“സന്തോ​ഷ​ത്തോ​ടെ യഹോ​വയെ സേവി​പ്പിൻ”

¹ “കർത്താ​വിൽ എപ്പോ​ഴും സന്തോ​ഷി​പ്പിൻ; സന്തോ​ഷി​പ്പിൻ എന്നു ഞാൻ പിന്നെ​യും പറയുന്നു” എന്ന്‌ അപ്പൊ​സ്‌ത​ല​നായ പൗലൊസ്‌ എഴുതു​ക​യു​ണ്ടാ​യി. (ഫിലി. 4:4) സുവാർത്ത പങ്കു​വെ​ക്കാ​നും യഹോ​വയെ ആരാധി​ക്കാൻ ചെമ്മരി​യാ​ടു തുല്യരെ സഹായി​ക്കാ​നും ഉള്ള പദവി വലിയ സന്തോ​ഷ​ത്തി​ന്റെ ഉറവാണ്‌. (ലൂക്കൊ. 10:17; പ്രവൃ. 15:3; 1 തെസ്സ. 2:19) എന്നാൽ, നമുക്ക്‌ ചില​പ്പോ​ഴൊ​ക്കെ ശുശ്രൂ​ഷ​യിൽ സന്തോഷം അനുഭ​വി​ക്കാൻ കഴിയു​ന്നി​ല്ലെ​ങ്കിൽ എന്തു ചെയ്യാ​നാ​കും?

² ഒരു ദൈവ​നി​യുക്ത വേല: പ്രസം​ഗി​ക്കാ​നുള്ള നിയോ​ഗം നമുക്കു നൽകി​യി​രി​ക്കു​ന്നത്‌ യഹോ​വ​യാ​ണെന്ന്‌ ഓർക്കുക. അതേ, രാജ്യ​സ​ന്ദേശം ഘോഷി​ക്കു​ന്ന​തി​ലും ശിഷ്യരെ ഉളവാ​ക്കു​ന്ന​തി​ലും “ദൈവ​ത്തി​ന്റെ കൂട്ടു​വേ​ല​ക്കാർ” ആയിരി​ക്കുക എന്നത്‌ നമ്മെ സംബന്ധിച്ച്‌ എത്ര വലിയ ഒരു പദവി​യാണ്‌! (1 കൊരി. 3:9) വീണ്ടു​മൊ​രി​ക്ക​ലും ആവർത്തി​ക്ക​പ്പെ​ടു​ക​യി​ല്ലാത്ത ഈ വേലയിൽ നമ്മോ​ടൊ​പ്പം ക്രിസ്‌തു​യേ​ശു​വും ഉണ്ട്‌. (മത്താ. 28:18-20) ഇപ്പോൾ നടന്നു​കൊ​ണ്ടി​രി​ക്കുന്ന വലിയ ആത്മീയ കൊയ്‌ത്തിൽ ദൂതന്മാ​രും സജീവ​മാ​യി ഉൾപ്പെ​ടു​ക​യും നമ്മോ​ടൊ​ത്തു പ്രവർത്തി​ക്കു​ക​യും ചെയ്യുന്നു. (പ്രവൃ. 8:26; വെളി. 14:6) യഹോവ ഈ വേലയെ പിന്തു​ണ​യ്‌ക്കു​ന്നു​ണ്ടെന്ന്‌ തിരു​വെ​ഴു​ത്തു​ക​ളും അതോ​ടൊ​പ്പം ദൈവ​ജ​ന​ത്തി​ന്റെ അനുഭ​വ​ങ്ങ​ളും വ്യക്തമാ​യി തെളി​യി​ക്കു​ന്നു. അതു​കൊണ്ട്‌ സുവാർത്ത പ്രസം​ഗി​ക്കു​മ്പോൾ, ‘ദൈവ​ത്താൽ അയയ്‌ക്ക​പ്പെ​ട്ട​വ​രാ​യി, ദൈവ​ത്തി​ന്റെ നിരീ​ക്ഷ​ണ​ത്തിൻ കീഴിൽ, ക്രിസ്‌തു​വി​നോ​ടൊ​പ്പ​മാണ്‌’ നാം പോകു​ന്നത്‌. (2 കൊരി. 2:17, NW) സന്തോ​ഷ​ത്തി​നുള്ള എത്ര ശക്തമായ ഒരു കാരണം!

