ദൈവ​വ​ചനം സത്യമാ​കു​ന്നു

¹ “നിന്റെ വചനത്തി​ന്റെ സാരം സത്യം തന്നേ” എന്ന്‌ സങ്കീർത്ത​ന​ക്കാ​രൻ എഴുതി. (സങ്കീ. 119:160) ജീവി​ത​ത്തി​ലെ അതി​പ്ര​ധാന ചോദ്യ​ങ്ങൾക്കുള്ള തൃപ്‌തി​ക​ര​മായ ഉത്തരം തന്റെ നിശ്വസ്‌ത വചനത്തി​ലൂ​ടെ യഹോവ പ്രദാനം ചെയ്യുന്നു. ബുദ്ധി​മു​ട്ടു​ക​ളിൽ ആയിരി​ക്കു​ന്ന​വർക്ക്‌ അവൻ ആശ്വാ​സ​വും പ്രത്യാ​ശ​യും പകരുന്നു. നമുക്ക്‌ എങ്ങനെ അവനോട്‌ അടുത്തു​ചെ​ല്ലാ​മെന്ന്‌ അവൻ കാണി​ച്ചു​ത​രു​ന്നു. “ബൈബി​ളിൽനി​ന്നു സത്യം പഠിക്കു​ന്നത്‌ മനംമ​ടു​പ്പി​ക്കുന്ന ഒരു ഇരുട്ട​റ​യിൽനിന്ന്‌ വെട്ടവും വെളി​ച്ച​വു​മുള്ള സുഖ​പ്ര​ദ​മായ ഒരു മുറി​യി​ലേക്ക്‌ പ്രവേ​ശി​ക്കു​ന്ന​തു​പോ​ലെ​യാണ്‌” എന്ന്‌ ഒരു സ്‌ത്രീ വിലമ​തി​പ്പോ​ടെ പറയു​ക​യു​ണ്ടാ​യി. എല്ലാ അവസര​ത്തി​ലും ദൈവ​വ​ച​ന​ത്തിൽനി​ന്നുള്ള സത്യം മറ്റുള്ള​വ​രു​മാ​യി പങ്കു​വെ​ക്കാൻ നിങ്ങൾ ശ്രമി​ക്കാ​റു​ണ്ടോ?

² പരിവർത്തന ശക്തിയും ലോക​മെ​ങ്ങു​മുള്ള ആളുകളെ ആകർഷി​ക്കാ​നുള്ള കഴിവും: ഹൃദയ​ങ്ങളെ സ്‌പർശി​ക്കാ​നും ആളുക​ളു​ടെ ജീവി​ത​ത്തിന്‌ പരിവർത്തനം വരുത്താ​നു​മുള്ള ശക്തി ബൈബിൾ സത്യത്തി​നുണ്ട്‌. (എബ്രാ. 4:12) റോസ എന്നൊരു യുവതി വേശ്യാ​വൃ​ത്തി​യിൽ ഏർപ്പെ​ട്ടി​രു​ന്നു. കൂടാതെ അവൾ മദ്യവും മയക്കു​മ​രു​ന്നും ദുരു​പ​യോ​ഗം ചെയ്‌തി​രു​ന്നു. അവൾ ഇങ്ങനെ പറയുന്നു: “ഒരു ദിവസം ഞാൻ വിഷാ​ദ​ത്തി​ന്റെ നിലയി​ല്ലാ​ക്ക​യ​ത്തിൽ താണു​പോയ നേരം. നമ്മുടെ പ്രശ്‌നങ്ങൾ പരിഹ​രി​ക്കാൻ ബൈബി​ളി​നു നമ്മെ എങ്ങനെ സഹായി​ക്കാ​നാ​കും എന്നതിനെ കുറിച്ച്‌ സാക്ഷി​ക​ളായ ഒരു ദമ്പതികൾ എന്നോടു സംസാ​രി​ച്ചു. അങ്ങനെ ഞാൻ ദൈവ​വ​ചനം പഠിക്കാൻ ആരംഭി​ച്ചു. അത്‌ അത്യധി​കം ഹൃദ്യ​മായ ഒരു അനുഭ​വ​മാ​യി​രു​ന്നു. ശുദ്ധമായ, തികച്ചും പുതു​തായ ഒരു ജീവി​ത​ത്തി​നു തുടക്കം കുറി​ക്കാ​നുള്ള ശക്തി ഒരു മാസത്തി​നു​ള്ളിൽത്തന്നെ എനിക്ക്‌ ലഭിച്ചു. എന്റെ ജീവിതം അർഥപൂർണ​മാ​യി. മേലാൽ എനിക്കു മദ്യ​ത്തെ​യോ മയക്കു​മ​രു​ന്നി​നെ​യോ ആശ്രയി​ക്കേണ്ടി വന്നില്ല. യഹോ​വ​യു​ടെ സുഹൃ​ത്താ​യി​രി​ക്കാൻ ഞാൻ വളരെ​യ​ധി​കം ആഗ്രഹി​ച്ച​തു​കൊണ്ട്‌ അവന്റെ നിലവാ​ര​ങ്ങൾക്കു ചേർച്ച​യിൽ ജീവി​ക്കാൻ ഞാൻ ദൃഢചി​ത്ത​യാ​യി​രു​ന്നു. ദൈവ​വ​ച​ന​ത്തി​ലെ പ്രാ​യോ​ഗിക ജ്ഞാനം ഇല്ലായി​രു​ന്നെ​ങ്കിൽ തീർച്ച​യാ​യും ഞാൻ ഇപ്പോൾ ജീവ​നോ​ടെ ഉണ്ടാകു​മാ​യി​രു​ന്നില്ല.”—സങ്കീ. 119:92.

