“ദൈവ​വ​ചനം പഠിപ്പി​ക്കു​ന്നവർ” ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ പഠിച്ച കാര്യങ്ങൾ നിങ്ങൾ ബാധക​മാ​ക്കു​ന്നു​ണ്ടോ?

¹ യഹോവയുടെ സാക്ഷികൾ, ദൈവ​വ​ചനം പഠിപ്പി​ക്കു​ന്നവർ ആയിരി​ക്കുക എന്ന നിയോ​ഗം നിറ​വേ​റ്റു​ന്ന​തിൽ ഉത്സുക​രാ​ണെന്ന്‌ കഴിഞ്ഞ ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ ഹാജരായ ഏതൊ​രാൾക്കും തിരി​ച്ച​റി​യാൻ കഴിഞ്ഞു. (മത്താ. 28:19, 20) വീട്ടി​ലേക്കു മടങ്ങി​വ​രവേ, ഏതു പ്രത്യേക നിർദേ​ശങ്ങൾ വ്യക്തി​പ​ര​മായ ജീവി​ത​ത്തി​ലും വയൽശു​ശ്രൂ​ഷ​യി​ലും ബാധക​മാ​ക്കാൻ നിങ്ങൾ ദൃഢചി​ത്ത​രാ​യി​രു​ന്നു?

² നിശ്വസ്‌ത തിരു​വെ​ഴു​ത്തു​കൾ പഠിപ്പി​ക്കാൻ പ്രയോ​ജ​ന​കരം: ഒന്നാം ദിവസത്തെ വിഷയം 2 തിമൊ​ഥെ​യൊസ്‌ 3:16, 17 വിശേ​ഷ​വ​ത്‌ക​രി​ച്ചു. “ദൈവ​വ​ചനം പഠിപ്പി​ക്കു​ന്നവർ എന്ന നിലയിൽ പൂർണ സജ്ജർ” ആയിരി​ക്കു​ന്ന​തിന്‌ നാം അതിനെ അമൂല്യ​മാ​യി വിലമ​തി​ക്കു​ക​യും മാനുഷ അഭി​പ്രാ​യ​ങ്ങൾക്കും പാരമ്പ​ര്യ​ങ്ങൾക്കും ഉപരി അതിനെ ബഹുമാ​നി​ക്കു​ക​യും വിശ്വ​സ്‌ത​മാ​യി അത്‌ ഉപയോ​ഗി​ക്കു​ക​യും വേണ​മെന്ന്‌ മുഖ്യ​വി​ഷയ പ്രസംഗം പ്രകട​മാ​ക്കി. കൂടാതെ ശുശ്രൂ​ഷ​യിൽ നമ്മെ സഹായി​ക്കു​ന്ന​തി​നു നാം പരിശു​ദ്ധാ​ത്മാ​വി​നു​വേണ്ടി ദിവസ​വും പ്രാർഥി​ക്കു​ക​യും അതിന്റെ പ്രമുഖ ഫലമായ സ്‌നേഹം നട്ടുവ​ളർത്താൻ പ്രവർത്തി​ക്കു​ക​യും വേണം. മാത്രമല്ല, എല്ലാ സഭാ​യോ​ഗ​ങ്ങ​ളി​ലൂ​ടെ​യും ശുശ്രൂ​ഷ​ക​രെന്ന നിലയിൽ നമ്മെ പരിശീ​ലി​പ്പി​ക്കാൻ യഹോ​വ​യു​ടെ ഭൗമിക സംഘട​നയെ നാം അനുവ​ദി​ക്കു​ക​യും വേണം.

