‘വിശാ​ല​രാ​കു​വിൻ’

¹ ക്രിസ്‌തീയ സഹോ​ദ​ര​വർഗ​ത്തി​ന്റെ ഭാഗമായ നമുക്ക്‌ ഓരോ​രു​ത്തർക്കും സഭയുടെ ഊഷ്‌മ​ള​മായ അന്തരീ​ക്ഷ​ത്തി​നു സംഭാവന ചെയ്യാ​നുള്ള ഉത്തരവാ​ദി​ത്വ​മുണ്ട്‌. (1 പത്രൊ. 1:22; 2:17) അന്യോ​ന്യ​മുള്ള ‘ആർദ്ര​പ്രി​യ​ത്തിൽ’ (NW) നാം ‘വിശാ​ല​രാ​കു​മ്പോൾ’ അത്തരം ഊഷ്‌മളത കൈവ​രു​ന്നു. (2 കൊരി. 6:12, 13) നമ്മുടെ സഹോ​ദ​രീ​സ​ഹോ​ദ​ര​ന്മാ​രെ അടുത്ത​റി​യു​ന്നത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊ​ണ്ടാണ്‌?

² സുഹൃദ്‌ബന്ധങ്ങൾ ദൃഢമാ​കു​ന്നു: സഹവി​ശ്വാ​സി​കളെ എത്ര നന്നായി അറിയു​ന്നു​വോ അവരുടെ വിശ്വാ​സം, സഹിഷ്‌ണുത തുടങ്ങിയ നല്ല ഗുണങ്ങളെ നാം അത്രയ​ധി​കം വിലമ​തി​ക്കാൻ ഇടയാ​കും. അവരുടെ കുറവു​കൾ മുമ്പത്തെ അത്രയും വലുതാ​യി കാണ​പ്പെ​ടു​ക​യില്ല. അങ്ങനെ സുഹൃ​ദ്‌ബ​ന്ധങ്ങൾ വളരുന്നു. പരസ്‌പരം അടുത്ത​റി​യു​മ്പോൾ അന്യോ​ന്യം ‘കെട്ടു​പ​ണി​ചെ​യ്യു​ന്ന​തി​നും ആശ്വസി​പ്പി​ക്കു​ന്ന​തി​നും’ നമുക്കു മെച്ചമാ​യി സാധി​ക്കും. (1 തെസ്സ. 5:11, NW) സാത്താന്റെ അധീന​ത​യി​ലുള്ള ലോക​ത്തി​ന്റെ അനാ​രോ​ഗ്യ​ക​ര​മായ സ്വാധീ​ന​ങ്ങളെ ചെറു​ത്തു​നിൽക്കു​ന്ന​തി​നോ​ടുള്ള ബന്ധത്തിൽ അന്യോ​ന്യം “ബലപ്പെ​ടു​ത്തുന്ന ഒരു സഹായ​മാ​യി” വർത്തി​ക്കാൻ നമുക്കു സാധി​ക്കും. (കൊലൊ. 4:11, NW) സമ്മർദ​പൂ​രി​ത​മായ ഈ അന്ത്യനാ​ളു​ക​ളിൽ യഹോ​വ​യു​ടെ ജനത്തിന്റെ ഇടയിൽ നല്ല സുഹൃ​ത്തു​ക്കൾ ഉണ്ടായി​രി​ക്കു​ന്ന​തിൽ നാം എത്ര നന്ദിയു​ള്ള​വ​രാണ്‌!—സദൃ. 18:24.

³ കഠിനമായ പരി​ശോ​ധ​ന​കളെ നേരി​ടു​മ്പോൾ അടുത്ത സുഹൃ​ത്തു​ക്കൾക്ക്‌ സവി​ശേ​ഷ​മായ ഒരു വിധത്തിൽ ബലവും ആശ്വാ​സ​വും പ്രദാനം ചെയ്യാൻ കഴിയും. (സദൃ. 17:17) താൻ തീരെ വിലയി​ല്ലാ​ത്ത​വ​ളാണ്‌ എന്ന ചിന്തയു​മാ​യി പോരാ​ടേ​ണ്ടി​വന്ന ഒരു ക്രിസ്‌ത്യാ​നി തന്റെ അനുഭവം അനുസ്‌മ​രി​ക്കു​ന്നു: “ചില കൂട്ടു​കാർ എന്റെ നിഷേ​ധാ​ത്മക ചിന്തകളെ തരണം ചെയ്യാൻ സഹായി​ക്കുന്ന വിധത്തി​ലുള്ള നല്ല കാര്യങ്ങൾ എന്നെ കുറിച്ചു പറയു​മാ​യി​രു​ന്നു.” അത്തരം സുഹൃ​ത്തു​ക്കൾ യഹോ​വ​യിൽനി​ന്നുള്ള ഒരു അനു​ഗ്ര​ഹ​മാണ്‌.—സദൃ. 27:9.

