പയനി​യ​റിങ്‌—നമ്മുടെ സമയത്തി​ന്റെ ജ്ഞാനപൂർവ​ക​മായ ഉപയോ​ഗം!

¹ ‘എനിക്ക്‌ ഇപ്പോൾത്തന്നെ നൂറു​കൂ​ട്ടം ജോലി ഉണ്ട്‌! അപ്പോൾ പിന്നെ ഞാൻ പയനി​യ​റിങ്‌ ആരംഭി​ക്കു​ന്നതു ബുദ്ധി ആയിരി​ക്കു​മോ?’ ഒരു സർക്കിട്ട്‌ സമ്മേള​ന​ത്തിൽ, പയനി​യ​റും മൂപ്പനു​മായ ഒരു സഹോ​ദരൻ “പയനിയർ സേവന​ത്തിൽ മുന്നേറൽ” എന്ന വിഷയം അവതരി​പ്പി​ക്കു​ന്നത്‌ ശ്രദ്ധി​ക്കവേ ഒരു സഹോ​ദരി അങ്ങനെ​യാ​ണു ചിന്തി​ച്ചത്‌. സദസ്സിൽ ഉണ്ടായി​രുന്ന മറ്റൊരു യുവ സഹോ​ദരൻ ഇങ്ങനെ വിചാ​രി​ച്ചു, ‘അദ്ദേഹം എങ്ങനെ​യാണ്‌ പയനി​യ​റി​ങ്ങിന്‌ സമയം കണ്ടെത്തു​ന്നത്‌? ഒരു മൂപ്പൻ അല്ലാഞ്ഞി​ട്ടു​പോ​ലും എനിക്കു നിന്നു​തി​രി​യാൻ സമയമില്ല!’

² പയനിയർ സേവന​ത്തി​ന്റെ അനു​ഗ്ര​ഹ​ങ്ങളെ കുറിച്ച്‌ തുടർന്നു ചർച്ച​ചെ​യ്യവേ, ആ മൂപ്പൻ സർക്കി​ട്ടിൽ നിന്നുള്ള ഏതാനും പയനി​യർമാ​രു​മാ​യി അഭിമു​ഖം നടത്തി. പയനി​യ​റിങ്‌ ചെയ്യാ​നാ​യി തങ്ങൾ വരുത്തിയ പൊരു​ത്ത​പ്പെ​ടു​ത്ത​ലു​കളെ കുറി​ച്ചും തങ്ങളുടെ ഉദ്യമ​ങ്ങ​ളു​ടെ മേൽ യഹോവ അനു​ഗ്രഹം ചൊരി​ഞ്ഞി​രി​ക്കു​ന്നത്‌ എപ്രകാ​ര​മെ​ന്ന​തി​നെ കുറി​ച്ചും അവർ വിവരി​ച്ചു. അവരിൽ ഒരാൾക്കു ശാരീ​രിക വൈക​ല്യം ഉണ്ടായി​രു​ന്നു, മറ്റൊരു വ്യക്തി​യു​ടെ ഇണ അവിശ്വാ​സി ആയിരു​ന്നു. വേറൊ​രാ​ളാ​കട്ടെ തന്റെ ലൗകിക തൊഴിൽ ഉപേക്ഷി​ച്ചി​ട്ടാണ്‌ പയനി​യ​റിങ്‌ നടത്തി​യി​രു​ന്നത്‌. എങ്കിലും, അടിസ്ഥാന ജീവി​താ​വ​ശ്യ​ങ്ങൾ നിറ​വേ​റ്റാൻ അദ്ദേഹ​ത്തി​നു വകയു​ണ്ടാ​യി​രു​ന്നു. യഹോ​വ​യു​ടെ സഹായ​ത്താൽ ഈ പയനി​യർമാർ വിജയം കൊയ്യു​ന്ന​തി​നെ കുറിച്ച്‌ കേട്ട​പ്പോൾ, സദസ്സിൽ ഉണ്ടായി​രുന്ന ആ സഹോ​ദ​ര​നും സഹോ​ദ​രി​യും തങ്ങളുടെ ചിന്താ​ഗ​തി​യെ​യും സാഹച​ര്യ​ങ്ങ​ളെ​യും പുനഃ​പ​രി​ശോ​ധി​ക്കാൻ തുടങ്ങി. അതുതന്നെ ചെയ്യാ​നാ​ണു ഞങ്ങൾ നിങ്ങ​ളെ​യും പ്രോ​ത്സാ​ഹി​പ്പി​ക്കു​ന്നത്‌. വിശേ​ഷി​ച്ചും, മണിക്കൂർ വ്യവസ്ഥ​യിൽ വരുത്തിയ കുറവു നിമിത്തം സുവാർത്താ പ്രസാ​ധ​ക​രായ നിരവധി പേർക്ക്‌ ഇപ്പോൾ പയനി​യ​റിങ്‌ എത്തിപ്പി​ടി​ക്കാൻ കഴിയുന്ന സ്ഥിതിക്ക്‌.

