ഫലകര​മായ തെരു​വു​സാ​ക്ഷീ​ക​ര​ണ​ത്തി​ലൂ​ടെ താത്‌പ​ര്യ​ക്കാ​രെ കണ്ടെത്തൽ

¹ രാജ്യ​സു​വാർത്ത കേൾക്കാൻ അർഹത​യു​ള​ള​വരെ തിരഞ്ഞു കണ്ടുപി​ടി​ക്കാൻ യേശു തന്റെ ശിഷ്യൻമാ​രോ​ടു കൽപ്പിച്ചു. (മത്താ. 10:11) എങ്കിലും, പലയി​ട​ങ്ങ​ളി​ലും ആളുക​ളു​ടെ വീടു​ക​ളിൽചെന്ന്‌ അവരു​മാ​യി സമ്പർക്കം പുലർത്തു​ക​യെ​ന്നത്‌ ഇന്നു കൂടുതൽ പ്രയാ​സ​ക​ര​മാ​യി​ത്തീ​രു​ക​യാണ്‌. അതു​കൊണ്ട്‌, കണ്ടുമു​ട്ടാൻ കഴിയാ​തെ​പോ​കുന്ന ആളുക​ളു​ടെ പക്കൽ എത്തി​ച്ചേ​രു​ന്ന​തിന്‌ എന്തു ചെയ്യാൻ കഴിയും?

² വീടു​തോ​റു​മു​ളള വേലയിൽ കണ്ടുമു​ട്ടാൻ കഴിയാ​തെ​പോയ ആളുകളെ കണ്ടെത്തു​ന്ന​തി​നു​ളള ഫലപ്ര​ദ​മായ ഒരു മാർഗ​മാണ്‌ തെരു​വു​സാ​ക്ഷീ​ക​രണം. ബസ്‌ സ്‌റേ​റാ​പ്പു​കൾ, അത്യന്തം സുരക്ഷി​ത​ത്വം ഏർപ്പെ​ടു​ത്തി​ക്കൊ​ണ്ടു പ്രവേ​ശനം നിരോ​ധി​ച്ചി​രി​ക്കുന്ന കെട്ടി​ട​ങ്ങ​ളു​ടെ സമീപം, പാർക്കു​കൾ എന്നിവി​ട​ങ്ങ​ളി​ലൊ കൂടുതൽ ആളുകൾ ദൈനം​ദിന വേലക​ളിൽ ഏർപ്പെ​ട്ടി​രി​ക്കുന്ന മററി​ട​ങ്ങ​ളി​ലൊ നമുക്കു തെരു​വു​സാ​ക്ഷീ​ക​രണം നടത്താ​വു​ന്ന​താണ്‌.

³ തെരു​വു​സാ​ക്ഷീ​ക​ര​ണ​ത്തെ​പ്പ​ററി സൂചി​പ്പി​ക്കു​മ്പോൾ ചിലർക്ക്‌ സങ്കോചം തോന്നാ​റുണ്ട്‌. ലജ്ജാശീ​ല​രാ​യി​രി​ക്കു​ന്ന​തി​നാ​ലോ രാജ്യ​സ​ന്ദേ​ശത്തെ എതിർക്കുന്ന ആളുകൾ ആട്ടിപ്പാ​യി​ക്കു​മെന്നു ഭയന്നോ ആ വേലയിൽ പങ്കെടു​ക്കു​ന്ന​തി​നു ചിലർ മടി കാണി​ച്ചേ​ക്കാം. ഈ ഉത്‌ക​ണ്‌ഠകൾ മിക്ക​പ്പോ​ഴും അടിസ്ഥാ​ന​ര​ഹി​ത​മാണ്‌. ഈ പ്രവർത്ത​ന​ത്തിൽ അനുഭ​വ​പ​രി​ചയം നേടി​യി​ട്ടു​ള​ളവർ റിപ്പോർട്ടു ചെയ്യു​ന്നത്‌ ഇത്‌ വീടു​തോ​റു​മു​ളള വേല​യെ​ക്കാൾ ഒട്ടും പ്രയാ​സ​ക​രമല്ല എന്നാണ്‌. അനേക​രും പലകാ​ര​ണ​ങ്ങ​ളാൽ തെരു​വിൽവെച്ചു സംസാ​രി​ക്കു​ന്ന​തി​നു മനോ​ഭാ​വം കാട്ടു​ന്ന​വ​രാണ്‌. ചിലരാ​ണെ​ങ്കിൽ വീട്ടിൽവെച്ചു സംഭാ​ഷ​ണ​ത്തി​ലേർപ്പെ​ടു​ക​യൊ ശ്രദ്ധി​ക്കു​ക​യൊ ചെയ്യു​ന്ന​തി​നെ​ക്കാ​ള​ധി​കം തെരു​വിൽവെച്ചു ശ്രദ്ധി​ക്കാൻ പ്രവണ​ത​യു​ള​ള​വ​രാണ്‌. ആകയാൽ നാം ‘ധൈര്യം’ സംഭരി​ക്കു​ന്നു​വെ​ങ്കിൽ ആനന്ദക​ര​മായ ഫലങ്ങളിൽ ആശ്ചര്യ​പ്പെ​ട്ടേ​ക്കാം.—1 തെസ്സ. 2:2.

