ക്രമമായ യോഗ​ഹാ​ജർ —മുൻഗണന നൽകേണ്ട ഒന്ന്‌

¹ ക്രമമായി യോഗ​ങ്ങൾക്കു ഹാജരാ​കു​ന്ന​തിന്‌ ക്രിസ്‌ത്രീയ കുടും​ബങ്ങൾ മുൻഗണന നൽകുന്നു. എന്നാൽ അനുദിന ജീവി​താ​വ​ശ്യ​ങ്ങൾ ഇന്ന്‌ ഒരു വെല്ലു​വി​ളി ഉയർത്തി​യേ​ക്കാം. വീട്ടിലെ ഉത്തരവാ​ദി​ത്വ​ങ്ങ​ളും ലൗകിക ജോലി​യും സ്‌കൂൾ ഗൃഹപാ​ഠ​വും യഹോ​വ​യു​ടെ ആരാധ​ന​യ്‌ക്കാ​യി മാറ്റി​വെ​ച്ചി​ട്ടുള്ള സമയം കവർന്നെ​ടു​ക്കാൻ തുടങ്ങി​യി​രി​ക്കു​ന്നു​വോ? കാര്യ​ങ്ങളെ യഹോ​വ​യു​ടെ കാഴ്‌ച​പ്പാ​ടിൽ വീക്ഷി​ക്കു​ന്നത്‌ പ്രാധാ​ന്യ​മേ​റിയ കാര്യ​ങ്ങൾക്കു മുൻഗണന നൽകു​ന്ന​തിൽ തുടരാൻ നമ്മെ സഹായി​ക്കും.—1 ശമൂ. 24:6; 26:11.

² ശബത്തു നാളിൽ വിറുകു പെറു​ക്കു​ന്നതു സംബന്ധി​ച്ചുള്ള യഹോ​വ​യു​ടെ വീക്ഷണം പരിഗ​ണി​ക്കാൻ ഒരു ഇസ്രാ​യേല്യ പുരുഷൻ കൂട്ടാ​ക്കി​യില്ല. താൻ കുടും​ബ​ത്തി​നാ​യി കരുതു​ക​യാ​ണെ​ന്നോ അല്ലെങ്കിൽ അത്‌ നിസ്സാ​ര​മായ ഒരു സംഗതി​യാ​ണെ​ന്നോ അയാൾ ന്യായ​വാ​ദം ചെയ്‌തി​ട്ടു​ണ്ടാ​കാം. എന്നിരു​ന്നാ​ലും, ആരാധ​ന​യ്‌ക്കാ​യി മാറ്റി​വെ​ച്ചി​രി​ക്കുന്ന സമയം ലൗകിക അനുധാ​വ​ന​ങ്ങൾക്കാ​യി വിനി​യോ​ഗി​ക്കു​ന്നത്‌ ഗുരു​ത​ര​മായ ഒരു സംഗതി​യാ​ണെന്ന്‌, ആ മനുഷ്യ​ന്റെ കാര്യ​ത്തിൽ നടപ്പാ​ക്കിയ ന്യായ​വി​ധി​യി​ലൂ​ടെ യഹോവ വ്യക്തമാ​ക്കി.—സംഖ്യാ. 15:32-36.

³ വെല്ലുവിളി തരണം​ചെയ്യൽ: അനേക​രെ​യും സംബന്ധി​ച്ചി​ട​ത്തോ​ളം ലൗകിക ജോലി യോഗ​ഹാ​ജ​രി​നെ ബാധി​ക്കാ​തെ കൊണ്ടു​പോ​കുക ഒരു പോരാ​ട്ടം തന്നെയാണ്‌. തൊഴി​ലു​ട​മ​യോ​ടു സംസാ​രി​ച്ചു​കൊ​ണ്ടോ സഹജോ​ലി​ക്കാ​രു​മാ​യി ഷിഫ്‌റ്റു​കൾ വെച്ചു​മാ​റി​ക്കൊ​ണ്ടോ കൂടുതൽ യോജിച്ച ഒരു തൊഴിൽ അന്വേ​ഷി​ച്ചു​കൊ​ണ്ടോ ജീവി​ത​ശൈലി ലളിത​മാ​ക്കി​ക്കൊ​ണ്ടോ ചിലർ ഈ വെല്ലു​വി​ളി​യെ തരണം ചെയ്‌തി​ട്ടുണ്ട്‌. സത്യാ​രാ​ധ​ന​യ്‌ക്കാ​യുള്ള അത്തരം ത്യാഗങ്ങൾ സുനി​ശ്ചി​ത​മാ​യും ദൈവത്തെ പ്രസാ​ദി​പ്പി​ക്കു​ന്നു.—എബ്രാ. 13:16.

