മുഴു ദേഹി​യോ​ടെ പ്രവർത്തി​ക്കു​ന്ന​വ​രാ​യി​രി​ക്കുക!

¹ യഹോ​വ​യോ​ടു നന്ദിയു​ള്ള​വ​രാ​യി​രി​ക്കു​ന്ന​തി​നു നമുക്ക്‌ അനേകം കാരണ​ങ്ങ​ളുണ്ട്‌. അവൻ കഴിഞ്ഞ​കാ​ലത്തു ചെയ്‌തി​രി​ക്കു​ന്ന​തും ഇപ്പോൾ ചെയ്‌തു​കൊ​ണ്ടി​രി​ക്കു​ന്ന​തും ഭാവി​യിൽ നമുക്കു​വേണ്ടി ചെയ്യാൻ പോകു​ന്ന​തു​മായ സംഗതി​കൾ ഇവയിൽ ഉൾപ്പെ​ടു​ന്നു. നമ്മുടെ കൃതജ്ഞത എന്തു ചെയ്യാൻ നമ്മെ പ്രേരി​പ്പി​ക്കണം? ദാവീ​ദി​ന്റെ ഒരു സങ്കീർത്തനം ഇങ്ങനെ ഉത്തരം നൽകുന്നു: “ഞാൻ യഹോ​വയെ എല്ലാകാ​ല​ത്തും വാഴ്‌ത്തും; അവന്റെ സ്‌തുതി എപ്പോ​ഴും എന്റെ നാവി​ന്മേൽ ഇരിക്കും.”—സങ്കീ. 34:1.

² പ്രസം​ഗി​ക്കാൻ നമുക്കു കൽപ്പന​യു​ള്ള​താ​യി ബൈബിൾ വ്യക്തമാ​യി പ്രകടി​പ്പി​ക്കു​ന്നു. നാം “യഹോ​വ​യ്‌ക്കെ​ന്ന​പോ​ലെ മുഴു​ദേ​ഹി​യോ​ടെ” ചെയ്യുന്ന ഒരു വേലയാ​ണിത്‌. (കൊലോ. 3:23, NW) നാം യഥാർഥ​ത്തിൽ മുഴു​ദേ​ഹി​യോ​ടെ പ്രവർത്തി​ക്കു​ന്ന​വ​രാ​ണെ​ങ്കിൽ എന്തുമാ​ത്രം ശുശ്രൂഷ ചെയ്യും? നമ്മോ​ടുള്ള യഹോ​വ​യു​ടെ സ്‌നേ​ഹ​ത്തെ​ക്കു​റി​ച്ചു പരിചി​ന്തി​ക്കു​മ്പോൾ അവനെ​യും അവന്റെ അനർഘ ഉദ്ദേശ്യ​ങ്ങ​ളെ​യും കുറിച്ച്‌ മറ്റുള്ള​വ​രോ​ടു പറയു​ന്ന​തിൽ ഒരു സമർപ്പിത പങ്കുണ്ടാ​യി​രി​ക്കാൻ തീർച്ച​യാ​യും നമ്മുടെ ഹൃദയങ്ങൾ നമ്മെ പ്രേരി​പ്പി​ക്കും! നമ്മാലാ​വു​ന്നതു ചെയ്യാൻ നാം പ്രേരി​ത​രാ​കു​ന്നു.

³ മുഴു ദേഹി​യോ​ടെ പ്രവർത്തി​ക്കുന്ന ഒരു വ്യക്തി വിശുദ്ധ സേവന​ത്തിൽ ശ്രദ്ധ കേന്ദ്രീ​ക​രി​ച്ചു​നിർത്താൻ ആഗ്രഹി​ക്കു​മെന്നു പ്രതീ​ക്ഷി​ക്കു​ന്നതു ന്യായ​മാ​യി​രി​ക്കും. സ്‌പഷ്ട​മാ​യും ആ വിധത്തിൽ വിചാ​രിച്ച സങ്കീർത്ത​ന​ക്കാ​രൻ ഇപ്രകാ​രം പ്രഖ്യാ​പി​ച്ചു: “ഞാൻ ദിവസം ഏഴു പ്രാവ​ശ്യം നിന്നെ സ്‌തു​തി​ക്കു​ന്നു.” (സങ്കീ. 119:164) സങ്കീർത്ത​ന​ക്കാ​രന്റെ വികാ​രങ്ങൾ പങ്കുവ​യ്‌ക്കു​ന്നവർ യഹോ​വയെ സ്‌തു​തി​ക്കാ​നുള്ള അവസരങ്ങൾ പ്രയോ​ജ​ന​പ്പെ​ടു​ത്താൻ ശ്രമി​ക്കു​ന്നു. സാഹച​ര്യ​ങ്ങൾ അനുവ​ദി​ക്കു​ന്ന​ത​നു​സ​രിച്ച്‌, അവർ സാധ്യ​മാ​കു​ന്നി​ട​ത്തോ​ളം തീക്ഷ്‌ണ​ത​യോ​ടെ സേവി​ക്കു​ന്നു.

