അനൗപ​ചാ​രി​ക​മാ​യി സാക്ഷീ​ക​രി​ച്ചു​കൊണ്ട്‌ യഹോ​വയെ സ്‌തു​തി​ക്കു​ക

¹ യഹോവയുടെ വിശ്വസ്‌ത ദാസർ ദിവസ​വും അവനെ സ്‌തു​തി​ക്കാ​നുള്ള അവസരങ്ങൾ തേടുന്നു. (സങ്കീ. 96:2, 3; എബ്രാ. 13:15) അതു ചെയ്യാൻ കഴിയുന്ന ഒരു വിധം അനൗപ​ചാ​രി​ക​മാ​യി സാക്ഷീ​ക​രി​ക്കുക എന്നതാണ്‌. അനൗപ​ചാ​രി​ക​മാ​യി സാക്ഷീ​ക​രി​ച്ചു​കൊണ്ട്‌ ഒരു സഹോ​ദരൻ അല്ലെങ്കിൽ സഹോ​ദരി രാജ്യ​സ​ന്ദേശം തങ്ങൾക്കു പരിച​യ​പ്പെ​ടു​ത്തി​ത്ത​ന്ന​തിൽ യഹോ​വ​യു​ടെ ഇന്നത്തെ നിരവധി ആരാധകർ നന്ദിയു​ള്ള​വ​രാണ്‌.

² ഒരു വ്യക്തി​യോട്‌ അനൗപ​ചാ​രി​ക​മാ​യി സാക്ഷീ​ക​രി​ക്കു​ന്നത്‌ മിക്ക​പ്പോ​ഴും മറ്റു പലർക്കും കൂടി രാജ്യ​സ​ന്ദേശം കേൾക്കാ​നുള്ള വഴി തുറന്നു കൊടു​ക്കു​ന്നു. ദൃഷ്ടാ​ന്ത​ത്തിന്‌, യാക്കോ​ബി​ന്റെ ഉറവിങ്കൽ വെച്ച്‌ യേശു ഒരു ശമര്യ​ക്കാ​രി​യോ​ടു സംസാ​രി​ച്ചത്‌ മറ്റു നിരവധി പേർ സുവാർത്ത​യിൽ താത്‌പ​ര്യം പ്രകടി​പ്പി​ക്കു​ന്ന​തി​ലേക്കു നയിച്ചു. (യോഹ. 4:6-30, 39-42) പൗലൊ​സും ശീലാ​സും ഫിലി​പ്പി​യിൽ തടവി​ലാ​യി​രുന്ന സമയത്ത്‌, അവർ കാരാ​ഗൃ​ഹ​പ്ര​മാ​ണി​യോ​ടു സാക്ഷീ​ക​രി​ച്ചു. അയാളും മുഴു​കു​ടും​ബ​വും സത്യം സ്വീക​രി​ച്ചു.—പ്രവൃ. 16:25-34.

³ അവസരങ്ങൾ: അനൗപ​ചാ​രി​ക​മാ​യി സാക്ഷീ​ക​രി​ക്കു​ന്ന​തിന്‌ നിങ്ങൾക്ക്‌ എന്തെല്ലാം അവസര​ങ്ങ​ളാ​ണു​ള്ളത്‌? കടയിൽ സാധനങ്ങൾ വാങ്ങാൻ പോകു​മ്പോ​ഴോ പൊതു വാഹന​ങ്ങ​ളിൽ യാത്ര​ചെ​യ്യു​മ്പോ​ഴോ ഡോക്ടറെ കാണാൻ കാത്തി​രി​ക്കു​മ്പോ​ഴോ ചിലർ അനൗപ​ചാ​രി​ക​മാ​യി സാക്ഷീ​ക​രി​ക്കാ​റുണ്ട്‌. മറ്റനേകർ സ്‌കൂ​ളി​ലോ ജോലി​സ്ഥ​ല​ത്തോ ലഭിക്കുന്ന ഇടവേ​ളകൾ ഇതിനാ​യി വിനി​യോ​ഗി​ക്കു​ന്നു. നമ്മുടെ ഒരു ബൈബിൾ പ്രസി​ദ്ധീ​ക​രണം മറ്റുള്ള​വർക്കു കാണാൻ കഴിയ​ത്ത​ക്ക​വി​ധം വെച്ചി​രി​ക്കു​ന്നത്‌ നമ്മുടെ വിശ്വാ​സ​ങ്ങളെ സംബന്ധിച്ച്‌ ചോദി​ക്കാൻ അവരെ പ്രേരി​പ്പി​ച്ചേ​ക്കാം.—1 പത്രൊ. 3:15.

