രാജ്യ​ഹാൾ നിർമാണ പരിപാ​ടി പുരോ​ഗ​മി​ക്കു​ന്നു

¹ ഐക്യനാടുകളിലും കാനഡ​യി​ലും രാജ്യ​ഹാ​ളു​കൾ നിർമി​ക്കു​ന്ന​തി​നും പുതു​ക്കി​പ്പ​ണി​യു​ന്ന​തി​നു​മാ​യി ഒരു പ്രത്യേക ഫണ്ട്‌ രൂപവ​ത്‌ക​രി​ക്കു​ന്ന​താ​യി 1983-ൽ ഐക്യ​നാ​ടു​ക​ളിൽവെച്ച്‌ നടത്തിയ “രാജ്യ ഐക്യ” ഡിസ്‌ട്രി​ക്‌റ്റ്‌ കൺ​വെൻ​ഷ​നു​ക​ളിൽ അറിയി​ക്കു​ക​യു​ണ്ടാ​യി. അത്തരം ചെറിയ തുടക്കങ്ങൾ കൈവ​രു​ത്താൻ പോകുന്ന അനു​ഗ്ര​ഹങ്ങൾ അന്ന്‌ ആരും വിഭാവന ചെയ്‌തി​രി​ക്കാ​നി​ട​യില്ല. സങ്കീർത്തനം 92:4-ലെ വാക്കു​ക​ളു​ടെ സത്യത അവർ കൂടു​ത​ലാ​യി മനസ്സി​ലാ​ക്കാൻ തുടങ്ങി: “യഹോവേ, നിന്റെ പ്രവൃ​ത്തി​കൊ​ണ്ടു നീ എന്നെ സന്തോ​ഷി​പ്പി​ക്കു​ന്നു; ഞാൻ നിന്റെ കൈക​ളു​ടെ പ്രവൃ​ത്തി​കളെ കുറിച്ചു ഘോഷി​ച്ചു​ല്ല​സി​ക്കു​ന്നു.” പിന്നീട്‌ ആഫ്രിക്ക, ഏഷ്യ, ദക്ഷിണ-മധ്യ അമേരിക്ക, കിഴക്കൻ യൂറോപ്പ്‌ എന്നിവി​ട​ങ്ങ​ളി​ലെ സാമ്പത്തിക ക്ലേശം അനുഭ​വി​ക്കുന്ന പ്രദേ​ശ​ങ്ങ​ളി​ലെ സഹോ​ദ​ര​ങ്ങളെ സഹായി​ക്ക​ത്ത​ക്ക​വി​ധം പരിപാ​ടി വിപു​ലീ​ക​രി​ച്ചു.

² ഇപ്പോൾ കൈവ​രി​ച്ചി​രി​ക്കുന്ന നേട്ടങ്ങ​ളെ​പ്രതി നമു​ക്കെ​ല്ലാം വളരെ​യ​ധി​കം ആനന്ദി​ക്കാൻ കഴിയും. ഇന്ന്‌ അന്താരാ​ഷ്‌ട്ര രാജ്യ​ഹാൾ നിർമാണ പ്രവർത്തനം ത്വരി​ത​ഗ​തി​യിൽ പുരോ​ഗ​മി​ക്കു​ക​യാണ്‌. എന്നാൽ ഇവിടെ, ഇന്ത്യയിൽ നമുക്ക്‌ എങ്ങനെ ഈ പരിപാ​ടി​യിൽ പങ്കെടു​ക്കു​ന്ന​തി​ന്റെ പദവി ഉണ്ടായി​രി​ക്കാ​നാ​കും? ഇപ്പോൾ പ്രാ​ദേ​ശിക സഭകളു​ടെ ചെറു​തും വലുതു​മായ സംഭാ​വ​ന​കളെ ആശ്രയി​ച്ചു നടക്കുന്ന നമ്മുടെ രാജ്യത്തെ രാജ്യ​ഹാൾ നിർമാണ പരിപാ​ടി​യെ പിന്തു​ണ​ച്ചു​കൊണ്ട്‌. പല സഹോ​ദ​ര​ന്മാർക്കും തങ്ങളുടെ സമയവും പ്രാപ്‌തി​ക​ളും വൈദ​ഗ്‌ധ്യ​ങ്ങ​ളും സ്വമേ​ധയാ നൽകി​ക്കൊണ്ട്‌ ഇത്തരം പദ്ധതി​കളെ പിന്തു​ണ​യ്‌ക്കാൻ കഴിയും. എന്നാൽ അപ്പോ​ഴും മുഴു പരിപാ​ടി​യു​ടെ​യും വിജയം ആശ്രയി​ച്ചി​രി​ക്കു​ന്നത്‌ നാം എത്ര​ത്തോ​ളം കൊടു​ക്കു​ന്നു എന്നതിലല്ല, മറിച്ച്‌ നമ്മുടെ ഒരുമ​യോ​ടെ​യുള്ള പരി​ശ്ര​മ​ങ്ങ​ളു​ടെ​മേൽ യഹോവ സമൃദ്ധ​മാ​യി ചൊരി​യുന്ന അനു​ഗ്ര​ഹ​ത്തി​ലും അവന്റെ മാർഗ​നിർദേ​ശ​ത്തി​ലും പിന്തു​ണ​യി​ലു​മാണ്‌ എന്നു നാം തിരി​ച്ച​റി​യു​ന്നു.—സങ്കീ. 127:1.

