ചെറു​പ്പ​ക്കാർക്ക്‌ നല്ല മാതൃ​ക​യു​ടെ ആവശ്യ​മുണ്ട്‌

¹ ‘യഹോ​വ​യു​ടെ നാമത്തെ സ്‌തു​തി​ക്കുന്ന’ യുവാ​ക്ക​ളു​ടെ വർധി​ച്ചു​വ​രുന്ന സംഖ്യ നമ്മോ​ടൊ​പ്പ​മു​ള​ള​തിൽ നാം സന്തോ​ഷി​ക്കു​ന്നു. (സങ്കീ. 148:12, 13) അവരി​ല​നേ​ക​രും വളരെ ചെറു​പ്പ​മാണ്‌. അവരുടെ പുരോ​ഗതി ഒരു നല്ല പരിധി​യോ​ളം ആശ്രയി​ച്ചി​രി​ക്കു​ന്നത്‌ മാതാ​പി​താ​ക്ക​ളും സഭയിലെ പ്രായം​ചെന്ന മററു​ള​ള​വ​രും പ്രദാനം ചെയ്യുന്ന പരിശീ​ല​ന​ത്തി​ലും മാതൃ​ക​യി​ലു​മാണ്‌. എന്നിരു​ന്നാ​ലും, മററ്‌ യുവജ​നങ്ങൾ, പ്രത്യേ​കിച്ച്‌ മുതിർന്ന കൗമാ​ര​പ്രാ​യ​ക്കാ​രും ചെറു​പ്പ​ക്കാ​രും, അവരു​ടെ​മേൽ ചെലു​ത്തുന്ന സ്വാധീ​ന​വും അവഗണി​ക്കാൻ പാടു​ള​ളതല്ല. നിങ്ങൾ ഈ പ്രായ​ത്തി​ലു​ള​ള​വ​രു​ടെ ഗ്രൂപ്പിൽപ്പെ​ട്ട​താ​ണെ​ങ്കിൽ ഈ അഭി​പ്രാ​യങ്ങൾ നിങ്ങൾക്കു പ്രയോ​ജനം ചെയ്യും.

² കൗമാ​ര​പ്രാ​യ​മെ​ത്താത്ത യുവജ​നങ്ങൾ മുതിർന്ന കൗമാ​ര​പ്രാ​യ​ക്കാ​രെ അനുക​രി​ക്കു​ന്ന​തി​നു പ്രവണത കാട്ടു​ന്ന​വ​രാണ്‌. തങ്ങൾ ആദരി​ക്കു​ന്ന​വ​രു​മാ​യി അടുത്തു സഹവസി​ക്കു​ന്ന​തി​നു​ളള സ്വാഭാ​വി​ക​മായ ആഗ്രഹം അവർക്കുണ്ട്‌. തങ്ങളെ​ക്കാൾ കുറച്ചു​കൂ​ടി പ്രായ​വും അറിവും വിവര​വും ഉണ്ടെന്നു തോന്നി​ക്കുന്ന യുവാ​ക്കളെ മാതൃ​കാ​യോ​ഗ്യ​രാ​യി കാണു​ന്ന​തി​നു ചായ്‌വും കാണി​ച്ചേ​ക്കാം. തത്‌ഫ​ല​മാ​യി, അവർ നിങ്ങളു​ടെ സംസാ​ര​വും നടത്തയും ഒപ്പംതന്നെ, ആത്മീയ​കാ​ര്യ​ങ്ങ​ളി​ലു​ളള നിങ്ങളു​ടെ വിലമ​തി​പ്പും സഭയുടെ പ്രവർത്ത​ന​ങ്ങ​ളി​ലു​ളള നിങ്ങളു​ടെ പങ്കുപ​റ​റ​ലും അനുക​രി​ച്ചെ​ന്നു​വ​രാം.

³ ഒരു മുതിർന്ന കൗമാ​ര​പ്രാ​യ​ക്കാ​രൻ എന്ന നിലയിൽ നിങ്ങൾക്ക്‌ പദവി​യും ഭാരിച്ച ഉത്തരവാ​ദി​ത്വ​വു​മുണ്ട്‌. ഇപ്പോൾ നിങ്ങളു​ടെ മാതൃക നിങ്ങളു​ടെ ഇളയ സുഹൃ​ത്തു​ക്കളെ സ്വാധീ​നി​ക്കു​ന്നു​ണ്ടാ​വും. നിങ്ങ​ളോ​ടു​തന്നെ ചോദി​ക്കുക, ‘എതു തരത്തി​ലു​ളള സ്വാധീ​ന​മാ​ണു ഞാൻ ഇളയവ​രിൽ ചെലു​ത്തു​ന്നത്‌? മടയത്തങ്ങൾ വിട്ടു​ക​ള​യു​ക​യും തെററായ “യൌവ​ന​മോ​ഹ​ങ്ങളെ” വിട്ടോ​ടു​ക​യും ചെയ്യുന്ന കാര്യ​ഗൗ​ര​വ​മു​ള​ള​വ​നാ​ണോ ഞാൻ? മാതാ​പി​താ​ക്കൾ, മൂപ്പൻമാർ, പ്രായം​ചെന്ന മററു​ള​ളവർ എന്നിവ​രോട്‌ അനുസ​ര​ണ​വും ആദരവും ഞാൻ പ്രകടി​പ്പി​ക്കാ​റു​ണ്ടോ?’ (2 തിമൊ. 2:22; കൊലൊ. 3:20) നിങ്ങൾ പറയു​ന്ന​തും ചെയ്യു​ന്ന​തും എന്തുത​ന്നെ​യാ​ണെ​ങ്കി​ലും അത്‌ നിങ്ങളു​ടെ പ്രവർത്ത​നങ്ങൾ നിരീ​ക്ഷി​ക്കുന്ന മററുളള ചെറു​പ്പ​ക്കാ​രു​ടെ ആത്മീയ പുരോ​ഗ​തി​യെ ഗണ്യമാ​യി ബാധി​ക്കും.

