നല്ല പെരു​മാ​റ്റ​രീ​തി​കൾ—ദൈവ​ജ​ന​ത്തി​ന്റെ ഒരു സവി​ശേ​ഷത

¹ നല്ല പെരു​മാ​റ്റ​രീ​തി​കൾ ഇന്നു വളരെ വിരള​മാണ്‌. എന്തു​കൊണ്ട്‌? ആളുകൾ വളരെ തിരക്കി​ലാണ്‌. അതു​കൊണ്ട്‌ “ദയവായി,” “നന്ദി,” “ക്ഷമിക്കണം” എന്നൊക്കെ പറയു​ന്നതു പോലുള്ള അടിസ്ഥാന ആചാര​മ​ര്യാ​ദ​കളെ കുറിച്ചു പോലും അവർ അത്ര ചിന്തി​ക്കാ​റില്ല. അന്ത്യകാ​ലത്ത്‌ പെരു​മാ​റ്റ​രീ​തി​ക​ളിൽ ഉണ്ടാകുന്ന അധഃപ​ത​നത്തെ കുറിച്ച്‌ ദൈവ​വ​ചനം മുൻകൂ​ട്ടി പറയു​ക​യു​ണ്ടാ​യി. ആളുകൾ ‘സ്വസ്‌നേ​ഹി​ക​ളും നന്ദി​കെ​ട്ട​വ​രും വാത്സല്യ​മി​ല്ലാ​ത്ത​വ​രും അജി​തേ​ന്ദ്രി​യ​ന്മാ​രും സൽഗു​ണ​ദ്വേ​ഷി​ക​ളും ധാർഷ്ട്യ​ക്കാ​രും’ ആയിരി​ക്കു​മെന്ന്‌ അതു പറയുന്നു. (2 തിമൊ. 3:1-4) അതെല്ലാം മോശ​മായ പെരു​മാ​റ്റ​രീ​തി​ക​ളാണ്‌. ദൈവ​ജ​ന​മെന്ന നിലയിൽ ക്രിസ്‌ത്യാ​നി​കൾ, ഈ ലോക​ത്തി​ന്റെ ആദരവി​ല്ലായ്‌മ അനുക​രി​ക്കാ​തി​രി​ക്കാൻ ശ്രദ്ധി​ക്കണം.

² എന്താണ്‌ നല്ല പെരു​മാ​റ്റ​രീ​തി​കൾ? മറ്റുള്ള​വ​രു​ടെ വികാ​ര​ങ്ങളെ കുറി​ച്ചുള്ള സൂക്ഷ്‌മ​മായ അവബോ​ധം, മറ്റുള്ള​വ​രു​മൊ​ത്തു സമാധാ​ന​ത്തിൽ കഴിയാ​നുള്ള പ്രാപ്‌തി എന്ന്‌ നല്ല പെരു​മാ​റ്റ​രീ​തി​കളെ നിർവ​ചി​ക്കാ​വു​ന്ന​താണ്‌. നല്ല പെരു​മാ​റ്റ​രീ​തി​ക​ളു​ടെ വിവിധ വശങ്ങളാണ്‌ പരിഗണന, ആദരവ്‌, ദയ, മര്യാദ, നയചാ​തു​ര്യം, മറ്റുള്ള​വരെ കുറി​ച്ചുള്ള ചിന്ത എന്നിവ. ഈ സ്വഭാ​വ​ഗു​ണങ്ങൾ ദൈവ​ത്തോ​ടും മനുഷ്യ​രോ​ടു​മുള്ള സ്‌നേ​ഹ​ത്തിൽ അധിഷ്‌ഠി​ത​മാണ്‌. (ലൂക്കൊ. 10:27) അവ പ്രകട​മാ​ക്കു​ന്ന​തി​നു പ്രത്യേ​കിച്ച്‌ മുട​ക്കൊ​ന്നു​മില്ല. മറ്റുള്ള​വ​രു​മാ​യുള്ള നമ്മുടെ ബന്ധം അഭിവൃ​ദ്ധി​പ്പെ​ടു​ത്താൻ അവ സഹായി​ക്കും.