⁴ ഏററവും ഫലപ്ര​ദ​മായ രീതി​യിൽ തെരു​വു​വേല എങ്ങനെ നടത്താ​നാ​കും? നന്നായി തയ്യാറാ​കു​ന്നതു വളരെ പ്രധാ​ന​മാണ്‌. മാസി​കകൾ കാലേ​ക്കൂ​ട്ടി​ത്തന്നെ വായി​ക്കുക. നിങ്ങൾ കണ്ടുമു​ട്ടുന്ന ആളുകൾക്കു താത്‌പ​ര്യം ജനിക്കു​മെന്നു നിങ്ങൾക്കു തോന്നുന്ന ഒന്നോ രണ്ടോ ആശയങ്ങൾ തിര​ഞ്ഞെ​ടു​ക്കുക. 30 സെക്കൻറു​നേ​രത്തെ അവതരണം മതിയാ​കും. മററു​ള​ള​വ​രു​മാ​യി വ്യക്തി​പ​ര​മായ സമ്പർക്കം പുലർത്തു​ക​യെന്ന ലക്ഷ്യം മനസ്സിൽ പിടി​ച്ചു​കൊണ്ട്‌ ധാരാളം ആളുകൾ കടന്നു​പോ​കുന്ന ഒരു സ്ഥലം തിര​ഞ്ഞെ​ടു​ക്കുക. വേറൊ​രു പ്രസാ​ധകൻ അടുത്തു​ണ്ടാ​യി​രി​ക്കു​ന്നതു നല്ലതാ​ണെ​ന്നു​വ​രി​കി​ലും മിക്ക​പ്പോ​ഴും ഒററ​യൊ​റ​റ​യാ​യി പ്രവർത്തി​ക്കു​ന്ന​താണ്‌ ഏറെ മെച്ചം. ഒരുമി​ച്ചു നിൽക്കുന്ന പ്രസാ​ധകർ പരസ്‌പരം സംഭാ​ഷ​ണ​ത്തിൽ ഏർപ്പെ​ട്ടു​കൊ​ണ്ടു സമയം കൊല്ലു​ന്ന​തി​നി​ട​യാ​യേ​ക്കാം. തൻമൂലം, രാജ്യ​സ​ന്ദേശം ശ്രവി​ക്കാൻ യോഗ്യ​ത​യു​ളള വ്യക്തി​ക​ളിൽ ശ്രദ്ധ കേന്ദ്രീ​ക​രി​ക്കു​ന്ന​തിന്‌ അവർക്കു കഴിയാ​തെ​യും വന്നേക്കാം.

