“പുതിയ സഹസ്രാ​ബ്ദം—നിങ്ങളു​ടെ ഭാവി ശോഭ​ന​മാ​യി​രി​ക്കു​മോ?”

¹ ഭൂമിയിലെമ്പാടുമുള്ള മനുഷ്യർ ഉത്തരം കണ്ടെത്താൻ ആഗ്രഹി​ക്കുന്ന ഒരു ചോദ്യ​മാണ്‌ അത്‌. കാരണം, കഴിഞ്ഞ നൂറ്റാ​ണ്ടു​കളെ അപേക്ഷിച്ച്‌ മനുഷ്യർ വളരെ പുരോ​ഗതി കൈവ​രി​ച്ചി​ട്ടു​ണ്ടെ​ങ്കി​ലും, സഹസ്രാ​ബ്ദ​ങ്ങ​ളാ​യി മനുഷ്യ​രെ ബാധി​ച്ചി​രി​ക്കുന്ന അടിസ്ഥാന പ്രശ്‌നങ്ങൾ ഇപ്പോ​ഴും നിലനിൽക്കു​ന്നു. അത്‌ ആളുകളെ നിരാ​ശ​രാ​ക്കു​ന്നു. (ഇയ്യോ. 14:1; സങ്കീ. 90:10) അങ്ങനെ​യെ​ങ്കിൽ, മനുഷ്യ​വർഗ​ത്തിന്‌ എവി​ടെ​യാണ്‌ ആശ്വാസം കണ്ടെത്താൻ കഴിയുക?

² നമ്മുടെ അയൽക്കാർക്ക്‌ ആ ചോദ്യ​ത്തിന്‌ ഉത്തരം നൽകാ​നുള്ള ഒരു പ്രത്യേക അവസരം നവംബർ മാസത്തിൽ നമുക്കുണ്ട്‌. നമുക്ക്‌ അത്‌ എങ്ങനെ​യാണ്‌ ചെയ്യാൻ കഴിയുക? രാജ്യ​വാർത്ത നമ്പർ 36 വിതരണം ചെയ്യു​ന്ന​തി​ലൂ​ടെ. “പുതിയ സഹസ്രാ​ബ്ദം—നിങ്ങളു​ടെ ഭാവി ശോഭ​ന​മാ​യി​രി​ക്കു​മോ?” എന്നതാണ്‌ അതിന്റെ ശീർഷകം. നവംബർ 1 ബുധനാഴ്‌ച നാം രാജ്യ​വാർത്ത നമ്പർ 36-ന്റെ ഊർജി​ത​മായ വിതരണം തുടങ്ങും. ഈ പ്രസ്ഥാ​ന​കാ​ലത്ത്‌, തിങ്കൾ മുതൽ വെള്ളി​വ​രെ​യുള്ള ദിവസ​ങ്ങ​ളിൽ രാജ്യ​വാർത്ത നമ്പർ 36 വിതരണം ചെയ്യു​ന്ന​തി​ലാ​യി​രി​ക്കും നാം ശ്രദ്ധ കേന്ദ്രീ​ക​രി​ക്കു​ന്നത്‌. വാരാ​ന്ത​ങ്ങ​ളിൽ, നാം അത്‌ മാസി​ക​ക​ളോ​ടൊ​പ്പം സമർപ്പി​ക്കു​ന്ന​താ​യി​രി​ക്കും.