³ യേശുക്രിസ്‌തു പൂർണ​ത​യുള്ള ദൃഷ്ടാന്തം വെച്ചു. അവൻ എല്ലായ്‌പോ​ഴും സുവർണ​നി​യമം അനുസ​രി​ച്ചു. “മനുഷ്യർ നിങ്ങൾക്കു ചെയ്യേണം എന്നു നിങ്ങൾ ഇച്ഛിക്കു​ന്ന​തു​പോ​ലെ തന്നേ അവർക്കും ചെയ്‌വിൻ” എന്നാണ്‌ അതു പറയു​ന്നത്‌. (ലൂക്കൊ. 6:31) ശിഷ്യ​ന്മാ​രോ​ടുള്ള ഇടപെ​ട​ലിൽ യേശു പ്രകട​മാ​ക്കിയ പരിഗ​ണ​ന​യും സ്‌നേ​ഹ​പൂർവ​ക​മായ പെരു​മാ​റ്റ​രീ​തി​ക​ളും നമ്മെ അതിശ​യി​പ്പി​ക്കു​ന്നി​ല്ലേ? (മത്താ. 11:28-30) അവന്റെ പെരു​മാ​റ്റ​രീ​തി​കൾ, പെരു​മാ​റ്റ​ച്ച​ട്ടങ്ങൾ വിവരി​ക്കുന്ന പുസ്‌ത​ക​ങ്ങ​ളിൽ അധിഷ്‌ഠി​ത​മാ​യി​രു​ന്നില്ല. ആത്മാർഥ​ത​യും ഔദാ​ര്യ​വു​മുള്ള ഒരു ഹൃദയ​ത്തിൽനി​ന്നു വന്നവ ആയിരു​ന്നു അവ. അവന്റെ നല്ല ദൃഷ്ടാന്തം അനുക​രി​ക്കാൻ നാം ശ്രമി​ക്കണം.

⁴ ക്രിസ്‌ത്യാനികൾക്ക്‌ എപ്പോ​ഴാ​ണു നല്ല പെരു​മാ​റ്റ​രീ​തി​കൾ ആവശ്യ​മാ​യി​രി​ക്കു​ന്നത്‌? മറ്റുള്ള​വ​രിൽ നല്ല ധാരണ ഉളവാ​ക്കാൻ ആഗ്രഹി​ക്കുന്ന ചില പ്രത്യേക സന്ദർഭ​ങ്ങ​ളിൽ മതിയോ? അവർ മറ്റുള്ള​വരെ സ്വാധീ​നി​ക്കാൻ ശ്രമി​ക്കുന്ന അവസര​ങ്ങ​ളിൽ മാത്രം മതിയോ? ഒരിക്ക​ലു​മല്ല! നാം എല്ലായ്‌പോ​ഴും നല്ല പെരു​മാ​റ്റ​രീ​തി​കൾ ഉള്ളവരാ​യി​രി​ക്കണം. സഭയിലെ മറ്റുള്ള​വ​രു​മാ​യുള്ള നമ്മുടെ ഇടപെ​ട​ലിൽ പ്രത്യേ​കിച്ച്‌ ഏതെല്ലാം വിധങ്ങ​ളിൽ നാം ഇതേക്കു​റിച്ച്‌ ചിന്തയു​ള്ളവർ ആയിരി​ക്കണം?

