യോഗങ്ങൾ യുവജ​ന​ങ്ങൾക്കു പ്രയോ​ജനം ചെയ്യുന്നു

¹ ഒരു കൗമാ​ര​പ്രാ​യ​ക്കാ​രി ഇങ്ങനെ പറഞ്ഞു: “ജീവി​ത​ത്തിൽ ഏറ്റവു​മ​ധി​കം വെല്ലു​വി​ളി​കൾ നേരി​ടു​ന്നത്‌ യുവജ​ന​ങ്ങ​ളാ​ണെന്ന്‌ എനിക്കു ചില​പ്പോ​ഴൊ​ക്കെ തോന്നാ​റുണ്ട്‌. മദ്യപി​ക്കു​ക​യും മയക്കു​മ​രുന്ന്‌ ഉപയോ​ഗി​ക്കു​ക​യും ദുർവൃ​ത്തി​യിൽ ഏർപ്പെ​ടു​ക​യും ചെയ്യുന്ന ആളുക​ളാണ്‌ ഞങ്ങൾക്കു ചുറ്റു​മു​ള്ളത്‌.” നിങ്ങൾക്ക്‌ അങ്ങനെ​യാ​ണോ തോന്നു​ന്നത്‌? എങ്കിൽ, ഇത്തരം മോശ​മായ സ്വാധീ​ന​ങ്ങളെ ചെറു​ത്തു​നിൽക്കാൻ എന്തു സഹായി​ക്കു​മെ​ന്നാ​ണു നിങ്ങൾ വിചാ​രി​ക്കു​ന്നത്‌? യഹോ​വ​യു​ടെ വഴിക​ളാണ്‌ ഏറ്റവും ഉചിതം എന്നുള്ള ശക്തമായ വിശ്വാ​സം നിങ്ങൾക്ക്‌ ആവശ്യ​മാണ്‌. കാരണം, ആ വിശ്വാ​സം കൂടാതെ “ദൈവത്തെ പ്രസാ​ദി​പ്പി​പ്പാൻ കഴിയു​ന്നതല്ല.” (എബ്രാ. 11:6) യോഗ​ങ്ങ​ളിൽ സംബന്ധി​ക്കു​ന്നത്‌ ക്രിസ്‌തീയ വിശ്വാ​സ​ത്തെ​യും മോശ​മായ കാര്യങ്ങൾ ഒഴിവാ​ക്കു​ന്ന​തി​നുള്ള നിശ്ചയ​ദാർഢ്യ​ത്തെ​യും ബലിഷ്‌ഠ​മാ​ക്കാൻ നിങ്ങളെ സഹായി​ക്കും.

² യോഗ​ങ്ങ​ളിൽ നിന്നുള്ള പ്രയോ​ജ​നങ്ങൾ ഒട്ടനവധി: സുഹൃ​ത്തു​ക്ക​ളു​മൊ​ത്തുള്ള ഒരു ഭക്ഷണ​വേ​ളയെ ആസ്വാ​ദ്യ​മാ​ക്കു​ന്നത്‌ എന്താണ്‌? രുചി​ക​ര​മായ ഭക്ഷണവും പ്രശാ​ന്ത​മായ ഒരു ചുറ്റു​പാ​ടി​ലെ ഹൃദ്യ​മായ സഹവാ​സ​വു​മല്ലേ? ഹൃദ്യ​മായ അതേ അനുഭ​വ​മാണ്‌ നമുക്കു ക്രിസ്‌തീയ യോഗ​ങ്ങ​ളി​ലൂ​ടെ​യും ലഭിക്കു​ന്നത്‌, ഒരു ആത്മീയ വിധത്തിൽ ആണെന്നു​മാ​ത്രം.

