ബൈബി​ളി​ന്റെ മൂല്യം വിലമ​തി​ക്കാൻ മറ്റുള്ള​വരെ സഹായി​ക്കു​ക

¹ തന്റെ ശിഷ്യൻമാർക്ക്‌ ആവശ്യ​മാ​യി​രു​ന്നത്‌ യേശു പ്രദാനം ചെയ്‌തു. “തിരു​വെ​ഴു​ത്തു​ക​ളു​ടെ അർഥം ഗ്രഹി​ക്കാൻ അവൻ അവരുടെ മനസ്സു​കളെ മുഴു​വ​നാ​യി തുറന്നു” എന്നു ലൂക്കൊസ്‌ 24:45 [NW] റിപ്പോർട്ടു ചെയ്യുന്നു. തന്റെ പിതാ​വി​ന്റെ അംഗീ​കാ​രം ഉണ്ടായി​രി​ക്കാൻ ആഗ്രഹി​ക്കു​ന്നെ​ങ്കിൽ അവർ ദൈവ​വ​ച​ന​മായ ബൈബിൾ പഠിക്ക​യും ഗ്രഹി​ക്ക​യും ചെയ്യേ​ണ്ട​തു​ണ്ടെന്ന്‌ അവനറി​യാ​മാ​യി​രു​ന്നു. (സങ്കീ. 1:1, 2) നമ്മുടെ പ്രസം​ഗ​വേ​ല​യു​ടെ ലക്ഷ്യവും അതുത​ന്നെ​യാണ്‌. ബൈബി​ള​ധ്യ​യ​നങ്ങൾ ആരംഭി​ക്കുക എന്നതാണു നമ്മുടെ ലക്ഷ്യം. അങ്ങനെ ‘യേശു കൽപ്പി​ച്ച​തൊ​ക്കെ​യും പ്രമാ​ണി​പ്പാൻത​ക്ക​വണ്ണം ആളുകളെ പഠിപ്പി​ക്കാൻ’ നമുക്കു കഴിയും. (മത്താ. 28:20, NW) ഇതു മനസ്സിൽപി​ടി​ച്ചു​കൊ​ണ്ടു മടക്കസ​ന്ദർശനം നടത്തു​മ്പോൾ സഹായ​ക​ര​മാ​യേ​ക്കാ​വുന്ന ചില നിർദേ​ശങ്ങൾ താഴെ ചേർത്തി​രി​ക്കു​ന്നു.

² “ബൈബിൾ—ദൈവ​ത്തി​ന്റെ വചനമോ അതോ മനുഷ്യ​ന്റേ​തോ?” എന്ന പുസ്‌ത​ക​ത്തിൽനി​ന്നാ​യി​രു​ന്നു ആദ്യം ചർച്ച ചെയ്‌ത​തെ​ങ്കിൽ നിങ്ങൾക്ക്‌ ഇപ്രകാ​രം ചർച്ച തുടരാ​വു​ന്ന​താണ്‌:

