നിങ്ങൾ ഉൾപ്പെട്ട ഒരു കുതി​ര​പ്പ​ട​യു​ടെ മുന്നേറ്റം

¹ ‘ആറാമത്തെ ദൂതൻ [കാഹളം] ഊതി.’ അപ്പോൾ “പതിനാ​യി​രം മടങ്ങു ഇരുപ​തി​നാ​യി​രം” വരുന്ന “കുതി​രപ്പട” ഇരമ്പ​ലോ​ടെ മുന്നോ​ട്ടു പാഞ്ഞു. ഇത്‌ ഒരു സാധാരണ സൈനി​ക​സേന അല്ല. “കുതി​ര​ക​ളു​ടെ തല സിംഹ​ങ്ങ​ളു​ടെ തലപോ​ലെ”യും ‘വാൽ സർപ്പ​ത്തെ​പ്പോ​ലെ​യും’ ആണ്‌. അവയുടെ വായിൽനിന്ന്‌ തീയും പുകയും ഗന്ധകവും പുറ​പ്പെ​ടു​ന്നു. മുന്നോ​ട്ടു പായുന്ന ഈ പ്രതീ​കാ​ത്മക കുതി​രപ്പട കനത്ത നാശം വിതയ്‌ക്കു​ന്നു. (വെളി. 9:13-19) ശ്രദ്ധേ​യ​മായ ഈ പ്രാവ​ച​നിക ദർശന​ത്തി​ന്റെ നിവൃ​ത്തി​യിൽ നിങ്ങൾ ഉൾപ്പെ​ട്ടി​രി​ക്കു​ന്നത്‌ എങ്ങനെ​യാണ്‌?

² അഭിഷിക്ത ശേഷി​പ്പും അവരുടെ സഹകാ​രി​ക​ളായ വേറെ ആടുക​ളും ഐക്യ​ത്തിൽ ദൈവ​ത്തി​ന്റെ ന്യായ​വി​ധി​കൾ അറിയി​ക്കു​ന്നു. ഇതുമൂ​ലം ക്രൈ​സ്‌ത​വ​ലോ​ക​ത്തി​ന്റെ ആത്മീയ മൃതാവസ്ഥ തുറന്നു​കാ​ട്ട​പ്പെ​ടു​ന്നു. ദൈവ​ദാ​സ​രു​ടെ ശുശ്രൂഷ ഇത്രയ്‌ക്കു ഫലപ്ര​ദ​മാ​യി​രി​ക്കു​ന്ന​തി​ന്റെ കാരണം വ്യക്തമാ​ക്കുന്ന, പ്രാവ​ച​നിക ദർശന​ത്തി​ലെ രണ്ടു സവി​ശേ​ഷ​തകൾ നമുക്കി​പ്പോൾ പരി​ശോ​ധി​ക്കാം.

³ ദൈവത്തിന്റെ സന്ദേശം ഘോഷി​ക്കാൻ പരിശീ​ലി​പ്പി​ക്ക​പ്പെ​ടു​ക​യും സജ്ജരാ​ക്ക​പ്പെ​ടു​ക​യും ചെയ്‌തി​രി​ക്കു​ന്നു: ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ലൂ​ടെ​യും മറ്റു സഭാ​യോ​ഗ​ങ്ങ​ളി​ലൂ​ടെ​യും ദൈവ​ത്തി​ന്റെ ശുശ്രൂ​ഷകർ അവന്റെ സന്ദേശം ആധികാ​രി​ക​ത​യോ​ടെ ഘോഷി​ക്കാൻ പരിശീ​ലി​പ്പി​ക്ക​പ്പെ​ട്ടി​രി​ക്കു​ന്നു. യേശു​വി​നെ​യും അവന്റെ അനുഗാ​മി​ക​ളെ​യും അനുക​രി​ച്ചു​കൊണ്ട്‌ അർഹരാ​യ​വരെ തേടി അവർ ആളുകളെ കണ്ടെത്താൻ സാധ്യ​ത​യുള്ള എല്ലായി​ട​ത്തും സുവാർത്ത ഘോഷി​ക്കു​ന്നു. (മത്താ. 10:11; മർക്കൊ. 1:16; ലൂക്കൊ. 4:15; പ്രവൃ. 20:18-20) സുവാർത്ത പ്രസം​ഗി​ക്കാ​നുള്ള ബൈബി​ള​ധി​ഷ്‌ഠി​ത​മായ ഈ മാർഗം എത്ര ഫലപ്ര​ദ​മാണ്‌!

