മാസി​കകൾ രാജ്യത്തെ പ്രസി​ദ്ധ​മാ​ക്കു​ന്നു

1 യഹോ​വ​യു​ടെ സാക്ഷി​ക​ളെന്ന നിലയിൽ നാം ദൈവ​രാ​ജ്യ​ത്തെ​ക്കു​റി​ച്ചുള്ള തീക്ഷ്‌ണ​മായ പ്രസം​ഗ​ത്തി​നു പേരു​കേ​ട്ട​വ​രാണ്‌. നാം വിതരണം ചെയ്യുന്ന വീക്ഷാ​ഗോ​പു​രം, ഉണരുക! മാസി​കകൾ ദൈ​വോ​ദ്ദേ​ശ്യ​ങ്ങ​ളെ​ക്കു​റി​ച്ചു പഠിക്കാൻ ദശലക്ഷ​ങ്ങളെ സഹായി​ക്കു​ന്ന​തിൽ ശക്തമായ ഒരു പങ്കു വഹിക്കു​ന്നു. അവയിൽ അടങ്ങി​യി​രി​ക്കുന്ന സന്ദേശം തീർച്ച​യാ​യും സുവാർത്ത​യാണ്‌. കാരണം, അത്‌ മനുഷ്യ​വർഗ​ത്തി​ന്റെ ഏക പ്രത്യാ​ശ​യെന്ന നിലയിൽ ദൈവ​ത്തി​ന്റെ സ്വർഗീയ രാജ്യത്തെ പ്രസി​ദ്ധ​മാ​ക്കു​ന്നു.

2 ഈ മാസി​കകൾ ആളുക​ളു​ടെ വൈകാ​രി​ക​വും സാമൂ​ഹി​ക​വും ആത്മീയ​വു​മായ യഥാർഥ ആവശ്യ​ങ്ങ​ളെ​യാ​ണു കൈകാ​ര്യം ചെയ്യു​ന്നത്‌. എല്ലായി​ട​ത്തും ധാർമി​ക​നി​ല​വാ​ര​ങ്ങ​ളും കുടും​ബ​മൂ​ല്യ​ങ്ങ​ളും അധഃപ​തി​ക്കു​ന്ന​തി​നാൽ ബൈബിൾ തത്ത്വങ്ങൾ എങ്ങനെ ബാധക​മാ​ക്കാ​മെന്ന്‌ ആളുകൾക്കു കാട്ടി​ക്കൊ​ടു​ത്തു​കൊണ്ട്‌ അവരുടെ ജീവി​ത​ഗു​ണ​നി​ല​വാ​രം മെച്ച​പ്പെ​ടു​ത്താൻ വീക്ഷാ​ഗോ​പു​രം, ഉണരുക! മാസി​കകൾ സഹായി​ക്കു​ന്നു. ഏപ്രിൽ, മേയ്‌ മാസങ്ങ​ളിൽ ഈ മാസി​ക​കൾക്കുള്ള വരിസം​ഖ്യ​കൾ സമർപ്പി​ക്കു​ന്നത്‌ നമുക്കു സന്തോഷം പകരുന്ന സംഗതി​യാ​യി​രി​ക്കും.

³ അവ ശരിക്കും ആകർഷ​ക​മാണ്‌: മിക്കവാ​റും ഭൂമി​യിൽ എല്ലായി​ട​ത്തു​മുള്ള ആളുക​ളു​ടെ ഭാഷയിൽ വീക്ഷാ​ഗോ​പു​ര​വും ഉണരുക!യും ലഭ്യമാണ്‌. അതു നിമിത്തം നമ്മുടെ മാസി​കകൾ വളരെ പ്രസി​ദ്ധ​മാണ്‌. ആളുകൾക്ക്‌ അതി​നോട്‌ ആകർഷണം തോന്നു​ന്ന​തി​ന്റെ ചില കാരണ​ങ്ങ​ളി​താ:

◼ നിഷ്‌ക​പ​ട​ത​യും സത്യത​യും മുഖമു​ദ്ര​യാ​യുള്ള പത്രി​ക​ക​ളെന്ന നിലയിൽ നല്ലതും തീയതും തമ്മിലുള്ള വ്യത്യാ​സം അവ വ്യക്തമാ​യി എടുത്തു​കാ​ട്ടു​ന്നു.