⁴ ഗൃഹപാഠവും അതു​പോ​ലെ ഒരു വെല്ലു​വി​ളി ആയിരു​ന്നേ​ക്കാം. “ഞാൻ ഗൃഹപാ​ഠ​ത്തിൽ കുറെ സഭാ​യോ​ഗ​ങ്ങൾക്കു പോകു​ന്ന​തി​നു​മു​മ്പും ബാക്കി തിരികെ വന്നശേ​ഷ​വു​മാ​ണു ചെയ്യു​ന്നത്‌” എന്ന്‌ ഒരു പെൺകു​ട്ടി പറയു​ക​യു​ണ്ടാ​യി. യോഗ​ങ്ങ​ളുള്ള സായാ​ഹ്ന​ങ്ങ​ളിൽ തങ്ങളുടെ കുട്ടി​കൾക്കു ഗൃഹപാ​ഠം ചെയ്‌തു​തീർക്കാൻ സാധി​ക്കാ​തെ വന്നിട്ടുള്ള സാഹച​ര്യ​ങ്ങ​ളിൽ ക്രിസ്‌തീയ യോഗ​ങ്ങൾക്കു ഹാജരാ​കു​ന്നത്‌ തങ്ങളുടെ കുടും​ബത്തെ സംബന്ധി​ച്ചി​ട​ത്തോ​ളം വളരെ പ്രധാ​ന​മാ​ണെന്ന കാര്യം ചില മാതാ​പി​താ​ക്കൾ അധ്യാ​പ​ക​രോ​ടു വിശദ​മാ​ക്കി​യി​ട്ടുണ്ട്‌.

⁵ ഒരു കുടും​ബം എന്ന നിലയിൽ യോഗ​ങ്ങൾക്കു കൃത്യ​സ​മ​യത്തു ഹാജരാ​കാൻ സാധി​ക്ക​ത്ത​ക്ക​വി​ധം വീട്ടു​ജോ​ലി​കൾ ചെയ്‌തു​തീർക്കാൻ സഹകര​ണ​വും നല്ല ആസൂ​ത്ര​ണ​വും മർമ​പ്ര​ധാ​ന​മാണ്‌. (സദൃ. 20:18) വസ്‌ത്രം ധരിച്ച്‌ തയ്യാറാ​യി പറഞ്ഞസ​മ​യ​ത്തു​തന്നെ യോഗ​ങ്ങൾക്കു പുറ​പ്പെ​ടാൻ ചെറിയ കുട്ടി​കളെ പോലും പരിശീ​ലി​പ്പി​ക്കാൻ കഴിയും. മാതാ​പി​താ​ക്കൾക്ക്‌ തങ്ങളുടെ മാതൃ​ക​യാൽ യോഗ​ങ്ങ​ളു​ടെ പ്രാധാ​ന്യം കുട്ടി​ക​ളു​ടെ മനസ്സിൽ പതിപ്പി​ക്കാൻ കഴിയും.—സദൃ. 20:7.

⁶ ഈ വ്യവസ്ഥി​തി​യി​ലെ സമ്മർദങ്ങൾ വർധി​ക്കവേ, ക്രമമാ​യി യോഗ​ങ്ങൾക്കു ഹാജരാ​കു​ന്നത്‌ നമ്മെ സംബന്ധി​ച്ചി​ട​ത്തോ​ളം ജീവത്‌പ്ര​ധാ​ന​മാണ്‌. കാര്യ​ങ്ങളെ യഹോ​വ​യു​ടെ കാഴ്‌ച​പ്പാ​ടിൽ വീക്ഷി​ക്കു​ന്ന​തി​ലും ക്രമമായ യോഗ​ഹാ​ജ​രി​നു മുൻഗണന നൽകു​ന്ന​തി​ലും നമുക്കു തുടരാം.—എബ്രാ. 10:24, 25.