യഹോ​വ​യു​മാ​യി ഗാഢബന്ധം നട്ടുവ​ളർത്തൽ

¹ “കേവലം യോഗ​ങ്ങൾക്കു പൊയ്‌ക്കൊ​ണ്ടും വയൽശു​ശ്രൂ​ഷ​യിൽ ഏർപ്പെ​ട്ടു​കൊ​ണ്ടും 20 വർഷ​ത്തോ​ളം ഞാൻ യാന്ത്രി​ക​മാ​യി സത്യത്തിൽ തുടർന്നി​രി​ക്കു​ന്നു” എന്ന്‌ ഒരു ക്രിസ്‌തീയ സഹോ​ദരി സമ്മതിച്ചു പറഞ്ഞു. എന്നിരു​ന്നാ​ലും അവർ ഇങ്ങനെ തുടരു​ന്നു: “അവ പ്രധാ​ന​മാ​ണെ​ങ്കി​ലും സംഗതി​കൾ ദുഷ്‌ക​ര​മാ​കാൻ തുടങ്ങു​മ്പോൾ അവയ്‌ക്കു മാത്രം എന്നെ നിലനി​റു​ത്താ​നാ​വില്ല എന്ന നിഗമ​ന​ത്തിൽ ഞാൻ എത്തി​ച്ചേർന്നി​രി​ക്കു​ന്നു. . . . യഹോ​വയെ ശരിക്കും അടുത്ത​റി​യാ​നും അവനെ സ്‌നേ​ഹി​ക്കാ​നും അവന്റെ പുത്രൻ നമുക്കു തന്നിരി​ക്കു​ന്ന​തി​നെ വിലമ​തി​ക്കാ​നും കഴി​യേ​ണ്ട​തിന്‌ എന്റെ ചിന്തയിൽ പൊരു​ത്ത​പ്പെ​ടു​ത്തൽ വരുത്തു​ക​യും അർഥവ​ത്തായ ഒരു പഠന പരിപാ​ടി ആരംഭി​ക്കു​ക​യും ചെയ്യണ​മെന്നു ഞാൻ തിരി​ച്ച​റി​യു​ന്നു.”

² യഹോവയുമായി വ്യക്തി​പ​ര​മായ ഒരു അടുത്ത ബന്ധം വളർത്തി​യെ​ടു​ക്കാൻ ശ്രമം ആവശ്യ​മാണ്‌. ക്രിസ്‌തീയ പ്രവർത്ത​ന​ങ്ങ​ളു​ടെ ഒരു ചര്യ പിൻപ​റ്റു​ന്ന​തി​നെ​ക്കാൾ ഏറെ അതിൽ ഉൾപ്പെ​ട്ടി​രി​ക്കു​ന്നു. യഹോ​വ​യോ​ടു ക്രമമാ​യി സംസാ​രി​ക്കു​ന്ന​തിൽ നാം മുടക്കം വരുത്തി​യാൽ, നമ്മെ സംബന്ധി​ച്ചി​ട​ത്തോ​ളം, അവൻ സമ്പർക്കം നഷ്ടപ്പെട്ട ഒരു മുൻകാല ഉറ്റസു​ഹൃ​ത്തി​നെ​പ്പോ​ലെ ആയിത്തീ​രും. (വെളി. 2:4) വ്യക്തി​പ​ര​മായ ബൈബിൾ പഠനത്തി​നും പ്രാർഥ​ന​യ്‌ക്കും ദൈവ​വു​മാ​യി ഒരു ഗാഢബന്ധം നട്ടുവ​ളർത്തു​ന്ന​തിൽ നമ്മെ എങ്ങനെ സഹായി​ക്കാ​നാ​കും എന്ന്‌ നമുക്കു പരി​ശോ​ധി​ക്കാം.—സങ്കീ. 25:14.

