യഹോ​വ​യു​ടെ സ്‌നേ​ഹ​ത്തോ​ടു വിലമ​തി​പ്പു പ്രകട​മാ​ക്കു​ന്ന​തി​ന്റെ പ്രയോ​ജ​നങ്ങൾ—ഭാഗം 2

¹ ഈ വിഷയത്തെ കുറിച്ച്‌ കഴിഞ്ഞ മാസം പ്രസി​ദ്ധീ​ക​രിച്ച ലേഖന​ത്തിൽ, ശുശ്രൂ​ഷ​യിൽ യഹോ​വ​യു​ടെ സ്‌നേ​ഹ​ത്തോ​ടു വിലമ​തി​പ്പു പ്രകട​മാ​ക്കാൻ കഴിയുന്ന നാലു വിധങ്ങൾ നാം വിശേ​ഷ​വ​ത്‌ക​രി​ക്കു​ക​യു​ണ്ടാ​യി. (1 യോഹ. 4:9-11) അതു ചെയ്യു​ന്ന​തി​നുള്ള കൂടു​ത​ലായ അഞ്ചു വിധങ്ങൾ കൂടി ഇവിടെ ചേർക്കു​ക​യാണ്‌. മറ്റുള്ള​വരെ ആത്മീയ​മാ​യി സഹായി​ക്കു​ന്ന​തിൽ നാം പൂർണ​മാ​യി പങ്കെടു​ക്കു​മ്പോൾ നാം അനു​ഗ്ര​ഹി​ക്ക​പ്പെ​ടും.

² അനൗപചാരിക സാക്ഷീ​ക​രണം: നീതി​ക്കാ​യി വിശക്കു​ക​യും ദാഹി​ക്കു​ക​യും ചെയ്യു​ന്ന​വരെ കണ്ടെത്താ​നും സഹായ​ക​മായ സാഹി​ത്യ​ങ്ങൾ അവർക്കു നൽകാ​നു​മുള്ള ഫലകര​മായ ഒരു മാർഗ​മാ​ണിത്‌. ‘സമയം തക്കത്തിൽ ഉപയോ​ഗി​ക്കു​ന്ന​തും’ എല്ലാ അവസര​ങ്ങ​ളി​ലും അതു​പോ​ലെ​തന്നെ കണ്ടുമു​ട്ടുന്ന എല്ലാവ​രോ​ടും സാക്ഷീ​ക​രി​ക്കു​ന്ന​തും മൂല്യ​വ​ത്താണ്‌. (എഫെ. 5:16) ഈ വിധത്തിൽ സാക്ഷീ​ക​രി​ക്കു​ന്ന​തിന്‌ നാം ധൈര്യം സംഭരി​ക്കേ​ണ്ട​തു​ണ്ടാ​യി​രി​ക്കാം. എന്നാൽ ദൈവ​ത്തി​ന്റെ സ്‌നേ​ഹ​വും ആളുക​ളു​ടെ ആവശ്യ​ങ്ങ​ളും നാം വിലമ​തി​ക്കു​ന്നെ​ങ്കിൽ നാം ഏത്‌ അവസര​ങ്ങ​ളി​ലും സാക്ഷീ​ക​രി​ക്കും.—2 തിമൊ. 1:7, 8.

³ ഒരു മുഴു​സമയ ശുശ്രൂ​ഷകൻ, ടാക്‌സി​യിൽ തന്നോ​ടൊ​പ്പം യാത്ര​ചെ​യ്‌തി​രുന്ന ഒരാളു​മാ​യി സംഭാ​ഷണം തുടങ്ങി​യ​തി​നാൽ സമൃദ്ധ​മാ​യി അനു​ഗ്ര​ഹി​ക്ക​പ്പെട്ടു. ആ മനുഷ്യൻ താത്‌പ​ര്യം പ്രകട​മാ​ക്കി. അദ്ദേഹ​ത്തി​നു മടക്കസ​ന്ദർശ​നങ്ങൾ നടത്തി, ഒരു ബൈബിൾ അധ്യയ​ന​വും തുടങ്ങി. അദ്ദേഹം സത്യം സ്വീക​രി​ച്ചു, ഒരു സഭാ മൂപ്പനാ​കുന്ന അളവോ​ളം പുരോ​ഗതി പ്രാപി​ച്ചു!