◼“ബൈബിൾ ബുദ്ധ്യു​പ​ദേ​ശ​ത്തി​ന്റെ പ്രാ​യോ​ഗിക മൂല്യം വ്യക്തമാ​ക്കുന്ന മറ്റൊരു കാര്യം നിങ്ങളെ കാണി​ക്കാൻ ഞാൻ ആഗ്രഹി​ക്കു​ന്നു. മറ്റുള്ള​വ​രു​മാ​യി ഒത്തു​പോ​കാൻ പ്രയാ​സ​മാ​ണെന്നു പലരും കണ്ടെത്തു​ന്നു. ചുറ്റു​മു​ള്ള​വ​രു​മാ​യി ഒരു നല്ല ബന്ധം വളർത്തി​യെ​ടു​ക്കാൻ നമു​ക്കെന്തു ചെയ്യാൻ കഴിയും? [ഒരു പ്രതി​ക​ര​ണ​ത്തി​നു ശേഷം 167-8 പേജു​ക​ളി​ലെ 15-ാം ഖണ്ഡിക​യിൽനി​ന്നു മത്തായി 7:12 വായി​ക്കുക. 16-ാം ഖണ്ഡിക​യിൽ പ്രകടി​പ്പി​ച്ചി​രി​ക്കുന്ന ആശയങ്ങൾ ചേർക്കുക.] ബൈബിൾ ബുദ്ധ്യു​പ​ദേ​ശ​ത്തിൽ കാണ​പ്പെ​ടുന്ന ജ്ഞാനത്തി​ന്റെ മറ്റൊ​രു​ദാ​ഹ​ര​ണ​മാ​ണിത്‌. ഞാൻ അടുത്ത തവണ വരു​മ്പോൾ വിവാഹ ദമ്പതി​കൾക്കു തങ്ങളുടെ ബന്ധത്തിൽനിന്ന്‌ അത്യധി​കം സന്തുഷ്ടി കണ്ടെത്താൻ അവരെ സഹായി​ക്കു​ന്ന​തി​നു ബൈബിൾ പ്രദാനം ചെയ്യുന്ന ബുദ്ധ്യു​പ​ദേശം നിങ്ങളെ കാണി​ക്കാൻ ഞാൻ ആഗ്രഹി​ക്കു​ന്നു.” 170-2 പേജുകൾ ചർച്ച ചെയ്യു​ന്ന​തി​നു മടങ്ങി​ച്ചെ​ല്ലാൻ ക്രമീ​ക​രി​ക്കുക. സന്തുഷ്ട​മായ ഒരു കുടും​ബ​ജീ​വി​ത​ത്തി​നു ബൈബിൾ ശുപാർശ​ചെ​യ്യു​ന്ന​തെ​ന്തെന്ന്‌ അതു കാണി​ക്കു​ന്നു.

³ ബൈബി​ളിൽ താത്‌പ​ര്യം പ്രകട​മാ​ക്കിയ ആരോ​ടെ​ങ്കി​ലും നിങ്ങൾ സംസാ​രി​ച്ചെ​ങ്കിൽ ഒരധ്യ​യനം തുടങ്ങു​ന്ന​തിന്‌ ഈ സമീപനം ഒരുപക്ഷേ ഫലപ്ര​ദ​മാ​യി​രു​ന്നേ​ക്കാം:

◼“ജീവി​ക്കാൻ സമാധാ​ന​വും സുരക്ഷി​ത​ത്വ​വു​മുള്ള ഒരു ലോകം ഉണ്ടായി​രി​ക്കാൻ തങ്ങൾ ആഗ്രഹി​ക്കു​ന്നു​വെന്നു നിങ്ങൾ സംസാ​രി​ക്കുന്ന ഏതൊ​രാ​ളും തീർച്ച​യാ​യും പറയും. അതാണ്‌ എല്ലാവ​രും ആഗ്രഹി​ക്കു​ന്ന​തെ​ങ്കിൽ ഇത്രമാ​ത്രം കുഴപ്പ​ങ്ങ​ളും കുറ്റകൃ​ത്യ​ങ്ങ​ളും നിറഞ്ഞ ഒരു ലോകം നമുക്കു​ള്ള​തെ​ന്തു​കൊ​ണ്ടാണ്‌? [പ്രതി​ക​ര​ണ​ത്തിന്‌ അനുവ​ദി​ക്കുക.] ആ ചോദ്യ​ത്തി​നുള്ള ഉത്തരം ബൈബി​ളിൽ എവിടെ കണ്ടെത്താൻ കഴിയു​മെന്ന്‌ പുതി​യ​ലോക ഭാഷാ​ന്തരം നിങ്ങൾക്കു കാണി​ച്ചു​ത​രു​ന്നു.” 1659-ാം പേജിൽനി​ന്നു “ചർച്ചക്കു​വേ​ണ്ടി​യുള്ള ബൈബിൾ വിഷയങ്ങൾ” നമ്പർ 43എ ചൂണ്ടി​ക്കാ​ണി​ക്കുക, “ലോകാ​രി​ഷ്ട​തക്ക്‌ ഉത്തരവാ​ദി ആരാണ്‌.” 2 കൊരി​ന്ത്യർ 4:4 വായി​ക്കുക. ദൈവം പിശാ​ചി​നെ എങ്ങനെ നശിപ്പി​ക്കു​മെ​ന്നും നിലനിൽക്കുന്ന സമാധാ​ന​വും സന്തുഷ്ടി​യു​മുള്ള ഒരു ലോകം എങ്ങനെ കൊണ്ടു​വ​രു​മെ​ന്നും വിശദീ​ക​രി​ക്കുക. വെളി​പ്പാ​ടു 21:3, 4 വായി​ക്കുക. എന്നിട്ട്‌ ഇപ്രകാ​രം പറയുക: “അടുത്ത​പ്രാ​വ​ശ്യം വരു​മ്പോൾ, പ്രശ്‌ന​ര​ഹി​ത​മായ ഒരു ലോക​ത്തി​നു​വേണ്ടി നിങ്ങൾക്കു നോക്കി​യി​രി​ക്കാൻ കഴിയു​ന്ന​തെ​ന്തു​കൊണ്ട്‌ എന്നു വിശദീ​ക​രി​ക്കുന്ന ചില തിരു​വെ​ഴു​ത്തു​കൾ നിങ്ങളെ കാണി​ക്കാൻ ഞാൻ ആഗ്രഹി​ക്കു​ന്നു.”

