യഥാർഥ ക്രിസ്‌തീയ ഐക്യം—എങ്ങനെ?

¹ ഏകദേശം 380 ഭാഷാ​ക്കൂ​ട്ട​ങ്ങ​ളി​ലും 234 ദേശങ്ങ​ളി​ലും നിന്നുള്ള 60 ലക്ഷത്തി​ല​ധി​കം ആളുകളെ ഏകീക​രി​ക്കാൻ എന്തിനാ​ണു കഴിയുക? യഹോ​വ​യാം ദൈവ​ത്തി​ന്റെ ആരാധ​ന​യ്‌ക്കു മാത്രം. (മീഖാ 2:12; 4:1-3) യഥാർഥ ക്രിസ്‌തീയ ഐക്യം ഇന്ന്‌ ഒരു യാഥാർഥ്യ​മാ​ണെന്ന്‌ യഹോ​വ​യു​ടെ സാക്ഷി​കൾക്ക്‌ അവരുടെ വ്യക്തി​പ​ര​മായ അനുഭ​വ​ത്തിൽനിന്ന്‌ അറിയാം. ‘ഒരിട​യന്റെ’ കീഴിൽ ‘ഒരാട്ടിൻകൂ​ട്ടം’ എന്ന നിലയിൽ, ഈ ലോക​ത്തി​ലെ വിഭാ​ഗീ​യ​ത​യു​ടെ ആത്മാവി​നെ ചെറു​ത്തു​നിൽക്കാൻ നാം ദൃഢചി​ത്ത​രാണ്‌.—യോഹ. 10:16; എഫെ. 2:2.

² ബുദ്ധിശക്തിയുള്ള സകല സൃഷ്ടി​ക​ളും സത്യാ​രാ​ധ​ന​യിൽ ഏകീകൃ​ത​രാ​കണം എന്നതാണ്‌ ദൈവ​ത്തി​ന്റെ മാറ്റമി​ല്ലാത്ത ഉദ്ദേശ്യം. (വെളി. 5:13) ഇതിന്റെ പ്രാധാ​ന്യം തിരി​ച്ച​റി​ഞ്ഞു​കൊണ്ട്‌ തന്റെ അനുഗാ​മി​ക​ളു​ടെ ഇടയിലെ ഐക്യ​ത്തി​നാ​യി യേശു ആത്മാർഥ​മാ​യി പ്രാർഥി​ച്ചു. (യോഹ. 17:20, 21) നമുക്ക്‌ ഓരോ​രു​ത്തർക്കും ക്രിസ്‌തീയ സഭയുടെ ഐക്യം എങ്ങനെ ഉന്നമി​പ്പി​ക്കാൻ കഴിയും?

³ ഐക്യം ആർജി​ക്കുന്ന വിധം: ദൈവ​വ​ച​ന​വും ദൈവാ​ത്മാ​വും കൂടാതെ ക്രിസ്‌തീയ ഐക്യം അപ്രാ​പ്യ​മാ​യി​രി​ക്കും. നാം ബൈബി​ളിൽ വായി​ക്കുന്ന കാര്യങ്ങൾ പ്രാവർത്തി​ക​മാ​ക്കു​ന്നത്‌, നമ്മുടെ ജീവി​ത​ത്തിൽ ദൈവാ​ത്മാവ്‌ സ്വത​ന്ത്ര​മാ​യി ഒഴുകാൻ അനുവ​ദി​ക്കു​ന്നു. ഇത്‌ “ആത്മാവി​ന്റെ ഐക്യത സമാധാ​ന​ബ​ന്ധ​ത്തിൽ കാപ്പാൻ” നമ്മെ പ്രാപ്‌ത​രാ​ക്കു​ന്നു. (എഫെ. 4:3) അന്യോ​ന്യം ക്ഷമിച്ചും പൊറു​ത്തും സ്‌നേ​ഹ​ത്തിൽ കഴിഞ്ഞു​കൂ​ടാൻ ഇതു നമ്മെ പ്രചോ​ദി​പ്പി​ക്കു​ന്നു. (കൊലൊ. 3:13, 14; 1 പത്രൊ. 4:8) എല്ലാ ദിവസ​വും ദൈവ​വ​ച​നത്തെ കുറിച്ചു ധ്യാനി​ച്ചു​കൊണ്ട്‌ നിങ്ങൾ ഐക്യം ഉന്നമി​പ്പി​ക്കു​ന്നു​വോ?