³ ദൈനം​ദിന ജീവിത പ്രശ്‌നങ്ങൾ കൈകാ​ര്യം ചെയ്യു​ന്നതു മുതൽ ശ്രദ്ധേ​യ​മായ ബൈബിൾ പ്രവച​ന​ങ്ങൾവരെ യോഗ​ങ്ങ​ളിൽ ചർച്ച ചെയ്യ​പ്പെ​ടുന്ന വിവര​ങ്ങ​ളെ​ല്ലാം​തന്നെ നിങ്ങളെ കെട്ടു​പണി ചെയ്യു​ന്ന​വ​യാണ്‌. ഈ യോഗ​ങ്ങ​ളിൽനി​ന്നു ലഭിക്കുന്ന പ്രാ​യോ​ഗിക നിർദേ​ശങ്ങൾ, വെല്ലു​വി​ളി​കളെ എങ്ങനെ നേരി​ടാ​മെ​ന്നും മെച്ചപ്പെട്ട ജീവിതം എങ്ങനെ നയിക്കാ​മെ​ന്നും നിങ്ങളെ പഠിപ്പി​ക്കു​ന്നു. ക്രിസ്‌തീയ യോഗ​സ്ഥ​ലത്തു കണ്ടുമു​ട്ടു​ന്ന​വരെ പോലുള്ള സുഹൃ​ത്തു​ക്കളെ മറ്റൊ​രി​ട​ത്തും നമുക്കു ലഭിക്കു​ക​യില്ല. അവിടത്തെ ആത്മീയ അന്തരീക്ഷം സന്തോ​ഷ​ക​ര​വും സുരക്ഷി​ത​വു​മാണ്‌. (സങ്കീ. 133:1) ഒരു ചെറു​പ്പ​ക്കാ​രി ഇങ്ങനെ പറഞ്ഞതിൽ അതിശ​യി​ക്കാ​നില്ല: “സ്‌കൂ​ളി​ലെ ഓരോ ദിവസ​വും സമ്മർദ​പൂ​രി​ത​മാണ്‌. എന്നാൽ, മരുഭൂ​മി​യി​ലെ ഒരു മരുപ്പച്ച എങ്ങനെ​യാ​ണോ അതു​പോ​ലെ​യാണ്‌ എനിക്ക്‌ ക്രിസ്‌തീയ യോഗങ്ങൾ. സ്‌കൂ​ളി​ലെ അടുത്ത ദിവസ​ത്തി​നാ​യി അത്‌ എനിക്ക്‌ ഉന്മേഷം പകരുന്നു.” മറ്റൊരു പെൺകു​ട്ടി പറഞ്ഞു: “യഹോ​വയെ സ്‌നേ​ഹി​ക്കു​ന്ന​വ​രു​മാ​യുള്ള അടുത്ത സഹവാസം അവനോട്‌ പറ്റിനിൽക്കാൻ എന്നെ സഹായി​ക്കു​ന്ന​താ​യി ഞാൻ മനസ്സി​ലാ​ക്കി​യി​രി​ക്കു​ന്നു.”

⁴ ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ പങ്കെടു​ക്കു​ക​വഴി, ബൈബിൾ വിവരങ്ങൾ ശേഖരിച്ച്‌, ഒരു പ്രസം​ഗ​മാ​യി വികസി​പ്പിച്ച്‌, രാജ്യ​ഹാ​ളി​ലെ സദസ്സിനു മുമ്പാകെ അത്‌ സംഭാഷണ ശൈലി​യിൽ അവതരി​പ്പി​ക്കാൻ നിങ്ങൾ പഠിക്കു​ന്നു. ദൈവ​വ​ച​ന​ത്തി​ലെ ജീവര​ക്ഷാ​ക​ര​മായ സത്യങ്ങൾ വൈദ​ഗ്‌ധ്യ​ത്തോ​ടെ പഠിപ്പി​ക്കാൻ തക്കവിധം പരിശീ​ലനം നേടു​ന്നത്‌ എത്ര പ്രയോ​ജ​ന​ക​ര​മാണ്‌! അത്തരം അമൂല്യ​മായ പരിശീ​ലനം മറ്റെവി​ടെ​നി​ന്നാണ്‌ യുവജ​ന​ങ്ങൾക്കു ലഭിക്കുക?

⁵ യോഗ​ങ്ങ​ളിൽനി​ന്നു പരമാ​വധി പ്രയോ​ജനം നേടുന്ന വിധം: യോഗ​ങ്ങ​ളിൽനിന്ന്‌ പരമാ​വധി പ്രയോ​ജനം നേടു​ന്ന​തിൽ പ്രധാ​ന​മാ​യും മൂന്നു കാര്യങ്ങൾ ഉൾപ്പെ​ട്ടി​രി​ക്കു​ന്നു: തയ്യാറാ​കൽ, പങ്കുപറ്റൽ, പ്രാവർത്തി​ക​മാ​ക്കൽ.

