നേതൃ​ത്വം വഹിക്കുന്ന മേൽവി​ചാ​ര​ക​ന്മാർ—അധ്യക്ഷ മേൽവി​ചാ​ര​കൻ

¹ സഭയിൽ ഒരു മേൽവി​ചാ​ര​ക​നാ​യി സേവി​ക്കുക എന്നത്‌ ഗൗരവ​മേ​റിയ ഒരു ഉത്തരവാ​ദി​ത്വ​മാണ്‌. (പ്രവൃ. 20:28; 1 തിമൊ. 3:1) ക്രിസ്‌തീയ മൂപ്പന്മാ​രു​ടെ വ്യത്യസ്‌ത ഉത്തരവാ​ദി​ത്വ​ങ്ങൾ വിവരി​ച്ചു​കൊ​ണ്ടുള്ള ഒരു ലേഖന പരമ്പര​യിൽ ആദ്യ​ത്തേ​താണ്‌ ഇത്‌. നമുക്കു വേണ്ടി അവർ ചെയ്യുന്ന സുപ്ര​ധാന വേലയെ വിലമ​തി​ക്കാൻ നമ്മെ ഏവരെ​യും സഹായി​ക്കുക എന്നതാണ്‌ ഇതിന്റെ ലക്ഷ്യം.

² സൊ​സൈറ്റി അധ്യക്ഷ മേൽവി​ചാ​ര​കനെ നിയമി​ക്കു​ന്നത്‌ അനിശ്ചിത കാല​ത്തേക്കു സേവി​ക്കാ​നാണ്‌. അധ്യക്ഷ മേൽവി​ചാ​രകൻ കാര്യങ്ങൾ ശരിയാം​വണ്ണം സംഘടി​പ്പി​ക്കു​മ്പോൾ, തങ്ങളുടെ നിയമിത ഉത്തരവാ​ദി​ത്വ​ങ്ങൾക്ക്‌ ഉചിത​മായ ശ്രദ്ധ നൽകാൻ അതു മൂപ്പന്മാ​രെ സഹായി​ക്കു​ന്നു. (നമ്മുടെ ശുശ്രൂഷ പേ. 42) ഇതിൽ എന്തൊക്കെ ഉൾപ്പെ​ട്ടി​രി​ക്കു​ന്നു?

³ അധ്യക്ഷ മേൽവി​ചാ​രകൻ സഭയ്‌ക്കു വരുന്ന കത്തുകൾ സ്വീക​രിച്ച്‌ അവ വേണ്ട രീതി​യിൽ കൈകാ​ര്യം ചെയ്യു​ന്ന​തിന്‌ സത്വരം സെക്ര​ട്ട​റി​ക്കു കൈമാ​റു​ന്നു. മൂപ്പന്മാ​രു​ടെ യോഗ​ങ്ങൾക്കാ​യുള്ള തയ്യാറാ​ക​ലി​ന്റെ ഭാഗമാ​യി, അധ്യക്ഷ മേൽവി​ചാ​രകൻ ചർച്ച ചെയ്യേണ്ട വിഷയ​ങ്ങ​ളെ​ക്കു​റി​ച്ചു മൂപ്പന്മാ​രു​ടെ നിർദേ​ശങ്ങൾ മുൻകൂ​ട്ടി ആരാഞ്ഞ​റി​യു​ക​യും അജണ്ട തയ്യാറാ​ക്കു​ക​യും ചെയ്യുന്നു. മൂപ്പന്മാ​രു​ടെ യോഗ​ങ്ങ​ളിൽ അധ്യക്ഷ​നാ​യും അദ്ദേഹം സേവി​ക്കു​ന്നു. തീരു​മാ​നങ്ങൾ എടുക്കു​മ്പോൾ അവ ശരിയാം​വണ്ണം നടപ്പാ​ക്കു​ന്നു​വെന്ന്‌ അദ്ദേഹം ഉറപ്പു വരുത്തു​ന്നു. സേവന​യോഗ പരിപാ​ടി​കൾ നിയമി​ച്ചു കൊടു​ക്കു​ന്ന​തി​നും പരസ്യ​പ്ര​സം​ഗങ്ങൾ പട്ടിക​പ്പെ​ടു​ത്തു​ന്ന​തി​നും അദ്ദേഹം മേൽനോ​ട്ടം വഹിക്കു​ന്നു. സഭയിൽ നടത്തുന്ന ഏതൊരു അറിയി​പ്പി​നും അനുമതി നൽകുക, സഭയുടെ പൊതു​വായ എല്ലാ ചെലവു​കൾക്കു​മുള്ള അംഗീ​കാ​രം നൽകുക, മൂന്നു മാസം കൂടു​മ്പോൾ സഭാ കണക്കുകൾ ഓഡിറ്റ്‌ ചെയ്യു​ന്നു​വെന്ന്‌ ഉറപ്പു വരുത്തുക തുടങ്ങിയ കാര്യ​ങ്ങ​ളു​ടെ ഉത്തരവാ​ദി​ത്വം അദ്ദേഹ​ത്തി​നാണ്‌.