³ ഇന്നത്തെ മിക്ക പുസ്‌ത​ക​ങ്ങ​ളിൽനി​ന്നും വ്യത്യ​സ്‌ത​മാ​യി, “സകല ജാതി​ക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും ഭാഷക​ളി​ലും” നിന്നു​ള്ള​വരെ ബൈബിൾ ആകർഷി​ക്കു​ന്നു. (വെളി. 7:9) ‘സകലമ​നു​ഷ്യ​രും രക്ഷപ്രാ​പി​ക്ക​ണ​മെ​ന്നും സത്യത്തി​ന്റെ പരിജ്ഞാ​ന​ത്തിൽ എത്തണ​മെ​ന്നു​മാണ്‌’ ദൈവ​ത്തി​ന്റെ ഇഷ്ടം. (1 തിമൊ. 2:4) അതു​കൊണ്ട്‌, ഒരാളു​ടെ പശ്ചാത്തലം മാത്രം നോക്കി​യിട്ട്‌ അയാൾ സുവാർത്ത​യോട്‌ അനുകൂ​ല​മാ​യി പ്രതി​ക​രി​ക്കു​ക​യില്ല എന്ന്‌ നാം ഒരിക്ക​ലും നിഗമനം ചെയ്യരുത്‌. മറിച്ച്‌, സാധ്യ​മാ​യി​രി​ക്കു​മ്പോ​ഴെ​ല്ലാം രാജ്യ​സ​ന്ദേശം നേരിട്ട്‌ ബൈബി​ളിൽനിന്ന്‌ കാണി​ച്ചു​കൊണ്ട്‌ സകല ആളുക​ളു​മാ​യും അതു പങ്കു​വെ​ക്കുക.