³ യഹോവ സ്രഷ്ടാ​വും അഖിലാണ്ഡ പരമാ​ധി​കാ​രി​യും ആയതി​നാൽ നമ്മുടെ ജീവന്‌ നാം അവനോ​ടു കടപ്പെ​ട്ടി​രി​ക്കു​ന്നു​വെന്നു നമുക്ക്‌ അറിയാം. (ദാനീ. 4:17; പ്രവൃ. 17:28) യഹോവ ഒരൊറ്റ സംഘട​നയെ മാത്രമേ ഉപയോ​ഗി​ക്കു​ന്നു​ള്ളൂ എന്ന്‌ നമുക്കു വ്യക്തമാ​യി അറിയാം. അന്ത്യം വരുന്ന​തി​നു മുമ്പ്‌ രാജ്യ​സാ​ക്ഷ്യം നൽകു​ന്ന​തിൽ “വിശ്വസ്‌ത​നും വിവേ​കി​യു​മായ അടിമ”യെ പിന്തു​ണ​ച്ചു​കൊണ്ട്‌, ഈ സംഘട​ന​യോ​ടൊ​പ്പം വിശ്വസ്‌ത​ത​യോ​ടെ സേവി​ക്കാ​നുള്ള പദവി നമുക്കുണ്ട്‌. (മത്താ. 24:45, NW; മത്താ. 25:40; 1 പത്രൊ. 2:9) ഈ “അന്ത്യകാ​ലം” ബഹുദൂ​രം മുന്നേ​റി​യി​രി​ക്കു​ന്ന​തി​നാൽ, പ്രസം​ഗി​ക്കാ​നുള്ള സമയം അതി​വേഗം തീർന്നു​കൊ​ണ്ടി​രി​ക്കു​ക​യാ​ണെന്നു നാം തിരി​ച്ച​റി​യു​ന്നു. (2 തിമൊ. 3:1) അതിനി​ട​യിൽ നമുക്കു നമ്മുടെ കുടും​ബത്തെ സാമ്പത്തി​ക​മാ​യി പിന്തു​ണയ്‌ക്കു​ക​യും ചെയ്യേ​ണ്ട​തുണ്ട്‌. (1 തിമൊ. 5:8) ഒരുവന്‌ തന്റെ വരുമാ​നം​കൊണ്ട്‌ മുൻകാ​ല​ങ്ങ​ളി​ലേതു പോലെ കഴിഞ്ഞു​കൂ​ടുക പ്രയാ​സ​മാ​ണെന്നു തോന്നി​യേ​ക്കാം. നമ്മുടെ ആരോ​ഗ്യം മുമ്പ​ത്തെ​ക്കാൾ കുറഞ്ഞി​ട്ടും ഉണ്ടായി​രി​ക്കാം. വാസ്‌ത​വ​ത്തിൽ, സ്വന്തം ആവശ്യ​ങ്ങൾക്കാ​യി അൽപ്പം സമയവും സമ്പത്തും നീക്കി​വെ​ക്കാൻ നാം ആഗ്രഹി​ക്കു​ക​യും ചെയ്‌തേ​ക്കാം. (സഭാ. 3:12, 13) അതു​കൊണ്ട്‌ പയനി​യർമാ​രാ​യി സേവി​ക്കാ​നുള്ള ക്ഷണത്തിനു ചെവി​കൊ​ടു​ക്കു​ന്നത്‌ ജ്ഞാനപൂർവകം ആയിരി​ക്കു​മോ എന്നു നാം ചിന്തി​ച്ചേ​ക്കാം.

