യോഗ​ങ്ങ​ളിൽ ‘അധിക​മ​ധി​കം’ സംബന്ധി​ക്കു​ക

¹ യഹോ​വ​യു​ടെ ജനത്തെ സംബന്ധി​ച്ചി​ട​ത്തോ​ളം ഒന്നിച്ചു കൂടി​വ​രു​ന്നത്‌ എല്ലായ്‌പോ​ഴും വളരെ പ്രധാ​ന​മാ​യി​രു​ന്നി​ട്ടുണ്ട്‌. സത്യാ​രാ​ധ​ന​യു​ടെ​യും ദൈവിക വിദ്യാ​ഭ്യാ​സ​ത്തി​ന്റെ​യും സന്തോ​ഷ​ക​ര​മായ കൂടി​വ​ര​വി​ന്റെ​യും കേന്ദ്ര​ങ്ങ​ളെന്ന നിലയിൽ ഇസ്രാ​യേ​ല്യർക്ക്‌ ആലയവും സിന​ഗോ​ഗു​ക​ളു​മു​ണ്ടാ​യി​രു​ന്നു. സമാന​മാ​യി, ആദിമ ക്രിസ്‌ത്യാ​നി​ക​ളും ഒന്നിച്ചു കൂടി​വ​രു​ന്നത്‌ ഉപേക്ഷി​ച്ചില്ല. ദുർഘ​ട​മായ ഈ അന്ത്യനാ​ളു​ക​ളിൽ സമ്മർദ​ങ്ങ​ളും കഷ്ടാനു​ഭ​വ​ങ്ങ​ളും ഏറിവ​രു​ന്ന​തി​നാൽ നമുക്കും സഭാ​യോ​ഗങ്ങൾ പ്രദാനം ചെയ്യുന്ന ആത്മീയ കരുത്ത്‌ ആവശ്യ​മാണ്‌—വാസ്‌ത​വ​ത്തിൽ അത്‌ ‘അധിക​മ​ധി​കം’ ആവശ്യ​മാണ്‌. (എബ്രാ. 10:25) യോഗ​ങ്ങ​ളിൽ സംബന്ധി​ക്കു​ന്ന​തി​ന്റെ മൂന്നു കാരണങ്ങൾ നമുക്കു പരിചി​ന്തി​ക്കാം.

² സഹവാ​സ​ത്തിന്‌: “അന്യോ​ന്യം പ്രബോ​ധി​പ്പി​ച്ചും തമ്മിൽ ആത്മിക​വർദ്ധന വരുത്തി​യും പോരു​വിൻ” എന്ന്‌ തിരു​വെ​ഴു​ത്തു​കൾ നമ്മെ ഉദ്‌ബോ​ധി​പ്പി​ക്കു​ന്നു. (1 തെസ്സ. 5:11) ദൈവിക സഹവാസം നല്ല ചിന്തകൾകൊണ്ട്‌ നമ്മുടെ മനസ്സിനെ നിറയ്‌ക്കു​ക​യും സത്‌പ്ര​വൃ​ത്തി​കൾക്കു പ്രചോ​ദി​പ്പി​ക്കു​ക​യും ചെയ്യുന്നു. എന്നാൽ സ്വയം ഒറ്റപ്പെ​ടു​ത്തു​ക​യാ​ണെ​ങ്കിൽ, നാം മൂഢവും സ്വാർഥ​വും അധാർമി​ക​വു​മായ ആശയങ്ങൾ താലോ​ലി​ക്കാൻ സാധ്യ​ത​യുണ്ട്‌.—സദൃ. 18:1.

