പ്രസം​ഗ​വേ​ല​യിൽ വ്യാപൃ​ത​രാ​യി​രി​പ്പിൻ!

¹ “സകലമ​നു​ഷ്യ​രും രക്ഷപ്രാ​പി​പ്പാ​നും സത്യത്തി​ന്റെ പരിജ്ഞാ​ന​ത്തിൽ എത്തുവാ​നും” ദൈവം ഇച്ഛിക്കു​ന്നു. (1 തിമൊ. 2:4) സുവാർത്ത പ്രസം​ഗി​ക്കുക എന്ന നിയമനം അവൻ നമുക്കു നൽകി​യി​രി​ക്കു​ന്ന​തി​ന്റെ കാരണ​വും അതുത​ന്നെ​യാണ്‌. (മത്താ. 24:14) പ്രസം​ഗ​വേ​ല​യിൽ വ്യാപൃ​ത​രാ​യി​രി​ക്കേ​ണ്ട​തി​ന്റെ കാരണം നാം മനസ്സി​ലാ​ക്കു​ന്ന​പക്ഷം നിരു​ത്സാ​ഹ​മോ ശ്രദ്ധാ​ശൈ​ഥി​ല്യ​മോ ഒന്നും നമ്മുടെ പ്രവർത്ത​നത്തെ തടസ്സ​പ്പെ​ടു​ത്തു​ക​യില്ല.

² പ്രസംഗവേലയിൽ വ്യാപൃ​ത​രാ​യി​രി​ക്കേ​ണ്ടത്‌ എന്തു​കൊണ്ട്‌? ഇന്ന്‌ ലോക​ത്തിൽ ആളുകൾക്കു നിരവധി പ്രശ്‌നങ്ങൾ അഭിമു​ഖീ​ക​രി​ക്കേണ്ടി വരുന്നു. തന്മൂലം, നാം നൽകുന്ന സന്ദേശം അവർ ശ്രദ്ധി​ക്കാ​തി​രി​ക്കു​ക​യോ മറന്നു​ക​ള​യു​ക​യോ അതിനെ ലാഘവ​ത്തോ​ടെ എടുക്കു​ക​യോ ചെയ്‌തേ​ക്കാം. അതു​കൊണ്ട്‌, ദൈവ​ത്തി​ന്റെ രക്ഷാ സന്ദേശത്തെ കുറിച്ച്‌ നാം കൂടെ​ക്കൂ​ടെ അവരെ ഓർമി​പ്പി​ച്ചു​കൊ​ണ്ടി​രി​ക്കണം. (മത്താ. 24:38, 39) കൂടാതെ, ആളുക​ളു​ടെ ജീവിത സാഹച​ര്യ​ങ്ങൾ നിരന്തരം മാറി​ക്കൊ​ണ്ടി​രി​ക്കു​ക​യാണ്‌. ഒറ്റ രാത്രി​കൊണ്ട്‌ ലോക​സാ​ഹ​ച​ര്യ​ങ്ങൾക്കു​പോ​ലും ശ്രദ്ധേ​യ​മായ മാറ്റം സംഭവി​ച്ചേ​ക്കാം. (1 കൊരി. 7:31) നാം ആരോട്‌ പ്രസം​ഗി​ക്കു​ന്നു​വോ അവർ, നാളെ​യോ അടുത്ത ആഴ്‌ച​യോ അടുത്ത മാസമോ പുതിയ പ്രശ്‌ന​ങ്ങ​ളെ​യോ ഉത്‌ക​ണ്‌ഠ​ക​ളെ​യോ അഭിമു​ഖീ​ക​രി​ക്കാൻ ഇടയുണ്ട്‌. നാം അറിയി​ക്കുന്ന സുവാർത്ത​യ്‌ക്ക്‌ ഗൗരവ​പൂർവ​മായ ശ്രദ്ധ നൽകാൻ അതൊക്കെ അവരെ പ്രേരി​പ്പി​ച്ചേ​ക്കാം. നിങ്ങളെ സത്യം അറിയിച്ച സാക്ഷികൾ തുടർച്ച​യാ​യി നിങ്ങളെ സന്ദർശി​ച്ച​തിൽ നിങ്ങൾ നന്ദിയു​ള്ള​വ​രല്ലേ?