⁴ പ്രസംഗിക്കാനും ശിഷ്യരെ ഉളവാ​ക്കാ​നും ഉള്ള നമ്മുടെ നിയോ​ഗ​വും നമ്മെ ഒന്നിപ്പി​ക്കു​ന്നു. ക്രിസ്‌തീയ ശുശ്രൂ​ഷ​യിൽ, ‘ഏകമന​സ്സോ​ടെ സുവി​ശേ​ഷ​ത്തി​ന്റെ വിശ്വാ​സ​ത്തി​ന്നാ​യി പോരാ​ടി​ക്കൊണ്ട്‌’ മറ്റുള്ള​വ​രോ​ടൊ​പ്പം പ്രവർത്തി​ക്കു​മ്പോൾ നാം “സത്യത്തി​ന്നു കൂട്ടു​വേ​ല​ക്കാർ” ആയിത്തീ​രു​ന്നു. (ഫിലി. 1:27; 3 യോഹ. 8) നാം അപ്രകാ​രം പ്രവർത്തി​ക്കവേ, സഭയ്‌ക്കു​ള്ളിൽ ഐക്യം ഊട്ടി​വ​ളർത്തുന്ന സ്‌നേ​ഹ​ബ​ന്ധങ്ങൾ ശക്തമാ​ക്ക​പ്പെ​ടും. വയൽശു​ശ്രൂ​ഷ​യിൽ നിങ്ങൾ ഈയി​ടെ​യെ​ങ്ങും ഒരുമി​ച്ചു പ്രവർത്തി​ച്ചി​ട്ടി​ല്ലാത്ത ആരെ​യെ​ങ്കി​ലും ഈ ആഴ്‌ച നിങ്ങ​ളോ​ടൊ​പ്പം പോരാൻ എന്തു​കൊ​ണ്ടു ക്ഷണിച്ചു​കൂ​ടാ?

⁵ ഇന്ന്‌ ഭൂമു​ഖ​ത്തുള്ള ഏക ലോക​വ്യാ​പക സഹോ​ദ​ര​വർഗ​ത്തി​ന്റെ ഭാഗമാ​യി​രി​ക്കാൻ പദവി ലഭിച്ചി​രി​ക്കു​ന്നവർ എന്ന നിലയിൽ നാം എത്ര അനുഗൃ​ഹീ​ത​രാണ്‌! (1 പത്രൊ. 5:9) അടുത്ത​യി​ടെ, “ദൈവ​ത്തി​നു മഹത്ത്വം കൊടു​ക്കു​വിൻ” അന്താരാ​ഷ്‌ട്ര കൺ​വെൻ​ഷ​നു​ക​ളിൽ ആയിരങ്ങൾ ഈ ആഗോള ഐക്യം നേരിട്ട്‌ അനുഭ​വി​ച്ച​റി​ഞ്ഞു. ദൈവ​വ​ചനം ദിവസ​വും വായി​ച്ചു​കൊ​ണ്ടും അഭി​പ്രായ വ്യത്യാ​സങ്ങൾ സ്‌നേ​ഹ​ത്തി​ന്റെ ഭാഷയിൽ പരിഹ​രി​ച്ചു​കൊ​ണ്ടും “ഐകമ​ത്യ​പ്പെട്ടു” സുവാർത്ത പ്രസം​ഗി​ച്ചു​കൊ​ണ്ടും അമൂല്യ​മായ ഈ ഐക്യം നമുക്ക്‌ ഓരോ​രു​ത്തർക്കും ഉന്നമി​പ്പി​ക്കാം.—റോമ. 15:5.