യെശയ്യാ പ്രവചനം പഠിക്കാൻ ഒരുങ്ങുക!

¹ “യഹോവ, നീതി നിഷ്‌കർഷി​ക്കു​ന്ന​തി​നെ​ക്കാൾ ഒരു ദിവസം​പോ​ലും കൂടുതൽ നിലനിൽക്കാൻ സാത്താന്റെ ലോകത്തെ അനുവ​ദി​ക്കു​ക​യില്ല എന്ന്‌ അവന്റെ വിശ്വസ്‌ത ആരാധ​കർക്ക്‌ ഉറപ്പു​ണ്ടാ​യി​രി​ക്കാ​വു​ന്ന​താണ്‌.” എത്ര പ്രോ​ത്സാ​ഹ​ജ​ന​ക​മായ പ്രസ്‌താ​വന! ഇത്‌ എവി​ടെ​നി​ന്നുള്ള ഉദ്ധരണി​യാണ്‌? യെശയ്യാ പ്രവചനം—മുഴു മനുഷ്യ​വർഗ​ത്തി​നു​മുള്ള വെളിച്ചം 1 എന്ന പുസ്‌ത​ക​ത്തിൽനിന്ന്‌. ഇത്ര പ്രോ​ത്സാ​ഹ​ജ​ന​ക​മായ ഒരു നിഗമ​ന​ത്തിൽ എത്താൻമാ​ത്രം കാരണങ്ങൾ യെശയ്യാ പ്രവചനം നൽകു​ന്നു​ണ്ടോ? തീർച്ച​യാ​യും! ആ ബൈബിൾ പുസ്‌ത​ക​ത്തിൽ, രക്ഷയെ കുറിച്ച്‌ വ്യക്തമാ​യും ശക്തമാ​യും ഊന്നി​പ്പ​റ​ഞ്ഞി​രി​ക്കു​ന്നു. (യെശ. 25:9) അതു​കൊണ്ട്‌ നമ്മുടെ സഭാ പുസ്‌തക അധ്യയ​ന​ത്തിൽ ദൈവ​വ​ച​ന​ത്തി​ന്റെ ഈ ഭാഗം പഠിക്കു​ന്നത്‌ വളരെ പ്രോ​ത്സാ​ഹ​ജ​ന​ക​മാ​യി​രി​ക്കും. എല്ലാ വാരത്തി​ലും അത്‌ ആസ്വദി​ക്കാൻ നാം അവിടെ ഉണ്ടായി​രി​ക്കു​മോ? നാം അവിടെ ഉണ്ടായി​രി​ക്കേ​ണ്ടത്‌ എന്തു​കൊണ്ട്‌?

² യെശയ്യാവു 30:20-ൽ (NW) യഹോ​വയെ “മഹാ പ്രബോ​ധകൻ” എന്നു വിളി​ച്ചി​രി​ക്കു​ന്നു. തന്റെ വചനത്തി​ലൂ​ടെ​യും “വിശ്വ​സ്‌ത​നും വിവേ​കി​യു​മായ അടിമ” പ്രദാനം ചെയ്യുന്ന ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണ​ങ്ങ​ളി​ലൂ​ടെ​യും യഹോവ നമ്മോടു സംസാ​രി​ക്കു​മ്പോൾ ക്രിസ്‌ത്യാ​നി​ക​ളായ നാം ഓരോ​രു​ത്ത​രും അതിനു സൂക്ഷ്‌മ ശ്രദ്ധ കൊടു​ക്കണം. (മത്താ. 24:45, NW; യെശ. 48:17, 18) യെശയ്യാ പ്രവചനം 1 പുസ്‌ത​ക​ത്തി​ന്റെ കാര്യ​ത്തിൽ ഇതു വളരെ സത്യമാണ്‌. അതിന്റെ പഠനത്തിൽനി​ന്നു നമുക്ക്‌ എങ്ങനെ പരമാ​വധി പ്രയോ​ജനം നേടാം?