⁴ സഭാ സേവന കമ്മിറ്റി​യു​ടെ അധ്യക്ഷ​നെന്ന നിലയിൽ അധ്യക്ഷ മേൽവി​ചാ​രകൻ അതിന്റെ പ്രവർത്ത​നങ്ങൾ ഏകോ​പി​പ്പി​ക്കു​ന്നു. ഒരു ബൈബിൾ വിദ്യാർഥി സ്‌നാ​പ​ന​മേൽക്കാത്ത പ്രസാ​ധ​ക​നാ​യി അംഗീ​ക​രി​ക്ക​പ്പെ​ടാൻ ആഗ്രഹം പ്രകടി​പ്പി​ക്കു​മ്പോ​ഴോ അല്ലെങ്കിൽ സ്‌നാ​പ​ന​മേൽക്കാത്ത ഒരു പ്രസാ​ധകൻ സ്‌നാ​പ​ന​മേൽക്കാൻ ആഗ്രഹി​ക്കു​മ്പോ​ഴോ അധ്യക്ഷ മേൽവി​ചാ​രകൻ ആ വ്യക്തി​യു​മാ​യി ചർച്ച നടത്താൻ മൂപ്പന്മാ​രെ ക്രമീ​ക​രി​ക്കു​ന്നു. സർക്കിട്ട്‌ മേൽവി​ചാ​ര​കന്റെ സന്ദർശ​ന​ത്തി​നാ​യി ഒരുങ്ങാൻ അധ്യക്ഷ മേൽവി​ചാ​രകൻ മുൻകൈ എടുക്കു​ന്നു. സഭയ്‌ക്ക്‌ ആ പ്രത്യേക പ്രവർത്തന വാരത്തിൽ നിന്നും പൂർണ പ്രയോ​ജനം നേടാൻ സാധി​ക്കേ​ണ്ട​തി​നാണ്‌ ഇത്‌.

⁵ അധ്യക്ഷ മേൽവി​ചാ​ര​കന്റെ ഉത്തരവാ​ദി​ത്വ​ങ്ങൾ വ്യത്യസ്‌ത​വും നിരവ​ധി​യു​മാണ്‌. അദ്ദേഹം “ഉത്സാഹ​ത്തോ​ടെ” വിനയ​പൂർവം തന്റെ ഉത്തരവാ​ദി​ത്വ​ങ്ങൾ നിർവ​ഹി​ക്കു​മ്പോൾ നമു​ക്കെ​ല്ലാ​വർക്കും മൂപ്പന്മാ​രു​മാ​യി സഹകരി​ച്ചു​കൊണ്ട്‌ നമ്മുടെ ഭാഗം നിറ​വേ​റ്റാം. (റോമ. 12:8) നമ്മുടെ ഇടയിൽ നേതൃ​ത്വം വഹിക്കു​ന്ന​വരെ നാം “അനുസ​രി​ച്ചു കീഴട​ങ്ങി​യി​രി”ക്കുന്നു എങ്കിൽ അവർക്കു വർധിച്ച സന്തുഷ്ടി​യോ​ടെ തങ്ങളുടെ വേല ചെയ്യാൻ കഴിയും.—എബ്രാ. 13:17.