ഒരു മുസ്ലീ​മി​നോ​ടു നിങ്ങൾ എന്തു പറയും?

¹ നിങ്ങൾ എപ്പോ​ഴെ​ങ്കി​ലും ഒരു മുസ്ലീ​മി​നോ​ടു സാക്ഷീ​ക​രി​ച്ചി​ട്ടു​ണ്ടോ? അങ്ങനെ​യെ​ങ്കിൽ, അവർക്കു ദൈവ​ത്തിൽ തീക്ഷ്‌ണ​മായ വിശ്വാ​സ​മു​ള്ള​താ​യി നിങ്ങൾ മനസ്സി​ലാ​ക്കി​യി​രി​ക്കാൻ ഇടയുണ്ട്‌. എന്നിരു​ന്നാ​ലും, യഹോ​വ​യു​ടെ പ്രവാ​ച​ക​ന്മാർ മുൻകൂ​ട്ടി​പ്പറഞ്ഞ ആസന്നമായ ഭൗമിക പറുദീ​സ​യെ​ക്കു​റിച്ച്‌ അവർക്ക്‌ ഒന്നും​തന്നെ അറിയില്ല. ആ പ്രത്യാശ അവരു​മാ​യി പങ്കു​വെ​ക്കാൻ നാം ആഗ്രഹി​ക്കു​ന്നു. (1 തിമൊ. 2:3, 4) ഒരു നല്ല സാക്ഷ്യം നൽകാൻ പിൻവ​രുന്ന വിവരങ്ങൾ നിങ്ങളെ സഹായി​ക്കും.

² മുസ്ലീങ്ങൾ അല്ലാഹു​വിൽ അഥവാ ദൈവ​ത്തിൽ വിശ്വ​സി​ക്കു​ന്നു. മുഹമ്മദ്‌ ദൈവ​ത്തി​ന്റെ പ്രവാ​ച​ക​നാ​ണെ​ന്നും അവർ വിശ്വ​സി​ക്കു​ന്നു. അവരുടെ വിശുദ്ധ ഗ്രന്ഥം ഖുർആൻ ആണ്‌. ഇസ്ലാം—“കീഴ്‌പെടൽ” എന്ന്‌ അർഥം—എന്നാണ്‌ അവരുടെ മതത്തിന്റെ പേർ. നുണ പറയലും വിഗ്ര​ഹാ​രാ​ധ​ന​യും തെറ്റാ​ണെ​ന്നും ദൈവം ഏകനാ​ണെ​ന്നും അവൻ ഒരു ത്രിത്വ​ത്തി​ന്റെ ഭാഗമ​ല്ലെ​ന്നും ഖുർആൻ പറയുന്നു. മാത്രമല്ല, അത്‌ ആത്മാവി​ന്റെ അമർത്യത, നരകാഗ്നി, സ്വർഗീയ പറുദീസ എന്നിവ​യെ​ക്കു​റി​ച്ചും പഠിപ്പി​ക്കു​ന്നു. ബൈബി​ളി​നെ ദൈവ​വ​ച​ന​മാ​യി അംഗീ​ക​രി​ക്കു​ന്നു​ണ്ടെ​ങ്കി​ലും, അതിൽ മാറ്റങ്ങൾ വന്നിട്ടു​ണ്ടെ​ന്നും എന്നാൽ ഖുർആൻ മൂല ഭാഷയിൽത്തന്നെ ഇപ്പോ​ഴും പരിശു​ദ്ധ​മാ​യി തുടരു​ന്നു​വെ​ന്നും മുസ്ലീങ്ങൾ വിശ്വ​സി​ക്കു​ന്നു.

³ സൗഹൃ​ദ​വും നയവും വിവേ​ച​ന​യും ഉള്ളവരാ​യി​രി​ക്കുക: ഒരു മുസ്ലീ​മു​മാ​യി സംഭാ​ഷ​ണ​ത്തിൽ ഏർപ്പെ​ടു​മ്പോൾ സൗഹൃ​ദ​വും നയവും ഉള്ളവർ ആയിരി​ക്കുക. (സദൃ. 25:15) മുസ്ലീ​ങ്ങ​ളു​ടെ വിശ്വാ​സങ്ങൾ ആഴത്തിൽ വേരൂ​ന്നി​യ​വ​യാ​ണെ​ന്നും അവയിൽ മിക്കതും അവർ കേവലം മനപ്പാ​ഠ​മാ​ക്കി​യവ ആണെന്നും ഓർത്തി​രി​ക്കുക. തന്നിമി​ത്തം, മതോ​പ​ദേ​ശങ്ങൾ സംബന്ധിച്ച്‌ യുക്തി​പൂർവം ചിന്തിച്ച്‌ ദൈ​വേഷ്ടം എന്താ​ണെന്ന്‌ സ്വയം ഉറപ്പു​വ​രു​ത്തുന്ന രീതി അവരുടെ ആത്മീയ വളർച്ച​യിൽ ഉൾപ്പെ​ട്ടി​ട്ടില്ല. (റോമ. 12:2) മുസ്ലീ​ങ്ങളെ സഹായി​ക്കു​ന്ന​തിന്‌ ക്ഷമയും അവരെ​ക്കു​റി​ച്ചുള്ള ഗ്രാഹ്യ​വും അതി​പ്ര​ധാ​ന​മാണ്‌.—1 കൊരി. 9:19-23.