⁴ സ്വന്തം സാഹച​ര്യ​ങ്ങൾ ശ്രദ്ധാ​പൂർവം പരി​ശോ​ധിച്ച്‌, പയനി​യ​റിങ്‌ ചെയ്യാൻ സാധി​ക്കു​മോ എന്നു തീരു​മാ​നി​ക്കാ​നുള്ള ഉത്തരവാ​ദി​ത്വം ഓരോ വ്യക്തി​യു​ടേ​തു​മാണ്‌. (റോമ. 14:12; ഗലാ. 6:5) എന്നാൽ പയനിയർ സേവന​ത്തി​നാ​യുള്ള ഈ ക്ഷണത്തോട്‌ കൂടുതൽ കൂടുതൽ ആളുകൾ പ്രതി​ക​രി​ക്കു​ന്നതു കാണു​ന്നതു പ്രോ​ത്സാ​ഹ​ജ​ന​ക​മാണ്‌. ഈ അന്ത്യകാ​ല​ത്തി​ന്റെ സമ്മർദ​ങ്ങ​ളും പ്രശ്‌ന​ങ്ങ​ളും ഒക്കെ ഉണ്ടെങ്കി​ലും, ലോക​വ്യാ​പ​ക​മാ​യി യഹോ​വ​യു​ടെ ജനത്തിലെ 7,00,000-ത്തോളം പേർ പയനിയർ സേവന​ത്തിൽ ഉത്സാഹ​ത്തോ​ടെ മുന്നേ​റു​ന്നു എന്നാണ്‌ വാർഷി​ക​പുസ്‌തകം 1999-ൽ പ്രസി​ദ്ധീ​ക​രിച്ച റിപ്പോർട്ടു പ്രകട​മാ​ക്കു​ന്നത്‌. പരിമിത സാമ്പത്തിക ചുറ്റു​പാ​ടു​കൾ, ഗതാഗത സൗകര്യ​മി​ല്ലായ്‌മ, ആരോഗ്യ പ്രശ്‌നങ്ങൾ തുടങ്ങിയ തടസ്സങ്ങ​ളും ദുരി​ത​ങ്ങ​ളും മറ്റും ഉണ്ടെങ്കി​ലും നന്മ ചെയ്യു​ന്ന​തിൽ ഈ സഹോ​ദ​രീ​സ​ഹോ​ദ​ര​ന്മാർ മടുത്തു​പോ​കു​ന്നില്ല. അതു പ്രശം​സ​നീ​യ​മാണ്‌. (ഗലാ. 6:9) തന്നെ പരീക്ഷി​ക്കാ​നുള്ള യഹോ​വ​യു​ടെ ക്ഷണം അവർ സ്വീക​രി​ച്ചി​രി​ക്കു​ന്നു. (മലാ. 3:10) തങ്ങളുടെ പരിമിത സമയവും വിഭവ​ങ്ങ​ളും വളരെ ജ്ഞാനപൂർവം ഉപയോ​ഗി​ക്കാ​നുള്ള ഒരു മാർഗ​മാണ്‌ പയനി​യ​റിങ്‌ എന്ന്‌ അവർ കരുതു​ന്നു. ആവശ്യ​മായ പൊരു​ത്ത​പ്പെ​ടു​ത്ത​ലു​കൾ വരുത്തി പയനിയർ സേവന​ത്തിൽ പ്രവേ​ശിച്ച്‌ അതിൽ തുടരു​ന്നതു നിമിത്തം യഹോവ വാസ്‌ത​വ​മാ​യും അവരെ അനു​ഗ്ര​ഹി​ച്ചി​രി​ക്കു​ന്നു.