³ “മറ്റുള്ള​വരെ പഠിപ്പി​ക്കവേ നമ്മെത്തന്നെ പഠിപ്പി​ക്കൽ” എന്ന ഒന്നാം ദിവസത്തെ സിമ്പോ​സി​യം പിൻവ​രുന്ന കാര്യ​ങ്ങ​ളിൽ നാം മാതൃ​കാ​യോ​ഗ്യ​രാ​യി​രി​ക്കണം എന്നു വിശദീ​ക​രി​ച്ചു: (1) ക്രിസ്‌തീയ ധാർമി​ക​ത​യു​ടെ എല്ലാ വശങ്ങളി​ലും ദൈവ​നി​യ​മ​ത്തോ​ടു പറ്റിനിൽക്കൽ, (2) നല്ല പഠനശീ​ലങ്ങൾ നിലനി​റു​ത്തൽ, (3) പിശാച്‌ മുത​ലെ​ടു​ത്തേ​ക്കാ​വുന്ന ഹൃദയ​ത്തി​ന്റെ​യും മനസ്സി​ന്റെ​യും അവസ്ഥ​യെ​യും മനോ​ഭാ​വ​ങ്ങ​ളെ​യും നീക്കം​ചെയ്യൽ. തുടർന്ന്‌, ലോകത്തെ ഗ്രസി​ച്ചി​രി​ക്കുന്ന അശ്ലീല​ബാ​ധ​യിൽനി​ന്നു നമ്മുടെ കുടും​ബത്തെ സംരക്ഷി​ക്കാ​നുള്ള പ്രാ​യോ​ഗിക വിധങ്ങളെ കുറി​ച്ചും നാം പഠിച്ചു. ലൈം​ഗി​ക​രം​ഗങ്ങൾ ഒരു നിമിഷം കാണു​ന്നതു പോലും ഒഴിവാ​ക്കി​ക്കൊണ്ട്‌ മാതൃക വെക്കാ​നും കുട്ടി​ക​ളു​ടെ ഇന്റർനെറ്റ്‌ ഉപയോ​ഗ​ത്തി​ന്റെ​യും ടിവി കാണലി​ന്റെ​യും കാര്യ​ത്തിൽ ശ്രദ്ധ ചെലു​ത്താ​നും മാതാ​പി​താ​ക്കളെ പ്രോ​ത്സാ​ഹി​പ്പി​ക്കു​ക​യു​ണ്ടാ​യി. വെള്ളി​യാ​ഴ്‌ചത്തെ പരിപാ​ടി​യി​ലെ ഏത്‌ ആശയങ്ങ​ളാ​ണു നിങ്ങൾ ബാധക​മാ​ക്കാൻ തുടങ്ങി​യി​രി​ക്കു​ന്നത്‌?

⁴ അന്നത്തെ അവസാന പ്രസംഗം, യഹോവ നൽകുന്ന വെളി​ച്ചത്തെ അങ്ങേയറ്റം പ്രിയ​ങ്ക​ര​മാ​യി കണക്കാ​ക്കാ​നും ദൈവ​ത്തി​ന്റെ വിശ്വസ്‌ത അഭിഷിക്ത വർഗ​ത്തോ​ടു പറ്റിനിൽക്കാ​നും യഹോ​വ​യു​ടെ ജനത്തി​നി​ട​യി​ലെ സമാധാ​നം ഉന്നമി​പ്പി​ക്കാ​നുള്ള നമ്മുടെ ദൃഢനി​ശ്ച​യത്തെ വർധി​പ്പി​ച്ചു. പുതു​താ​യി പ്രകാ​ശനം ചെയ്‌ത, യെശയ്യാ പ്രവചനം—മുഴു മനുഷ്യ​വർഗ​ത്തി​നു​മുള്ള വെളിച്ചം 2 നിങ്ങൾ വായി​ച്ചോ?

⁵ മറ്റുള്ളവരെ പഠിപ്പി​ക്കാൻ വേണ്ടത്ര യോഗ്യ​ത​യു​ള്ളവർ: രണ്ടാം ദിവസത്തെ ആധാര​വാ​ക്യം 2 തിമൊ​ഥെ​യൊസ്‌ 2:2 [NW] ആയിരു​ന്നു. അന്നു രാവി​ലത്തെ സിമ്പോ​സി​യം ശ്രദ്ധി​ക്കവേ, പിൻവ​രുന്ന കാര്യങ്ങൾ എപ്രകാ​രം ചെയ്യാം എന്നതു സംബന്ധിച്ച നിർദേ​ശങ്ങൾ നിങ്ങൾ ശ്രദ്ധി​ച്ചോ? (1) അർഹത​യു​ള്ള​വരെ അന്വേ​ഷി​ക്കൽ, (2) അവരുടെ താത്‌പ​ര്യം നട്ടുവ​ളർത്തൽ, (3) ക്രിസ്‌തു കൽപ്പി​ച്ചത്‌ ഒക്കെയും പ്രമാ​ണി​പ്പാൻ അവരെ പഠിപ്പി​ക്കൽ. തിരു​വെ​ഴു​ത്തു​ക​ളിൽനിന്ന്‌ കുറഞ്ഞത്‌ ഒരു ആശയ​മെ​ങ്കി​ലും വീട്ടു​കാ​രനെ കാണി​ക്കു​ന്ന​തി​നെ​യും ഭാവി സന്ദർശ​ന​ത്തിന്‌ അടിസ്ഥാ​നം ഇടുന്ന​തി​നെ​യും കുറിച്ച്‌ പഠിച്ച കാര്യങ്ങൾ നിങ്ങൾ ബാധക​മാ​ക്കു​ന്നു​ണ്ടോ?