³ പങ്കുപറ്റാൻ തയ്യാറാ​കുക: പുസ്‌തക അധ്യയ​ന​ത്തി​നു തയ്യാറാ​കാൻ ഓരോ വാരവും വേണ്ടത്ര സമയം മാറ്റി​വെ​ക്കുക. നിയമിത ഭാഗത്തെ ഖണ്ഡികകൾ ഓരോ​ന്നാ​യി വായി​ക്കുക. അച്ചടിച്ച ഓരോ ചോദ്യ​ത്തെ കുറി​ച്ചും ചിന്തി​ക്കുക. ഉത്തരങ്ങൾ പുസ്‌ത​ക​ത്തിൽ അടയാ​ള​പ്പെ​ടു​ത്തുക. യെശയ്യാ​വിൽനിന്ന്‌ ഉദ്ധരി​ച്ചി​രി​ക്കുന്ന വാക്യങ്ങൾ തടിച്ച അക്ഷരത്തിൽ കൊടു​ത്തി​രി​ക്കു​ന്നു. അവ ശ്രദ്ധാ​പൂർവം വായി​ക്കുക. പരാമർശി​ച്ചി​രി​ക്കുന്ന മറ്റു തിരു​വെ​ഴു​ത്തു​കൾ പ്രസ്‌തുത ഭാഗവു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നു എന്നു മനസ്സി​ലാ​ക്കാൻ എടുത്തു നോക്കുക. പഠിക്കുന്ന കാര്യ​ങ്ങളെ കുറിച്ചു ധ്യാനി​ക്കുക. തുടർന്ന്‌, പഠിച്ച കാര്യങ്ങൾ പുസ്‌തക അധ്യയന കൂട്ടവു​മാ​യി പങ്കു​വെ​ക്കുക.

⁴ ബൈബിൾ നന്നായി ഉപയോ​ഗി​ക്കു​ന്ന​തി​നും പഠിക്കുന്ന കാര്യ​ങ്ങ​ളു​ടെ പ്രാ​യോ​ഗിക മൂല്യം വിലമ​തി​ക്കു​ന്ന​തി​നും പുസ്‌തക അധ്യയന നിർവാ​ഹകൻ എല്ലാവ​രെ​യും സഹായി​ക്കണം. ഒരു ചോദ്യ​ത്തിന്‌ ആദ്യത്തെ അഭി​പ്രാ​യം പറയു​ന്നത്‌ നിങ്ങളാ​ണെ​ങ്കിൽ ലളിത​മായ രീതി​യിൽ, ചോദ്യ​ത്തി​നുള്ള ഉത്തരം മാത്രം നൽകുക. മറ്റാ​രെ​ങ്കി​ലു​മാണ്‌ അതു ചെയ്യു​ന്ന​തെ​ങ്കിൽ നിങ്ങൾക്ക്‌ ചർച്ച​ചെ​യ്യുന്ന വിഷയം വികസി​പ്പി​ക്കാ​വു​ന്ന​താണ്‌. ഒരുപക്ഷേ ഒരു മുഖ്യ തിരു​വെ​ഴുത്ത്‌, വിഷയത്തെ എങ്ങനെ പിന്താ​ങ്ങു​ന്നു​വെന്ന്‌ നിങ്ങൾക്കു പറയാ​വു​ന്ന​താണ്‌. സ്വന്തം വാക്കു​ക​ളിൽ അഭി​പ്രാ​യം പറയാൻ ശ്രമി​ക്കുക. അങ്ങനെ, ചർച്ചയിൽ പങ്കെടു​ക്കു​ന്ന​തി​ന്റെ സന്തോഷം ആസ്വദി​ക്കുക.

⁵ യെശയ്യാ പുസ്‌ത​ക​ത്തി​ലെ വില​യേ​റിയ സന്ദേശം നമുക്ക്‌ ഒത്തൊ​രു​മിച്ച്‌ ഉത്സാഹ​പൂർവം പരി​ശോ​ധി​ക്കാം. അത്‌, യഹോ​വ​യിൽനി​ന്നുള്ള രക്ഷയുടെ സന്തോ​ഷ​ക​ര​മായ പ്രതീ​ക്ഷ​യിൽ അനുദി​നം ജീവി​ക്കാൻ നമ്മെ പ്രോ​ത്സാ​ഹി​പ്പി​ക്കും!—യെശ. 30:18.