³ ദൈവസേവനത്തിലെ നമ്മുടെ സന്തോഷം നിലനി​റു​ത്താൻ പ്രാർഥന അനിവാ​ര്യ​മാണ്‌. (ഗലാ. 5:22) ദൈവ​ത്തി​ന്റെ ശക്തിയാൽ മാത്രമേ നമുക്ക്‌ അവന്റെ വേല നിർവ​ഹി​ക്കാൻ കഴിയൂ എന്നതി​നാൽ, അവന്റെ ആത്മാവി​നാ​യി നാം യാചി​ക്കേ​ണ്ട​തുണ്ട്‌. തന്നോടു ചോദി​ക്കു​ന്ന​വർക്ക്‌ അവൻ അത്‌ ഉദാര​മാ​യി നൽകുന്നു. (ലൂക്കൊ. 11:13; 2 കൊരി. 4:1, 7; എഫെ. 6:18-20) നിഷേ​ധാ​ത്മക പ്രതി​ക​ര​ണങ്ങൾ ഉണ്ടാകു​മ്പോൾ ശരിയായ കാഴ്‌ച​പ്പാ​ടു നിലനി​റു​ത്താൻ നമ്മുടെ ശുശ്രൂ​ഷയെ കുറി​ച്ചുള്ള പ്രാർഥന നമ്മെ സഹായി​ക്കും. ധൈര്യ​ത്തോ​ടും സന്തോ​ഷ​ത്തോ​ടും​കൂ​ടെ പ്രസം​ഗ​വേല തുടരാൻ അതു നമ്മെ പ്രാപ്‌ത​രാ​ക്കും.—പ്രവൃ. 4:29-31; 5:40-42; 13:50-52.

⁴ നന്നായി തയ്യാറാ​കുക: ശുശ്രൂ​ഷ​യി​ലാ​യി​രി​ക്കെ സന്തോഷം വർധി​പ്പി​ക്കാ​നുള്ള ഒരു പ്രാ​യോ​ഗിക വിധം നന്നായി തയ്യാറാ​കുക എന്നതാണ്‌. (1 പത്രൊ. 3:15) അതിന്‌ വളരെ​യേറെ സമയം എടു​ക്കേ​ണ്ട​തില്ല. പുതിയ മാസി​ക​കൾക്കാ​യി നിർദേ​ശി​ക്ക​പ്പെ​ട്ടി​രി​ക്കുന്ന അവതര​ണ​ങ്ങ​ളോ നിങ്ങൾ സമർപ്പി​ക്കാൻ ആഗ്രഹി​ക്കുന്ന സാഹി​ത്യ​ത്തിന്‌ അനു​യോ​ജ്യ​മായ ഒരു അവതര​ണ​മോ നോക്കു​ന്ന​തിന്‌ ഏതാനും മിനി​ട്ടു​കളേ വേണ്ടൂ. അനു​യോ​ജ്യ​മായ ഒരു മുഖവു​ര​യ്‌ക്കാ​യി ന്യായ​വാ​ദം പുസ്‌ത​ക​മോ നമ്മുടെ രാജ്യ ശുശ്രൂ​ഷ​യു​ടെ കഴിഞ്ഞ ലക്കങ്ങളോ നിങ്ങൾക്കു പരി​ശോ​ധി​ക്കാ​വു​ന്ന​താണ്‌. ഹ്രസ്വ​മായ ഒരു അവതരണം ഒരു കടലാ​സിൽ കുറി​ച്ചു​വെ​ക്കു​ന്നത്‌ സഹായ​ക​മാ​ണെന്നു ചില രാജ്യ​പ്ര​സാ​ധകർ കണ്ടെത്തു​ന്നു. ഓർമ പുതു​ക്കാ​നാ​യി അവർ ഇടയ്‌ക്കി​ടെ അതിലൂ​ടെ കണ്ണോ​ടി​ക്കു​ന്നു. ഇങ്ങനെ ചെയ്യു​ന്നത്‌, പരി​ഭ്ര​മത്തെ തരണം ചെയ്യാൻ സഹായി​ക്കു​ന്നു​വെന്നു മാത്രമല്ല ധൈര്യ​ത്തോ​ടെ പ്രസം​ഗി​ക്കാ​നുള്ള ആത്മവി​ശ്വാ​സ​വും അവർക്കു നൽകുന്നു.

