മുന്ന​മേ​യുള്ള തയ്യാറാ​കൽ സന്തോഷം കൈവ​രു​ത്തു​ന്നു

¹ വയൽ ശുശ്രൂ​ഷ​യിൽ പങ്കെടു​ക്കു​ന്നതു നമുക്കു വളരെ സന്തോഷം കൈവ​രു​ത്തു​ന്നു. (സങ്കീ. 89:15, 16) ആ സന്തോഷം പൂർണ​മാ​യി ആസ്വദി​ക്കാൻ സഹായി​ക്കുന്ന ഒരു മുഖ്യ ഘടകം തയ്യാറാ​ക​ലാണ്‌ എന്നതിനു സംശയ​മില്ല. എത്ര മെച്ചമാ​യി നാം തയ്യാറാ​കു​ന്നു​വോ അത്ര അധിക​മാ​യി​രി​ക്കും നമ്മുടെ നേട്ടങ്ങ​ളും. നമ്മുടെ നേട്ടങ്ങൾ എത്ര അധിക​മാ​യി​രി​ക്കു​ന്നു​വോ അത്ര വലുതാ​യി​രി​ക്കും നമ്മുടെ സന്തോ​ഷ​വും.

² ലഭ്യമായ ഉപകര​ണങ്ങൾ ഉപയോ​ഗി​ക്കുക: നമ്മുടെ രാജ്യ ശുശ്രൂ​ഷ​യി​ലെ വിവരങ്ങൾ വായിച്ച്‌ അപഗ്ര​ഥി​ച്ചു​കൊണ്ട്‌ തയ്യാറാ​കൽ തുടങ്ങുക. രാജ്യ​സ​ന്ദേശം എളുപ്പ​ത്തി​ലും ഫലകര​മാ​യും അവതരി​പ്പി​ക്കാൻ സഹായി​ക്കു​ന്ന​തും ചിന്തിച്ചു തയ്യാറാ​ക്കി​യ​തു​മായ അവതര​ണങ്ങൾ അതിൽ അടങ്ങി​യി​ട്ടുണ്ട്‌. സാധാരണ നേരി​ടാ​റുള്ള പ്രതി​കൂല പ്രതി​ക​ര​ണ​ങ്ങളെ എപ്രകാ​രം തരണം ചെയ്യാം എന്നതി​നുള്ള ദൃഷ്ടാ​ന്തങ്ങൾ നിങ്ങൾക്ക്‌ അതിൽ കാണാം. ബൈബിൾ അധ്യയനം ആരംഭി​ക്കുക എന്ന ലക്ഷ്യ​ത്തോ​ടെ ഫലകര​മാ​യി മടക്ക സന്ദർശനം നടത്തേ​ണ്ടത്‌ എങ്ങനെ​യെ​ന്നും അതു വിവരി​ക്കു​ന്നു. സാഹച​ര്യ​ങ്ങൾക്ക്‌ അനുസ​രിച്ച്‌ നിങ്ങൾക്കു തൃപ്‌തി​ക​ര​മായ വിധത്തിൽ ഈ നിർദേ​ശ​ങ്ങ​ളിൽ പൊരു​ത്ത​പ്പെ​ടു​ത്ത​ലു​കൾ വരുത്താൻ സാധി​ക്കും. കൂടാതെ, നിങ്ങൾക്കു ന്യായ​വാ​ദം പുസ്‌ത​ക​വും ഉണ്ട്‌. നാനാ​തരം മുഖവു​ര​ക​ളും അതു​പോ​ലെ​തന്നെ സംഭാ​ഷണം മുടക്കി​ക​ളു​ടെ അടുത്ത്‌ ഫലപ്ര​ദ​മാ​യി ഉപയോ​ഗി​ക്കാ​വുന്ന മറുപ​ടി​ക​ളും അതിലുണ്ട്‌. വയലിൽ നേരി​ടുന്ന മിക്ക സാഹച​ര്യ​ങ്ങ​ളെ​യും കൂടുതൽ ഫലപ്ര​ദ​മാ​യി കൈകാ​ര്യം ചെയ്യാൻ അതു നിങ്ങളെ സഹായി​ക്കു​ന്നു.