⁵ രാജ്യഹാളിൽ: രാജ്യ​ഹാൾ നമ്മുടെ ആരാധനാ സ്ഥലമാണ്‌. യഹോ​വ​യു​ടെ ക്ഷണപ്ര​കാ​ര​മാണ്‌ നാം അവിടെ ആയിരി​ക്കു​ന്നത്‌. ആ അർഥത്തിൽ നാം അവിടെ അതിഥി​ക​ളാണ്‌. (സങ്കീ. 15:1) രാജ്യ​ഹാ​ളിൽ വരു​മ്പോൾ നാം മാതൃ​കാ​യോ​ഗ്യ​രായ അതിഥി​ക​ളാ​ണോ? നമ്മുടെ വസ്‌ത്ര​ധാ​ര​ണ​ത്തി​നും ചമയത്തി​നും നാം ഉചിത​മായ ശ്രദ്ധ നൽകു​ന്നു​ണ്ടോ? തീർച്ച​യാ​യും അലസമോ അതിരു​ക​വി​ഞ്ഞ​തോ ആയ വസ്‌ത്ര​ധാ​ര​ണ​രീ​തി നാം ഒഴിവാ​ക്കണം. കൺ​വെൻ​ഷ​നു​കൾക്കു വരു​മ്പോ​ഴാ​യാ​ലും പ്രതി​വാര സഭാ​യോ​ഗ​ങ്ങൾക്കു ഹാജരാ​കു​മ്പോ​ഴാ​യാ​ലും ദൈവ​ഭക്തി ഉള്ളവർക്കു ചേരുന്ന തരത്തി​ലുള്ള നല്ല ചമയത്തിന്‌ യഹോ​വ​യു​ടെ ജനം ശ്രദ്ധേ​യ​രാണ്‌. (1 തിമൊ. 2:9, 10) അങ്ങനെ നാം നമ്മുടെ സ്വർഗീയ ആതി​ഥേ​യ​നോ​ടും ക്ഷണിക്ക​പ്പെ​ട്ടി​രി​ക്കുന്ന മറ്റ്‌ അതിഥി​ക​ളോ​ടും ഉചിത​മായ ആദരവും പരിഗ​ണ​ന​യും പ്രകട​മാ​ക്കു​ന്നു.

⁶ യോഗങ്ങളോടുള്ള ബന്ധത്തിൽ നല്ല പെരു​മാ​റ്റ​രീ​തി​കൾ പ്രകടി​പ്പി​ക്കാ​നുള്ള മറ്റൊരു മാർഗം കൃത്യ​സ​മ​യത്തു ഹാജരാ​കുക എന്നതാണ്‌. അത്‌ എല്ലായ്‌പോ​ഴും അത്ര എളുപ്പമല്ല എന്നു സമ്മതി​ക്കേ​ണ്ടി​യി​രി​ക്കു​ന്നു. ചിലർ താമസി​ക്കു​ന്നത്‌ വളരെ അകലെ ആയിരി​ക്കാം. അല്ലെങ്കിൽ നിരവധി അംഗങ്ങ​ളുള്ള ഒരു കുടും​ബം ആയതി​നാൽ എല്ലാവ​രും തയ്യാറാ​യി വരുന്ന​തിന്‌ സമയം എടു​ത്തേ​ക്കാം. ചില സഭകളിൽ ഏതാണ്ട്‌ 25 ശതമാനം പ്രസാ​ധ​ക​രും പതിവാ​യി പ്രാരംഭ ഗീതത്തി​നും പ്രാർഥ​ന​യ്‌ക്കും ശേഷമാ​ണു വരുന്നത്‌. അത്‌ ഗൗരവ​മുള്ള ഒരു സംഗതി​യാണ്‌. നമ്മുടെ പെരു​മാ​റ്റ​രീ​തി​കൾ മറ്റുള്ള​വ​രു​ടെ വികാ​ര​ങ്ങളെ സംബന്ധിച്ച നമ്മുടെ ചിന്ത​യോട്‌ ബന്ധപ്പെ​ട്ടി​രി​ക്കു​ന്നു എന്ന്‌ ഓർമി​ക്കു​ന്നതു നല്ലതാണ്‌. കൃപാ​ലു​വായ ആതി​ഥേ​യ​നാ​യി​രി​ക്കുന്ന യഹോവ നമ്മുടെ പ്രയോ​ജ​ന​ത്തി​നാണ്‌ ഈ ആത്മീയ വിരുന്ന്‌ ഒരുക്കി​യി​രി​ക്കു​ന്നത്‌. കൃത്യ​സ​മ​യത്തു ഹാജരാ​യി​ക്കൊണ്ട്‌ നാം അവന്റെ വികാ​ര​ങ്ങ​ളോ​ടുള്ള വിലമ​തി​പ്പും പരിഗ​ണ​ന​യും പ്രകട​മാ​ക്കു​ന്നു. അതിനു പുറമേ, യോഗ​ങ്ങൾക്കു താമസി​ച്ചു വരുന്നത്‌ ഹാജരാ​യി​രി​ക്കു​ന്ന​വ​രു​ടെ ശ്രദ്ധാ​ശൈ​ഥി​ല്യ​ത്തി​നു കാരണ​മാ​കും. മാത്രമല്ല, അത്‌ അവരോ​ടുള്ള ആദരവി​ല്ലായ്‌മ കൂടി ആയിരി​ക്കും.

