ, വാരാ​ന്ത​ത്തി​ലോ, സായാ​ഹ്ന​ങ്ങ​ളി​ലോ ഉളള സാക്ഷീ​ക​ര​ണ​ത്തി​നു വേണ്ടി​യൊ​ക്കെ ആകാം. പ്രവർത്തി​ക്കാൻ ആവശ്യ​ത്തി​നു സ്ഥലമു​ണ്ടെ​ന്നും വയലിൽ നേതൃ​ത്വ​മെ​ടു​ക്കാൻ ആരെങ്കി​ലു​മു​ണ്ടാ​യി​രി​ക്കു​മെ​ന്നും പുസ്‌ത​കാ​ധ്യ​യന നിർവാ​ഹകൻ ഉറപ്പു​വ​രു​ത്തും. വയൽസേ​വ​ന​യോ​ഗങ്ങൾ 10-15 മിനി​റ​റിൽ കൂടാൻ പാടില്ല. ദിനവാ​ക്യം നമ്മുടെ പ്രസം​ഗ​വേ​ല​യു​മാ​യി ബന്ധപ്പെ​ട്ടി​രി​ക്കു​ന്നു​വെ​ങ്കിൽ അതേപ്പ​ററി നിർവാ​ഹ​കനു ഹ്രസ്വ​മായ ചർച്ച നടത്താ​വു​ന്ന​താണ്‌. അതോ​ടൊ​പ്പം വയൽസേ​വ​ന​ത്തി​നു​വേണ്ടി ഒന്നോ രണ്ടോ വിശേഷ നിർദേ​ശങ്ങൾ കൊടു​ക്കു​ക​യോ അപ്പോ​ഴത്തെ സമർപ്പ​ണ​ത്തി​ന്റെ ഒരു ഹ്രസ്വ പ്രകടനം അവതരി​പ്പി​ക്കു​ക​യോ ചെയ്യാ​വു​ന്ന​താണ്‌.

⁶ ഏതാണ്ട്‌ ഒരു കാലയ​ള​വിൽ അധ്യയ​ന​നിർവാ​ഹകൻ തന്റെ കൂട്ടത്തി​ലെ ഓരോ​രു​ത്ത​രോ​ടു​മൊ​പ്പം വ്യക്തി​പ​ര​മാ​യി വേലയിൽ ഏർപ്പെ​ടാൻ പരി​ശ്ര​മി​ക്കു​ന്നു. അങ്ങനെ അദ്ദേഹം ഓരോ​രു​ത്തർക്കും ഉചിത​മായ പ്രോ​ത്സാ​ഹ​ന​വും പരിശീ​ല​ന​വും നൽകുന്നു.—താരത​മ്യം ചെയ്യുക: മർക്കൊസ്‌ 3:14; ലൂക്കൊസ്‌ 8:1.