◼ അവ വരാനി​രി​ക്കുന്ന നീതി​നിഷ്‌ഠ​മായ പറുദീ​സ​യെ​ക്കു​റി​ച്ചുള്ള പ്രത്യാശ പകരുന്നു. ഭൂമിയെ തന്റെ രാജ്യ​ഭ​ര​ണ​ത്തിൻകീ​ഴിൽ കൊണ്ടു​വ​രു​മെ​ന്നുള്ള ദൈവ​വാഗ്‌ദ​ത്ത​ത്തിൽ അധിഷ്‌ഠി​ത​മാണ്‌ അത്‌.

◼ എല്ലാ തുറക​ളി​ലും സംസ്‌കാ​ര​ങ്ങ​ളി​ലു​മുള്ള ആളുകൾക്ക്‌ ആകർഷ​ക​മായ, കാലോ​ചി​ത​മായ നാനാ വിഷയങ്ങൾ അവ അവതരി​പ്പി​ക്കു​ന്നു.

◼ അവയിലെ ലേഖനങ്ങൾ ഹ്രസ്വ​വും വിദ്യാ​ഭ്യാ​സ​മൂ​ല്യ​മു​ള്ള​തും വസ്‌തു​നിഷ്‌ഠ​വും മുൻവി​ധി​ര​ഹി​ത​വും തത്ത്വങ്ങളെ ബലി കഴിക്കാ​ത്ത​വ​യു​മാണ്‌.

◼ ശ്രദ്ധ പിടി​ച്ചു​പ​റ്റുന്ന ചിത്രങ്ങൾ സത്വരം താത്‌പ​ര്യം ജനിപ്പി​ക്കു​ന്നു. ഈ മാസി​ക​ക​ളു​ടെ ലളിത രചനാ​ശൈലി അവ വായി​ക്കു​ന്നത്‌ സുഗമ​മാ​ക്കു​ന്നു.

⁴ വ്യാപ​ക​മാ​യി വിതരണം ചെയ്യുക: ഫലപ്ര​ദ​മായ മാസി​കാ​വി​ത​രണം ഏറിയ​കൂ​റും, അവതര​ണങ്ങൾ തയ്യാറാ​കു​ന്ന​തി​ലും സമയം പട്ടിക​പ്പെ​ടു​ത്തു​ന്ന​തി​ലും പ്രസം​ഗ​പ്ര​വർത്തനം സംഘടി​പ്പി​ക്കു​ന്ന​തി​ലും നാം കാണി​ക്കുന്ന ഉത്സാഹത്തെ ആശ്രയി​ച്ചി​രി​ക്കു​ന്നു. നമ്മുടെ രാജ്യ ശുശ്രൂ​ഷ​യു​ടെ 1996 ജനുവരി, ഒക്ടോബർ ലക്കങ്ങളിൽ പ്രാ​യോ​ഗി​ക​മായ നിർദേ​ശങ്ങൾ നൽകി​യി​രു​ന്നു. അവ പുനര​വ​ലോ​കനം ചെയ്യു​ന്ന​തും ബാധക​മാ​ക്കു​ന്ന​തും നല്ലതാ​യി​രി​ക്കും.

⁵ നിങ്ങൾതന്നെ മാസി​ക​ക​ളു​മാ​യി പരിചി​ത​രാ​കുക: ഓരോ ലക്കവും വായി​ക്കു​മ്പോൾ ആ പ്രതി​യിൽ താത്‌പ​ര്യം കാണി​ച്ചേ​ക്കാ​വുന്ന ആരെക്കു​റി​ച്ചെ​ങ്കി​ലും ചിന്തി​ക്കുക. നിങ്ങളു​ടെ അവതര​ണ​ത്തിൽ ഉദ്ധരി​ക്കാൻ കഴിയുന്ന പ്രത്യേക ആശയങ്ങ​ളോ തിരു​വെ​ഴു​ത്തു​ക​ളോ ശ്രദ്ധി​ക്കുക. സംഭാ​ഷണം ആരംഭി​ക്കാ​നും വിഷയ​ത്തിൽ താത്‌പ​ര്യം ജനിപ്പി​ക്കാ​നും പോന്ന ഒരു ചോദ്യ​ത്തെ​ക്കു​റി​ച്ചു ചിന്തി​ക്കുക.