⁷ കൂടിവരുമ്പോൾ നാം പുതി​യ​വ​രു​ടെ കാര്യ​ത്തിൽ ശ്രദ്ധി​ക്കാ​റു​ണ്ടോ? അവരെ സ്വാഗതം ചെയ്യു​ന്നത്‌ നല്ല പെരു​മാ​റ്റ​രീ​തി​യു​ടെ ഭാഗമാണ്‌. (മത്താ. 5:47; റോമ. 15:7) സൗമ്യ​മായ ഒരു അഭിവാ​ദനം, ഊഷ്‌മ​ള​മായ ഒരു ഹസ്‌ത​ദാ​നം, ദയാപൂർവ​ക​മായ ഒരു പുഞ്ചിരി—എല്ലാം ചെറിയ ചെറിയ കാര്യ​ങ്ങ​ളാണ്‌. എന്നാൽ നമ്മെ സത്യ​ക്രി​സ്‌ത്യാ​നി​ക​ളാ​യി തിരി​ച്ച​റി​യി​ക്കുന്ന സംഗതി​ക​ളിൽ അവയും ഉൾപ്പെ​ടു​ന്നു. (യോഹ. 13:35) ആദ്യമാ​യി രാജ്യ​ഹാ​ളിൽ വന്ന ഒരാൾ ഇപ്രകാ​രം പറഞ്ഞു: “തികച്ചും അപരി​ചി​ത​രെ​ങ്കി​ലും, ചെറുപ്പം മുതൽ ഞാൻ പോയി​രുന്ന പള്ളിയിൽ കണ്ടുമു​ട്ടി​യി​രി​ക്കു​ന്ന​തി​നെ​ക്കാൾ ആത്മാർഥ സ്‌നേ​ഹ​മുള്ള നിരവധി ആളുകളെ ഒറ്റ ദിവസം​തന്നെ ഞാൻ കണ്ടുമു​ട്ടി. ഞാൻ സത്യം കണ്ടെത്തി എന്നതു സ്‌പഷ്ട​മാ​യി​രു​ന്നു.” തത്‌ഫ​ല​മാ​യി അദ്ദേഹം തന്റെ ജീവി​ത​രീ​തി​ക്കു മാറ്റം വരുത്തി. ഏഴു മാസത്തി​നു ശേഷം അദ്ദേഹം സ്‌നാ​പ​ന​മേറ്റു. നല്ല പെരു​മാ​റ്റ​രീ​തി​കൾക്കു തീർച്ച​യാ​യും ദൂരവ്യാ​പക ഫലങ്ങൾ ഉളവാ​ക്കാൻ കഴിയും!

⁸ കണ്ടുമുട്ടുന്ന അപരി​ചി​ത​രോ​ടുള്ള നമ്മുടെ പെരു​മാ​റ്റ​രീ​തി​കൾ നല്ലതാ​ണെ​ങ്കിൽ “വിശേ​ഷാൽ സഹവി​ശ്വാ​സിക”ളോടു നാം അപ്രകാ​രം ചെയ്യേ​ണ്ട​തല്ലേ? (ഗലാ. 6:10) ഈ തത്ത്വവും ബാധക​മാ​കു​ന്നു: “വൃദ്ധന്റെ [അല്ലെങ്കിൽ, വൃദ്ധയു​ടെ] മുഖം ബഹുമാ​നിക്ക.” (ലേവ്യ. 19:32) നമ്മുടെ കൂടി​വ​ര​വു​ക​ളിൽ അവരെ അവഗണി​ക്ക​രുത്‌.