⁴ തിരുവെഴുത്തുകൾക്ക്‌ ഊന്നൽ നൽകുക: ശുശ്രൂ​ഷ​യിൽ ബൈബിൾ ഉപയോ​ഗി​ക്കാ​വുന്ന നിരവധി സന്ദർഭ​ങ്ങ​ളുണ്ട്‌. മാസി​കകൾ അവതരി​പ്പി​ക്കു​മ്പോൾ, മാസി​കാ​വ​തരണ കോള​ത്തിൽ നൽകി​യി​രി​ക്കുന്ന തിരു​വെ​ഴു​ത്തു​കൾ ഉൾപ്പെ​ടു​ത്താൻ ശ്രമി​ക്കുക. അതാതു മാസത്തെ സാഹി​ത്യ​സ​മർപ്പണം ഉപയോ​ഗി​ക്കു​മ്പോൾ, ശ്രദ്ധാ​പൂർവം തിര​ഞ്ഞെ​ടുത്ത ഒരു തിരു​വെ​ഴുത്ത്‌ തങ്ങളുടെ ആമുഖ പ്രസ്‌താ​വ​ന​ക​ളിൽ വായി​ക്കു​ന്നത്‌ ഫലപ്ര​ദ​മാ​ണെന്ന്‌ ചിലർ കണ്ടെത്തു​ന്നു. മടക്ക സന്ദർശ​നങ്ങൾ നടത്തു​മ്പോൾ, ക്രമാ​നു​ഗ​ത​മാ​യി സൂക്ഷ്‌മ പരിജ്ഞാ​നം നേടാൻ വീട്ടു​കാ​രെ സഹായി​ക്കുക എന്ന ലക്ഷ്യത്തിൽ ഓരോ തവണയും ഒന്നോ രണ്ടോ ബൈബിൾ വാക്യങ്ങൾ അവരു​മാ​യി പങ്കു​വെ​ക്കുക. ബൈബി​ള​ധ്യ​യ​നങ്ങൾ നടത്തു​മ്പോൾ പ്രധാന തിരു​വെ​ഴു​ത്തു​ക​ളിൽ ചർച്ച കേന്ദ്രീ​ക​രി​ക്കുക. ഔപചാ​രിക ശുശ്രൂ​ഷ​യിൽ ആയിരി​ക്കാ​ത്ത​പ്പോ​ഴും അനൗപ​ചാ​രി​ക​മാ​യി സാക്ഷീ​ക​രി​ക്കാൻ ലഭി​ച്ചേ​ക്കാ​വുന്ന സന്ദർഭ​ങ്ങ​ളി​ലെ ഉപയോ​ഗ​ത്തി​നാ​യി ഒരു ബൈബിൾ കൂടെ കരുതുക.—2 തിമൊ. 2:15.

⁵ ശുശ്രൂഷയിൽ ഉചിത​മായ എല്ലാ സന്ദർഭ​ത്തി​ലും ബൈബിൾ ഉപയോ​ഗി​ച്ചു​കൊണ്ട്‌ ദൈവ​ത്തി​ന്റെ സത്യവ​ച​ന​ത്തി​നുള്ള പ്രേരക ശക്തിയിൽനിന്ന്‌ പ്രയോ​ജനം അനുഭ​വി​ക്കാൻ നമുക്ക്‌ മറ്റുള്ള​വരെ സഹായി​ക്കാം.—1 തെസ്സ. 2:13.

[അധ്യയന ചോദ്യ​ങ്ങൾ]

1. ബൈബി​ളിൽ പ്രധാ​ന​പ്പെട്ട ഏതു വിവരം അടങ്ങി​യി​രി​ക്കു​ന്നു?

2. ബൈബിൾ ആളുക​ളു​ടെ ജീവിതം മെച്ച​പ്പെ​ടു​ത്തു​ന്നത്‌ എങ്ങനെ?

3. മറ്റുള്ള​വ​രു​മാ​യി ബൈബിൾ സന്ദേശം പങ്കു​വെ​ക്കു​ന്ന​തിൽനിന്ന്‌ നാം വിട്ടു​നിൽക്ക​രു​താ​ത്തത്‌ എന്തു​കൊണ്ട്‌?

4. സാക്ഷ്യം നൽകു​മ്പോൾ നമുക്ക്‌ എങ്ങനെ ബൈബിൾ ഉപയോ​ഗി​ക്കാൻ കഴിയും?

5. ശുശ്രൂ​ഷ​യിൽ ബൈബിൾ ഉപയോ​ഗി​ക്കാൻ നാം ശ്രമി​ക്കേ​ണ്ടത്‌ എന്തു​കൊണ്ട്‌?