⁴ നിങ്ങൾ ക്രൈ​സ്‌ത​വ​ലോ​ക​ത്തിൽ പെട്ട ഒരാളാണ്‌ എന്ന്‌ ഒരു മുസ്ലീം തെറ്റി​ദ്ധ​രി​ക്കാൻ ഇടയാ​ക്കുന്ന പദപ്ര​യോ​ഗങ്ങൾ ഒഴിവാ​ക്കുക. നിങ്ങൾ കത്തോ​ലി​ക്കാ/പ്രൊ​ട്ട​സ്റ്റന്റു മതവി​ഭാ​ഗ​ങ്ങ​ളിൽപ്പെട്ട ആളല്ലെ​ന്നും അവരിൽ നിന്നു തികച്ചും വ്യത്യ​സ്‌ത​നാ​ണെ​ന്നും വ്യക്തമാ​ക്കുക. ബൈബി​ളി​നെ ദൈവ​ത്തി​ന്റെ ഗ്രന്ഥം എന്നു പരാമർശി​ക്കുക. “ദൈവ​പു​ത്രൻ” എന്ന പദത്തോട്‌ മുസ്ലീ​ങ്ങൾക്ക്‌ വിപ്ര​തി​പത്തി ഉള്ളതി​നാൽ, ആത്മീയ പുരോ​ഗതി കൈവ​രി​ക്കു​ന്ന​തു​വരെ ആ പദപ്ര​യോ​ഗം ഉപയോ​ഗി​ക്കു​ക​യോ അതേക്കു​റി​ച്ചു ചർച്ച ചെയ്യു​ക​യോ ചെയ്യാ​തി​രി​ക്കു​ന്ന​താണ്‌ സാധാ​ര​ണ​ഗ​തി​യിൽ നല്ലത്‌. എങ്കിലും, ഒരു പ്രവാ​ചകൻ എന്നോ സന്ദേശ​വാ​ഹകൻ എന്നോ പരാമർശി​ച്ചു​കൊണ്ട്‌ നിങ്ങൾക്ക്‌ യേശു​വി​നെ​ക്കു​റി​ച്ചു സംസാ​രി​ക്കാ​വു​ന്ന​താണ്‌. വാഗ്വാ​ദങ്ങൾ ഒഴിവാ​ക്കുക. ചർച്ച ചൂടു​പി​ടി​ച്ചു തുടങ്ങു​ന്നെ​ങ്കിൽ നയപൂർവം പെട്ടെ​ന്നു​തന്നെ അവി​ടെ​നി​ന്നു പോകുക.

⁵ ഒരു കൂട്ട​ത്തോട്‌ സംസാ​രി​ക്കു​ന്ന​തി​ലും നല്ലത്‌ ഒരു വ്യക്തി​യോ​ടു സംസാ​രി​ക്കു​ന്ന​താണ്‌. സാധാ​ര​ണ​ഗ​തി​യിൽ സ്‌ത്രീ​കൾ സ്‌ത്രീ​ക​ളോ​ടും പുരു​ഷ​ന്മാർ പുരു​ഷ​ന്മാ​രോ​ടും സംസാ​രി​ക്കു​ന്ന​താണ്‌ നല്ലത്‌. എപ്പോ​ഴും അത്‌ സാധി​ച്ചെ​ന്നു​വ​രി​ല്ലെ​ങ്കി​ലും ഇക്കാര്യ​ത്തിൽ നല്ല വിവേചന ഉപയോ​ഗി​ക്കണം. കൂടാതെ, സ്‌ത്രീ​ക​ളു​ടെ വസ്‌ത്ര​ധാ​ര​ണ​ത്തെ​യും ചമയ​ത്തെ​യും സംബന്ധിച്ച്‌ മിക്ക മുസ്ലീ​ങ്ങൾക്കും കണിശ​മായ നിലവാ​രങ്ങൾ ഉണ്ട്‌. അതു​കൊണ്ട്‌, ഇക്കാര്യം സംബന്ധിച്ച്‌ സഹോ​ദ​രി​മാർ ശ്രദ്ധയു​ള്ളവർ ആയിരി​ക്കണം.—1 കൊരി. 10:31-33.