⁵ ഒരു സ്ഥലത്തു നിന്ന്‌ മാസിക പ്രദർശി​പ്പി​ക്കു​ക​മാ​ത്രം ചെയ്യു​ന്നത്‌ വ്യക്തി​കളെ സമീപി​ക്കു​ന്ന​തി​നു മുൻകൈ എടുക്കു​ന്ന​തു​പോ​ലെ ഫലപ്ര​ദമല്ല. കണ്ണിൽനോ​ക്കി സംസാ​രി​ക്കു​ന്ന​തി​നു ശ്രമി​ക്കുക. സംഭാ​ഷ​ണ​ത്തി​ലേർപ്പെ​ടാൻ മുതി​രു​മ്പോൾ ഊഷ്‌മ​ള​ത​യും സൗഹൃ​ദ​വും ഉളളവർ ആയിരി​ക്കു​ന്ന​തോ​ടൊ​പ്പം കാര്യങ്ങൾ വ്യക്തമാ​യി അവതരി​പ്പി​ക്കു​ക​യും ചെയ്യുക. ചിലവേള വ്യക്തി​യോ​ടു സംസാ​രി​ച്ചു​കൊ​ണ്ടി​രി​ക്കവേ അയാ​ളോ​ടൊ​പ്പം കുറച്ചു നടക്കേ​ണ്ട​താ​യി വന്നേക്കാം. അയാൾ പ്രതി​ക​രി​ക്കു​ന്നു​വെ​ങ്കിൽ മാസിക സമർപ്പി​ക്കുക. മാസിക നിരസി​ച്ചാൽ നിങ്ങൾക്ക്‌ ഒരു ലഘുലേഖ വാഗ്‌ദാ​നം ചെയ്യാ​വു​ന്ന​താണ്‌.

⁶ ചോദ്യം ഉയർത്തുന്ന ഒരു ഹ്രസ്വ അവതര​ണ​മൊ അല്ലെങ്കിൽ താത്‌പ​ര്യം ജനിപ്പി​ക്കുന്ന ഒരു പ്രസ്‌താ​വ​ന​യൊ ആണു സാധാ​ര​ണ​ഗ​തി​യിൽ മെച്ചമാ​യി​രി​ക്കു​ന്നത്‌. ഉചിത​മായ പ്രതി​ക​രണം കാണി​ക്കു​ന്ന​പക്ഷം കണ്ടെത്തിയ താത്‌പ​ര്യ​ത്തെ പിന്തു​ട​രു​ന്ന​തിന്‌ വ്യക്തി​യു​ടെ പേര്‌, മേൽവി​ലാ​സം, ടെല​ഫോൺ നമ്പർ എന്നിവ ചോദി​ച്ചു​വാ​ങ്ങുക. നിങ്ങൾക്ക്‌ ഇങ്ങനെ പറയാൻ കഴിയും: “താങ്കൾക്ക്‌ കൂടുതൽ അറിയാൻ ആഗ്രഹ​മു​ണ്ടെ​ങ്കിൽ എനിക്കു താങ്കളെ വീട്ടിൽവന്നു സന്ദർശി​ക്കു​ന്ന​തിന്‌ അല്ലെങ്കിൽ വേറൊ​രു സാക്ഷിയെ അതിനാ​യി ക്രമീ​ക​രി​ക്കു​ന്ന​തി​നു സന്തോ​ഷ​മുണ്ട്‌.

⁷ തെരു​വു​സാ​ക്ഷീ​ക​ര​ണ​ത്തിൽ ഏർപ്പെ​ട്ടി​രുന്ന ഒരു മൂപ്പൻ ഒരു സ്‌ത്രീ​യെ സമീപി​ക്കു​ക​യു​ണ്ടാ​യി. തന്റെ വീട്ടിൽവെച്ച്‌ ഒരു സാക്ഷി​യു​മാ​യി സംസാ​രി​ക്കാൻ അവർക്ക്‌ ഒരിക്ക​ലും അവസരം കിട്ടി​യി​ട്ടി​ല്ലെന്നു മനസ്സി​ലാ​ക്കി. അവർ ഒരു പുസ്‌തകം സ്വീക​രി​ക്കു​ക​യും സൗകര്യ​പ്ര​ദ​മായ ഒരു സമയത്ത്‌ ഒരു സഹോ​ദരി തന്നെ വീട്ടിൽവന്നു സന്ദർശി​ക്കു​ന്ന​തി​നു സമ്മതി​ക്കു​ക​യും ചെയ്‌തു. തെരു​വു​സാ​ക്ഷീ​ക​ര​ണ​ത്തിൽ നാം ഫലപ്ര​ദ​രാ​ണെ​ങ്കിൽ അർഹി​ക്കുന്ന അനേക​മാ​ളു​കളെ കണ്ടെത്തി അവരെ സഹായി​ക്കാ​നാ​കും.—പ്രവൃ. 17:17.