⁶ തയ്യാറാ​കൽ: ക്രമമായ അടിസ്ഥാ​ന​ത്തിൽ യോഗ​ങ്ങൾക്കു തയ്യാറാ​കാൻ സമയം പട്ടിക​പ്പെ​ടു​ത്തുക. ഓരോ യോഗ​ത്തി​ലും ചർച്ച ചെയ്യ​പ്പെ​ടാൻ പോകുന്ന വിഷയങ്ങൾ മുന്നമേ പരിചി​ന്തി​ക്കാ​നുള്ള സമയത്തെ കവർന്നു​ക​ള​യാൻ സ്‌കൂ​ളി​ലെ പാഠ്യ​വി​ഷ​യ​ങ്ങ​ളു​ടെ തയ്യാറാ​ക​ലി​നെ​യോ അംശകാല ജോലി​യെ​യോ വിനോദ പ്രവർത്ത​ന​ങ്ങ​ളെ​യോ അനുവ​ദി​ക്ക​രുത്‌. നല്ല ഒരു പഠനശീ​ലം വളർത്തി​യെ​ടു​ക്കാൻ അതു നിങ്ങളെ സഹായി​ക്കു​ന്നു. ഒന്നാമ​താ​യി, ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ലെ ബൈബിൾ വായനാ പട്ടിക​യോ​ടു പറ്റിനിൽക്കുക. നിയമിത അധ്യാ​യങ്ങൾ വായിച്ചു ധ്യാനി​ക്കു​ന്ന​തിന്‌ ദിവസ​വും ഏതാനും മിനി​ട്ടു​കളേ വേണ്ടൂ. സഭാ പുസ്‌ത​കാ​ധ്യ​യ​ന​ത്തി​നും വീക്ഷാ​ഗോ​പുര അധ്യയ​ന​ത്തി​നും തയ്യാറാ​കാൻ സമയം മാറ്റി​വെ​ക്കുക. ചിലർ ഈ യോഗങ്ങൾ നടക്കു​ന്ന​തിന്‌ കുറഞ്ഞത്‌ ഒന്നോ രണ്ടോ ദിവസം മുമ്പു​തന്നെ അതു ചെയ്യുന്നു. സാധ്യ​മാ​കു​ന്നി​ട​ത്തോ​ളം, ഓരോ വാരത്തി​ലെ​യും സേവന​യോഗ പരിപാ​ടി​യു​ടെ കാര്യ​ത്തി​ലും അതുതന്നെ ചെയ്യുക.

⁷ പങ്കുപറ്റൽ: 12-ാം വയസ്സിൽ യേശു ആലയത്തി​ലി​രുന്ന്‌ ഉപദേ​ഷ്ടാ​ക്ക​ന്മാർ പറയു​ന്നതു ശ്രദ്ധി​ക്കു​ക​യും ചോദ്യ​ങ്ങൾ ചോദി​ക്കു​ക​യും ഉത്തരങ്ങൾ നൽകു​ക​യും ചെയ്‌ത​താ​യി ബൈബിൾ പറയുന്നു. (ലൂക്കൊ. 2:46, 47) മറ്റു വാക്കു​ക​ളിൽ പറഞ്ഞാൽ അവൻ പൂർണ​മാ​യും അതിൽ മുഴു​കി​യി​രു​ന്നു. യോഗ​ങ്ങ​ളിൽ പങ്കുപ​റ്റാൻ ശ്രമി​ക്കു​മ്പോൾ നിങ്ങൾക്കും അതിൽനി​ന്നു കൂടുതൽ പ്രയോ​ജ​നങ്ങൾ ലഭിക്കും.—സദൃ. 15:23.

⁸ യോഗ​ങ്ങ​ളിൽ പഠിപ്പി​ക്ക​പ്പെ​ടുന്ന കാര്യ​ങ്ങൾക്കു നിങ്ങൾ നല്ല ശ്രദ്ധ കൊടു​ക്കേ​ണ്ട​തുണ്ട്‌. ചില​പ്പോൾ, ഒരു പ്രസംഗം നടത്തു​ന്ന​തി​നെ​ക്കാൾ ബുദ്ധി​മു​ട്ടാണ്‌ അതു ശ്രദ്ധി​ക്കാൻ. എന്താണ്‌ കാരണം? മറ്റൊ​രാൾ പ്രസംഗം നടത്തു​മ്പോൾ നിങ്ങളു​ടെ മനസ്സ്‌ അലഞ്ഞു​തി​രി​ഞ്ഞേ​ക്കാം. എന്താ​ണൊ​രു പോം​വഴി? കുറി​പ്പു​ക​ളെ​ടു​ക്കുക എന്നതു​തന്നെ. പിന്നീട്‌ എടുത്തു​നോ​ക്കാൻ നിങ്ങൾ ഉദ്ദേശി​ക്കുന്ന പ്രധാന ആശയങ്ങൾ കുറി​ച്ചി​ടുക. അങ്ങനെ ചെയ്യു​ന്നത്‌ പരിപാ​ടി​ക​ളിൽ ശ്രദ്ധി​ച്ചി​രി​ക്കാൻ നിങ്ങളെ സഹായി​ക്കും. പ്രസം​ഗകൻ വായി​ക്കുന്ന തിരു​വെ​ഴു​ത്തു​കൾ അദ്ദേഹ​ത്തോ​ടൊ​പ്പം എടുത്തു​നോ​ക്കു​ക​യും ചെയ്യുക.