⁶ സംസാ​രി​ക്കേണ്ട സംഗതി​കൾ: ദൈവ​ത്തി​ന്റെ ഔന്നത്യ​ത്തെ​യും അവന്റെ സ്‌നേ​ഹ​ത്തെ​യും കുറിച്ച്‌ തുറന്നു സംസാ​രി​ക്കുക. നിങ്ങൾ ഒരു യഥാർഥ വിശ്വാ​സി​യാ​ണെ​ന്നും ദൈവം ഏകനാ​ണെ​ന്നും (ത്രിത്വ​മ​ല്ലെ​ന്നും) വിഗ്ര​ഹാ​രാ​ധന തെറ്റാ​ണെ​ന്നും പറയാൻ മടിക്ക​രുത്‌. യുദ്ധങ്ങൾ, ആഭ്യന്തര കലഹങ്ങൾ, വർഗീയ വിദ്വേ​ഷം, അനേകം മതഭക്ത​രി​ലും വ്യക്തമാ​യി കാണുന്ന കപടവി​ശ്വാ​സം എന്നിങ്ങനെ ഇന്നു ലോക​ത്തിൽ നടമാ​ടുന്ന ദുഷ്ടത​യെ​ക്കു​റി​ച്ചു സംസാ​രി​ക്കുക.

⁷ മുസ്ലീ​ങ്ങ​ളോ​ടു സംഭാ​ഷണം തുടങ്ങാ​നാ​യി ഉപയോ​ഗി​ക്കാ​വുന്ന വിഷയങ്ങൾ സംബന്ധിച്ച കൂടുതൽ വിവരങ്ങൾ പടച്ചവന്റെ മാർഗ​നിർദേശം—ഫിർദോ​സി​ലേ​ക്കുള്ള നമ്മുടെ വഴി എന്ന ലഘുപ​ത്രി​ക​യിൽ നിങ്ങൾക്കു കാണാൻ കഴിയും. ബൈബിൾ പഠിക്കാൻ അനുകൂ​ല​മായ ചുറ്റു​പാ​ടു​ക​ളുള്ള മുസ്ലീ​ങ്ങളെ ആകർഷി​ക്കത്തക്ക വിധത്തി​ലാണ്‌ ഇതു രൂപകൽപ്പന ചെയ്യ​പ്പെ​ട്ടി​രി​ക്കു​ന്നത്‌.

⁸ നിങ്ങൾക്ക്‌ ഈ അവതരണം പരീക്ഷി​ച്ചു​നോ​ക്കാ​വു​ന്ന​താണ്‌:

