“എല്ലാവ​രും അന്യോ​ന്യം സ്‌നേ​ഹി​ക്കുന്ന ഒരു കാലം വരുമോ?”

¹ സുന്ദര​മായ, ആവേശ​ജ​ന​ക​മായ, ഹൃദ​യോ​ഷ്‌മ​ള​മായ ഒരു സന്ദേശം ലോക​മെ​മ്പാ​ടും 169 ഭാഷക​ളി​ലാ​യി പ്രസം​ഗി​ക്ക​പ്പെ​ടും. എന്താണ്‌ ഈ സന്ദേശം? അതെങ്ങ​നെ​യാണ്‌ പ്രസം​ഗി​ക്ക​പ്പെ​ടുക?

² സന്ദേശം അയൽസ്‌നേ​ഹ​ത്തെ​പ്പ​റ്റി​യാണ്‌. “എല്ലാവ​രും അന്യോ​ന്യം സ്‌നേ​ഹി​ക്കുന്ന ഒരു കാലം വരുമോ?” എന്ന ശീർഷ​ക​ത്തോ​ടു​കൂ​ടിയ രാജ്യ​വാർത്ത നമ്പർ 35-ലാണ്‌ അതു കണ്ടെത്താൻ കഴിയുക. ഇത്രയ​ധി​കം ദുഃഖ​വും വേദന​യും ഉള്ളതിന്റെ മൂലകാ​രണം ആളുക​ളു​ടെ ഇടയിലെ സ്‌നേ​ഹ​രാ​ഹി​ത്യ​മാ​ണെന്നു തെളി​യി​ച്ചു​കൊണ്ട്‌, ലോക​മെ​മ്പാ​ടും ഇന്ന്‌ കാര്യങ്ങൾ എങ്ങനെ പോകു​ന്നു​വെന്ന്‌ രാജ്യ​വാർത്ത ഹ്രസ്വ​മായ ഒരു അവലോ​കനം നടത്തുന്നു. അയൽസ്‌നേഹം തണുത്തു​പോ​യി​രി​ക്കു​ന്നത്‌—പ്രത്യേ​കി​ച്ചു നമ്മുടെ നാളു​ക​ളിൽ—എന്തു​കൊ​ണ്ടാ​ണെ​ന്നും ഭാവിയെ സംബന്ധിച്ച്‌ അതെന്താ​ണർഥ​മാ​ക്കു​ന്ന​തെ​ന്നും അതു വിശദീ​ക​രി​ക്കു​ന്നു.

³ അതേസ​മയം, ഇന്നത്തെ ലോക​ത്തി​ലെ ദശലക്ഷ​ക്ക​ണ​ക്കി​നാ​ളു​ക​ളു​ടെ ഇടയിൽ യഥാർഥ അയൽസ്‌നേഹം നിലനിൽക്കു​ന്നു​വെ​ന്നും രാജ്യ​വാർത്ത നമ്പർ 35 കാണി​ക്കു​ന്നു. പുരാതന നാളിലെ ക്രിസ്‌ത്യാ​നി​ത്വ​ത്തി​ന്റെ—യേശു​ക്രി​സ്‌തു പഠിപ്പി​ച്ച​തു​പോ​ലെ അയൽസ്‌നേഹം ശ്രദ്ധേ​യ​മായ ഒരു തിരി​ച്ച​റി​യി​ക്കൽ അടയാ​ള​മാ​യി​രുന്ന ഒന്നാം നൂറ്റാ​ണ്ടി​ലെ ആരാധ​ന​യു​ടെ—നവോ​ത്ഥാ​ന​ത്തിൽ പങ്കു​ചേ​രു​ന്ന​വ​രെ​ക്കു​റിച്ച്‌ അതു വെളി​പ്പെ​ടു​ത്തു​ന്നു.—ലൂക്കൊ. 10:25-37.

⁴ ക്രിസ്‌തു മുഖാ​ന്ത​ര​മുള്ള ദൈവ​രാ​ജ്യ ഭരണത്തിൻകീ​ഴിൽ വളരെ പെട്ടെ​ന്നു​തന്നെ മുഴു മനുഷ്യ​വർഗ​ലോ​ക​വും എപ്രകാ​രം അയൽസ്‌നേഹം അഭ്യസി​ക്കു​മെ​ന്നുള്ള വിശദീ​ക​ര​ണ​ത്തോ​ടെ രാജ്യ​വാർത്ത നമ്പർ 35 ഉപസം​ഹ​രി​ക്കു​ന്നു. ഈ സന്ദേശം വായി​ക്കു​ന്നവർ, ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രിക വാങ്ങി ദൈവ​വ​ച​ന​ത്തിൽ വിവരി​ച്ചി​രി​ക്കുന്ന ഈ സ്‌നേ​ഹ​പൂർവ​ക​മായ ഭൂവ്യാ​പക ക്രമീ​ക​ര​ണ​ത്തി​ന്റെ ഭാഗമാ​യി​ത്തീ​രാൻ പഠിക്കു​ന്ന​തി​നു പ്രോ​ത്സാ​ഹി​പ്പി​ക്ക​പ്പെ​ടു​ന്നു.

⁵ ഈ സന്ദേശം ആർ പ്രസി​ദ്ധ​മാ​ക്കും? ലോക​വ്യാ​പ​ക​മാ​യുള്ള യഹോ​വ​യു​ടെ സാക്ഷികൾ ഒക്‌ടോ​ബർ, നവംബർ മാസങ്ങ​ളിൽ അയൽസ്‌നേ​ഹ​ത്തെ​ക്കു​റി​ച്ചുള്ള ഈ സന്ദേശം തങ്ങളുടെ പരിച​യ​ക്കാർ, അയൽക്കാർ, ബന്ധുക്കൾ എന്നിവ​രു​മാ​യി പങ്കു​വെ​ക്കും. രാജ്യ​വാർത്ത നമ്പർ 35 പൊതു​ജ​ന​ങ്ങൾക്കു വിതരണം ചെയ്യാൻ യോഗ്യ​ത​യുള്ള എല്ലാവ​രെ​യും പ്രോ​ത്സാ​ഹി​പ്പി​ക്കു​ന്നു.

⁶ ഈ പ്രസ്ഥാ​ന​ത്തി​ന്റെ ആത്യന്തിക ലക്ഷ്യം ആവശ്യം ലഘുപ​ത്രി​ക​യിൽനി​ന്നോ പരിജ്ഞാ​നം പുസ്‌ത​ക​ത്തിൽനി​ന്നോ ഒരു ബൈബി​ള​ധ്യ​യനം ഉണ്ടായി​രി​ക്കാ​നുള്ള ആളുക​ളു​ടെ താത്‌പ​ര്യം വർധി​പ്പി​ക്കുക എന്നതാണ്‌. കൂടാതെ, യഹോ​വ​യു​ടെ ദാസന്മാ​രു​ടെ ഭാഗത്തു​നി​ന്നുള്ള മുഴു ഹൃദയ​ത്തോ​ടു​കൂ​ടിയ ശ്രമം സ്‌നേ​ഹ​ത്തി​ന്റെ ദൈവ​മായ യഹോ​വ​യെ​ക്കു​റി​ച്ചും അവന്റെ പുത്ര​നായ യേശു​ക്രി​സ്‌തു​വി​നെ​ക്കു​റി​ച്ചും ഒരു വലിയ സാക്ഷ്യം നൽകു​ന്ന​തി​ലും കലാശി​ക്കും.