⁶ മഹാ ഗുരു​വായ യേശു​വി​നെ അനുക​രി​ക്കേ​ണ്ട​തി​ന്റെ പ്രാധാ​ന്യം ഉച്ചകഴി​ഞ്ഞത്തെ പരിപാ​ടി​യിൽ ഊന്നി​പ്പ​റഞ്ഞു. കൂടു​ത​ലാ​യി അവനെ അനുക​രി​ക്കാൻ ഏതു വിധങ്ങ​ളി​ലാ​ണു നിങ്ങൾ ശ്രമി​ക്കു​ന്നത്‌? അന്നത്തെ രണ്ടാമത്തെ സിമ്പോ​സി​യ​ത്തി​ലൂ​ടെ പഠിച്ച​തിൽനിന്ന്‌, എപ്രകാ​രം “ദിവ്യാ​ധി​പത്യ വിദ്യാ​ഭ്യാ​സ​ത്തിൽനി​ന്നു പൂർണ​മാ​യും പ്രയോ​ജനം നേടുക” സാധ്യ​മാ​ണെന്നു നിങ്ങൾക്കു തോന്നു​ന്നു? വ്യക്തി​പ​ര​മായ പഠനത്തി​ലും സഭാ​യോ​ഗ​ങ്ങ​ളി​ലും നിങ്ങളു​ടെ ശ്രദ്ധാ​ദൈർഘ്യം വർധി​പ്പി​ക്കാൻ ഏതു നിർദേ​ശ​ങ്ങ​ളാ​ണു നിങ്ങൾ ബാധക​മാ​ക്കി​യത്‌?

⁷ ഭാവിയിൽ ലഭ്യമാ​കുന്ന, ദിവ്യാ​ധി​പത്യ വിദ്യാ​ഭ്യാ​സ​ത്തിൽനിന്ന്‌ പ്രയോ​ജനം നേടുക എന്ന പുസ്‌തകം, ദൈവ​വ​ചനം പ്രസം​ഗി​ക്കു​ന്ന​വ​രും പഠിപ്പി​ക്കു​ന്ന​വ​രും എന്ന നിലയി​ലുള്ള നമ്മുടെ പ്രാപ്‌തി​ക​ളിൽ വളരാൻ നമ്മെ സഹായി​ക്കു​മെ​ന്ന​തിൽ സംശയ​മില്ല. ബൈബിൾ കാലങ്ങ​ളി​ലെ വിശ്വസ്‌ത ദാസന്മാ​രു​ടെ പ്രസം​ഗ​ങ്ങ​ളിൽ പ്രകട​മാ​യി​രുന്ന ചില ഗുണങ്ങൾക്ക്‌ കൂടു​ത​ലായ ശ്രദ്ധ നൽകും. ഈ പുതിയ പുസ്‌ത​ക​ത്തി​ലെ ഓരോ പാഠത്തി​ലും, നാം എന്തു ചെയ്യണം, അതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌, അത്‌ എപ്രകാ​രം ചെയ്യണം എന്നു സംക്ഷി​പ്‌ത​മാ​യി കാണി​ച്ചി​രി​ക്കുന്ന ചതുരങ്ങൾ ഉണ്ട്‌. പ്രാ​യോ​ഗിക അഭ്യാ​സങ്ങൾ ഉൾപ്പെ​ടു​ത്തി​യി​രി​ക്കു​ന്നു. സഹോ​ദ​രി​മാർക്ക്‌ തങ്ങളുടെ നിയമ​നങ്ങൾ നിർവ​ഹി​ക്കു​മ്പോൾ ഉപയോ​ഗി​ക്കാൻ കഴിയുന്ന 29 രംഗസം​വി​ധാ​നങ്ങൾ അതിലുണ്ട്‌. ക്രമേണ, സ്‌കൂൾ നടത്ത​പ്പെ​ടുന്ന വിധത്തിന്‌ നേരത്തേ അറിയിച്ച പ്രകാ​ര​മുള്ള മാറ്റം നിലവിൽ വരും. ഓരോ വാരവും ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽനി​ന്നു പൂർണ​മാ​യി പ്രയോ​ജനം നേടു​ന്ന​തിന്‌ നല്ല പഠനരീ​തി നിങ്ങൾക്കു​ണ്ടോ?