◼“ഞാൻ മുസ്ലീ​ങ്ങ​ളോ​ടു സംസാ​രി​ക്കാൻ ഒരു പ്രത്യേക ശ്രമം നടത്തി​വ​രി​ക​യാണ്‌. ഞാൻ നിങ്ങളു​ടെ മതത്തെ​ക്കു​റി​ച്ചുള്ള പുസ്‌ത​കങ്ങൾ വായി​ക്കാ​റുണ്ട്‌. മുസ്ലീങ്ങൾ ഒരേ​യൊ​രു സത്യ ദൈവ​ത്തി​ലും എല്ലാ നബിമാ​രി​ലും വിശ്വ​സി​ക്കു​ന്നു​വെ​ന്നാണ്‌ അവയിൽ നിന്ന്‌ എനിക്കു മനസ്സി​ലാ​ക്കാൻ കഴിഞ്ഞി​ട്ടു​ള്ളത്‌. അതു ശരിയല്ലേ? [പ്രതി​ക​രി​ക്കാൻ അനുവ​ദി​ക്കുക.] ഭൂമി ഒരു ഫിർദോ​സാ​യി (പറുദീസ) മാറും എന്നതു സംബന്ധി​ച്ചുള്ള ഒരു പുരാതന നബിവ​ച​നത്തെ (പ്രവചനം) കുറിച്ച്‌ താങ്ക​ളോ​ടു സംസാ​രി​ക്കാൻ എനിക്കു താത്‌പ​ര്യ​മുണ്ട്‌. അതേക്കു​റിച്ച്‌ ഒരു നബി എഴുതി​യത്‌ എന്താ​ണെന്നു ഞാൻ താങ്കളെ വായിച്ചു കേൾപ്പി​ക്കട്ടെ? [യെശയ്യാ​വു 11:6-9 വായി​ക്കുക.] ഈ നബിവ​ചനം എന്റെ മനസ്സി​ലേക്ക്‌ കൊണ്ടു​വ​രു​ന്നത്‌ ഈ ലഘുപ​ത്രി​ക​യി​ലെ, ഖുർആ​നിൽ നിന്നുള്ള ഒരു ഉദ്ധരണി​യാണ്‌.” പടച്ചവന്റെ മാർഗ​നിർദേശം ലഘുപ​ത്രി​ക​യു​ടെ 9-ാം പേജിലെ, ഭൂമിയെ അവകാ​ശ​മാ​ക്കുന്ന നീതി​മാ​ന്മാ​രെ കുറിച്ചു പരാമർശി​ക്കുന്ന, തടിച്ച അക്ഷരത്തി​ലുള്ള ഉദ്ധരണി വായി​ക്കുക. വീട്ടു​കാ​രൻ താത്‌പ​ര്യം കാണി​ക്കു​ന്നെ​ങ്കിൽ, എതിർ പേജിലെ 7-9 ഖണ്ഡികകൾ ചർച്ച ചെയ്‌തു​കൊണ്ട്‌ സംഭാ​ഷണം തുടരുക. ലഘുപ​ത്രിക കൊടു​ത്തിട്ട്‌, മടക്കസ​ന്ദർശനം ക്രമീ​ക​രി​ക്കുക.—മറ്റൊരു അവതര​ണ​ത്തിന്‌, 1998 ഫെബ്രു​വ​രി​യി​ലെ നമ്മുടെ രാജ്യ ശുശ്രൂ​ഷ​യു​ടെ 6-ാം പേജിലെ 23-ാം ഖണ്ഡിക കാണുക.

⁹ പടച്ചവന്റെ മാർഗ​നിർദേശം ലഘുപ​ത്രിക പരിചി​ന്തി​ക്കാ​നാ​യി ആരെ​യെ​ങ്കി​ലും പ്രോ​ത്സാ​ഹി​പ്പി​ക്കു​മ്പോൾ, അതിനെ ബൈബിൾ അധ്യയനം എന്നല്ല മറിച്ച്‌ ഒരു ചർച്ച എന്നു വിളി​ക്കു​ന്ന​താ​ണു നല്ലത്‌. ലഘുപ​ത്രിക ഉപയോ​ഗി​ച്ചുള്ള ചർച്ച പൂർത്തി​യാ​കു​മ്പോൾ, വിദ്യാർഥി ആവശ്യം ലഘുപ​ത്രി​ക​യോ പരിജ്ഞാ​നം പുസ്‌ത​ക​മോ പഠിക്കാൻ തയ്യാറാ​യി​രി​ക്കണം. മുസ്ലീ​ങ്ങൾക്കു​വേണ്ടി പ്രത്യേ​കം തയ്യാർ ചെയ്‌തി​രി​ക്കുന്ന മറ്റു പ്രസി​ദ്ധീ​ക​ര​ണങ്ങൾ ഫിർദോ​സി​ലേ​ക്കുള്ള വഴി കണ്ടെത്താ​വുന്ന വിധം എന്ന ലഘു​ലേ​ഖ​യും ദൈവ​ത്തോ​ടുള്ള യഥാർഥ കീഴ്‌പെ​ട​ലി​നുള്ള സമയം എന്ന ചെറു​പു​സ്‌ത​ക​വു​മാണ്‌.

¹⁰ മുസ്ലീ​ങ്ങ​ളു​ടെ വിശ്വാ​സ​ങ്ങളെ കുറി​ച്ചും മറ്റുമുള്ള ഈ അറിവി​ന്റെ അടിസ്ഥാ​ന​ത്തിൽ അവർക്കാ​യി സാഹി​ത്യം തിര​ഞ്ഞെ​ടു​ക്കുന്ന കാര്യ​ത്തി​ലും അവരോ​ടു സാക്ഷീ​ക​രി​ക്കുന്ന വിധത്തി​ലും നമുക്കു വിവേചന പുലർത്താ​നാ​കും. യഹോ​വ​യു​ടെ നാമം വിളി​ച്ച​പേ​ക്ഷിച്ച്‌ രക്ഷ പ്രാപി​ക്കാൻ എല്ലാത്തരം ആളുക​ളെ​യും സഹായി​ക്കാ​നുള്ള നമ്മുടെ ശ്രമങ്ങളെ അവൻ തുടർന്നും അനു​ഗ്ര​ഹി​ക്കു​മാ​റാ​കട്ടെ.—പ്രവൃ. 2:21.