³ നിങ്ങൾക്ക്‌ പൂർണ പങ്കുണ്ടാ​യി​രി​ക്കു​മോ? മൂപ്പന്മാ​രും ശുശ്രൂ​ഷാ​ദാ​സ​ന്മാ​രും പയനി​യർമാ​രും വേലയു​ടെ മുൻപ​ന്തി​യിൽ ആയിരി​ക്കു​ന്ന​തി​നാൽ അവർ ഈ പ്രസ്ഥാ​ന​ത്തിൽ നേതൃ​ത്വ​മെ​ടു​ക്കു​ന്ന​താ​യി​രി​ക്കും. നവംബ​റിൽ സഹായ പയനി​യ​റിങ്‌ നടത്താൻ തക്കവിധം പല പ്രസാ​ധ​ക​രും തങ്ങളുടെ സാഹച​ര്യ​ങ്ങ​ളിൽ പൊരു​ത്ത​പ്പെ​ടു​ത്ത​ലു​കൾ വരുത്തി​യി​ട്ടുണ്ട്‌. മറ്റുള്ളവർ സാധാ​ര​ണ​യിൽ കൂടുതൽ സമയം ശുശ്രൂ​ഷ​യിൽ ചെലവ​ഴി​ക്കാൻ ലക്ഷ്യമി​ടു​ന്നു.

⁴ രാജ്യവാർത്ത നമ്പർ 36-ന്റെ വിതര​ണ​ത്തിൽ തങ്ങളുടെ പുസ്‌ത​കാ​ധ്യ​യന കൂട്ടത്തി​ലെ എല്ലാവർക്കും പൂർണ​പ​ങ്കു​ണ്ടാ​യി​രി​ക്കാൻ തക്കവിധം ഓരോ​രു​ത്ത​രെ​യും പ്രോ​ത്സാ​ഹി​പ്പി​ക്കു​ന്ന​തിൽ പുസ്‌ത​കാ​ധ്യ​യന നിർവാ​ഹ​ക​ന്മാർക്ക്‌ ഒരു സുപ്ര​ധാന പങ്ക്‌ വഹിക്കാൻ കഴിയും. പ്രസം​ഗ​വേ​ല​യിൽ നിഷ്‌ക്രി​യ​രായ ചില പ്രസാ​ധകർ ഉണ്ടായി​രു​ന്നേ​ക്കാം. അവരെ സഹായി​ക്കാ​നാ​യി എന്തു ചെയ്യാൻ കഴിയു​മെ​ന്ന​റി​യാൻ മൂപ്പന്മാർ അവരെ സന്ദർശി​ക്കണം. ഒരുപക്ഷേ, നിഷ്‌ക്രി​യ​നായ ഓരോ വ്യക്തി​യോ​ടും ഒപ്പം പ്രസ്‌തുത മാസം വയൽ സേവന​ത്തി​നു പോകാൻ അനുഭ​വ​സ​മ്പ​ന്ന​രായ പ്രസാ​ധ​കരെ ക്രമീ​ക​രി​ക്കാ​വു​ന്ന​താണ്‌. ലളിത​മായ ഒരു അവതരണം ഉപയോ​ഗി​ച്ചു​കൊണ്ട്‌ രാജ്യ​വാർത്ത നമ്പർ 36-ന്റെ വിതര​ണ​ത്തിൽ പങ്കുപ​റ്റു​ക​വഴി ഈ പ്രസാ​ധ​കർക്കു പുനഃ​ക്രി​യ​രാ​കാൻ കഴിയും.

⁵ പരിജ്ഞാനം പുസ്‌തകം പഠിച്ചു തീരാ​റായ, സ്‌നാ​പ​ന​മേ​റ്റി​ട്ടി​ല്ലാത്ത പ്രസാ​ധ​ക​രാ​യി സേവി​ക്കാൻ യോഗ്യ​ത​യു​ള്ള​വർക്ക്‌ ശുശ്രൂ​ഷ​യിൽ ഏർപ്പെട്ടു തുടങ്ങാ​നുള്ള ഒരു നല്ല അവസര​വും കൂടെ​യാണ്‌ ഇത്‌. കൊച്ചു കുട്ടി​കൾക്കു​പോ​ലും ഊർജി​ത​മായ ഈ പ്രവർത്ത​ന​ത്തിൽ ഒരു നല്ല പങ്കുണ്ടാ​യി​രി​ക്കാൻ കഴിയും.

