പ്രായ​മേ​റിയ വിശ്വസ്‌തരെ ഓർക്കുക

¹ എൺപത്തി​നാ​ലു വയസ്സുള്ള ഒരു വിധവ ആയിരു​ന്നി​ട്ടും ഹന്നാ ‘ദൈവാ​ലയം വിട്ടു​പി​രി​ഞ്ഞി​രു​ന്നില്ല’ എന്നു ബൈബിൾ പറയുന്നു. ഈ വിശ്വസ്‌ത​തയ്‌ക്കു യഹോവ അവളെ പ്രത്യേ​കം അനു​ഗ്ര​ഹി​ച്ചു. (ലൂക്കൊ. 2:36-38) ഇന്ന്‌ ബുദ്ധി​മു​ട്ടുള്ള സാഹച​ര്യ​ങ്ങൾ ഉണ്ടായി​രു​ന്നി​ട്ടും അനേകം സഹോ​ദ​രീ​സ​ഹോ​ദ​ര​ന്മാർ ഹന്നായു​ടേ​തി​നു സമാന​മായ മനോ​ഭാ​വം പ്രകടി​പ്പി​ക്കു​ന്നു. ആരോ​ഗ്യ​പ്രശ്‌ന​ങ്ങ​ളു​മാ​യോ വാർധ​ക്യ​സ​ഹ​ജ​മായ പരിമി​തി​ക​ളു​മാ​യോ മല്ലി​ടേണ്ടി വരു​മ്പോൾ അത്തരം വിശ്വസ്‌ത സഹോ​ദ​ര​ങ്ങൾക്കു ചില​പ്പോ​ഴൊ​ക്കെ നിരു​ത്സാ​ഹം തോന്നി​യേ​ക്കാം. അവരെ പ്രോ​ത്സാ​ഹി​പ്പി​ക്കാ​നും ഒരു നല്ല ആത്മീയ ചര്യ നിലനി​റു​ത്താൻ സഹായി​ക്കാ​നു​മാ​യി നമുക്കു ചെയ്യാൻ കഴിയുന്ന ചില പ്രാ​യോ​ഗിക സംഗതി​കൾ ഇപ്പോൾ പരിചി​ന്തി​ക്കാം.

² യോഗ​ങ്ങ​ളും ശുശ്രൂ​ഷ​യും: മറ്റുള്ളവർ സ്‌നേ​ഹ​പൂർവം യാത്രാ​സൗ​ക​ര്യം ക്രമീ​ക​രി​ച്ചു​കൊ​ടു​ക്കു​മ്പോൾ പ്രായ​മേ​റിയ വിശ്വസ്‌ത സഹോ​ദ​ര​ങ്ങ​ളിൽ അനേകർക്കും ക്രമമാ​യി ക്രിസ്‌തീയ യോഗ​ങ്ങൾക്കു ഹാജരാ​കു​ന്നത്‌ കൂടുതൽ എളുപ്പ​മാ​യി​ത്തീ​രു​ന്നു. ഇത്‌ ദീർഘ​കാ​ല​മാ​യി ദൈവ​സേ​വ​ന​ത്തി​ലാ​യി​രി​ക്കുന്ന ഈ വിശ്വസ്‌തരെ ആത്മീയ​മാ​യി കെട്ടു​പണി ചെയ്യുന്നു. കൂടാതെ ഇതു സഭയു​ടെ​തന്നെ പ്രയോ​ജ​ന​ത്തിൽ കലാശി​ക്കു​ന്നു. നിങ്ങൾക്ക്‌ ഈ സത്‌പ്ര​വൃ​ത്തി​യിൽ ഒരു പങ്കുണ്ടാ​യി​രു​ന്നി​ട്ടു​ണ്ടോ?—എബ്രാ. 13:16.