³ രാജ്യത്തെവിടെയുമുള്ള രാജ്യ​ഹാ​ളു​ക​ളിൽ പ്രസാ​ധകർ രാജ്യ​ഹാൾ ഫണ്ടി​ലേ​ക്കുള്ള സംഭാ​വ​നകൾ നിക്ഷേ​പി​ക്കുന്ന ഒരു സംഭാ​വ​ന​പ്പെട്ടി ഉണ്ട്‌. കൂടാതെ പല സഭകളും തങ്ങളുടെ സഭാ സംഭാ​വ​ന​യിൽനിന്ന്‌ പ്രതി​മാ​സം ഒരു തുക ഇതി​ലേക്ക്‌ അയച്ചു​കൊ​ടു​ക്കാൻ തീരു​മാ​നി​ച്ചി​ട്ടുണ്ട്‌. മറ്റു ചില സഭകളാ​കട്ടെ, തങ്ങളുടെ സമ്പാദ്യം നിശ്ചിത കാലയ​ള​വി​ലേ​ക്കുള്ള പദ്ധതി​ക​ളിൽ നിക്ഷേ​പി​ക്കു​ന്ന​തി​നു പകരം രാജ്യ​ഹാൾ ഫണ്ടി​ലേക്കു നൽകുന്നു. അങ്ങനെ ചെയ്യു​ന്ന​തി​ലൂ​ടെ തങ്ങൾക്ക്‌ നിർമാ​ണ​ത്തി​നുള്ള സാഹച​ര്യം ഒത്തുവ​രു​മ്പോൾ തങ്ങളുടെ സംഭാ​വ​ന​യിൽനി​ന്നു മാത്രമല്ല, ഇപ്പോൾ പുതിയ രാജ്യ​ഹാ​ളി​ന്റെ ആവശ്യ​മി​ല്ലാ​ത്ത​വ​രു​ടെ സംഭാ​വ​ന​യിൽനി​ന്നും അവർക്കു പ്രയോ​ജനം നേടാ​നാ​കും.

⁴ ഇതുവരെയുള്ള പ്രതി​ക​രണം എങ്ങനെ? സഹോ​ദ​രങ്ങൾ ഈ പരിപാ​ടി​യെ കുറിച്ച്‌ ആദ്യം കേട്ട കഴിഞ്ഞ വർഷം മാർച്ച്‌ മുതൽ രണ്ടു രാജ്യ​ഹാ​ളു​കൾ നിർമി​ക്കാ​നാ​വ​ശ്യ​മായ പണം നിക്ഷേ​പി​ക്ക​പ്പെട്ടു കഴിഞ്ഞു. ഈ ഫണ്ടിൽ നിന്നുള്ള സഹായ​ത്തോ​ടെ രാജ്യ​ഹാൾ നിർമി​ച്ചു കഴിഞ്ഞ സഭകൾ തങ്ങളെ​പ്പോ​ലെ​തന്നെ മറ്റു സഭകൾക്കും പ്രയോ​ജനം ലഭി​ക്കേ​ണ്ട​തിന്‌ ഇപ്പോ​ഴും ക്രമമാ​യി സംഭാവന ചെയ്യു​ന്നതു കാണു​ന്നത്‌ പ്രോ​ത്സാ​ഹ​ജ​നകം തന്നെ. സ്വന്തമാ​യി ഹാൾ നിർമി​ക്കാ​നുള്ള സാഹച​ര്യം ഇപ്പോൾ ഇല്ലാത്ത സഭകൾ പ്രതി​മാസ സംഭാവന അയച്ചു തുടങ്ങി​യി​ട്ടുണ്ട്‌. ഈ സംഭാ​വ​നകൾ ഉടനടി രാജ്യ​ത്തെ​വി​ടെ​യെ​ങ്കി​ലും ഒരു രാജ്യ​ഹാൾ നിർമി​ക്കു​ന്ന​തിന്‌ ഉപയോ​ഗി​ക്കാം എന്നും ഉചിത​മായ സമയത്ത്‌ തങ്ങളുടെ നിർമാണ പദ്ധതിക്ക്‌ ആവശ്യ​മായ പിന്തുണ സമാന​മായ സംഭാ​വ​ന​ക​ളിൽനി​ന്നു ലഭ്യമാ​കും എന്നും അറിയു​ന്ന​തി​ന്റെ സന്തോഷം അവർക്കുണ്ട്‌.