⁵ പയനി​യർമാർ അനു​ഗ്ര​ഹി​ക്ക​പ്പെ​ടു​ന്നു: തീരെ പ്രായം കുറഞ്ഞ ഒരു കുട്ടി​യുള്ള കാമറൂ​ണി​ലെ ഒരു സഹോ​ദരി വിശദീ​ക​രി​ക്കു​ന്നു: “എന്റെ മോൾ, അവൾ ജനിച്ച​പ്പോൾ മുതൽ എന്നും ശുശ്രൂ​ഷ​യിൽ എന്റെ കൂടെ പോരു​ന്നു. നടക്കാൻ പഠിക്കു​ന്ന​തി​നു മുമ്പു​തന്നെ ഞാൻ അവളെ സുരക്ഷി​ത​മാ​യി ഒരു തുണി​യിൽ ഇരുത്തി എന്റെ പുറത്തു തൂക്കു​മാ​യി​രു​ന്നു. ഒരു ദിവസം രാവിലെ, ശുശ്രൂ​ഷ​യിൽ ഏർപ്പെ​ട്ടു​കൊണ്ട്‌ ഞാൻ റോഡു വക്കിലു​ണ്ടാ​യി​രുന്ന ഒരു കടയുടെ സമീപത്തു നിൽക്കു​ക​യാ​യി​രു​ന്നു. എന്റെ മോൾ ബാഗിൽ നിന്ന്‌ കുറച്ചു മാസി​ക​യും എടുത്ത്‌ പയ്യെപ്പയ്യെ അടുത്ത കടയുടെ സമീപ​ത്തേക്കു നടന്നു​നീ​ങ്ങി. അവൾക്ക്‌ അധിക​മൊ​ന്നും സംസാ​രി​ക്കാൻ കഴിഞ്ഞി​ല്ലെ​ങ്കി​ലും, അവൾ ഒരു സ്‌ത്രീ​യു​ടെ ശ്രദ്ധ പിടി​ച്ചു​പ​റ്റു​ക​യും ഒരു മാസിക കാണി​ക്കു​ക​യും ചെയ്‌തു. ഈ പ്രവർത്ത​ന​ത്തിൽ ഇത്രയും ചെറിയ ഒരു കുട്ടി പങ്കെടു​ക്കു​ന്നതു കണ്ടതിൽ ആ സ്‌ത്രീ അത്ഭുതം കൂറി. അവർ പെട്ടെ​ന്നു​തന്നെ ആ മാസിക സ്വീക​രി​ക്കു​ക​യും ഒരു ബൈബിൾ അധ്യയ​ന​ത്തി​നു സമ്മതി​ക്കു​ക​യും ചെയ്‌തു!”

⁶ കൂടുതൽ സഹായ പയനി​യർമാർക്കാ​യുള്ള ആഹ്വാ​ന​ത്തോ​ടു പ്രതി​ക​രി​ക്കാൻ സാംബി​യ​യി​ലെ ഒരു മൂപ്പനും കുടും​ബ​ത്ത​ല​വ​നും ആയ ഒരു സഹോ​ദരൻ തീരു​മാ​നി​ച്ചു. ഒരു മുഴു സമയ ലൗകിക ജോലി ഉണ്ടായി​രുന്ന അദ്ദേഹ​ത്തി​ന്റെ ജീവിതം വളരെ തിരക്കു​പി​ടി​ച്ചത്‌ ആയിരു​ന്നു. സഭയ്‌ക്കും തന്റെ കുടും​ബ​ത്തി​നും ഒരു നല്ല മാതൃക വെക്കാൻ അദ്ദേഹം ആഗ്രഹി​ച്ചു. ചില അവസര​ങ്ങ​ളിൽ അദ്ദേഹം തന്റെ കാർ വഴി​യോ​രത്തു നിർത്തി​യിട്ട്‌ കുടും​ബ​സ​ന്തു​ഷ്ടി​യു​ടെ രഹസ്യം പുസ്‌ത​ക​ത്തി​ന്റെ ഓഡി​യോ കാസെറ്റ്‌ ഉച്ചത്തിൽ വെക്കു​മാ​യി​രു​ന്നു. തുടർന്ന്‌ അതു കേൾക്കു​ന്ന​തിന്‌ അദ്ദേഹം കാൽന​ട​ക്കാ​രെ ക്ഷണിക്കും. ഇപ്രകാ​രം, 16 കുടും​ബ​സ​ന്തു​ഷ്ടി പുസ്‌ത​ക​വും 13 പരിജ്ഞാ​നം പുസ്‌ത​ക​വും സമർപ്പി​ക്കാൻ അദ്ദേഹ​ത്തി​നു സാധിച്ചു. രണ്ടു ബൈബിൾ അധ്യയ​ന​ങ്ങ​ളും അദ്ദേഹം ആരംഭി​ച്ചു.