⁶ അവതരണം വ്യക്തിക്ക്‌ അനു​യോ​ജ്യ​മാ​ക്കുക: നിങ്ങളു​ടെ അവതരണം പുരു​ഷ​നോ സ്‌ത്രീ​ക്കോ പ്രായം​ചെന്ന വ്യക്തി​ക്കോ യുവാ​വി​നോ പരിച​യ​ക്കാ​ര​നോ അപരി​ചി​ത​നോ ഒക്കെ ഇണങ്ങുന്ന വിധത്തിൽ ലളിത​വും വഴക്കവു​മു​ള്ള​താ​ക്കുക.

⁷ വീക്ഷാ​ഗോ​പു​രം, ഉണരുക! ബോധ​മു​ള്ള​വ​രാ​യി​രി​ക്കുക: ഈ മാസി​കകൾ ബ്രീഫ്‌കെയ്‌സി​ലോ ഹാൻഡ്‌ബാ​ഗി​ലോ കോട്ടി​ന്റെ പോക്ക​റ്റി​ലോ ഒതുങ്ങു​ന്ന​താ​യ​തു​കൊണ്ട്‌ യാത്ര ചെയ്യു​മ്പോ​ഴും സാധനങ്ങൾ വാങ്ങാൻ പോകു​മ്പോ​ഴും നമുക്ക്‌ അവ കൂടെ​ക്ക​രു​താ​വു​ന്ന​താണ്‌. ബന്ധുക്ക​ളോ​ടോ അയൽക്കാ​രോ​ടോ സഹപ്ര​വർത്ത​ക​രോ​ടോ സഹപാ​ഠി​ക​ളോ​ടോ അധ്യാ​പ​ക​രോ​ടോ സംസാ​രി​ക്കു​മ്പോൾ അവ സമർപ്പി​ക്കുക. മാസികാ സാക്ഷീ​ക​ര​ണ​ത്തി​നാ​യി വാരത്തിൽ ഒരു ദിവസം മാറ്റി​വെ​ക്കുക.

⁸ മാസി​ക​ക​ളോ​ടു വിലമ​തി​പ്പു പ്രകട​മാ​ക്കുക: അവയുടെ മൂല്യം ഒരിക്ക​ലും നഷ്ടമാ​കു​ന്നില്ല. കാലം കടന്നു​പോ​യാ​ലും അവയിൽ അടങ്ങി​യി​രി​ക്കുന്ന സന്ദേശ​ത്തി​ന്റെ പ്രാധാ​ന്യ​ത്തി​നു കുറവു സംഭവി​ക്കു​ന്നില്ല. തീർച്ച​യാ​യും, വാങ്ങുന്ന എല്ലാ മാസി​ക​ക​ളും സമർപ്പി​ക്കാൻ ഒരു ലക്ഷ്യം വെക്കു​ക​യാ​ണെ​ങ്കിൽ നമ്മുടെ അലമാ​ര​ക​ളിൽ പഴയ ലക്കങ്ങൾ കുമി​ഞ്ഞു​കൂ​ടു​ക​യില്ല.

⁹ തെരു​വു​സാ​ക്ഷീ​ക​രണം ഫലപ്ര​ദ​മാണ്‌: അനേക​മാ​ളു​കൾക്ക്‌ മാസി​കകൾ സമർപ്പി​ക്കാൻ ഉത്തമമായ ഒരു മാർഗ​മാ​ണിത്‌. ചില പ്രസാ​ധകർ തിരക്കുള്ള റോഡു​ക​ളിൽ ഇടവി​ട്ടി​ട​വി​ട്ടു നിന്ന്‌ പ്രവർത്തി​ക്കു​ന്നു.