⁵ സന്തോഷം നിരവധി പ്രയോ​ജ​നങ്ങൾ കൈവ​രു​ത്തു​ന്നു. നാം സന്തോ​ഷ​ത്തോ​ടെ സുവാർത്ത അവതരി​പ്പി​ക്കു​മ്പോൾ അതിന്റെ ആകർഷ​ക​ത്വം വർധി​ക്കു​ന്നു. മാത്രമല്ല, സഹിച്ചു​നിൽക്കാൻ സന്തോഷം നമ്മെ ശക്തീക​രി​ക്കു​ക​യും ചെയ്യുന്നു. (നെഹെ. 8:10; എബ്രാ. 12:2) സർവോ​പരി, സന്തോ​ഷ​ത്തോ​ടെ​യുള്ള നമ്മുടെ സേവനം യഹോ​വയെ മഹത്ത്വ​പ്പെ​ടു​ത്തു​ന്നു. അതു​കൊണ്ട്‌, നമുക്ക്‌ ‘സന്തോ​ഷ​ത്തോ​ടെ യഹോ​വയെ സേവി​ക്കാം.’—സങ്കീ. 100:2.

[അധ്യയന ചോദ്യ​ങ്ങൾ]

1. യഹോ​വ​യു​ടെ ദാസരെ സംബന്ധി​ച്ചി​ട​ത്തോ​ളം വലിയ സന്തോ​ഷ​ത്തി​ന്റെ ഉറവാ​യി​രി​ക്കാൻ എന്തിനു കഴിയും?

2. നമ്മുടെ നിയോ​ഗം ആരിൽനി​ന്നു​ള്ള​താണ്‌ എന്ന വസ്‌തു​ത​യിൽ ശ്രദ്ധ കേന്ദ്രീ​ക​രി​ക്കു​ന്നത്‌ നമ്മുടെ സന്തോഷം നിലനി​റു​ത്താൻ ഉതകു​ന്നത്‌ എങ്ങനെ?

3. ദൈവ​സേ​വ​ന​ത്തി​ലെ നമ്മുടെ സന്തോഷം നിലനി​റു​ത്തു​ന്ന​തിൽ പ്രാർഥന വഹിക്കുന്ന പങ്കെന്ത്‌?

4. പ്രസം​ഗ​വേ​ല​യി​ലെ നമ്മുടെ സന്തോഷം വർധി​പ്പി​ക്കാൻ നല്ല തയ്യാറാ​കൽ നമ്മെ സഹായി​ക്കു​ന്നത്‌ എങ്ങനെ, തയ്യാറാ​കൽ നിർവ​ഹി​ക്കാ​നാ​കുന്ന ചില പ്രാ​യോ​ഗിക വിധങ്ങ​ളേവ?

5. സന്തോഷം നമുക്കും മറ്റുള്ള​വർക്കും പ്രയോ​ജനം ചെയ്യു​ന്നത്‌ എങ്ങനെ?