⁹ അടുത്ത ശ്രദ്ധ നൽകൽ: സഭാ​യോഗ വേളയിൽ ദൈവ​ത്തി​ന്റെ ക്രിസ്‌തീയ ശുശ്രൂ​ഷകർ നമ്മെ കെട്ടു​പണി ചെയ്യുന്ന ആത്മീയ ദാനങ്ങൾ പ്രദാനം ചെയ്യു​ന്ന​തി​നാ​യി സംസാ​രി​ക്കു​ന്നു. (റോമ. 1:11, NW) നാം ഉറക്കം​തൂ​ങ്ങു​ക​യോ എന്തെങ്കി​ലും കൊറി​ക്കു​ക​യോ ച്യൂയി​ങ്‌ഗം ചവയ്‌ക്കു​ക​യോ അടുത്തി​രി​ക്കു​ന്ന​വ​രോ​ടു കൂടെ​ക്കൂ​ടെ അടക്കം പറയു​ക​യോ അനാവ​ശ്യ​മാ​യി ടോയ്‌ല​റ്റിൽ പോകു​ക​യോ ബന്ധമി​ല്ലാത്ത എന്തെങ്കി​ലും വായി​ക്കു​ക​യോ മറ്റെ​ന്തെ​ങ്കി​ലും ചെയ്യു​ന്ന​തിൽ ശ്രദ്ധി​ക്കു​ക​യോ ഒക്കെ ചെയ്യു​ന്ന​പക്ഷം അത്‌ വളരെ മോശ​മായ പെരു​മാ​റ്റ​രീ​തി ആയിരി​ക്കും. മൂപ്പന്മാർ ഈ കാര്യ​ത്തിൽ മാതൃക ആയിരി​ക്കണം. പ്രസം​ഗ​ക​നും അദ്ദേഹ​ത്തി​ന്റെ ബൈബി​ള​ധി​ഷ്‌ഠിത സന്ദേശ​ത്തി​നും സൂക്ഷ്‌മ ശ്രദ്ധ നൽകി​ക്കൊണ്ട്‌ ഉചിത​മായ ആദരവു പ്രകടി​പ്പി​ക്കാൻ നല്ല ക്രിസ്‌തീയ പെരു​മാ​റ്റ​രീ​തി​കൾ നമ്മെ പ്രേരി​പ്പി​ക്കും.

¹⁰ കൂടാതെ, പ്രസം​ഗ​ക​നോ​ടും സദസ്യ​രോ​ടു​മുള്ള പരിഗണന എന്ന നിലയിൽ പേജറു​ക​ളും മൊ​ബൈൽ ഫോണു​ക​ളും യോഗ​ങ്ങൾക്കു ശല്യം ഉണ്ടാക്കാത്ത രീതി​യിൽ വെക്കേ​ണ്ട​താണ്‌.

