ദൈവ​ത്താൽ പിന്തു​ണ​യ്‌ക്ക​പ്പെ​ടുന്ന ഒരു വേല

¹ ഈ വ്യവസ്ഥി​തി​യിൽ മികച്ച വിദ്യാ​ഭ്യാ​സ​വും സമ്പത്തും പ്രാമു​ഖ്യ​ത​യും ഉള്ളവർ ഇന്നത്തെ ദൈവ​ദാ​സ​രു​ടെ ഇടയിൽ അധിക​മില്ല. അക്കാര​ണ​ത്താൽ ചിലയാ​ളു​കൾ നമ്മുടെ ശുശ്രൂ​ഷയെ അപ്രധാ​ന​മാ​യി തള്ളിക്ക​ള​യു​ന്നു. (യെശ. 53:3) എന്നിരു​ന്നാ​ലും, നാം ചെയ്യുന്ന ബൈബിൾ വിദ്യാ​ഭ്യാ​സ​വേല ലോക​വ്യാ​പ​ക​മാ​യി ദശലക്ഷ​ങ്ങൾക്ക്‌ ആശ്വാ​സ​വും പ്രത്യാ​ശ​യും പകർന്നി​രി​ക്കു​ന്നു. അത്തരം ശ്രദ്ധേ​യ​മായ നേട്ടം കൈവ​രി​ക്കാൻ സാധാ​ര​ണ​ക്കാ​രായ മനുഷ്യർക്കു സാധി​ച്ചി​രി​ക്കു​ന്നത്‌ എങ്ങനെ​യാണ്‌? ദൈവ​ത്തി​ന്റെ പിന്തുണ ഒന്നു​കൊ​ണ്ടു മാത്രം. (മത്താ. 28:19, 20; പ്രവൃ. 1:8) “ജ്ഞാനി​കളെ ലജ്ജിപ്പി​പ്പാൻ ദൈവം ലോക​ത്തിൽ ബലഹീ​ന​മാ​യതു തിര​ഞ്ഞെ​ടു​ത്തു” എന്ന്‌ അപ്പൊ​സ്‌ത​ല​നായ പൗലൊസ്‌ പ്രസ്‌താ​വി​ച്ചു.—1 കൊരി. 1:26-29.

² അപ്പൊസ്‌തലന്മാരുടെയും ഒന്നാം നൂറ്റാ​ണ്ടി​ലെ മറ്റു ക്രിസ്‌ത്യാ​നി​ക​ളു​ടെ​യും ഇടയിൽ അനേക​രും “പഠിപ്പി​ല്ലാ​ത്ത​വ​രും സാമാ​ന്യ​രു​മായ” ആളുക​ളാ​യി​രു​ന്നു. (പ്രവൃ. 4:13) എങ്കിലും, സുവാർത്ത പ്രസം​ഗി​ക്കാ​നുള്ള തങ്ങളുടെ നിയോ​ഗ​ത്തിൽ അവർ സധൈ​ര്യം മുന്നേറി, യഹോവ അവരുടെ ശ്രമങ്ങളെ അനു​ഗ്ര​ഹി​ച്ചു. തടസ്സങ്ങൾക്കും എതിർപ്പു​കൾക്കും​മ​ധ്യേ, “കർത്താ​വി​ന്റെ [“യഹോ​വ​യു​ടെ,” NW] വചനം ശക്തി​യോ​ടെ പരന്നു പ്രബല​പ്പെട്ടു.” വേലയെ നിശ്ചല​മാ​ക്കാൻ യാതൊ​ന്നി​നും സാധി​ച്ചില്ല, എന്തു​കൊ​ണ്ടെ​ന്നാൽ അതിനെ പിന്തു​ണ​ച്ചത്‌ ദൈവ​മാ​യി​രു​ന്നു. (പ്രവൃ. 5:38, 39; 19:20) ആധുനിക നാളി​ലും ഇതുതന്നെ സത്യമാ​യി​രു​ന്നി​ട്ടുണ്ട്‌. ശക്തരായ ഭരണാ​ധി​പ​ന്മാ​രു​ടെ കടുത്ത എതിർപ്പി​നു പോലും സുവാർത്ത പരന്നു പ്രബല​പ്പെ​ടു​ന്നത്‌ തടയാൻ കഴിഞ്ഞി​ട്ടില്ല.—യെശ. 54:17.