³ പ്രാർഥനയും ധ്യാന​വും അനിവാ​ര്യം: ഹൃദയത്തെ പരി​പോ​ഷി​പ്പി​ക്കു​ന്ന​തരം വ്യക്തി​പ​ര​മായ പഠനത്തിൽ, പഠനഭാ​ഗത്തെ പ്രധാന ആശയങ്ങ​ളു​ടെ അടിയിൽ വരയ്‌ക്കു​ക​യും ഉദ്ധരി​ച്ചി​ട്ടി​ല്ലാത്ത തിരു​വെ​ഴു​ത്തു​കൾ എടുത്തു​നോ​ക്കു​ക​യും ചെയ്യു​ന്ന​തി​നെ​ക്കാൾ അധികം കാര്യങ്ങൾ ഉൾപ്പെ​ട്ടി​രി​ക്കു​ന്നു. വിവരങ്ങൾ യഹോ​വ​യു​ടെ വഴിക​ളെ​യും നിലവാ​ര​ങ്ങ​ളെ​യും വ്യക്തി​ത്വ​ത്തെ​യും കുറിച്ച്‌ എന്തു വെളി​പ്പെ​ടു​ത്തു​ന്നു എന്ന്‌ നാം ചിന്തി​ക്കേ​ണ്ട​തുണ്ട്‌. (പുറ. 33:13) ആത്മീയ കാര്യ​ങ്ങളെ കുറി​ച്ചുള്ള ഗ്രാഹ്യം നമ്മുടെ വികാ​ര​ങ്ങളെ സ്‌പർശി​ക്കു​ക​യും നമ്മു​ടെ​തന്നെ ജീവി​തത്തെ കുറിച്ചു ചിന്തി​ക്കാൻ നമ്മെ പ്രേരി​പ്പി​ക്കു​ക​യും ചെയ്യുന്നു. (സങ്കീ. 119:35, 111) വ്യക്തി​പ​ര​മായ പഠനത്തി​ന്റെ ഉദ്ദേശ്യം യഹോ​വ​യോട്‌ അടുത്തു ചെല്ലുക എന്നതാ​യി​രി​ക്കണം. (യാക്കോ. 4:8) അവധാ​ന​പൂർവ​മായ പഠനത്തിന്‌ സമയവും യോജിച്ച ചുറ്റു​പാ​ടും ആവശ്യ​മാണ്‌; ക്രമമായ പഠനത്തിന്‌ ആത്മശി​ക്ഷ​ണ​വും. (ദാനീ. 6:10) നിങ്ങൾ വളരെ തിരക്കു​ള്ള​വ​രാ​യി​രി​ക്കാ​മെ​ങ്കി​ലും, യഹോ​വ​യു​ടെ വിസ്‌മ​യാ​വ​ഹ​മായ ഗുണങ്ങളെ കുറിച്ചു ധ്യാനി​ക്കാൻ എല്ലാ ദിവസ​വും സമയം മാറ്റി​വെ​ക്കു​ന്നു​ണ്ടോ?—സങ്കീ. 119:147, 148; 143:5.