⁶ ലളിതമായ ഒരു അവതര​ണമേ ആവശ്യ​മു​ള്ളൂ. നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼ “ഈ [നഗരത്തി​ന്റെ​യോ പട്ടണത്തി​ന്റെ​യോ പേർ പറയുക] സ്ഥലത്തെ എല്ലാ ഭവനങ്ങ​ളി​ലും സുപ്ര​ധാ​ന​മായ ഈ സന്ദേശം എത്തിക്കു​ന്ന​തി​നാ​യി ഞാൻ സ്വമേ​ധയാ പ്രവർത്തി​ക്കു​ക​യാണ്‌. ഈ ലഘുലേഖ താങ്കൾക്കു​ള്ള​താണ്‌. ദയവായി, ഇത്‌ വായി​ച്ചു​നോ​ക്കുക.” രാജ്യ​വാർത്ത നമ്പർ 36 വിതരണം ചെയ്യു​മ്പോൾ സാക്ഷീ​കരണ ബാഗ്‌ കൊണ്ടു​പോ​കാ​തി​രി​ക്കു​ന്ന​താണ്‌ ഉചിതം.

⁷ നന്നായി ആസൂ​ത്രണം ചെയ്‌ത വയൽസേവന യോഗങ്ങൾ: വയൽസേ​വ​ന​ത്തി​നു ക്രമീ​ക​ര​ണങ്ങൾ സൗകര്യ​പ്ര​ദ​വും പ്രാ​യോ​ഗി​ക​വും ആണെന്ന്‌ മൂപ്പന്മാർ ഉറപ്പു​വ​രു​ത്തണം. പ്രത്യേ​കിച്ച്‌ സേവന മേൽവി​ചാ​രകൻ, എല്ലാവർക്കും ശുശ്രൂ​ഷ​യിൽ ഏർപ്പെ​ടാൻ മതിയായ വീടു​ക​ളും ബിസി​നസ്സ്‌ പ്രദേ​ശ​ങ്ങ​ളും ഉണ്ടെന്ന്‌ ഉറപ്പാ​ക്കണം. സാധ്യ​മെ​ങ്കിൽ എല്ലാ ദിവസ​വും, സായാ​ഹ്ന​ങ്ങ​ളിൽപോ​ലും വയൽസേവന യോഗങ്ങൾ നടത്തണം. വിദ്യാർഥി​ക​ളു​ടെ​യും ഷിഫ്‌റ്റ്‌ ജോലി​ക്കാ​രു​ടെ​യും മറ്റുള്ള​വ​രു​ടെ​യും പ്രയോ​ജ​ന​ത്തി​നാ​യി വൈകു​ന്നേ​ര​ങ്ങ​ളി​ലും വയൽസേ​വനം ക്രമീ​ക​രി​ക്കാ​വു​ന്ന​താണ്‌.

⁸ ആളില്ലാ ഭവനങ്ങൾ: സാധ്യ​മാ​കു​ന്ന​ത്ര​യും വീട്ടു​കാർക്ക്‌ സാക്ഷ്യം നൽകുക എന്നതാണ്‌ നമ്മുടെ ലക്ഷ്യം. നിങ്ങൾ സന്ദർശി​ക്കു​മ്പോൾ വീട്ടിൽ ആളി​ല്ലെ​ങ്കിൽ മേൽവി​ലാ​സം കുറി​ച്ചെ​ടു​ക്കു​ക​യും മറ്റൊരു സമയത്ത്‌ സന്ദർശി​ക്കു​ക​യും ചെയ്യുക. ഈ പ്രസ്ഥാ​ന​ത്തി​ന്റെ അവസാന വാരത്തി​ലും അവരെ കണ്ടെത്താൻ കഴിഞ്ഞി​ല്ലെ​ങ്കിൽ, വഴി​പോ​ക്കർ കാണാത്ത ഒരു സ്ഥലത്ത്‌ രാജ്യ​വാർത്ത നമ്പർ 36-ന്റെ ഒരു പ്രതി നിങ്ങൾക്ക്‌ വെക്കാ​വു​ന്ന​താണ്‌. ഗ്രാമ പ്രദേ​ശ​ങ്ങ​ളി​ലും ഈ പ്രസ്ഥാ​ന​കാ​ല​ത്തി​നു​ള്ളിൽ പ്രവർത്തി​ച്ചു തീർക്കാൻ പറ്റാത്ത പ്രദേ​ശ​ങ്ങ​ളി​ലും ഉള്ള ആളില്ലാ ഭവനങ്ങ​ളിൽ ആദ്യമാ​യി ചെല്ലു​മ്പോൾത്തന്നെ രാജ്യ​വാർത്ത നമ്പർ 36-ന്റെ ഒരു പ്രതി അവിടെ ഇട്ടേച്ചു പോരാൻ പ്രാ​ദേ​ശിക മൂപ്പന്മാർക്കു സഹോ​ദ​ര​ങ്ങ​ളോ​ടു നിർദേ​ശി​ക്കാ​വു​ന്ന​താണ്‌.