⁹ ഇനിയും, യോഗ​ങ്ങ​ളി​ലെ ഓരോ ചോ​ദ്യോ​ത്തര ചർച്ചക​ളി​ലും പങ്കുണ്ടാ​യി​രി​ക്കാൻ ലക്ഷ്യമി​ടുക. പറയാൻ ആഗ്രഹി​ക്കുന്ന കാര്യങ്ങൾ ശ്രദ്ധാ​പൂർവം പരിചി​ന്തി​ക്കു​ന്നെ​ങ്കിൽ, അതു കൂടുതൽ പ്രയോ​ജ​ന​പ്ര​ദ​മാ​യി​രി​ക്കും. സദൃശ​വാ​ക്യ​ങ്ങൾ 15:28 പറയുന്നു: “നീതി​മാൻ മനസ്സിൽ ആലോ​ചി​ച്ചു ഉത്തരം പറയുന്നു.”

¹⁰ പഠിക്കുന്ന കാര്യങ്ങൾ പ്രാവർത്തി​ക​മാ​ക്കൽ: അവസാന പടി, പഠിക്കുന്ന കാര്യങ്ങൾ നിങ്ങളിൽ ‘വ്യാപ​രി​ക്കു​ന്നു’ എന്ന്‌ ഉറപ്പു​വ​രു​ത്തു​ക​യാണ്‌. (1 തെസ്സ. 2:13) ഓരോ യോഗ​ത്തി​ലും പഠിക്കുന്ന ആശയങ്ങൾ പ്രവൃ​ത്തി​പ​ഥ​ത്തിൽ കൊണ്ടു​വ​രു​മ്പോൾ നിങ്ങൾ യഹോ​വ​യോ​ടു കൂടുതൽ അടുത്തു​വ​രും. അവൻ നിങ്ങൾക്ക്‌ യഥാർഥ വ്യക്തി ആയിത്തീ​രും, സത്യം നിങ്ങളു​ടെ സ്വന്തമാ​ക്കി​ക്കൊണ്ട്‌ ‘അതിൽ നടക്കു’ന്നതിന്റെ സന്തോ​ഷ​വും സംതൃ​പ്‌തി​യും നിങ്ങൾ അനുഭ​വി​ക്കും.—3 യോഹ. 4.

¹¹ അതു​കൊണ്ട്‌ യുവ സഹോ​ദ​ര​ങ്ങളേ, യോഗ​ങ്ങൾക്കു പതിവാ​യി തയ്യാറാ​കു​ക​യും അവയിൽ പങ്കുപ​റ്റു​ക​യും പഠിക്കുന്ന കാര്യങ്ങൾ പ്രാവർത്തി​ക​മാ​ക്കു​ക​യും ചെയ്യു​മ്പോൾ നിങ്ങൾ യോഗങ്ങൾ പരമാ​വധി ആസ്വദി​ക്കും. ഒപ്പം, യോഗ​ങ്ങ​ളിൽ നിന്നുള്ള മുഴു പ്രയോ​ജ​ന​വും നിങ്ങൾക്കു ലഭിക്കും. അങ്ങനെ, നിങ്ങളു​ടെ വിശ്വാ​സ​വും സ്വർഗീയ പിതാ​വായ യഹോ​വ​യോ​ടു വിശ്വ​സ്‌ത​രാ​യി നില​കൊ​ള്ളാ​നുള്ള തീരു​മാ​ന​വും ബലിഷ്‌ഠ​മാ​ക്ക​പ്പെ​ടും.—സങ്കീ. 145:18.