³ സമർപ്പി​ക്കാൻ ഉദ്ദേശി​ക്കുന്ന പ്രസി​ദ്ധീ​ക​രണം നന്നായി അപഗ്ര​ഥിച്ച്‌, വീട്ടു​കാ​രെ കാണി​ക്കാൻ കഴിയുന്ന ഒന്നോ രണ്ടോ പ്രസക്ത​മായ ആശയങ്ങൾ തിര​ഞ്ഞെ​ടു​ക്കുക. നിങ്ങൾ കേട്ടതോ വായി​ച്ച​തോ ആയ ചിന്തോ​ദ്ദീ​പ​ക​മായ ഒരു വാർത്ത സംഭാ​ഷണം തുടങ്ങു​ന്ന​തി​നു വഴിതു​റ​ന്നേ​ക്കാം. സാധാ​ര​ണ​മാ​യി നേരി​ടാ​റുള്ള പ്രതി​കൂല പ്രതി​ക​ര​ണങ്ങൾ മുൻകൂ​ട്ടി​ക്കണ്ട്‌ അത്തരം സാഹച​ര്യ​ങ്ങ​ളിൽ ഉപയോ​ഗി​ക്കാ​വുന്ന ഏതാനും ആശയങ്ങൾ മനസ്സിൽ പിടി​ക്കുക. അതിനു​ശേഷം, വീട്ടു​കാ​ര​നോ​ടു പറയാൻ പോകുന്ന കാര്യങ്ങൾ പരിശീ​ലി​ക്കാൻ ഏതാനും മിനിട്ട്‌ എടുക്കുക.

⁴ എല്ലാ സേവന​യോ​ഗ​ത്തി​ലും സംബന്ധി​ക്കുക: നമ്മുടെ രാജ്യ ശുശ്രൂ​ഷ​യി​ലെ നിർദേ​ശങ്ങൾ സേവന യോഗ​ത്തിൽ ചർച്ചാ​രൂ​പ​ത്തി​ലോ പുനര​വ​ലോ​കന രൂപത്തി​ലോ പ്രകടന രൂപത്തി​ലോ അവതരി​പ്പി​ക്കു​മ്പോൾ സൂക്ഷ്‌മ ശ്രദ്ധ കൊടു​ക്കുക. നിങ്ങളു​ടെ അവതര​ണ​ത്തിൽ ഉൾപ്പെ​ടു​ത്താൻ സാധി​ക്കു​മെന്നു തോന്നുന്ന ആശയങ്ങൾ പ്രത്യേ​കം ശ്രദ്ധി​ക്കുക. ശുശ്രൂ​ഷ​യിൽ നിങ്ങൾ പല പ്രാവ​ശ്യം നേരി​ട്ടി​ട്ടുള്ള പ്രതി​കൂല സാഹച​ര്യ​ങ്ങൾ മനസ്സിൽപ്പി​ടി​ച്ചു​കൊണ്ട്‌ അത്തരം അവസര​ങ്ങ​ളിൽ എപ്രകാ​രം കൂടുതൽ ഫലപ്ര​ദ​മാ​യി സാക്ഷീ​ക​രി​ക്കാൻ സാധി​ക്കു​മെന്നു ചിന്തി​ക്കുക. ഇത്തരം കാര്യ​ങ്ങളെ കുറിച്ച്‌ യോഗ​ത്തി​നു മുമ്പും പിമ്പും മറ്റു സഹോ​ദ​ര​ങ്ങ​ളു​മാ​യി സംസാ​രി​ക്കുക.

⁵ ‘എല്ലാ നല്ലവേ​ലെ​ക്കും ഒരുങ്ങി​യി​രി​ക്കു​ന്നെ​ങ്കിൽ’ ജീവന്റെ മാർഗം കണ്ടെത്താൻ മറ്റുള്ള​വരെ സഹായി​ക്കു​ന്ന​തിൽ കൂടുതൽ സന്തോ​ഷ​വും വിജയ​വും നിങ്ങൾക്കു ലഭിക്കും എന്ന്‌ ഉറപ്പു​ള്ള​വ​രാ​യി​രി​ക്കുക.—2 തിമൊ. 2:21.