⁴ വീട്ടു​കാ​രൻ പഴയ 192 പേജു പുസ്‌ത​ക​ങ്ങ​ളിൽ ഒന്നു സ്വീക​രി​ച്ചെ​ങ്കിൽ മടങ്ങി​ച്ചെ​ല്ലു​മ്പോൾ നിങ്ങൾക്ക്‌ ഇപ്രകാ​രം പറയാ​വു​ന്ന​താണ്‌:

◼“ബൈബിൾ പഠിക്കു​ന്നതു പ്രയോ​ജ​ന​ക​ര​മാ​യി​രി​ക്കു​ന്ന​തി​ന്റെ ചില കാരണ​ങ്ങ​ളെ​ക്കു​റി​ച്ചു നാം നേരത്തെ ചർച്ച​ചെ​യ്യു​ക​യു​ണ്ടാ​യി. ഇതു കൂടു​ത​ലാ​യി ചെയ്യു​ന്ന​തി​നുള്ള ആത്മാർഥ​മായ ഒരു ശ്രമം ദൈവം നമുക്കു​വേണ്ടി കരുതി​യി​രി​ക്കു​ന്ന​തെ​ന്താ​ണെന്നു വിലമ​തി​ക്കാൻ നമ്മെ സഹായി​ക്കും. [യോഹ​ന്നാൻ 17:3 വായി​ക്കുക.] ദൈവം വാഗ്‌ദാ​നം ചെയ്‌തി​രി​ക്കു​ന്ന​തെ​ന്തെ​ന്നും നമുക്ക​വനെ എങ്ങനെ പ്രസാ​ദി​പ്പി​ക്കാ​മെ​ന്നും കൂടു​ത​ലാ​യി പഠിക്കു​ന്ന​തിന്‌ ആയിര​ങ്ങളെ സഹായിച്ച ഒരു പഠനപ​രി​പാ​ടി ഞങ്ങൾ വികസി​പ്പി​ച്ചെ​ടു​ത്തി​ട്ടുണ്ട്‌.” വീട്ടു​കാ​രൻ സ്വീക​രിച്ച പ്രസി​ദ്ധീ​ക​ര​ണ​ത്തിൽനി​ന്നുള്ള അധ്യായ തലക്കെ​ട്ടു​കൾ പുനര​വ​ലോ​കനം ചെയ്യുക. ബൈബി​ള​ധ്യ​യനം നടത്തുന്ന വിധം കാണി​ക്കുക.

⁵ ദൈവ​വ​ച​ന​ത്തി​ന്റെ അത്യധി​ക​മായ മൂല്യം വിലമ​തി​ക്കാൻ ആത്മാർഥ ഹൃദയ​രാ​യ​വരെ സഹായി​ക്കാൻ നിങ്ങൾക്കു കഴിയു​മെ​ങ്കിൽ നിങ്ങളിൽനി​ന്നുള്ള സാധ്യ​മായ ഏറ്റവും മെച്ചപ്പെട്ട സഹായ​മാ​ണത്‌. അതിന്റെ പേജു​ക​ളു​ടെ പഠനത്തി​ലൂ​ടെ പഠിക്കാൻ കഴിയുന്ന ജ്ഞാനത്തിന്‌ അവർക്കു സന്തുഷ്ടി കൈവ​രു​ത്തുന്ന ഒരു “ജീവവൃ​ക്ഷം” ആയിരി​ക്കാൻ കഴിയും.—സദൃ. 3:18.