³ സകല മഹത്ത്വ​വും ദൈവ​ത്തിന്‌: ദൈവ​ത്തി​ന്റെ ശുശ്രൂ​ഷകർ എന്ന നിലയി​ലുള്ള നമ്മുടെ അനുഗൃ​ഹീത പദവി, ആത്മപ്ര​ശം​സ​യ്‌ക്കു വക നൽകു​ന്നു​ണ്ടോ? തീർച്ച​യാ​യും ഇല്ല. ക്രിസ്‌തീയ ശുശ്രൂ​ഷയെ കുറിച്ചു പരാമർശി​ച്ചു​കൊണ്ട്‌ പൗലൊസ്‌ ഇങ്ങനെ എഴുതി: “എങ്കിലും ഈ അത്യന്ത​ശക്തി ഞങ്ങളുടെ സ്വന്തം എന്നല്ല, ദൈവ​ത്തി​ന്റെ ദാനമ​ത്രേ എന്നു വരേണ്ട​തി​ന്നു ഈ നിക്ഷേപം ഞങ്ങൾക്കു മൺപാ​ത്ര​ങ്ങ​ളിൽ ആകുന്നു ഉളളത്‌.” (2 കൊരി. 4:7) ദൈവം പ്രദാനം ചെയ്യുന്ന ശക്തിയാൽ മാത്ര​മാണ്‌ തനിക്കു തന്റെ ശുശ്രൂഷ നിറ​വേ​റ്റാൻ സാധി​ക്കു​ന്നത്‌ എന്ന്‌ പൗലൊസ്‌ തിരി​ച്ച​റി​ഞ്ഞു.—എഫെ. 6:19, 20; ഫിലി. 4:13.

⁴ സമാനമായി, “ദൈവ​ത്തി​ന്റെ സഹായം ലഭിക്ക​യാൽ” മാത്ര​മാണ്‌ പ്രസം​ഗ​വേല നിർവ​ഹി​ക്ക​പ്പെ​ട്ടു​കൊ​ണ്ടി​രി​ക്കു​ന്നത്‌ എന്ന്‌ നാമും തിരി​ച്ച​റി​യു​ന്നു. (പ്രവൃ. 26:22) ലോക​വ്യാ​പ​ക​മായ അത്തരം പരസ്യ​ഘോ​ഷ​ണ​ത്താൽ, രാഷ്‌ട്ര​ങ്ങ​ളി​ലൂ​ടെ ഒരു പ്രകമ്പനം—പെട്ടെന്നു വരാൻ പോകുന്ന ഉഗ്ര ന്യായ​വി​ധി​യാൽ അവയെ തകർക്കു​ന്ന​തി​ന്റെ ഒരു മുന്നോ​ടി—അയയ്‌ക്കാൻ യഹോവ ശ്രദ്ധേ​യ​മായ ഒരു വിധത്തിൽ നമ്മെ ഉപയോ​ഗി​ച്ചു​കൊ​ണ്ടി​രി​ക്കു​ക​യാണ്‌. (ഹഗ്ഗാ. 2:7) മഹത്തായ ആത്മീയ കൊയ്‌ത്തു​വേ​ല​യിൽ “ദൈവ​ത്തി​ന്റെ കൂട്ടു​വേ​ല​ക്കാർ” ആയിരി​ക്കാൻ പദവി ലഭിച്ചി​രി​ക്കുന്ന നാം എത്ര അനുഗൃ​ഹീ​ത​രാണ്‌!—1 കൊരി. 3:6-9.