⁴ യഹോ​വയെ സ്‌തു​തി​ക്കാ​നുള്ള അവസരങ്ങൾ നമുക്കു ചുറ്റു​മുണ്ട്‌: സുവാർത്ത പ്രസം​ഗി​ക്കു​ന്ന​തിന്‌ നാം വീടു​തോ​റു​മുള്ള വേലയിൽ പങ്കെടു​ക്കാൻ കാത്തി​രി​ക്കേ​ണ്ട​തില്ല. നമ്മുടെ സഹജോ​ലി​ക്കാ​രും സഹപാ​ഠി​ക​ളും ബന്ധുജ​ന​ങ്ങ​ളും പരിച​യ​ക്കാ​രും എല്ലാം രാജ്യ​സ​ന്ദേശം കേൾക്കേ​ണ്ട​തുണ്ട്‌. യാത്ര​ചെ​യ്യു​മ്പോൾ നമുക്ക്‌ ഹോട്ടൽ ജീവന​ക്കാർ, റെസ്റ്ററൻറ്‌ ജോലി​ക്കാർ, ഗരാജി​ലെ​യും പെ​ട്രോൾ പമ്പി​ലെ​യും ജീവന​ക്കാർ, അല്ലെങ്കിൽ റിക്ഷാ, ടാക്‌സി ഡ്രൈ​വർമാർ എന്നിവർക്കു സാക്ഷ്യം നൽകു​ന്ന​തി​ലേക്കു നയി​ച്ചേ​ക്കാ​വുന്ന സംഭാ​ഷ​ണങ്ങൾ ആരംഭി​ക്കാ​വു​ന്ന​താണ്‌. വീട്ടി​ലാ​യി​രി​ക്കു​മ്പോൾ നമുക്ക്‌ അയൽക്കാർക്കോ വീട്ടു​വാ​തിൽക്കൽ വരുന്ന വിൽപ്പ​ന​ക്കാർക്കോ സാക്ഷ്യം നൽകാ​വു​ന്ന​താണ്‌. ആശുപ​ത്രി​ക്കി​ട​ക്ക​യി​ലാ​ണെ​ങ്കിൽ നമുക്കു നേഴ്‌സു​മാ​രോ​ടും ഡോക്ടർമാ​രോ​ടും മറ്റു രോഗി​ക​ളോ​ടും അനൗപ​ചാ​രി​ക​മാ​യി പ്രസം​ഗി​ക്കാൻ കഴിയും.

⁵ അനൗപ​ചാ​രിക സാക്ഷീ​ക​രണം ഫലങ്ങൾ കൈവ​രു​ത്തു​ന്നു: ഒരു ദിവസം പാർക്കിൽ കൂടി നടക്കു​ക​യാ​യി​രുന്ന രണ്ടു സാക്ഷികൾ, തന്റെ കുട്ടി​യോ​ടൊ​പ്പം ഉലാത്തു​ക​യാ​യി​രുന്ന ഒരു യുവാ​വു​മാ​യി സംഭാ​ഷണം ആരംഭി​ച്ചു. ഒടുവിൽ അദ്ദേഹ​വും ഭാര്യ​യും സത്യം സ്വീക​രി​ച്ചു. ‘നീ സ്ഥിതി​ചെ​യ്യു​ന്നു​വെ​ങ്കിൽ, നിന്നെ അറിയാൻ ദയവായി എന്നെ ഇടയാ​ക്കേ​ണമേ’ എന്ന്‌ ആ രണ്ടു സാക്ഷി​കളെ ആദ്യമാ​യി കണ്ടുമു​ട്ടു​ന്ന​തിന്‌ അൽപ്പം മുമ്പു താൻ ദൈവ​ത്തോ​ടു പ്രാർഥി​ച്ചി​രു​ന്ന​താ​യി ആ യുവാവ്‌ പിന്നീടു വെളി​പ്പെ​ടു​ത്തി. പാർക്കി​ലെ ആ കൂടി​ക്കാഴ്‌ച തന്റെ പ്രാർഥ​ന​യ്‌ക്കു യഹോവ നൽകിയ ഉത്തരമാ​യി അദ്ദേഹം കരുതു​ന്നു.

⁶ മറ്റുള്ള​വരെ ആത്മീയ​മാ​യി സഹായി​ക്കു​ന്ന​തിന്‌ മുഴു ദേഹി​യോ​ടെ ആഗ്രഹി​ക്കു​ന്നവർ വലിയ സന്തോഷം അനുഭ​വി​ക്കു​ന്നു. “പൂർണ്ണ​ഹൃ​ദ​യ​ത്തോ”ടെയുള്ള അത്തരം സേവനം യഹോ​വയെ സന്തോ​ഷി​പ്പി​ക്കു​ന്നു​വെന്ന്‌ അവർക്ക​റി​യാം.—1 ദിന. 28:9.