⁵ മറ്റു രാജ്യ​ങ്ങ​ളിൽ ഈ പദ്ധതിയെ യഹോവ എങ്ങനെ അനു​ഗ്ര​ഹി​ച്ചി​രി​ക്കു​ന്നു എന്നത്‌ അവിടെ നിർമി​ക്ക​പ്പെട്ട ചില രാജ്യ​ഹാ​ളു​ക​ളു​ടെ ഇവിടെ കൊടു​ത്തി​ട്ടുള്ള ചിത്ര​ങ്ങ​ളിൽനി​ന്നു വ്യക്തമാണ്‌. അത്തരം നിർമാണ പ്രവർത്തനം ആ രാജ്യ​ങ്ങ​ളി​ലെ യഹോ​വ​യു​ടെ സാക്ഷി​ക​ളു​ടെ പ്രവർത്ത​ന​ത്തി​ന്മേൽ ചെലു​ത്തി​യി​ട്ടുള്ള പ്രഭാ​വത്തെ കുറിച്ച്‌ ഒന്നു ചിന്തി​ക്കുക. മൂന്നു വ്യതി​രിക്ത മേഖല​ക​ളിൽ ഇതു പ്രകട​മാണ്‌—നമ്മുടെ ലോക​വ്യാ​പക സഹോ​ദ​ര​വർഗ​ത്തി​ന്റെ ഐക്യം, പ്രദേ​ശത്തെ ആളുക​ളു​ടെ​മേ​ലുള്ള ഫലം, കൂടാതെ സഭാ​യോ​ഗ​ങ്ങ​ളി​ലെ വർധിച്ച ഹാജർ എന്നിവ​യിൽ. ഈ അനുബ​ന്ധ​ത്തിൽ, ആഫ്രി​ക്ക​യിൽ നിർമി​ക്ക​പ്പെട്ട രാജ്യ​ഹാ​ളു​ക​ളു​ടെ ചിത്ര​ങ്ങ​ളാണ്‌ കൊടു​ത്തി​രി​ക്കു​ന്നത്‌. എന്നാൽ നമ്മുടെ രാജ്യ ശുശ്രൂ​ഷ​യു​ടെ ഭാവി ലക്കങ്ങളിൽ ഇന്ത്യയി​ലെ രാജ്യ​ഹാൾ നിർമാണ പരിപാ​ടി​യു​ടെ പുരോ​ഗ​മ​ന​ത്തെ​ക്കു​റി​ച്ചു പ്രതി​പാ​ദി​ക്കാൻ കഴി​ഞ്ഞേ​ക്കു​മെന്നു ഞങ്ങൾ പ്രതീ​ക്ഷി​ക്കു​ന്നു. നിങ്ങളു​ടെ സഭ ഈ ക്രമീ​ക​ര​ണ​ത്തിൽനി​ന്നു പ്രയോ​ജനം അനുഭ​വി​ക്കു​മോ? ഈ പദ്ധതിയെ പൂർണ​മാ​യി പിന്തു​ണ​യ്‌ക്കു​ന്ന​തി​നു നിങ്ങൾ നടത്തുന്ന എല്ലാ പരി​ശ്ര​മ​ങ്ങ​ളെ​യും യഹോവ അനു​ഗ്ര​ഹി​ക്കു​മാ​റാ​കട്ടെ.

[5-ാം പേജിലെ ചിത്രങ്ങൾ]

ബിംബോ, ബാംഗ്വി

മധ്യാഫ്രിക്കൻ റിപ്പബ്ലിക്ക്‌

ബെഗൂവ, ബാംഗ്വി

[6-ാം പേജിലെ ചിത്രങ്ങൾ]

ഊകോങ്ക, ടാൻസാ​നി​യ

സലാല, ലൈബീ​രി​യ

പെമി, ടോഗോ

സോകോഡേ, ടോഗോ

കരോയി, സിംബാ​ബ്‌വേ