⁸ കാലത്തിന്റെ വീക്ഷണ​ത്തിൽ പഠിപ്പി​ക്കു​ന്നവർ ആയിരി​ക്കുക: എബ്രായർ 5:12 കൺ​വെൻ​ഷന്റെ അവസാന ദിവസ​ത്തി​നാ​യി സദസ്സിനെ മാനസി​ക​മാ​യി ഒരുക്കി. “മലാഖി പ്രവചനം യഹോ​വ​യു​ടെ ദിവസ​ത്തി​നാ​യി നമ്മെ ഒരുക്കു​ന്നു” എന്ന രാവി​ലത്തെ സിമ്പോ​സി​യം, യഹോ​വ​യു​ടെ വലുതും ഭയങ്കര​വു​മായ ദിവസത്തെ അതിജീ​വി​ക്കു​ന്ന​തിന്‌ ദൈവ​ത്തി​നു നമ്മുടെ ഏറ്റവും നല്ലതു നൽകാ​നും എല്ലാത്തരം കാപട്യ​ത്തെ​യും വെറു​ക്കാ​നും നമ്മെ ഉദ്‌ബോ​ധി​പ്പി​ച്ചു. “യഹോ​വ​യു​ടെ അധികാ​രത്തെ ആദരി​ക്കുക” എന്ന നാടകം, കോര​ഹി​ന്റെ​യും കൂട്ടാ​ളി​ക​ളു​ടെ​യും അഹങ്കാരം, അധികാ​ര​മോ​ഹം, അസൂയ, അനുചി​ത​മാ​യി പ്രകട​മാ​ക്കിയ വിശ്വ​സ്‌തത എന്നിവ യഹോ​വ​യു​ടെ നേരെ​ത​ന്നെ​യുള്ള മത്സരത്തി​ലേക്കു നയിച്ചത്‌ എങ്ങനെ​യെന്നു കാണിച്ചു. അതേത്തു​ടർന്നുള്ള പ്രസംഗം, കുടും​ബ​ത്തി​ലും സഭയി​ലു​മുള്ള ദൈവിക അധികാ​ര​ത്തി​നു കീഴ്‌പെ​ട്ടി​രി​ക്കേ​ണ്ട​തി​ന്റെ ആധുനി​ക​കാല ആവശ്യ​ത്തിൽ ശ്രദ്ധ കേന്ദ്രീ​ക​രി​ച്ചു. “ആരാണ്‌ മുഴു ജനതക​ളെ​യും സത്യം പഠിപ്പി​ക്കു​ന്നത്‌?” എന്ന പരസ്യ​പ്ര​സം​ഗം, ക്രൈ​സ്‌ത​വ​ലോ​കമല്ല മറിച്ച്‌ യഹോ​വ​യു​ടെ സാക്ഷി​ക​ളാണ്‌ അതു ചെയ്യു​ന്നത്‌ എന്നതി​നും ക്രൈ​സ്‌ത​വ​ലോ​കം ബൈബിൾ സത്യം പഠിപ്പി​ക്കു​ന്നു എന്ന്‌ അവകാ​ശ​പ്പെ​ടുക മാത്രമേ ചെയ്യു​ന്നു​ള്ളു എന്നതി​നും ഈടുറ്റ തെളിവു നൽകി.

⁹ ദൈവവചനം നന്നായി പഠിപ്പി​ക്കു​ന്നവർ ആയിരി​ക്കു​ന്ന​തിന്‌ യഹോവ നമ്മെ പരിശീ​ലി​പ്പി​ക്കു​ന്നു എന്നതിനു സംശയ​മില്ല. ‘നമ്മെയും നമ്മുടെ പ്രസംഗം കേൾക്കു​ന്ന​വ​രെ​യും രക്ഷിക്കാൻ തക്കവണ്ണം നമുക്കു​ത​ന്നെ​യും നമ്മുടെ ഉപദേ​ശ​ത്തി​നും നിരന്തര ശ്രദ്ധ നൽകി​ക്കൊണ്ട്‌’ പഠിച്ച കാര്യങ്ങൾ നമുക്കു ബാധക​മാ​ക്കാം.—1 തിമൊ. 4:16, NW.