നമ്മുടെ സമർപ്പ​ണ​ത്തി​നു ചേർച്ച​യിൽ ജീവിക്കൽ

¹ നാം സ്‌നാ​പ​ന​മേ​റ്റത്‌ അടുത്ത​കാ​ല​ത്തോ പതിറ്റാ​ണ്ടു​കൾക്കു മുമ്പോ ആയിരു​ന്നാ​ലും ജീവി​ത​ത്തി​ലെ നാഴി​ക​ക്ക​ല്ലായ ആ നടപടി നാമെ​ല്ലാം ഓർമ​യിൽ സൂക്ഷി​ക്കു​ന്നു​ണ്ടാ​കും. സമർപ്പണം ഒരു പരിസ​മാ​പ്‌തി​യല്ല, മറിച്ച്‌ ഒരു തുടക്ക​മാണ്‌. യഹോ​വ​യു​ടെ സേവന​ത്തിൽ എന്നെന്നും ഒരു സമർപ്പിത ജീവിതം നയിക്കു​ന്ന​തി​നുള്ള വാതിൽ അവിടെ തുറക്ക​പ്പെ​ടു​ന്നു. (1 യോഹ. 2:17) നമ്മുടെ സമർപ്പ​ണ​ത്തി​നു ചേർച്ച​യിൽ ജീവി​ക്കു​ന്ന​തിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌?

² ക്രിസ്‌തുവിന്റെ മാതൃക പിൻപ​റ്റുക: “ദൈവ​രാ​ജ്യ​ത്തി​ന്റെ സുവി​ശേഷം” ഘോഷി​ക്കുന്ന ‘തന്റെ ശുശ്രൂഷ യേശു ആരംഭി​ച്ചത്‌’ സ്‌നാ​പ​ന​മേ​റ്റു​കൊ​ണ്ടാണ്‌. (ലൂക്കൊ. 3:23; 4:43, ന്യൂ ഇൻഡ്യാ ബൈബിൾ ഭാഷാ​ന്തരം) സമാന​മാ​യി, നാമും യഹോ​വ​യ്‌ക്കുള്ള നമ്മുടെ സമർപ്പണം സ്‌നാ​പ​ന​ത്താൽ പ്രതീ​ക​പ്പെ​ടു​ത്തി​ക്കൊണ്ട്‌ സുവാർത്ത​യു​ടെ നിയമിത ശുശ്രൂ​ഷകർ ആയിത്തീർന്നു. അടിസ്ഥാന ഭൗതിക ആവശ്യങ്ങൾ നിറ​വേ​റ്റാൻ ഗണ്യമായ സമയവും ശ്രമവും ആവശ്യ​മാ​യി​രു​ന്നേ​ക്കാ​മെ​ങ്കി​ലും നമ്മുടെ ജീവി​ത​നി​യോ​ഗം അഥവാ ജീവി​ത​ത്തി​ലെ പരമ​പ്ര​ധാന പ്രവർത്തനം ക്രിസ്‌തീയ ശുശ്രൂ​ഷ​യാണ്‌. (മത്താ. 6:33) ദൈവ​ത്തി​നു തങ്ങളെ​ത്തന്നെ സമർപ്പി​ച്ചി​രി​ക്കു​ന്നവർ സമ്പത്തും സ്ഥാനമാ​ന​ങ്ങ​ളും നേടാൻ പരക്കം​പാ​യു​ന്ന​തി​നു പകരം അപ്പൊ​സ്‌ത​ല​നായ പൗലൊ​സി​നെ​പ്പോ​ലെ ‘തങ്ങളുടെ ശുശ്രൂ​ഷയെ മഹത്ത്വ​പ്പെ​ടു​ത്തു​ന്നു.’ (റോമ. 11:13, ഓശാന ബൈബിൾ) യഹോ​വയെ സേവി​ക്കു​ന്ന​തി​നുള്ള നിങ്ങളു​ടെ പദവിയെ നിങ്ങൾ അമൂല്യ​മാ​യി കരുതു​ക​യും ആ പദവിക്കു ചേർച്ച​യിൽ പ്രവർത്തി​ക്കാൻ കഴിവി​ന്റെ പരമാ​വധി ശ്രമി​ക്കു​ക​യും ചെയ്യു​ന്നു​ണ്ടോ?

