മാതാ​പി​താ​ക്കളേ—നിങ്ങളു​ടെ മക്കളെ പ്രസം​ഗി​ക്കാൻ പരിശീ​ലി​പ്പി​ക്കുക

¹ ദൈവത്തെ സേവി​ക്കാൻ ആത്മാർഥ​മാ​യി ആഗ്രഹി​ക്കുന്ന നിരവധി കുട്ടി​ക​ളാൽ അനുഗൃ​ഹീ​ത​മാണ്‌ നമ്മുടെ സഭകൾ. (സഭാ. 12:1) യഹോവ തന്നെ സ്‌തു​തി​ക്കു​ന്ന​തിൽ പങ്കുപ​റ്റാൻ ക്ഷണിക്കു​ന്ന​വ​രു​ടെ കൂട്ടത്തിൽ അവരും ഉൾപ്പെ​ടു​ന്നു. (സങ്കീ. 148:12-14) അതു​കൊണ്ട്‌, മാതാ​പി​താ​ക്കൾ തങ്ങളുടെ മക്കൾക്ക്‌ ദൈനം​ദി​നം നൽകുന്ന പരിശീ​ല​ന​ത്തിൽ, രാജ്യ​പ്ര​സം​ഗ​വേ​ല​യി​ലൂ​ടെ തങ്ങളുടെ വിശ്വാ​സം മറ്റുള്ള​വ​രു​മാ​യി പങ്കു​വെ​ക്കാ​നുള്ള മാർഗ​നിർദേ​ശങ്ങൾ ഉൾക്കൊ​ള്ളി​ക്കേ​ണ്ട​തുണ്ട്‌.—ആവ. 6:6, 7.

² അനു​ക്ര​മ​മായ പടിക​ളാൽ കുട്ടി​കളെ പരിശീ​ലി​പ്പി​ക്കുക: ശുശ്രൂ​ഷ​യിൽ മാതാ​പി​താ​ക്ക​ളു​ടെ​കൂ​ടെ​പ്പോ​കാൻ നന്നേ ചെറുപ്പം മുതൽക്കേ കുട്ടി​കളെ പരിശീ​ലി​പ്പി​ക്കേ​ണ്ട​താണ്‌. സേവന​ത്തി​നു പോകു​ന്ന​തി​നു മുമ്പ്‌, അർഥവ​ത്തായ വിധത്തിൽ പങ്കുപ​റ്റാൻ നിങ്ങളു​ടെ കുട്ടി​കളെ പരിശീ​ലി​പ്പി​ക്കുക. വീട്ടു​വാ​തിൽക്കൽ അവരെന്തു ചെയ്യാ​നാ​ണു നിങ്ങൾ പ്രതീ​ക്ഷി​ക്കു​ന്ന​തെന്നു മുൻകൂ​ട്ടി നിർണ​യി​ക്കുക. തീരെ ചെറിയ കുട്ടി​കൾക്ക്‌, ലഘു​ലേ​ഖ​ക​ളോ നോട്ടീ​സു​ക​ളോ വിതരണം ചെയ്യു​ക​യും ആളുകളെ രാജ്യ​ഹാ​ളി​ലേക്കു ക്ഷണിക്കു​ക​യും ചെയ്യാ​വു​ന്ന​താണ്‌. ശരിക്കു വായി​ക്കാൻ അറിയാ​വുന്ന കുട്ടി​ക​ളെ​ക്കൊണ്ട്‌ വീട്ടു​വാ​തിൽക്കൽ തിരു​വെ​ഴു​ത്തു​കൾ വായി​പ്പി​ക്കാ​വു​ന്ന​താണ്‌. അവർക്ക്‌ ഒരു ചെറിയ അവതര​ണ​ത്തോ​ടെ മാസി​കകൾ സമർപ്പി​ക്കാ​വു​ന്ന​താണ്‌. കൂടുതൽ അനുഭ​വ​പ​രി​ചയം നേടു​ന്ന​ത​നു​സ​രിച്ച്‌ ബൈബിൾ ഉപയോ​ഗിച്ച്‌ അവതര​ണങ്ങൾ നടത്താൻ അവരെ പരിശീ​ലി​പ്പി​ക്കുക. അനേകം യുവ പ്രസാ​ധ​കർക്ക്‌ തങ്ങളുടെ സ്വന്തം മാസികാ റൂട്ടു​ക​ളുണ്ട്‌. അവർ ക്രമമാ​യി മടക്കസ​ന്ദർശ​നങ്ങൾ നടത്തു​ക​യും ചെയ്യുന്നു. ഒരു കുട്ടി മറ്റൊരു കുട്ടി​യോ​ടൊ​പ്പം പ്രവർത്തി​ക്കു​ന്ന​തി​നെ​ക്കാൾ മുതിർന്ന ഒരാ​ളോ​ടൊ​പ്പം പ്രവർത്തി​ക്കു​ന്ന​താണ്‌ ഏറെ നന്ന്‌. കുട്ടിയെ ശുശ്രൂ​ഷ​യിൽ പരിശീ​ലി​പ്പി​ക്കു​ക​യാ​ണെന്നു മുതിർന്ന വ്യക്തിക്ക്‌ വീട്ടു​കാ​ര​നോ​ടു പറയാം.