¹⁰ ബിസി​നസ്‌ പ്രദേശം ഫലപ്ര​ദ​മാണ്‌: കടകൾതോ​റും പ്രവർത്തി​ക്കു​മ്പോൾ മിക്കവാ​റും ആളില്ലാ​ഭ​വ​നങ്ങൾ എന്ന പ്രശ്‌നം ഉണ്ടാകാ​റില്ല. മിക്ക ബിസി​ന​സു​കാ​രും മര്യാ​ദ​ക്കാ​രാണ്‌. പലരും മാസി​ക​ക​ളും വരിസം​ഖ്യ​ക​ളും സസന്തോ​ഷം സ്വീക​രി​ക്കു​ന്നു. നാം ചെല്ലുന്ന കടക്കാ​രന്റെ ബിസി​ന​സു​മാ​യി ബന്ധപ്പെട്ട അനു​യോ​ജ്യ ലേഖനങ്ങൾ എടുത്തു​കാ​ണി​ക്കുക.

¹¹ മാസി​കാ​റൂ​ട്ടു​കൾ ഫലവത്താണ്‌: ഒരാൾ വരിസം​ഖ്യ സ്വീക​രി​ക്കാ​തെ മാസി​ക​ക​ളു​ടെ ഒറ്റപ്ര​തി​കൾ ഏറെ താത്‌പ​ര്യ​ത്തോ​ടെ സ്വീക​രി​ക്കു​ന്നെ​ങ്കിൽ, അടുത്ത ലക്കങ്ങൾ നൽകാൻ വീണ്ടും സന്ദർശി​ക്കു​ന്നത്‌ തീർച്ച​യാ​യും ഉചിത​മാ​യി​രി​ക്കും. നാം പതിവാ​യി മടക്കസ​ന്ദർശ​നങ്ങൾ നടത്തു​ന്നത്‌ മാസി​കകൾ സമർപ്പി​ക്കാൻ മാത്രമല്ല, ആ വ്യക്തിക്കു ബൈബി​ളി​ലുള്ള താത്‌പ​ര്യം വളർത്തി​യെ​ടു​ക്കാൻ കൂടി​യാ​യി​രി​ക്കണം. മാസി​കാ​റൂ​ട്ടു​കൾ ബൈബി​ള​ധ്യ​യ​ന​ങ്ങ​ളാ​യി മാറാൻ വളരെ​യ​ധി​കം സാധ്യ​ത​യുണ്ട്‌.

¹² ഏപ്രിൽ, മേയ്‌ മാസങ്ങൾ ഏറ്റവും നന്നായി പ്രയോ​ജ​ന​പ്പെ​ടു​ത്തുക: വീക്ഷാ​ഗോ​പു​ര​വും ഉണരുക!യും വിലമ​തി​പ്പുള്ള ദശലക്ഷ​ക്ക​ണ​ക്കി​നു വായന​ക്കാ​രു​ടെ ആത്മവി​ശ്വാ​സം ആർജി​ച്ചെ​ടു​ത്തി​ട്ടുണ്ട്‌. രാജ്യം പ്രസി​ദ്ധ​മാ​ക്കു​ന്ന​തിൽ അവ വളരെ ഫലപ്ര​ദ​മാ​യ​തു​കൊണ്ട്‌ അവ കൂടെ കരുതാ​നും എല്ലാ അവസര​ങ്ങ​ളി​ലും സമർപ്പി​ക്കാ​നും നാം ലക്ഷ്യം വെക്കണം. ഏപ്രിൽ, മേയ്‌ മാസങ്ങൾ വരിസം​ഖ്യ സമർപ്പി​ക്കു​ന്ന​തി​നും മാസിക വിതരണം ചെയ്യു​ന്ന​തി​നും പറ്റിയ​വ​യെന്നു തെളി​യട്ടെ!