ദാനീ​യേൽ പ്രവചനം പഠിക്കൽ

¹ ഏപ്രിൽ 17-ന്‌ ആരംഭി​ക്കുന്ന വാരം മുതൽ സഭാ പുസ്‌തക അധ്യയ​ന​ത്തിൽ, ദാനീ​യേൽ പ്രവച​ന​ത്തി​നു ശ്രദ്ധ കൊടു​പ്പിൻ! എന്ന പുസ്‌ത​ക​മാ​യി​രി​ക്കും നാം പഠിക്കു​ന്നത്‌. ആകർഷ​ക​മായ ഈ പുസ്‌തകം പലരും ഇപ്പോൾത്തന്നെ വ്യക്തി​പ​ര​മാ​യി വായി​ച്ചു​ക​ഴി​ഞ്ഞി​രി​ക്കു​ന്നു, എന്നാൽ ഒരു കൂട്ടമെന്ന നിലയിൽ ഈ വിവരങ്ങൾ പരിചി​ന്തി​ക്കു​ന്ന​തിൽ നിന്നു ലഭിക്കുന്ന പ്രയോ​ജ​നങ്ങൾ ആസ്വദി​ക്കു​ന്ന​തി​നുള്ള അവസര​മാണ്‌ ഇപ്പോൾ നമുക്കു​ള്ളത്‌. ദാനീ​യേൽ എന്ന ബൈബിൾ പുസ്‌ത​ക​ത്തെ​ക്കു​റി​ച്ചുള്ള ഗഹനമായ പഠനത്തി​നാ​യി വാരം തോറും കൂടി​വ​രാൻ എല്ലാ പ്രസാ​ധ​ക​രെ​യും താത്‌പ​ര്യ​ക്കാ​രെ​യും കുട്ടി​ക​ളെ​യും ക്ഷണിക്കു​ന്നു, പ്രോ​ത്സാ​ഹി​പ്പി​ക്കു​ന്നു.—ആവ. 31:12, 13.

² അധ്യയന പട്ടിക​യും നിർദേ​ശ​ങ്ങ​ളും: ദാനീ​യേൽ പ്രവചനം എന്ന പുസ്‌ത​ക​ത്തി​ന്റെ മുഴു അധ്യയന പട്ടിക​യും ഈ ലക്കം രാജ്യ ശുശ്രൂ​ഷ​യോ​ടൊ​പ്പം ഉണ്ട്‌. നിങ്ങൾ പഠിക്കുന്ന പുസ്‌ത​ക​ത്തോ​ടൊ​പ്പം അതിന്റെ ഒരു പകർപ്പ്‌ സൂക്ഷി​ക്കുക. പുസ്‌ത​ക​ത്തി​ലെ ഏത്‌ അധ്യാ​യ​വും ഖണ്ഡിക​ക​ളും ആണ്‌ ഓരോ വാരവും ചർച്ച ചെയ്യു​ന്നത്‌ എന്നതിനു പുറമേ ദാനീ​യേ​ലി​ലെ ഏതെല്ലാം വാക്യ​ങ്ങളെ അടിസ്ഥാ​ന​മാ​ക്കി​യാ​യി​രി​ക്കും ചർച്ച എന്നതും അതിൽ പരാമർശി​ച്ചി​ട്ടുണ്ട്‌. ഈ പുസ്‌ത​ക​ത്തി​ലെ ചില വിവരങ്ങൾ എങ്ങനെ എപ്പോൾ പരിചി​ന്തി​ക്ക​പ്പെ​ടു​മെന്ന്‌ അടിക്കു​റി​പ്പു​കൾ വിവരി​ക്കു​ന്നു. ഓരോ വാരത്തി​ലെ​യും അധ്യയ​ന​ത്തി​ന്റെ അവസാനം, ദാനീ​യേൽ പുസ്‌ത​ക​ത്തിൽനിന്ന്‌ പ്രസ്‌തുത വാര​ത്തേ​ക്കാ​യി പട്ടിക​പ്പെ​ടു​ത്തി​യി​രി​ക്കുന്ന പ്രത്യേക വാക്യങ്ങൾ പുസ്‌ത​കാ​ധ്യ​യന നിർവാ​ഹകൻ സദസ്സു​മാ​യി പുനര​വ​ലോ​കനം ചെയ്യേ​ണ്ട​താണ്‌. സമയം അനുവ​ദി​ക്കു​ന്ന​പക്ഷം, വാക്യങ്ങൾ വായിച്ച്‌ അവയെ​പ്പറ്റി അഭി​പ്രാ​യങ്ങൾ പറയുക. ചില വാക്യ​ങ്ങ​ളു​ടെ ചർച്ച ചില​പ്പോൾ പിറ്റേ ആഴ്‌ച​യി​ലേക്കു നീണ്ടു​പോ​യേ​ക്കാം.