⁴ ദിവ്യനിയുക്തമായ പ്രസം​ഗ​പ്ര​വർത്ത​ന​ത്തിൽ ഏർപ്പെ​ടവേ ക്രിസ്‌തീയ ശുശ്രൂ​ഷകർ ശതകോ​ടി​ക്ക​ണ​ക്കി​നു ബൈബി​ളു​ക​ളും പുസ്‌ത​ക​ങ്ങ​ളും ലഘുപ​ത്രി​ക​ക​ളും മാസി​ക​ക​ളും വിതരണം ചെയ്‌തി​ട്ടുണ്ട്‌. ഈ പ്രസി​ദ്ധീ​ക​ര​ണങ്ങൾ ഏതാണ്ട്‌ 400 ഭാഷക​ളിൽ അച്ചടി​ക്ക​പ്പെ​ട്ടി​ട്ടുണ്ട്‌. വൈവി​ധ്യ​മാർന്ന ഒട്ടനവധി വിഷയ​ങ്ങ​ളോ​ടെ, വ്യത്യസ്‌ത പശ്ചാത്ത​ല​ങ്ങ​ളിൽനി​ന്നുള്ള ആളുകളെ ആകർഷി​ക്കാൻ പോന്ന വിധത്തി​ലാണ്‌ ഈ പ്രസി​ദ്ധീ​ക​ര​ണങ്ങൾ തയ്യാറാ​ക്ക​പ്പെ​ടു​ന്നത്‌. നിങ്ങൾ ഈ ഉപകര​ണ​ങ്ങളെ ഫലപ്ര​ദ​മാ​യി ഉപയോ​ഗി​ക്കു​ന്നു​ണ്ടോ?

⁵ സ്വർഗീയ മാർഗ​നിർദേ​ശ​വും പിന്തു​ണ​യും: പ്രതീ​കാ​ത്മക കുതി​ര​പ്പ​ട​യു​ടെ മുന്നേറ്റം പ്രതി​നി​ധാ​നം ചെയ്യുന്ന പ്രവർത്ത​ന​ത്തിന്‌ ദിവ്യ പിന്തു​ണ​യുണ്ട്‌ എന്നും പ്രാവ​ച​നിക ദർശനം വ്യക്തമാ​ക്കു​ന്നു. (വെളി. 9:13-15) ആഗോള പ്രസം​ഗ​വേല നിർവ​ഹി​ക്ക​പ്പെ​ടു​ന്നത്‌ മാനു​ഷിക ജ്ഞാനത്താ​ലോ ശക്തിയാ​ലോ അല്ല, മറിച്ച്‌ ദൈവ​ത്തി​ന്റെ ആത്മാവി​നാ​ലാണ്‌. (സെഖ. 4:6) ഈ വേലയെ നയിക്കാൻ യഹോവ ദൂതന്മാ​രെ ഉപയോ​ഗി​ക്കു​ന്നു. (വെളി. 14:6) അങ്ങനെ, സൗമ്യരെ യഹോ​വ​യി​ലേക്ക്‌ അടുപ്പി​ക്കാൻ മനുഷ്യ സാക്ഷികൾ ചെയ്യുന്ന ശ്രമങ്ങൾക്ക്‌ അവൻ സ്വർഗീയ പിന്തുണ പ്രദാനം ചെയ്യുന്നു.—യോഹ. 6:45, 65.

⁶ ദൈവത്തിന്റെ സന്ദേശം ഘോഷി​ക്കാൻ പരിശീ​ലി​പ്പി​ക്ക​പ്പെ​ടു​ക​യും സജ്ജരാ​ക്ക​പ്പെ​ടു​ക​യും ചെയ്‌തി​രി​ക്കുന്ന, ദൂത മാർഗ​നിർദേ​ശ​ത്തിൻ കീഴിൽ പ്രവർത്തി​ക്കുന്ന, യഹോ​വ​യു​ടെ ജനത്തെ ആർക്കും തടുക്കാ​നാ​വില്ല. ആവേശം പകരുന്ന ഈ പ്രാവ​ച​നിക ദർശന​ത്തി​ന്റെ നിവൃ​ത്തി​യി​ലെ നമ്മുടെ പങ്കുവ​ഹി​ക്കു​ന്ന​തിൽ നമുക്കു തുടരാം.

[അധ്യയന ചോദ്യ​ങ്ങൾ]

1, 2. വെളി​പ്പാ​ടു 9:13-19-ൽ രേഖ​പ്പെ​ടു​ത്തി​യി​രി​ക്കുന്ന പ്രാവ​ച​നിക ദർശന​ത്തി​ന്റെ നിവൃ​ത്തി​യിൽ ദൈവ​ദാ​സർ ഇന്ന്‌ ഉൾപ്പെ​ട്ടി​രി​ക്കു​ന്നത്‌ ഏതുവി​ധ​ത്തിൽ?

3. ദൈവ​ത്തി​ന്റെ സന്ദേശം ഫലപ്ര​ദ​മാ​യി ഘോഷി​ക്കാൻ നിങ്ങൾക്ക്‌ എന്തു പരിശീ​ലനം ലഭിച്ചി​രി​ക്കു​ന്നു?

4. തങ്ങളുടെ വേല നിർവ​ഹി​ക്കാൻ പ്രസാ​ധ​ക​രിൽ മിക്കവർക്കും എന്ത്‌ ഉപകര​ണങ്ങൾ ലഭ്യമാണ്‌?

5, 6. യഹോ​വ​യു​ടെ ജനത്തിന്‌ സ്വർഗീയ പിന്തു​ണ​യുണ്ട്‌ എന്ന്‌ എന്തു സൂചി​പ്പി​ക്കു​ന്നു?