⁴ തുടങ്ങേണ്ട വിധം: എല്ലാവ​രും പ്രസംഗ പ്രവർത്ത​ന​ത്തിൽ ഏർപ്പെ​ടേ​ണ്ടത്‌ എത്ര പ്രധാ​ന​മാ​ണെന്ന്‌ നാണം​കു​ണു​ങ്ങി​യായ ഒരു ഏഴു വയസ്സു​കാ​രി ഒരിക്കൽ യോഗ​ത്തിൽവെച്ച്‌ കേട്ടു. അതു​കൊണ്ട്‌, അമ്മയോ​ടൊ​പ്പം കടയിൽ പോയ​പ്പോൾ അവൾ തന്റെ ബാഗിൽ രണ്ട്‌ ലഘുപ​ത്രി​കകൾ കരുതി. അമ്മ പണമട​യ്‌ക്കു​ന്ന​തി​ന്റെ തിരക്കി​ലാ​യി​രു​ന്ന​പ്പോൾ അവൾ ഒരു സ്‌ത്രീക്ക്‌ ഒരു ലഘുപ​ത്രിക പരിച​യ​പ്പെ​ടു​ത്തി. അവർ അത്‌ സന്തോ​ഷ​പൂർവം സ്വീക​രി​ച്ചു. അപരി​ചി​ത​യായ ആ സ്‌ത്രീ​യെ സമീപി​ക്കാ​നുള്ള ധൈര്യം എങ്ങനെ ലഭിച്ചു എന്നു ചോദി​ച്ച​പ്പോൾ ആ ബാലിക ഇങ്ങനെ പറഞ്ഞു: “ഞാനു​ണ്ട​ല്ലോ, റെഡി, ഒന്ന്‌, രണ്ട്‌, മൂന്ന്‌ എന്നു പറഞ്ഞിട്ട്‌ നേരെ​യങ്ങു ചെന്നു!”

⁵ അനൗപചാരികമായി സാക്ഷീ​ക​രി​ക്കു​ന്ന​തിന്‌ നമു​ക്കെ​ല്ലാം ആ കൊച്ചു പെൺകു​ട്ടി​യു​ടേ​തു​പോ​ലുള്ള മനസ്സൊ​രു​ക്കം ആവശ്യ​മാണ്‌. അങ്ങനെ ചെയ്യാൻ നമ്മെ എന്തു സഹായി​ക്കും? സംസാ​രി​ക്കാ​നുള്ള ധൈര്യ​ത്തി​നാ​യി പ്രാർഥി​ക്കുക. (1 തെസ്സ. 2:2) ഒരു സംഭാ​ഷണം തുടങ്ങാ​നാ​യി ഉപയോ​ഗി​ക്കാ​വുന്ന താത്‌പ​ര്യ​ജ​ന​ക​മായ ഒരു വിഷയത്തെ കുറി​ച്ചുള്ള ഒരു ചോദ്യ​മോ അഭി​പ്രാ​യ​മോ മനസ്സിൽ കരുതുക. എന്നിട്ട്‌ യഹോവ നിങ്ങളു​ടെ ശ്രമങ്ങളെ അനു​ഗ്ര​ഹി​ക്കു​മെന്ന്‌ ഉറപ്പു​ള്ള​വ​രാ​യി​രി​ക്കുക.—ലൂക്കൊ. 12:11, 12.

⁶ ദിവസവും കണ്ടുമു​ട്ടു​ന്ന​വ​രോട്‌ അനൗപ​ചാ​രി​ക​മാ​യി സാക്ഷീ​ക​രി​ക്കു​ന്നത്‌ യഹോ​വ​യ്‌ക്കു സ്‌തുതി കരേറ്റു​ക​യും നമുക്ക്‌ സന്തോഷം കൈവ​രു​ത്തു​ക​യും ചെയ്യും. നിത്യ​ജീ​വന്റെ മാർഗ​ത്തി​ലേക്കു കടന്നു​വ​രാൻ അത്‌ ചിലരെ സഹായി​ച്ചേ​ക്കാം.