⁷ അയൽ രാജ്യ​മായ സിംബാബ്‌വേ​യി​ലും നല്ല പയനിയർ ആത്മാവ്‌ പ്രകട​മാ​യി. 1998 ഏപ്രി​ലിൽ, 117 പ്രസാ​ധ​ക​രുള്ള ഒരു സഭയിൽ 70 പേർ സഹായ പയനി​യർമാ​രാ​യും 9 പേർ നിരന്തര പയനി​യർമാ​രാ​യും റിപ്പോർട്ടു ചെയ്യു​ക​യു​ണ്ടാ​യി. 94 പ്രസാ​ധകർ ഉള്ള മറ്റൊരു സഭയിൽ 58 പേർ സഹായ പയനി​യർമാ​രാ​യി റിപ്പോർട്ടു ചെയ്‌തു. നിലവി​ലുള്ള 4 നിരന്തര പയനി​യർമാ​രോ​ടൊ​പ്പം, സഹായ പയനി​യ​റിങ്‌ ചെയ്യാൻ 58 പേർ തീരു​മാ​നി​ച്ച​താ​യി 126 പ്രസാ​ധകർ ഉള്ള ഒരു സഭ റിപ്പോർട്ടു ചെയ്‌തു. സിംബാബ്‌വേ​യിൽ ഇക്കഴിഞ്ഞ സേവന വർഷം വളരെ ശ്രദ്ധാർഹ​മാ​യി​രു​ന്നു. കുടുംബ കാര്യങ്ങൾ, സഭാ പ്രവർത്ത​നങ്ങൾ, ബ്രാഞ്ച്‌ നിർമാ​ണം എന്നിവ നിമിത്തം അവിടത്തെ സഹോ​ദ​രങ്ങൾ വളരെ തിരക്കി​ലാ​യി​രു​ന്നു എങ്കിലും ശുശ്രൂ​ഷ​യിൽ തങ്ങളുടെ സമയം ജ്ഞാനപൂർവം ചെലവ​ഴി​ക്കു​ന്ന​തിൽ അവർ ശ്രദ്ധ കേന്ദ്രീ​ക​രി​ച്ചു.

⁸ പയനി​യ​റിങ്‌ ആരംഭിച്ച്‌ അതിൽ തുടരാൻ സാധി​ക്കു​ന്നതു തങ്ങളുടെ കഴിവു നിമി​ത്ത​മ​ല്ലെന്നു പയനി​യർമാർ തിരി​ച്ച​റി​യു​ന്നു. തങ്ങൾക്കു ചെയ്യാൻ സാധി​ക്കു​ന്ന​തെ​ല്ലാം “ദൈവം നല്‌കുന്ന പ്രാപ്‌തി”യാലാണ്‌ എന്ന്‌ അവർ മനസ്സോ​ടെ സമ്മതി​ക്കു​ന്നു. (1 പത്രൊ. 4:11) ഓരോ ദിവസ​വും ശുശ്രൂ​ഷ​യിൽ പിടി​ച്ചു​നിൽക്കാൻ വിശ്വാ​സം അവരെ പ്രാപ്‌ത​രാ​ക്കു​ന്നു. സേവന​ത്തിൽ മുന്നേ​റു​ന്ന​തിന്‌, സ്വന്തം സുഖസൗ​ക​ര്യ​ങ്ങൾ തേടു​ന്ന​തി​നു പകരം “വലിയ പോരാ”ട്ടം നടത്തേ​ണ്ടത്‌ ആവശ്യ​മാ​യേ​ക്കാം എന്ന്‌ വിജയ​പ്ര​ദ​രായ പയനി​യർമാർ തിരി​ച്ച​റി​യു​ന്നു. (1 തെസ്സ. 2:2) എന്നാൽ അതിന്റെ ഫലമായി അവർ ധാരാളം അനു​ഗ്ര​ഹ​ങ്ങ​ളും കൊയ്യു​ന്നു.