⁹ നമുക്ക്‌ തിര​ക്കോ​ടെ ഏർപ്പെ​ടാം! പ്രസ്ഥാ​ന​കാ​ലം തീരു​ന്ന​തി​നു മുമ്പ്‌ പ്രദേശം പ്രവർത്തി​ച്ചു തീർക്കാൻ സഭകൾ ശ്രമി​ക്കണം. പ്രദേശം വളരെ വലുതാ​ണെ​ങ്കിൽ, പ്രാ​യോ​ഗി​ക​വും സുരക്ഷി​ത​വു​മായ സ്ഥലങ്ങളിൽ ചില പ്രസാ​ധ​കർക്ക്‌ ഒറ്റയ്‌ക്ക്‌ പ്രവർത്തി​ക്കാ​വു​ന്ന​താണ്‌. അർഹരായ സാധ്യ​മാ​കു​ന്ന​ത്ര​യും ആളുക​ളു​ടെ അടുത്ത്‌ എത്തി​ച്ചേ​രാൻ ഈ ക്രമീ​ക​രണം സഹായി​ക്കും. എല്ലാ താത്‌പ​ര്യ​ക്കാ​രെ​യും കുറിച്ച്‌ വ്യക്തമായ രേഖ സൂക്ഷി​ക്കുക.

¹⁰ ഏകദേശം എത്ര മാസി​കകൾ കൂടു​ത​ലാ​യി വേണ്ടി​വ​രു​മെന്ന്‌ മൂപ്പന്മാർ തിട്ട​പ്പെ​ടു​ത്തി അതനു​സ​രിച്ച്‌ ഓർഡർ ചെയ്യണം. രാജ്യ​വാർത്ത നമ്പർ 36 ഓർഡർ ചെയ്യേണ്ട ആവശ്യ​മില്ല. കാരണം, എല്ലാ സഭകൾക്കും അത്‌ അയച്ചു​ത​രു​ന്നുണ്ട്‌. പ്രത്യേക-സാധാരണ-സഹായ പയനി​യർമാർ ഓരോ​രു​ത്തർക്കും 300 പ്രതികൾ ലഭിക്കും. പ്രസാ​ധ​കർക്ക്‌ 100 പ്രതി​ക​ളും. അതു​കൊണ്ട്‌, ഈ പ്രത്യേക പ്രവർത്ത​ന​ത്തിൽ ഏർപ്പെ​ടാൻ നിങ്ങൾ സജ്ജരും ആകാം​ക്ഷ​യു​ള്ള​വ​രും അല്ലേ? ദൈവം വാഗ്‌ദാ​നം ചെയ്‌തി​രി​ക്കുന്ന ആസന്ന ഭാവി​യെ​ക്കു​റിച്ച്‌ നമ്മുടെ അയൽക്കാ​രെ​യെ​ല്ലാം അറിയി​ക്കാ​നുള്ള നമ്മുടെ പദവി എത്ര അമൂല്യ​മാണ്‌!