യഹോ​വ​യു​ടെ നന്മ അനുക​രി​ക്കു​ക

¹ അതിമനോഹരമായ ഒരു സൂര്യാ​സ്‌ത​മ​യ​മോ സ്വാദി​ഷ്‌ഠ​മായ ഒരു ഭക്ഷണമോ ആസ്വദി​ച്ച​ശേഷം, എല്ലാ നന്മകളു​ടെ​യും ഉറവായ യഹോ​വ​യ്‌ക്കു നന്ദിപ​റ​യാൻ നാം പ്രചോ​ദി​ത​രാ​കു​ക​യി​ല്ലേ? അവനെ അനുക​രി​ക്കാൻ അവന്റെ നന്മ നമ്മെ പ്രേരി​പ്പി​ക്കു​ന്നു. (സങ്കീ. 119:66, 68; എഫെ. 5:1) നന്മ എന്ന ഗുണം നമുക്ക്‌ എങ്ങനെ പ്രകടി​പ്പി​ക്കാൻ കഴിയും?

² അവിശ്വാസികളോട്‌: നമുക്ക്‌ യഹോ​വ​യു​ടെ നന്മ അനുക​രി​ക്കാൻ കഴിയുന്ന ഒരു വിധം, സഹവി​ശ്വാ​സി​കൾ അല്ലാത്ത ആളുക​ളിൽ ആത്മാർഥ​മായ താത്‌പ​ര്യം കാണി​ക്കുക എന്നതാണ്‌. (ഗലാ. 6:10) പ്രാ​യോ​ഗി​ക​മായ വിധങ്ങ​ളിൽ നാം നന്മ കാണി​ക്കു​മ്പോൾ, യഹോ​വ​യു​ടെ സാക്ഷി​ക​ളോ​ടും നാം വഹിക്കുന്ന സന്ദേശ​ത്തോ​ടും അവർക്കുള്ള വീക്ഷണത്തെ അതു നല്ല രീതി​യിൽ സ്വാധീ​നി​ക്കും.

³ ഉദാഹരണത്തിന്‌, ആശുപ​ത്രി​യിൽ ഡോക്ടറെ കാണാൻ കാത്തി​രി​ക്കു​ക​യാ​യി​രുന്ന ഒരു യുവ പയനിയർ സഹോ​ദരൻ തന്റെ അടുത്തി​രുന്ന പ്രായ​മേ​റിയ സ്‌ത്രീ അവിടെ ഉണ്ടായി​രുന്ന മറ്റെല്ലാ​വ​രെ​ക്കാ​ളും​തന്നെ അവശയാ​യി​രു​ന്ന​താ​യി ശ്രദ്ധിച്ചു. അതു​കൊണ്ട്‌ ഡോക്ടറെ കാണാ​നുള്ള തന്റെ ഊഴം വന്നപ്പോൾ അദ്ദേഹം പ്രായ​മായ ആ സ്‌ത്രീക്ക്‌ തന്റെ അവസരം വിട്ടു​കൊ​ടു​ത്തു. പിന്നീ​ടൊ​രി​ക്കൽ ചന്തസ്ഥല​ത്തു​വെച്ച്‌ അദ്ദേഹം ആ സ്‌ത്രീ​യെ വീണ്ടും കണ്ടുമു​ട്ടാൻ ഇടയായി. അദ്ദേഹത്തെ കണ്ടപ്പോൾ അവർക്കു വലിയ സന്തോ​ഷ​മാ​യി. മുമ്പ്‌ അവർ സുവാർത്ത​യിൽ ഒട്ടും താത്‌പ​ര്യം കാണി​ച്ചി​രു​ന്നി​ല്ലെ​ങ്കി​ലും യഹോ​വ​യു​ടെ സാക്ഷികൾ തങ്ങളുടെ അയൽക്കാ​രെ യഥാർഥ​മാ​യും സ്‌നേ​ഹി​ക്കു​ന്നു എന്ന്‌ തനിക്കി​പ്പോൾ മനസ്സി​ലാ​യെന്ന്‌ അവർ പറഞ്ഞു. ആ സ്‌ത്രീ​യു​മാ​യി ക്രമമായ ഒരു ബൈബി​ള​ധ്യ​യനം തുടങ്ങി.

⁴ നമ്മുടെ സഹോ​ദ​ര​ങ്ങ​ളോട്‌: സഹവി​ശ്വാ​സി​കളെ സഹായി​ക്കാൻ നാം നമ്മെത്തന്നെ ലഭ്യമാ​ക്കു​മ്പോ​ഴും നാം യഹോ​വ​യു​ടെ നന്മ അനുക​രി​ക്കു​ക​യാണ്‌. ദുരന്ത​സ​മ​യ​ങ്ങ​ളിൽ, നമ്മുടെ സഹോ​ദ​ര​ങ്ങളെ സഹായി​ക്കാൻ ആദ്യം എത്തുന്ന​വ​രു​ടെ കൂട്ടത്തിൽ നമ്മളു​ണ്ടാ​കും. അതു​പോ​ലെ, യോഗ​ങ്ങൾക്കാ​യി യാത്രാ​സ​ഹാ​യം ആവശ്യ​മു​ള്ള​വരെ സഹായി​ക്കു​മ്പോ​ഴും രോഗി​കളെ സന്ദർശി​ക്കു​മ്പോ​ഴും സ്‌നേ​ഹ​ത്തിൽ വിശാ​ല​രാ​യി​ക്കൊണ്ട്‌ സഭയിൽ നമുക്കത്ര പരിച​യ​മി​ല്ലാത്ത സഹവി​ശ്വാ​സി​കളെ അടുത്ത​റി​യാൻ ശ്രമി​ക്കു​മ്പോ​ഴും നാം ഇതേ ആത്മാവു പ്രകട​മാ​ക്കു​ന്നു.—2 കൊരി. 6:11-13; എബ്രാ. 13:16.

⁵ യഹോവ നന്മ കാണി​ക്കുന്ന മറ്റൊരു വിധം ‘ക്ഷമിക്കാൻ’ ഒരുക്ക​മു​ള്ളവൻ ആയിരു​ന്നു​കൊ​ണ്ടാണ്‌. (സങ്കീ. 86:5) അവനെ​പ്പോ​ലെ മറ്റുള്ള​വ​രോ​ടു ക്ഷമിക്കാൻ സന്നദ്ധരാ​യി​രു​ന്നു​കൊണ്ട്‌ നാം നന്മയെ സ്‌നേ​ഹി​ക്കു​ന്നു​വെന്നു പ്രകട​മാ​ക്കാൻ കഴിയും. (എഫെ. 4:32) ഇത്‌ സഹവി​ശ്വാ​സി​ക​ളു​മാ​യുള്ള നമ്മുടെ സഹവാസം ‘ശുഭവും മനോ​ഹ​ര​വും’ ആക്കിത്തീർക്കും.—സങ്കീ. 133:1-3.

⁶ യഹോവയുടെ വലിയ നന്മ, അവനെ അകമഴി​ഞ്ഞു സ്‌തു​തി​ക്കാ​നും ഘോഷി​ച്ചു​ല്ല​സി​ക്കാ​നും നമ്മെ പ്രേരി​പ്പി​ക്കട്ടെ. നാം ചെയ്യുന്ന എല്ലാറ്റി​ലും അവന്റെ നന്മ അനുക​രി​ക്കാൻ ശ്രമി​ക്കു​ന്ന​തിന്‌ അതു നമ്മെ പ്രചോ​ദി​പ്പി​ക്കട്ടെ.—സങ്കീ. 145:7; യിരെ. 31:12.