⁴ കത്തെഴതൽ: ശാരീ​രിക വൈക​ല്യ​ങ്ങ​ളോ മോശ​മായ കാലാ​വ​സ്ഥ​യോ നിമിത്തം ഒരുപക്ഷേ നമുക്കു വീടു​തോ​റും പോകാൻ കഴിയി​ല്ലാ​യി​രി​ക്കും. എന്നാൽ നമുക്ക്‌ കത്തുകൾ എഴുതാം. നമ്മുടെ പരിച​യ​ക്കാർക്കോ പ്രിയ​പ്പെ​ട്ടവർ മരിച്ചു​പോയ വ്യക്തി​കൾക്കോ വീട്ടിൽ കണ്ടുമു​ട്ടാൻ കഴിയാ​ഞ്ഞ​വർക്കോ കത്തിലൂ​ടെ ഹ്രസ്വ​മാ​യി സാക്ഷ്യം നൽകാ​വു​ന്ന​താണ്‌. ആകർഷ​ക​മായ ബൈബി​ള​ധി​ഷ്‌ഠിത സന്ദേശം അടങ്ങി​യ​തും ഏതെങ്കി​ലും ചോദ്യ​ങ്ങൾ ഉള്ളപക്ഷം അവ ചോദി​ക്കാൻ വ്യക്തിയെ പ്രോ​ത്സാ​ഹി​പ്പി​ക്കു​ന്ന​തു​മായ ഉചിത​മായ ഒരു ലഘു​ലേ​ഖ​യും ഒപ്പം അയയ്‌ക്കാ​വു​ന്ന​താണ്‌. മറുപടി അയയ്‌ക്കു​ന്ന​തിന്‌ നിങ്ങളു​ടെ​യോ രാജ്യ​ഹാ​ളി​ന്റെ​യോ മേൽവി​ലാ​സം നൽകുക; ദയവായി ബ്രാഞ്ച്‌ ഓഫീ​സി​ന്റെ വിലാസം ഉപയോ​ഗി​ക്ക​രുത്‌.

⁵ ടെലിഫോൺ സാക്ഷീ​ക​രണം: വീടു​തോ​റു​മുള്ള പ്രവർത്ത​ന​ത്തി​ലൂ​ടെ കണ്ടുമു​ട്ടാൻ കഴിയാ​ത്ത​വരെ സുവാർത്ത​യു​മാ​യി സമീപി​ക്കാ​നുള്ള ഒരു ഉത്തമ മാർഗ​മാണ്‌ ഇത്‌. നാം അത്‌ വിവേ​ച​ന​യോ​ടെ, ദയാപൂർവം, നയപര​മാ​യും വൈദ​ഗ്‌ധ്യ​ത്തോ​ടെ​യും ചെയ്യു​ന്നെ​ങ്കിൽ നല്ല പ്രതി​ക​രണം ലഭി​ച്ചേ​ക്കാം. 2001 ഫെബ്രു​വരി ലക്കം നമ്മുടെ രാജ്യ ശുശ്രൂ​ഷ​യു​ടെ 5-6 പേജു​ക​ളിൽ ഏറ്റവും നല്ല ഫലങ്ങൾ കൊയ്യു​ന്ന​തി​നുള്ള പ്രാ​യോ​ഗിക നിർദേ​ശങ്ങൾ പ്രദാനം ചെയ്‌തി​രി​ക്കു​ന്നു.

⁶ ഒരു സഹോ​ദരി ടെലി​ഫോ​ണി​ലൂ​ടെ ഒരു സ്‌ത്രീ​യോ​ടു സാക്ഷീ​ക​രണം നടത്തു​ക​യാ​യി​രു​ന്നു. അവരു​ടെ​യും കുടും​ബ​ത്തി​ന്റെ​യും ഭാവിയെ കുറിച്ച്‌ ഗൗരവ​മാ​യി ചിന്തി​ച്ചി​ട്ടു​ണ്ടോ എന്ന്‌ സഹോ​ദരി ചോദി​ച്ചു. ഉണ്ടെന്ന്‌ ആ സ്‌ത്രീ മറുപടി പറഞ്ഞു. നിരാശ മൂത്ത്‌ താൻ വീട്ടിൽ തന്നെത്തന്നെ ഒറ്റപ്പെ​ടു​ത്തി​യി​രി​ക്ക​യാ​ണെന്ന്‌ അവർ വെളി​പ്പെ​ടു​ത്തി. സഹോ​ദരി പ്രകട​മാ​ക്കിയ ആത്മാർഥ​മായ താത്‌പ​ര്യം നിമിത്തം അടുത്തുള്ള ഒരു കമ്പോ​ള​ത്തിൽവെച്ച്‌ കാണാ​മെന്ന്‌ ആ സ്‌ത്രീ സമ്മതിച്ചു. അതിന്റെ ഫലമായി, അവർ ഉടനടി ഒരു ബൈബിൾ അധ്യയ​ന​ത്തി​നു സമ്മതിച്ചു!