³ യേശുവിനെപ്പോലെ നാമും “പിശാ​ചി​നോ​ടു എതിർത്തു” നിൽക്കണം. (യാക്കോ. 4:7) യേശു​വി​ന്റെ സ്‌നാ​പ​ന​ശേഷം സാത്താൻ അവനെ പരീക്ഷി​ച്ചു. സമാന​മാ​യി ഇന്നും, യഹോ​വ​യു​ടെ സമർപ്പിത ദാസരെ അവൻ ലക്ഷ്യമി​ട്ടി​രി​ക്കു​ക​യാണ്‌. (ലൂക്കൊ. 4:1-13) നാം വസിക്കു​ന്നത്‌ സാത്താന്റെ ലോക​ത്തിൽ ആയതി​നാൽ, നമ്മുടെ മനസ്സിനെ മലിന​മാ​ക്കു​ന്ന​തും ഹൃദയത്തെ ദുഷി​പ്പി​ക്കു​ന്ന​തു​മായ എന്തും ഒഴിവാ​ക്കി​ക്കൊ​ണ്ടു നാം ആത്മശി​ക്ഷണം പാലി​ക്കണം. (സദൃ. 4:23; മത്താ. 5:29, 30) “കർത്താ​വി​ന്റെ [“യഹോ​വ​യു​ടെ,” NW] മേശയി​ലും ഭൂതങ്ങ​ളു​ടെ മേശയി​ലും അംശികൾ” ആകുവാൻ ക്രിസ്‌ത്യാ​നി​കൾക്കു കഴിയില്ല എന്ന്‌ ബൈബിൾ പറയുന്നു. (1 കൊരി. 10:21) ഇത്‌ അനാ​രോ​ഗ്യ​ക​ര​മായ വിനോ​ദങ്ങൾ, ചീത്ത സഹവാസം, ഇന്റർനെ​റ്റി​ന്റെ അപകടങ്ങൾ എന്നിവ​യ്‌ക്കെ​തി​രെ നാം ജാഗ്രത പുലർത്തേ​ണ്ടത്‌ അനിവാ​ര്യ​മാ​ക്കു​ന്നു. അതു​പോ​ലെ, വിശ്വാ​സ​ത്യാ​ഗി​കൾ അവതരി​പ്പി​ക്കുന്ന വിവരങ്ങൾ നാം ഒഴിവാ​ക്കേ​ണ്ട​തും മർമ​പ്ര​ധാ​ന​മാണ്‌. ഇവയും സാത്താന്റെ മറ്റുള്ള തന്ത്രങ്ങ​ളും സംബന്ധി​ച്ചു ജാഗ്രത പുലർത്തു​ന്നത്‌ നമ്മുടെ സമർപ്പ​ണ​ത്തി​നു ചേർച്ച​യിൽ ജീവി​ക്കാൻ നമ്മെ സഹായി​ക്കും.

⁴ ദൈവത്തിന്റെ കരുത​ലു​കൾ പ്രയോ​ജ​ന​പ്പെ​ടു​ത്തുക: സമർപ്പ​ണ​ത്തി​നു ചേർച്ച​യിൽ ജീവി​ക്കാൻ നമ്മെ പ്രാപ്‌ത​രാ​ക്കു​ന്ന​തിന്‌ തന്റെ വചനവും ക്രിസ്‌തീയ സഭയും മുഖാ​ന്തരം യഹോവ വേണ്ട സഹായം നമുക്കു നൽകി​യി​രി​ക്കു​ന്നു. ബൈബിൾ വായന​യും യഹോ​വ​യോ​ടുള്ള പ്രാർഥ​ന​യും നിങ്ങളു​ടെ ദിനച​ര്യ​യു​ടെ ഭാഗമാ​ക്കുക. (യോശു. 1:8; 1 തെസ്സ. 5:17) സഭാ​യോ​ഗങ്ങൾ നന്നായി ആസ്വദി​ക്കുക. (സങ്കീ. 122:1) യഹോ​വയെ ഭയപ്പെ​ടു​ക​യും അവന്റെ കൽപ്പനകൾ പ്രമാ​ണി​ക്കു​ക​യും ചെയ്യു​ന്ന​വ​രു​മാ​യി സഹവസി​ക്കുക.—സങ്കീ. 119:63.

⁵ ദിവ്യപിന്തുണയാൽ, യഹോ​വ​യ്‌ക്കുള്ള നിങ്ങളു​ടെ സമർപ്പ​ണ​ത്തി​നു ചേർച്ച​യിൽ ജീവി​ക്കു​ന്ന​തി​നും നിത്യ​ത​യി​ലു​ട​നീ​ളം അവനെ സേവി​ക്കു​ന്ന​തി​ന്റെ സന്തോഷം അനുഭ​വി​ക്കു​ന്ന​തി​നും നിങ്ങൾക്കു സാധി​ക്കും.—സങ്കീ. 22:26, 27; ഫിലി. 4:13.