³ ഒരു സമ്പൂർണ പഠനത്തി​നാ​യി തയ്യാറാ​കുക: ഓരോ വാരത്തി​ലെ​യും നിയമിത ഭാഗങ്ങൾ സമയ​മെ​ടുത്ത്‌ ചർച്ച ചെയ്യാൻ തക്കവണ്ണ​മാണ്‌ പട്ടിക തയ്യാറാ​ക്കി​യി​രി​ക്കു​ന്നത്‌. നാല്‌ അധ്യാ​യങ്ങൾ ദൈർഘ്യം കുറഞ്ഞ​വ​യാണ്‌. അതിനാൽ, ജൂൺ 5-ന്‌ ആരംഭി​ക്കുന്ന വാരത്തി​ലെ അധ്യയ​ന​ത്തി​ന്റെ അവസാനം, നിർവാ​ഹ​കന്‌ ദാനീ​യേൽ 2:1-40 വരെയുള്ള ഭാഗത്തി​ന്റെ ഒരു പുനര​വ​ലോ​കനം ഉൾപ്പെ​ടു​ത്താ​വു​ന്ന​താണ്‌. ജൂൺ 26-ന്‌ ആരംഭി​ക്കുന്ന വാരത്തിൽ ദാനീ​യേൽ 3:1-30 വരെ പുനര​വ​ലോ​കനം ചെയ്യാ​വു​ന്ന​താണ്‌. സെപ്‌റ്റം​ബർ 4-ന്‌ ആരംഭി​ക്കുന്ന വാരത്തിൽ 139-ാം പേജിലെ ചിത്രീ​ക​ര​ണ​ങ്ങ​ളെ​യും തിരു​വെ​ഴു​ത്തു​ക​ളെ​യും കുറി​ച്ചുള്ള ഒരു സമഗ്ര ചർച്ച ഉൾപ്പെ​ടു​ത്തണം. ഒക്‌ടോ​ബർ 2-ന്‌ ആരംഭി​ക്കുന്ന വാരത്തിൽ, 188, 189 എന്നീ പേജു​ക​ളി​ലെ ചാർട്ട്‌ ചർച്ച ചെയ്യേ​ണ്ട​താണ്‌.

⁴ ഓരോ വാരത്തി​ലെ​യും അധ്യയ​ന​ത്തി​നു​വേണ്ടി നന്നായി തയ്യാറാ​യി വരിക, നല്ല ഉത്തരങ്ങൾ പറയുക. യഹോ​വ​യു​ടെ ദൃശ്യ സംഘട​ന​യോ​ടൊ​ത്തു സഹവസി​ക്കാ​നും അവന്റെ വിശ്വസ്‌ത അഭിഷി​ക്തർ മുഖാ​ന്തരം പ്രദാനം ചെയ്‌തി​രി​ക്കുന്ന ഉൾക്കാ​ഴ്‌ച​യിൽ നിന്നും ഗ്രാഹ്യ​ത്തിൽ നിന്നും പ്രയോ​ജനം നേടാ​നും നിങ്ങൾക്കു ലഭിച്ചി​രി​ക്കുന്ന പദവിയെ വിലമ​തി​ക്കുക. (ദാനീ. 12:3, 4) ക്രമമാ​യി പുസ്‌തക അധ്യയ​ന​ത്തി​നു ഹാജരാ​കാൻ എല്ലാവ​രെ​യും പ്രോ​ത്സാ​ഹി​പ്പി​ക്കുക. ദാനീ​യേൽ പുസ്‌ത​ക​ത്തി​ലൂ​ടെ ദൈവം വെളി​പ്പെ​ടു​ത്തി​യി​രി​ക്കുന്ന ഭയാദ​രവ്‌ ഉണർത്തുന്ന പ്രാവ​ച​നിക വാക്കു​കൾക്ക്‌ നമു​ക്കേ​വർക്കും ശ്രദ്ധ കൊടു​ക്കാം.—എബ്രാ. 10:23-25; 2 പത്രൊ. 1:19, NW.