³ ഒരു കൊച്ചു​പെൺകു​ട്ടി രാജ്യ​പ്ര​സാ​ധി​ക​യാ​യി യോഗ്യത നേടാൻ തന്നെ സഹായി​ക്ക​ണ​മെന്ന്‌ മൂപ്പന്മാ​രോട്‌ ആവശ്യ​പ്പെട്ടു. അവൾക്ക​പ്പോൾ വെറും അഞ്ചു വയസ്സേ ഉണ്ടായി​രു​ന്നു​ള്ളൂ. വായി​ക്കാ​നും അറിയി​ല്ലാ​യി​രു​ന്നു. എങ്കിലും വീട്ടു​വാ​തിൽക്കൽ ഫലപ്ര​ദ​മാ​യി രാജ്യ​സ​ന്ദേശം അവതരി​പ്പി​ക്കാൻ അവൾക്കു സാധി​ച്ചി​രു​ന്നു. തിരു​വെ​ഴു​ത്തു​കൾ ഏതുഭാ​ഗ​ത്താ​ണെന്ന്‌ അവൾ കൃത്യ​മാ​യി ഓർമി​ച്ചു​വെ​ക്കും, പേജുകൾ മറിച്ച്‌ ആ ഭാഗം കണ്ടെത്തി വീട്ടു​കാ​ര​നോട്‌ അതു വായി​ക്കാൻ ആവശ്യ​പ്പെ​ടും. അതിനു​ശേഷം അവൾ അതിന്റെ വിശദീ​ക​രണം നൽകു​ക​യും ചെയ്യും.

⁴ ശുശ്രൂ​ഷ​യിൽ ക്രമമാ​യി പങ്കുപ​റ്റു​ന്ന​തിന്‌ ഒരു നല്ല പട്ടിക​യു​ണ്ടാ​യി​രി​ക്കു​ന്ന​തി​ന്റെ മൂല്യ​വും മാതാ​പി​താ​ക്ക​ളു​ടെ മാതൃ​ക​യി​ലൂ​ടെ കുട്ടികൾ പഠിപ്പി​ക്ക​പ്പെ​ടണം. മാതാ​പി​താ​ക്കൾ സേവന​ത്തി​ന്റെ ക്രമമാ​യൊ​രു പ്രതി​വാര ചര്യ സ്ഥാപി​ക്കു​ക​യും അതി​നോ​ടു പറ്റിനിൽക്കു​ക​യും വേണം. അങ്ങനെ​യാ​കു​മ്പോൾ ആഴ്‌ച​യിൽ ഏതെല്ലാം സമയമാണ്‌ പ്രസംഗ പ്രവർത്ത​ന​ത്തി​നാ​യി നീക്കി​വെ​ച്ചി​രി​ക്കു​ന്ന​തെന്നു കുട്ടി​കൾക്ക്‌ അറിയാൻ സാധി​ക്കും.

⁵ ശുശ്രൂ​ഷയെ സ്‌നേ​ഹി​ക്കാ​നും അതാസ്വ​ദി​ക്കാ​നും ഇളം പ്രായം മുതലേ കുട്ടി​കളെ പരിശീ​ലി​പ്പി​ക്കു​മ്പോൾ, ഭാവി​യിൽ കൂടുതൽ സേവന പദവികൾ—ഒരുപക്ഷേ പയനിയർ സേവന​മുൾപ്പെടെ—എത്തിപ്പി​ടി​ക്കാൻ അവർ പ്രേരി​ത​രാ​യി​ത്തീ​രും. (1 കൊരി. 15:58) നമ്മുടെ ഇടയി​ലുള്ള കുട്ടി​കളെ, യഹോ​വ​യു​ടെ സ്‌തു​തി​പാ​ഠകർ എന്ന നിലയിൽ നന്നായി പുരോ​ഗ​മി​ക്കാൻ നാമെ​ല്ലാ​വ​രും പ്രോ​ത്സാ​ഹി​പ്പി​ക്കേ​ണ്ട​തുണ്ട്‌.