⁹ പൗലൊ​സി​ന്റെ ദൃഷ്ടാന്തം അനുക​ര​ണാർഹം: ശുശ്രൂ​ഷ​യിൽ അപ്പൊസ്‌ത​ല​നായ പൗലൊസ്‌ കൈവ​രിച്ച നേട്ടങ്ങ​ളും മറ്റുള്ള​വർക്ക്‌ അവൻ നൽകിയ സഹായ​ങ്ങ​ളും ബൈബി​ളിൽ രേഖ​പ്പെ​ടു​ത്തി​യി​രി​ക്കു​ന്നു. എന്നാൽ പൗലൊ​സി​നു നിരവധി പ്രശ്‌ന​ങ്ങ​ളെ​യും നേരി​ടേ​ണ്ടി​വന്നു. സുവാർത്ത പ്രസം​ഗി​ക്കു​ന്ന​തി​നും സഭകളെ ശക്തി​പ്പെ​ടു​ത്തു​ന്ന​തി​നു​മാ​യി അവൻ പീഡന​ങ്ങ​ളും ശാരീ​രിക ദുരി​ത​ങ്ങ​ളും അനുഭ​വി​ച്ചു. അവനു കഠിന​മായ ഒരു ആരോ​ഗ്യ​പ്രശ്‌ന​വു​മാ​യി മല്ലി​ടേ​ണ്ട​തും ഉണ്ടായി​രു​ന്നു. (2 കൊരി. 11:21-29; 12:7-10) തന്റെ സമയം ജ്ഞാനപൂർവം വിനി​യോ​ഗി​ക്കാൻ അവൻ ദൃഢചി​ത്ത​നാ​യി​രു​ന്നു. തന്റെ എല്ലാ പ്രവർത്ത​ന​ങ്ങ​ളും വിജയ​ക​ര​മാ​യി പൂർത്തീ​ക​രി​ക്കാൻ സാധി​ച്ചത്‌ യഹോ​വ​യു​ടെ സഹായ​ത്താ​ലാ​ണെന്ന്‌ അവൻ തിരി​ച്ച​റി​ഞ്ഞു. (ഫിലി. 4:13) യഹോ​വ​യു​ടെ സേവന​ത്തിൽ പൗലൊസ്‌ ചെലവ​ഴിച്ച സമയവും ശ്രമങ്ങ​ളും പാഴാ​യി​പ്പോ​യെന്ന്‌ അല്ലെങ്കിൽ അവ അതിലും മെച്ചമാ​യി ഉപയോ​ഗി​ക്കാ​മാ​യി​രു​ന്നു എന്ന്‌ അവനിൽനി​ന്നു സഹായം ലഭിച്ച ആരും നിഗമനം ചെയ്യു​മാ​യി​രു​ന്നില്ല. എന്തിന്‌, പൗലൊസ്‌ തന്റെ സമയം ജ്ഞാനപൂർവം ഉപയോ​ഗി​ച്ച​തി​നാൽ നാം ഇന്നു പോലും പ്രയോ​ജനം അനുഭ​വി​ക്കു​ന്നു! മുൻഗ​ണ​നകൾ വെക്കു​ന്ന​തി​നും ഈ ദുരി​ത​പൂർണ​മായ സമയങ്ങ​ളിൽ സത്യ​ത്തോ​ടു പറ്റിനിൽക്കു​ന്ന​തി​നും സഹായി​ക്കുന്ന പൗലൊ​സി​ന്റെ നിശ്വസ്‌ത ബുദ്ധി​യു​പ​ദേ​ശത്തെ നാം എത്ര വിലമ​തി​ക്കു​ന്നു!