¹¹ പെരുമാറ്റരീതികളും കുട്ടി​ക​ളും: കുട്ടികൾ എങ്ങനെ പെരു​മാ​റു​ന്നു എന്ന കാര്യ​ത്തിൽ മാതാ​പി​താ​ക്കൾ എല്ലായ്‌പോ​ഴും ശ്രദ്ധാ​ലു​ക്കൾ ആയിരി​ക്കണം. യോഗ​സ​മ​യത്ത്‌ മറ്റുള്ള​വർക്കു ശല്യമാ​കും​വി​ധം കുട്ടി കരയു​ക​യോ അടങ്ങി​യി​രി​ക്കാ​തി​രി​ക്കു​ക​യോ ചെയ്യുന്ന പക്ഷം എത്രയും പെട്ടെന്ന്‌ കുട്ടിയെ ഹാളിനു വെളി​യിൽ കൊണ്ടു​പോ​കു​ന്നതു നന്നായി​രി​ക്കും. അത്‌ ചില​പ്പോൾ അൽപ്പം ബുദ്ധി​മു​ട്ടാ​യി​രി​ക്കും. എന്നാൽ നിങ്ങൾ മറ്റുള്ള​വ​രു​ടെ വികാ​ര​ങ്ങളെ മാനി​ക്കു​ന്നു​വെന്ന്‌ അതു പ്രകട​മാ​ക്കു​ന്നു എന്ന കാര്യം ഓർമി​ക്കുക. അടങ്ങി​യി​രി​ക്കാത്ത കൊച്ചു​കു​ട്ടി​ക​ളുള്ള മാതാ​പി​താ​ക്കൾ പിൻനി​ര​ക​ളിൽ ഇരിക്കു​ന്നതു നന്നായി​രി​ക്കും. അങ്ങനെ​യാ​കു​മ്പോൾ യോഗ​സ​മ​യത്ത്‌ കഴിവ​തും മറ്റുള്ള​വർക്കു ശല്യമാ​കാ​തെ അവർക്കു പുറത്തു​പോ​കാ​നാ​കും. ആഗ്രഹി​ക്കു​ന്ന​പക്ഷം, പിന്നിൽ ഇരിക്കാൻ സാധി​ക്ക​ത്ത​ക്ക​വി​ധം അവർക്കാ​യി ആ ഇരിപ്പി​ടങ്ങൾ ഒഴിച്ചി​ട്ടു​കൊണ്ട്‌ മറ്റുള്ള​വർക്കു പരിഗണന കാണി​ക്കാ​നാ​കും.

¹² യോഗങ്ങൾക്കു മുമ്പും ശേഷവും കുട്ടി​ക​ളു​ടെ പെരു​മാ​റ്റം സംബന്ധി​ച്ചും മാതാ​പി​താ​ക്കൾ ശ്രദ്ധ പുലർത്തണം. കെട്ടി​ട​ത്തി​നു​ള്ളിൽ ഓടി​ന​ട​ക്കാൻ കുട്ടി​കളെ അനുവ​ദി​ക്ക​രുത്‌, അത്‌ അപകടം വരുത്തി​വെ​ച്ചേ​ക്കാം. രാജ്യ​ഹാ​ളി​നു ചുറ്റും ഓടു​ന്ന​തും അപകട​ക​ര​മാ​യി​രി​ക്കാം, പ്രത്യേ​കിച്ച്‌ സന്ധ്യ മയങ്ങി​യ​ശേഷം. ഹാളിനു വെളി​യിൽനിന്ന്‌ ഉച്ചത്തിൽ സംസാ​രി​ക്കു​ന്നത്‌ അയൽക്കാർക്കു ശല്യമാ​യേ​ക്കാം. അത്‌ നമ്മുടെ ആരാധ​നയെ കുറിച്ച്‌ മോശ​മായ ധാരണ ഉളവാ​കാൻ കാരണ​മാ​യേ​ക്കാം. രാജ്യ​ഹാ​ളി​ന​ക​ത്തും പുറത്തും കുട്ടി​ക​ളു​ടെ മേൽനോ​ട്ട​ത്തി​ന്റെ കാര്യ​ത്തിൽ നല്ല ശ്രദ്ധ ചെലു​ത്തുന്ന മാതാ​പി​താ​ക്കൾ പ്രത്യേ​കം അഭിന​ന്ദനം അർഹി​ക്കു​ന്നു. കാരണം, അപ്രകാ​രം ചെയ്യു​ന്നത്‌ ഐക്യ​ത്തിൽ ഒരുമി​ച്ചു വസിക്കു​ന്ന​തി​ന്റെ സന്തോഷം വർധി​പ്പി​ക്കു​ന്നു.—സങ്കീ. 133:1.