⁷ അപരിചിതരെ സ്വാഗതം ചെയ്യൽ: നാം സഹമനു​ഷ്യ​രെ സ്‌നേ​ഹി​ക്കു​ന്നെ​ങ്കിൽ, ഏതെങ്കി​ലും അപരി​ചി​തൻ നമ്മുടെ യോഗ​സ്ഥലം സന്ദർശി​ക്കു​ന്നു​ണ്ടോ എന്നതു സംബന്ധിച്ച്‌ നാം ശ്രദ്ധാ​ലു​ക്ക​ളാ​യി​രി​ക്കും; അദ്ദേഹത്തെ ഊഷ്‌മ​ള​മാ​യി സ്വാഗതം ചെയ്യാൻ നാം ശ്രമി​ക്കു​ക​യും ചെയ്യും. (റോമ. 15:7) തന്റെ ആത്മീയ ക്ഷേമത്തിൽ ആത്മാർഥ താത്‌പ​ര്യ​മു​ള്ള​വ​രോ​ടൊ​പ്പ​മാണ്‌ താനെന്നു തിരി​ച്ച​റി​യാൻ അത്‌ അദ്ദേഹത്തെ സഹായി​ക്കും. നമ്മുടെ ആത്മാർഥ​മായ പരിഗ​ണ​ന​യും വ്യക്തി​പ​ര​മാ​യി ബൈബിൾ പഠിപ്പി​ക്കാ​മെന്ന നമ്മുടെ വാഗ്‌ദാ​ന​വും നാം വെച്ചു​നീ​ട്ടുന്ന സഹായം സ്വീക​രി​ക്കാൻ അദ്ദേഹത്തെ പ്രേരി​പ്പി​ച്ചേ​ക്കാം.

⁸ നമ്മുടെ നല്ല നടത്ത: നമ്മുടെ നല്ല നടത്തയാൽ നാം സത്യത്തെ അലങ്കരി​ക്കു​ന്നു. (തീത്തൊ. 2:10, NW) ലോക​ത്തി​ലുള്ള ആളുകൾ യഹോ​വ​യു​ടെ സാക്ഷി​ക​ളായ നമ്മെ കുറിച്ച്‌ നല്ല കാര്യങ്ങൾ പറയു​മ്പോൾ അത്‌ നമ്മുടെ ദൈവ​ത്തി​നു ബഹുമതി കൈവ​രു​ത്തു​ന്നു. (1 പത്രൊ. 2:12) അതിനും ജീവന്റെ മാർഗ​ത്തിൽ സഞ്ചരിച്ചു തുടങ്ങാൻ മറ്റുള്ള​വരെ സഹായി​ക്കാ​നാ​കും.

⁹ യഹോവയുടെ മഹാ സ്‌നേ​ഹ​ത്തോ​ടുള്ള നമ്മുടെ വിലമ​തി​പ്പു പ്രകടി​പ്പി​ക്കാ​നുള്ള ഈ അഞ്ചു വിധങ്ങൾ എന്തു​കൊണ്ട്‌ പുനര​വ​ലോ​കനം ചെയ്യു​ക​യും പ്രവൃ​ത്തി​പ​ഥ​ത്തിൽ വരുത്തു​ക​യും ചെയ്‌തു​കൂ​ടാ? (1 യോഹ. 4:16) എങ്കിൽ, നിങ്ങൾ ധാരാളം അനു​ഗ്ര​ഹങ്ങൾ കൊയ്യും.