⁴ രാജ്യ സന്ദേശം പ്രസം​ഗി​ക്കുക എന്നതാണു സഭയുടെ മുഖ്യ​മായ വേല. നിങ്ങളു​ടെ മനസ്സൊ​രു​ക്ക​വും നിരന്ത​ര​മായ പങ്കുപ​റ​റ​ലും കൂടുതൽ പ്രവർത്ത​ന​നി​ര​ത​രാ​യി​രി​ക്കു​ന്ന​തി​നു നിങ്ങളു​ടെ സുഹൃ​ത്തു​ക്കളെ പ്രോ​ത്സാ​ഹി​പ്പി​ക്കും. പയനിയർ ശുശ്രൂഷ ചെയ്യാൻ നിങ്ങൾക്കു കഴിയു​ന്നെ​ങ്കിൽ സമാന​മായ പ്രചോ​ദനം നിങ്ങളു​ടെ സുഹൃ​ത്തു​ക്കൾക്കു​മു​ണ്ടാ​കും. യോഗ​ങ്ങ​ളിൽ അഭി​പ്രാ​യം പറയു​ന്ന​തും രാജ്യ​ഹാ​ളി​ലെ അത്യാ​വ​ശ്യ​ജോ​ലി​കൾ ചെയ്യു​ന്ന​തി​നു സ്വമേ​ധയാ മുന്നോ​ട്ടു വരുന്ന​തും നല്ല മാതൃ​ക​യാ​യി​ത്തീർന്നേ​ക്കാം.

⁵ പൗലോസ്‌ തിമോ​ത്തിക്ക്‌ പിൻവ​രുന്ന ബുദ്ധ്യു​പ​ദേശം നൽകി​യ​പ്പോൾ അദ്ദേഹം കൗമാ​ര​പ്രാ​യ​ക്കാ​രൻ ആയിരു​ന്നി​ല്ലെ​ങ്കി​ലും കൗമാ​ര​പ്രാ​യ​ക്കാ​രായ നിങ്ങൾക്ക്‌ അതു ബാധക​മാ​ക്കാ​വു​ന്ന​താണ്‌: “വാക്കി​ലും നടപ്പി​ലും സ്‌നേ​ഹ​ത്തി​ലും വിശ്വാ​സ​ത്തി​ലും നിർമ​ല​ത​യി​ലും വിശ്വാ​സി​കൾക്കു മാതൃ​ക​യാ​യി​രിക്ക.” (1 തിമൊ. 4:12) യഹോ​വ​യു​ടെ സേവന​ത്തി​ലു​ളള നിങ്ങളു​ടെ ഉൻമേ​ഷ​ക​ര​വും ആത്മാർഥ​വു​മായ പങ്കെടു​ക്കൽ നിങ്ങളു​ടെ സുഹൃ​ത്തു​ക്ക​ളെ​യും യുവ നിരീ​ക്ഷ​ക​രെ​യും ക്രിയാ​ത്മ​ക​മായ രീതി​യിൽ സ്വാധീ​നി​ച്ചേ​ക്കാം. അത്‌ ആത്മീയ​മാ​യി വളർച്ച​പ്രാ​പിച്ച പുരു​ഷൻമാ​രാ​യി​ത്തീ​രു​ന്ന​തിന്‌ അവരെ സഹായി​ച്ചേ​ക്കാം. (എഫെ. 4:13) ഈയിടെ അധ്യയനം തുടങ്ങിയ കുടും​ബ​ത്തി​ലെ അംഗങ്ങ​ളാ​യി​രി​ക്കുന്ന കൗമാ​ര​പ്രാ​യ​ക്കാർ നിങ്ങളി​ലെ സ്വഭാ​വ​വി​ശേഷം കണ്ട്‌ സത്യത്തി​ലേക്ക്‌ ആകർഷി​ത​രാ​യെ​ന്നു​വ​രാം.

⁶ അതിലും പ്രധാ​ന​മാ​യി, ദൈവിക ഗുണങ്ങൾ പ്രകടി​പ്പി​ക്കു​ന്ന​തി​നു​ളള നിങ്ങളു​ടെ ശുഷ്‌കാ​ന്തി യഹോ​വ​ക്കും അവന്റെ സ്ഥാപന​ത്തി​നും മഹിമ കരേറ​റും. (സദൃ. 27:11) ആത്മാർഥ​ത​യു​ളള നിരീ​ക്ഷകർ നിങ്ങളി​ലും ലോക​ത്തി​ലു​ളള യുവജ​ന​ങ്ങ​ളി​ലു​മു​ളള സ്‌പഷ്ട​മായ വ്യത്യാ​സം കണ്ട്‌ ആശ്ചര്യ​പ്പെ​ടും. അതു​കൊണ്ട്‌, യഹോ​വ​യു​ടെ സ്‌തു​തി​ക്കാ​യി വില​യേ​റിയ സംഭാവന നൽകു​മ്പോൾതന്നെ ചെറു​പ്പ​ക്കാ​രെ സഹായി​ക്കു​ന്ന​തി​നു​ളള അനുപ​മ​മായ ഉത്തരവാ​ദി​ത്വ​വും നിങ്ങൾക്കുണ്ട്‌.—സങ്കീ. 71:17.