³ ശുശ്രൂ​ഷ​യിൽ ക്രമമാ​യി പങ്കുപ​റ്റു​ന്നത്‌ സത്യ ക്രിസ്‌ത്യാ​നി​കൾക്കു സന്തോ​ഷ​വും സംതൃപ്‌തി​യും നൽകുന്നു. എന്നാൽ പ്രായ​മാ​യ​വ​രെ​യും രോഗി​ക​ളെ​യും സംബന്ധി​ച്ചി​ട​ത്തോ​ളം അങ്ങനെ ചെയ്യു​ന്നത്‌ ഒരു വെല്ലു​വി​ളി ആയിരു​ന്നേ​ക്കാം. പ്രിയ​പ്പെട്ട ഈ സഹോ​ദ​ര​ങ്ങ​ളിൽ ഒരാൾക്ക്‌ സാക്ഷീ​കരണ വേലയു​ടെ ഏതെങ്കി​ലും ഒരു മണ്ഡലത്തിൽ ‘കൂട്ടു​വേ​ല​ക്കാ​രൻ’ എന്ന നിലയിൽ നിങ്ങ​ളോ​ടൊ​പ്പം പ്രവർത്തി​ക്കാൻ വേണ്ട ക്രമീ​ക​രണം ചെയ്യാൻ നിങ്ങൾക്കു കഴിയു​മോ? (റോമ. 16.3, 9, 21) ഒരുപക്ഷേ ടെലി​ഫോൺ സാക്ഷീ​ക​ര​ണ​മോ ഒരു മടക്കസ​ന്ദർശ​ന​മോ ബൈബി​ള​ധ്യ​യ​ന​മോ നടത്തു​മ്പോൾ നിങ്ങ​ളോ​ടൊ​പ്പം ചേരാൻ ആ വ്യക്തിയെ നിങ്ങൾക്കു ക്ഷണിക്കാൻ സാധി​ച്ചേ​ക്കും. എന്നാൽ പ്രായ​മായ സഹോ​ദ​ര​നോ സഹോ​ദ​രി​ക്കോ വീട്ടിൽനി​ന്നു പുറത്തു പോകാൻ കഴിയാത്ത അവസ്ഥയാ​ണെ​ങ്കിൽ ബൈബിൾ വിദ്യാർഥി​ക​ളിൽ ആർക്കെ​ങ്കി​ലും അധ്യയ​ന​ത്തി​നാ​യി അവരുടെ വീട്ടി​ലേക്കു ചെല്ലാൻ സാധി​ക്കു​മോ?

⁴ പഠനവും സഹവാ​സ​വും: ചില സഹോ​ദ​രങ്ങൾ ചില​പ്പോ​ഴൊ​ക്കെ തങ്ങളുടെ കുടും​ബാ​ധ്യ​യ​ന​ത്തിന്‌ ഇരിക്കാൻ പ്രായ​മേ​റിയ അല്ലെങ്കിൽ രോഗി​യായ ഒരു സഹോ​ദ​ര​നെ​യോ സഹോ​ദ​രി​യെ​യോ ക്ഷണിക്കാ​റുണ്ട്‌. അവർ അത്‌ ആ വ്യക്തി​യു​ടെ വീട്ടിൽവെച്ചു പോലും നടത്തുന്നു. ഒരു മാതാവ്‌ തന്റെ രണ്ടു ചെറിയ കുട്ടി​കളെ എന്റെ ബൈബിൾ കഥാ പുസ്‌തകം ഉപയോ​ഗി​ച്ചുള്ള അവരുടെ അധ്യയ​ന​ത്തി​നാ​യി പ്രായ​മേ​റിയ ഒരു സഹോ​ദ​രി​യു​ടെ വീട്ടിൽ കൊണ്ടു​പോ​യി. എല്ലാവർക്കും ആ സഹവാ​സ​ത്തിൽനി​ന്നു പ്രോ​ത്സാ​ഹനം ലഭിച്ചു. ഭക്ഷണത്തി​നാ​യോ മറ്റേ​തെ​ങ്കി​ലും സാമൂ​ഹിക കൂടി​വ​ര​വി​നാ​യോ തങ്ങളെ ക്ഷണിക്കു​ന്ന​തും ഈ സഹോ​ദ​രങ്ങൾ വിലമ​തി​ക്കു​ന്നു. ദീർഘ നേരത്തെ ഒരു സന്ദർശനം സാധ്യ​മാ​കാ​ത്ത​വി​ധം രോഗി​യായ വ്യക്തി അത്ര അവശനാ​ണെ​ങ്കിൽ ഒരു ഹ്രസ്വ സന്ദർശനം നടത്താൻ കഴിയും. ആ സമയത്ത്‌ വ്യക്തിക്ക്‌ എന്തെങ്കി​ലും വായി​ച്ചു​കൊ​ടു​ക്കു​ക​യോ ഒരുമി​ച്ചു പ്രാർഥി​ക്കു​ക​യോ കെട്ടു​പണി ചെയ്യുന്ന ഒരു അനുഭവം പങ്കു​വെ​ക്കു​ക​യോ ചെയ്യാ​വു​ന്ന​താണ്‌.—റോമ. 1:11, 12, NW.

⁵ യഹോവ പ്രായ​മേ​റിയ വിശ്വസ്‌തരെ വളരെ വില​പ്പെ​ട്ട​വ​രാ​യാ​ണു വീക്ഷി​ക്കു​ന്നത്‌. (എബ്രാ. 6:10, 11) അവരോ​ടു വിലമ​തി​പ്പു പ്രകട​മാ​ക്കി​ക്കൊ​ണ്ടും ഒരു നല്ല ആത്മീയ ചര്യ നിലനി​റു​ത്താൻ അവരെ സഹായി​ച്ചു​കൊ​ണ്ടും നമുക്കു യഹോ​വയെ അനുക​രി​ക്കാം.