¹³ പുസ്‌തകാധ്യയനത്തിൽ: സഭാ​യോ​ഗ​ങ്ങൾക്കാ​യി തങ്ങളുടെ ഭവനം ലഭ്യമാ​ക്കുന്ന നമ്മുടെ സഹോ​ദ​ര​ങ്ങ​ളു​ടെ മനസ്സൊ​രു​ക്കം നാം വളരെ വിലമ​തി​ക്കു​ന്നു. അവിടെ ഹാജരാ​കു​മ്പോൾ നാം അവരുടെ വസ്‌തു​വ​ക​ക​ളോട്‌ ആദരവും പരിഗ​ണ​ന​യും കാട്ടേ​ണ്ട​തുണ്ട്‌. തറയി​ലും കാർപ്പെ​റ്റി​ലും മറ്റും മണ്ണു ചവട്ടി​ക്ക​യ​റ്റാ​തെ നമ്മുടെ പാദര​ക്ഷകൾ നന്നായി തുടയ്‌ക്കണം. കുട്ടികൾ പുസ്‌ത​കാ​ധ്യ​യ​ന​ത്തിന്‌ അനുവ​ദി​ച്ചി​രി​ക്കുന്ന സ്ഥലപരി​ധി വിട്ട്‌ പോകു​ന്നില്ല എന്ന്‌ ഉറപ്പു​വ​രു​ത്തു​ന്ന​തി​നു മാതാ​പി​താ​ക്കൾക്ക്‌ അവരു​ടെ​മേൽ ഒരു കണ്ണുണ്ടാ​യി​രി​ക്കണം. കൂട്ടം ചെറു​തും ചുറ്റു​പാ​ടു​കൾ ഏതാണ്ട്‌ അനൗപ​ചാ​രി​ക​വും ആയതി​നാൽ മറ്റുള്ള​വ​രു​ടെ ഭവനത്തിൽ അനാവ​ശ്യ​മായ സ്വാത​ന്ത്ര്യം എടുക്കാ​മെന്ന്‌ നാം വിചാ​രി​ക്ക​രുത്‌. ടോയ്‌ല​റ്റിൽ പോ​കേ​ണ്ടി​വ​രു​മ്പോൾ കൊച്ചു​കു​ട്ടി​കളെ തനിയെ വിടാതെ മാതാ​പി​താ​ക്ക​ളിൽ ആരെങ്കി​ലും കൂടെ പോകണം. കൂടാതെ, പുസ്‌ത​കാ​ധ്യ​യ​ന​വും ഒരു സഭാ​യോ​ഗ​മാ​യ​തി​നാൽ രാജ്യ​ഹാ​ളിൽ പോകു​മ്പോ​ഴ​ത്തേതു പോലുള്ള വസ്‌ത്ര​ധാ​രണം ആയിരി​ക്കണം ഇവി​ടെ​യും.

¹⁴ നല്ല പെരു​മാ​റ്റ​രീ​തി​കൾ മർമ​പ്ര​ധാ​നം: നമ്മുടെ ശുശ്രൂഷ ദുഷി​ക്ക​പ്പെ​ടാ​തി​രി​ക്കാൻ മാത്രമല്ല മറ്റുള്ള​വ​രു​മാ​യി നല്ല ബന്ധങ്ങൾ നിലനി​റു​ത്താ​നും ക്രിസ്‌തീയ പെരു​മാ​റ്റ​രീ​തി​കൾ സഹായി​ക്കു​ന്നു. (2 കൊരി. 6:3, 4, 6) സന്തുഷ്ട ദൈവ​ത്തി​ന്റെ ആരാധ​ക​രെന്ന നിലയിൽ, മടികൂ​ടാ​തെ പുഞ്ചി​രി​ക്കാ​നും വിട്ടു​വീഴ്‌ച ചെയ്യാ​നും മറ്റുള്ള​വർക്കു സന്തോഷം പകരുന്ന ചെറിയ ചെറിയ കാര്യങ്ങൾ പോലും ചെയ്യാ​നും നമുക്ക്‌ കഴിയണം. ഇത്തരം പെരു​മാ​റ്റ​രീ​തി​കൾ ദൈവ​ജ​ന​മെന്ന നിലയി​ലുള്ള നമ്മുടെ ജീവി​തത്തെ തീർച്ച​യാ​യും അലങ്കരി​ക്കും.