¹⁰ ‘സുവാർത്ത പ്രസം​ഗി​ക്കാ​നുള്ള കാലം’ ഇന്ന്‌ മുമ്പെ​ന്ന​ത്തേ​തി​ലും ‘ചുരു​ങ്ങി​യി​രി​ക്കു​ന്നു.’ (1 കൊരി. 7:29; മത്താ. 24:14) അതു​കൊണ്ട്‌ ഇപ്രകാ​രം നമ്മോ​ടു​തന്നെ ചോദി​ക്കു​ന്നത്‌ ഉചിത​മാണ്‌, ‘എന്റെ ജീവിതം അപ്രതീ​ക്ഷി​ത​മാ​യി നാളെ അവസാ​നി​ക്കു​ക​യാണ്‌ എങ്കിൽ, ഞാൻ എന്റെ സമയം ജ്ഞാനപൂർവം ഉപയോ​ഗി​ച്ചി​രി​ക്കു​ന്നു എന്ന്‌ ഇന്ന്‌ എനിക്കു യഹോ​വ​യോ​ടു പറയാ​നാ​കു​മോ?’ (യാക്കോ. 4:14) ഒരു യഹോ​വ​യു​ടെ സാക്ഷി​യെന്ന നിലയിൽ സമയം ജ്ഞാനപൂർവം ഉപയോ​ഗി​ക്കാ​നുള്ള നിങ്ങളു​ടെ ആഗ്രഹ​ത്തിന്‌ ഇന്ന്‌ പ്രാർഥ​ന​യിൽ എന്തു​കൊണ്ട്‌ മുൻഗണന കൊടു​ത്തു​കൂ​ടാ? (സങ്കീ. 90:12) നിങ്ങളു​ടെ ജീവിതം ലളിത​മാ​ക്കു​ന്ന​തി​നു യഹോ​വ​യു​ടെ സഹായം അഭ്യർഥി​ക്കുക. പയനി​യ​റിങ്‌ ചെയ്യാൻ സാധി​ക്കു​ക​യി​ല്ലെന്ന്‌ നിങ്ങൾ നേരത്തെ തീരു​മാ​നി​ച്ചി​ട്ടു​ണ്ടാ​യി​രി​ക്കാം. എങ്കിലും, ഇപ്പോൾ നിങ്ങൾക്കു പയനി​യ​റിങ്‌ ചെയ്യുക സാധ്യ​മാ​യേ​ക്കു​മോ?

¹¹ സാഹച​ര്യ​ങ്ങൾ പരമാ​വധി പ്രയോ​ജ​ന​പ്പെ​ടു​ത്തുക: നിരന്തര പയനി​യർമാ​രാ​യി സേവി​ച്ചു​കൊണ്ട്‌ ഓരോ മാസവും 70 മണിക്കൂർ പ്രവർത്തി​ക്കാൻ എല്ലാവ​രു​ടെ​യും സാഹച​ര്യ​ങ്ങൾ അനുവ​ദി​ക്കു​ക​യില്ല എന്നതു സത്യമാണ്‌. എന്നുവ​രി​കി​ലും മാസം 50 മണിക്കൂർ ശുശ്രൂ​ഷ​യിൽ ചെലവ​ഴി​ച്ചു​കൊണ്ട്‌ സാധി​ക്കു​മ്പോ​ഴെ​ല്ലാം അല്ലെങ്കിൽ തുടർച്ച​യാ​യി സഹായ പയനി​യ​റിങ്‌ ചെയ്യാൻ നിരവധി പ്രസാ​ധകർ ക്രമീ​ക​രണം ചെയ്യുന്നു. എന്നാൽ, സാഹച​ര്യ​ങ്ങൾ നിമിത്തം നിങ്ങൾക്കു നിരന്തര പയനി​യ​റോ സഹായ പയനി​യ​റോ ആയി ഇപ്പോൾ സേവി​ക്കാൻ കഴിയു​ന്നി​ല്ലെ​ങ്കിൽ നിരു​ത്സാ​ഹി​തർ ആകരുത്‌. അവസ്ഥകൾ മെച്ച​പ്പെ​ടു​ന്ന​തി​നാ​യി പ്രാർഥി​ക്കു​ന്ന​തിൽ തുടരുക. അതിനി​ട​യിൽ പൊരു​ത്ത​പ്പെ​ടു​ത്ത​ലു​കൾ വരുത്തുക സാധ്യ​മ​ല്ലെ​ങ്കിൽ, സേവന​ത്തിൽ മുഴു ദേഹി​യോ​ടെ നിങ്ങൾക്കു ചെയ്യാൻ സാധി​ക്കു​ന്നതു ചെയ്യു​ന്ന​തിൽ യഹോവ സംപ്രീ​ത​നാണ്‌ എന്ന്‌ അറിയു​ന്ന​തിൽ ആശ്വാസം കൊള്ളുക. (മത്താ. 13:23) നിങ്ങൾ അവന്റെ പക്ഷത്ത്‌ ഉറച്ചു നിൽക്കു​ന്ന​തും സാക്ഷീ​ക​രി​ക്കു​ന്ന​തി​നുള്ള അവസരങ്ങൾ ഒരു മാസം പോലും വിട്ടു​ക​ള​യാത്ത ഒരു വിശ്വസ്‌ത പ്രസാ​ധ​ക​നാ​യി അഥവാ പ്രസാ​ധി​ക​യാ​യി തുടരാൻ കഠിന​ശ്രമം ചെയ്യു​ന്ന​തും അവൻ കാണു​ന്നുണ്ട്‌. ഒരുപക്ഷേ നിങ്ങളു​ടെ സാക്ഷീ​കരണ വൈദഗ്‌ധ്യ​ങ്ങൾക്കു കൂടുതൽ മൂർച്ച വരുത്തി​ക്കൊ​ണ്ടും സുവാർത്ത​യു​ടെ ഒരു പ്രസം​ഗ​ക​നും അധ്യാ​പ​ക​നും എന്ന നിലയിൽ മികവു​റ്റു നിൽക്കാൻ ശ്രമി​ച്ചു​കൊ​ണ്ടും നിങ്ങൾക്കു പുരോ​ഗതി വരുത്താൻ സാധി​ക്കും.—1 തിമൊ. 4:16.