³ ദൈവത്തിന്റെ കരുണയെ അനുക​രി​ക്കൽ: ദുഷ്ടന്മാ​രു​ടെ​മേൽ ന്യായ​വി​ധി നടത്തു​ന്ന​തി​നു മുമ്പായി യഹോവ ക്ഷമാപൂർവം കുറെ സമയം അനുവ​ദി​ച്ചി​രി​ക്കു​ന്നു. തന്നി​ലേക്കു തിരിഞ്ഞ്‌ രക്ഷ പ്രാപി​ക്കാൻ നമ്മിലൂ​ടെ അവൻ പരമാർഥ ഹൃദയ​രോ​ടു തുടർച്ച​യാ​യി അഭ്യർഥി​ക്കു​ക​യാണ്‌. (2 പത്രൊ. 3:9) നാം ആളുകളെ ദൈവ​ത്തി​ന്റെ കരുണാ സന്ദേശം അറിയി​ക്കാ​തി​രി​ക്കു​ക​യും ദുഷിച്ച വഴിക​ളിൽനി​ന്നു പിന്തി​രി​യാ​ത്ത​വ​രു​ടെ​മേൽ വരാൻ പോകുന്ന ദൈവ​ത്തി​ന്റെ ന്യായ​വി​ധി നിർവ​ഹ​ണ​ത്തെ​ക്കു​റിച്ച്‌ അവർക്കു മുന്നറി​യി​പ്പു നൽകാ​തി​രി​ക്കു​ക​യും ചെയ്യു​ന്നെ​ങ്കിൽ നാം രക്തപാതക കുറ്റം ഉള്ളവരാ​യി​രി​ക്കും. (യെഹെ. 33:1-11) നമ്മുടെ സന്ദേശ​ത്തിന്‌ എല്ലായ്‌പോ​ഴും നല്ല പ്രതി​ക​രണം ലഭിക്കു​ന്നി​ല്ലെ​ങ്കി​ലും, ദൈവ​ത്തി​ന്റെ മഹാ കരുണയെ വിലമ​തി​ക്കാൻ ആത്മാർഥ ഹൃദയരെ സഹായി​ക്കു​ന്ന​തിന്‌ സർവ ശ്രമവും ചെയ്യു​ന്ന​തിൽ നാം ഒരിക്ക​ലും മന്ദീഭാ​വം കാണി​ക്ക​രുത്‌.—പ്രവൃ. 20:26, 27; റോമ. 12:11.

⁴ നമ്മുടെ സ്‌നേഹം പ്രകടി​പ്പി​ക്കൽ: മുഴു ഭൂമി​യി​ലും സുവാർത്ത പ്രസം​ഗി​ക്കാ​നുള്ള കൽപ്പന യേശു​വി​ലൂ​ടെ നൽകി​യി​രി​ക്കു​ന്നതു യഹോ​വ​യാണ്‌. (മത്താ. 28:19, 20) ആളുകൾ ശ്രദ്ധി​ക്കാ​ത്ത​പ്പോൾപ്പോ​ലും, ശരിയാ​യത്‌ ചെയ്യു​ന്ന​തിൽ തുടരു​ന്നതു മുഖാ​ന്തരം ദൈവ​ത്തോ​ടുള്ള സ്‌നേ​ഹ​വും ഭക്തിയും പ്രകടി​പ്പി​ക്കാ​നുള്ള അവസര​മാണ്‌ നമുക്ക്‌ ലഭിക്കു​ന്നത്‌.—1 യോഹ. 5:3.

⁵ പ്രസംഗവേലയിൽ വ്യാപൃ​ത​രാ​യി​രി​ക്കാൻ നമുക്കു ദൃഢനി​ശ്ചയം ഉള്ളവരാ​യി​രി​ക്കാം! യഹോ​വ​യു​ടെ ‘രക്ഷാദി​വസം’ ഇപ്പോ​ഴും തുടരു​ന്ന​തി​ന്റെ അടിസ്ഥാ​ന​ത്തിൽ തീക്ഷ്‌ണ​ത​യോ​ടെ നമുക്ക​തിൽ ഏർപ്പെ​ടാം.—2 കൊരി. 6:2.