³ പ്രബോ​ധ​ന​ത്തിന്‌: നമ്മുടെ ഹൃദയ​ങ്ങ​ളിൽ ദൈവ​ത്തോ​ടുള്ള സ്‌നേഹം സജീവ​മാ​യി നിലനിർത്താ​നു​ത​കുന്ന തുടർച്ച​യായ ബൈബിൾ പ്രബോ​ധന പരിപാ​ടി ക്രിസ്‌തീയ യോഗങ്ങൾ പ്രദാനം ചെയ്യുന്നു. “ദൈവ​ത്തി​ന്റെ ആലോചന”കളെല്ലാം ബാധക​മാ​ക്കു​ന്ന​തി​നുള്ള പ്രാ​യോ​ഗിക മാർഗ​നിർദേ​ശ​വും അവ പ്രദാനം ചെയ്യുന്നു. (പ്രവൃ. 20:27) സുവാർത്താ പ്രസംഗ-പഠിപ്പി​ക്കൽ കല വികസി​പ്പി​ച്ചെ​ടു​ക്കാൻ യോഗങ്ങൾ നമ്മെ പരിശീ​ലി​പ്പി​ക്കു​ന്നു. ഈ കഴിവു​കൾ ഇപ്പോൾ വളരെ ആവശ്യ​മാണ്‌. കാരണം, ബൈബിൾസ​ത്യം സ്വീക​രി​ക്കു​ന്ന​വരെ കണ്ടെത്തി സഹായി​ക്കു​ന്ന​തി​ന്റെ അവാച്യ​മായ സന്തോ​ഷ​മ​നു​ഭ​വി​ക്കാൻ അവ കൂടിയേ തീരൂ.

⁴ സംരക്ഷ​ണ​ത്തിന്‌: ഈ ദുഷ്ട​ലോ​ക​ത്തിൽ ക്രിസ്‌തീയ സഭ ഒരു യഥാർഥ ആത്മീയ അഭയസ്ഥാ​ന​മാണ്‌, സമാധാ​ന​വും സ്‌നേ​ഹ​വു​മുള്ള ഒരു സങ്കേത​മാ​ണത്‌. നാം സഭാ​യോ​ഗ​ങ്ങ​ളിൽ സംബന്ധി​ക്കു​മ്പോൾ, ദൈവാ​ത്മാവ്‌ നമ്മിൽ ശക്തമായ പ്രഭാവം ചെലു​ത്തു​ന്നു. “സ്‌നേഹം, സന്തോഷം, സമാധാ​നം, ദീർഘക്ഷമ, ദയ, പരോ​പ​കാ​രം, വിശ്വസ്‌തത, സൌമ്യത, ഇന്ദ്രി​യ​ജയം” തുടങ്ങിയ ഫലങ്ങൾ അതുള​വാ​ക്കു​ന്നു. (ഗലാ. 5:22, 23) വിശ്വാ​സ​ത്തിൽ ഉറപ്പും ദൃഢത​യു​മു​ള്ള​വ​രാ​യി നില​കൊ​ള്ളാൻ യോഗങ്ങൾ നമ്മെ ശക്തീക​രി​ക്കു​ന്നു. വരാനി​രി​ക്കുന്ന കഷ്ടാനു​ഭ​വ​ങ്ങളെ നേരി​ടാൻ അവ നമ്മെ സജ്ജരാ​ക്കു​ന്നു.

⁵ പതിവാ​യി യോഗ​ങ്ങ​ളിൽ സംബന്ധി​ക്കു​ന്ന​തി​നാൽ, സങ്കീർത്ത​ന​ക്കാ​രൻ വർണി​ച്ച​താണ്‌ നാം അനുഭ​വി​ക്കു​ന്നത്‌. അത്‌ സങ്കീർത്തനം 133:1, 3-ൽ രേഖ​പ്പെ​ടു​ത്തി​യി​രി​ക്കു​ന്നു: “ഇതാ, സഹോ​ദ​ര​ന്മാർ ഒത്തൊ​രു​മി​ച്ചു വസിക്കു​ന്നതു എത്ര ശുഭവും എത്ര മനോ​ഹ​ര​വും ആകുന്നു!” ഇന്ന്‌ ദൈവ​ജനം എവി​ടെ​യെ​ല്ലാം സേവി​ക്കു​ക​യും ഒന്നിച്ചു കൂടി​വ​രു​ക​യും ചെയ്യു​ന്നു​വോ ‘അവിടെ യഹോവ അനു​ഗ്ര​ഹ​വും ശാശ്വ​ത​മാ​യുള്ള ജീവനും കല്‌പി​ച്ചി​രി​ക്കു​ന്നു.’