⁴ അർഥപൂർണമായ വ്യക്തിഗത പഠനത്തി​ന്റെ അവിഭാ​ജ്യ ഘടകമാണ്‌ ഹൃദയം​ഗ​മ​മായ പ്രാർഥന. ബൈബിൾ സത്യം നമ്മുടെ ഹൃദയത്തെ പ്രചോ​ദി​പ്പി​ക്കു​ക​യും, ‘ഭക്തി​യോ​ടും ഭയത്തോ​ടും​കൂ​ടെ [ദൈവ​ത്തി​നു] സേവ ചെയ്യാൻ’ നമ്മെ പ്രേരി​പ്പി​ക്കു​ക​യും ചെയ്യണ​മെ​ങ്കിൽ നമുക്ക്‌ ദൈവ​ത്തി​ന്റെ പരിശു​ദ്ധാ​ത്മാവ്‌ ആവശ്യ​മാണ്‌. (എബ്രാ. 12:28) അതു​കൊണ്ട്‌, യഹോ​വ​യു​ടെ ആത്മാവി​നാ​യി അവനോ​ടു യാചി​ച്ചു​കൊ​ണ്ടു​വേണം നാം ഓരോ പ്രാവ​ശ്യ​വും പഠനം ആരംഭി​ക്കാൻ. (മത്താ. 5:3, NW അടിക്കു​റിപ്പ്‌) തിരു​വെ​ഴു​ത്തു​കളെ കുറിച്ച്‌ ധ്യാനി​ക്കു​ക​യും യഹോ​വ​യു​ടെ സംഘടന പ്രദാനം ചെയ്‌തി​രി​ക്കുന്ന പഠനസ​ഹാ​യി​കൾ ഉപയോ​ഗി​ക്കു​ക​യും ചെയ്യു​മ്പോൾ നാം യഹോ​വ​യ്‌ക്കു നമ്മുടെ ഹൃദയം തുറന്നു കൊടു​ക്കു​ക​യാണ്‌. (സങ്കീ. 62:8) ഇപ്രകാ​രം പഠിക്കു​ന്നത്‌ ഒരു ആരാധനാ ക്രിയ​യാണ്‌. അതു മുഖാ​ന്തരം നാം യഹോ​വ​യോ​ടു ഭക്തി പ്രകട​മാ​ക്കു​ക​യും അവനു​മാ​യുള്ള നമ്മുടെ ബന്ധത്തെ കരുത്തു​റ്റ​താ​ക്കു​ക​യും ചെയ്യുന്നു.—യൂദാ 20, 21.

⁵ യഹോവയുമായുള്ള നമ്മുടെ ബന്ധം ജീവി​ത​കാ​ലത്ത്‌ ഉടനീളം വളർന്നു​കൊ​ണ്ടി​രി​ക്ക​ണ​മെ​ങ്കിൽ, മറ്റെല്ലാ ബന്ധങ്ങ​ളെ​യും​പോ​ലെ ഇതും അനുസ്യൂ​തം പരി​പോ​ഷി​പ്പി​ക്ക​പ്പെ​ടണം. ആയതി​നാൽ, യഹോ​വ​യോട്‌ അടുത്തു​ചെ​ല്ലാൻ ഓരോ ദിവസ​വും നമുക്കു സമയം വിലയ്‌ക്കു വാങ്ങാം, അപ്രകാ​രം ചെയ്യു​മ്പോൾ അവൻ നമ്മോ​ടും അടുത്തു​വ​രും എന്ന ഉത്തമ​ബോ​ധ്യ​ത്തോ​ടെ തന്നെ.—സങ്കീ. 1:2, 3; എഫെ. 5:15, 16, NW.

[അധ്യയന ചോദ്യ​ങ്ങൾ]

1. തന്റെ ആത്മീയ ചര്യയെ കുറിച്ച്‌ ഒരു സഹോ​ദരി എന്തു തിരി​ച്ച​റി​യാൻ ഇടയായി?

2. യഹോ​വ​യു​മാ​യി ഒരു ഗാഢബന്ധം നട്ടുവ​ളർത്തു​ന്നത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

3. വ്യക്തി​പ​ര​മായ പഠന​ത്തോ​ടുള്ള ഏതു സമീപനം ദൈവ​ത്തോട്‌ അടുത്തു​ചെ​ല്ലാൻ നമ്മെ സഹായി​ക്കും?

4. വ്യക്തി​പ​ര​മായ പഠനത്തി​നു മുമ്പുള്ള പ്രാർഥന യഹോ​വ​യു​മാ​യി ഗാഢബന്ധം നട്ടുവ​ളർത്താൻ നമ്മെ സഹായി​ക്കു​ന്നത്‌ എങ്ങനെ?

5. എല്ലാ ദിവസ​വും ദൈവ​വ​ച​നത്തെ കുറിച്ചു ധ്യാനി​ക്കു​ന്നത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?