¹² “യഹോ​വ​യു​ടെ വലുതും ഭയങ്കര​വു​മാ​യുള്ള ദിവസം” ഇത്ര അടുത്ത്‌ എത്തിയി​രി​ക്കു​ന്ന​തി​നാൽ, നിയമി​ച്ചു കിട്ടി​യി​രി​ക്കുന്ന വേല പൂർത്തീ​ക​രി​ക്കു​ന്ന​തിന്‌ ഇനിയുള്ള സമയം നാം ജ്ഞാനപൂർവം ഉപയോ​ഗി​ക്കേ​ണ്ട​തുണ്ട്‌. (യോവേ. 2:31) തനിക്കി​നി അവശേ​ഷി​ക്കുന്ന സമയം വളരെ പരിമി​ത​മാണ്‌ എന്നു സാത്താന്‌ അറിയാം. നമ്മുടെ ജീവിതം കൂടുതൽ ദുസ്സഹം ആക്കുന്ന​തി​നും വാസ്‌ത​വ​ത്തിൽ പ്രാധാ​ന്യം അർഹി​ക്കുന്ന കാര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കു​ന്നതു പ്രയാ​സ​കരം ആക്കുന്ന​തി​നു​മാ​യി തന്റെ കൈവ​ശ​മുള്ള എല്ലാ തന്ത്രങ്ങ​ളും പ്രയോ​ഗി​ക്കാൻ അവൻ പൂർവാ​ധി​കം കിണഞ്ഞു പരി​ശ്ര​മി​ക്കു​ക​യാണ്‌. (ഫിലി. 1:10, NW; വെളി. 12:12) നിങ്ങളി​ലുള്ള യഹോ​വ​യു​ടെ താത്‌പ​ര്യ​ത്തെ ഒരിക്ക​ലും താഴ്‌ത്തി​മ​തി​ക്ക​രുത്‌. നിങ്ങളു​ടെ ജീവിതം കൂടുതൽ ലളിത​മാ​ക്കാ​നും ശുശ്രൂ​ഷ​യിൽ കഴിവി​ന്റെ പരമാ​വധി ചെയ്യാ​നും നിങ്ങളെ സഹായി​ക്കാൻ യഹോ​വയ്‌ക്കു സാധി​ക്കും. (സങ്കീ. 145:16) സന്തോ​ഷ​ക​ര​മെന്നു പറയട്ടെ, സഹായ/നിരന്തര പയനിയർ അണിയിൽ തങ്ങൾക്കും ചേരാ​നാ​കും എന്നാണ്‌ സാഹച​ര്യ​ങ്ങൾ പുനഃ​പ​രി​ശോ​ധി​ക്കു​മ്പോൾ മിക്കവ​രും കണ്ടെത്തു​ന്നത്‌. തങ്ങളുടെ സമയം ജ്ഞാനപൂർവം ഉപയോ​ഗി​ക്കു​ന്ന​തിൽ പയനി​യർമാർ തീർച്ച​യാ​യും ആഴമായ സംതൃപ്‌തി കണ്ടെത്തു​ന്നു. നിങ്ങൾ അവരിൽ ഒരാളാ​യി​രി​ക്കു​മോ?