⁴ മറ്റുള്ളവരിൽ താത്‌പ​ര്യം പ്രകട​മാ​ക്കുക: സഹവി​ശ്വാ​സി​ക​ളോ​ടുള്ള ആർദ്ര​പ്രി​യ​ത്തിൽ നമുക്ക്‌ എങ്ങനെ വിശാ​ല​രാ​കാൻ കഴിയും? ക്രിസ്‌തീയ യോഗ​ങ്ങ​ളിൽ മറ്റുള്ള​വരെ അഭിവാ​ദനം ചെയ്യു​ന്ന​തി​നു പുറമേ അവരു​മാ​യി അർഥവ​ത്തായ സംഭാ​ഷ​ണങ്ങൾ നടത്താൻ ശ്രമം ചെയ്യുക. വ്യക്തി​പ​ര​മായ കാര്യ​ങ്ങ​ളിൽ തലയി​ടാ​തെ​തന്നെ അവരിൽ വ്യക്തിഗത താത്‌പ​ര്യം പ്രകട​മാ​ക്കുക. (ഫിലി. 2:4; 1 പത്രൊ. 4:15) ഇനി, മറ്റുള്ള​വ​രിൽ താത്‌പ​ര്യം കാണി​ക്കാ​വുന്ന മറ്റൊരു മാർഗം അവരെ ഭക്ഷണത്തി​നു ക്ഷണിക്കുക എന്നതാണ്‌. (ലൂക്കൊ. 14:12-14) അല്ലെങ്കിൽ വയൽശു​ശ്രൂ​ഷ​യിൽ അവരോ​ടൊ​ത്തു പ്രവർത്തി​ക്കാൻ നിങ്ങൾക്കു ക്രമീ​ക​രി​ക്കാ​നാ​യേ​ക്കും. (ലൂക്കൊ. 10:1) സഹോ​ദ​ര​ങ്ങളെ കൂടുതൽ അടുത്ത​റി​യാൻ മുൻകൈ എടുക്കു​മ്പോൾ സഭയുടെ ‘ഐക്യ​ത്തിന്‌’ സംഭാവന ചെയ്യു​ക​യാ​യി​രി​ക്കും നാം.—കൊലൊ. 3:14, NW.

⁵ സമപ്രായക്കാരെയോ നമ്മു​ടേ​തി​നു സമാന​മായ താത്‌പ​ര്യ​ങ്ങൾ ഉള്ളവ​രെ​യോ മാത്രം അടുത്ത സഹകാ​രി​ക​ളാ​യി തിര​ഞ്ഞെ​ടു​ക്കാ​നുള്ള ഒരു പ്രവണത നമുക്കു​ണ്ടോ? സഭയിലെ നമ്മുടെ സുഹൃ​ദ്‌ബ​ന്ധ​ങ്ങളെ പരിമി​ത​പ്പെ​ടു​ത്താൻ അത്തരം ഘടകങ്ങളെ നാം അനുവ​ദി​ക്ക​രുത്‌. പ്രായ​വ്യ​ത്യാ​സ​മു​ണ്ടാ​യി​രു​ന്നി​ട്ടും വിവിധ പശ്ചാത്ത​ല​ങ്ങ​ളിൽ നിന്നു​ള്ളവർ ആയിരു​ന്നി​ട്ടും ദാവീ​ദും യോനാ​ഥാ​നും അതു​പോ​ലെ രൂത്തും നൊ​വൊ​മി​യും ശക്തമായ സുഹൃ​ദ്‌ബ​ന്ധങ്ങൾ വളർത്തി​യെ​ടു​ത്തു. (രൂത്ത്‌ 4:15; 1 ശമൂ. 18:1) നിങ്ങളു​ടെ സുഹൃ​ദ്വ​ലയം വിശാ​ല​മാ​ക്കാൻ കഴിയു​മോ? അതിന്‌ അപ്രതീ​ക്ഷി​ത​മായ പല അനു​ഗ്ര​ഹ​ങ്ങ​ളും കൈവ​രു​ത്താ​നാ​കും.

⁶ മറ്റുള്ളവരോടുള്ള ആർദ്ര​പ്രി​യ​ത്തിൽ വിശാ​ല​രാ​കു​ന്ന​തി​ലൂ​ടെ നാം അന്യോ​ന്യം ബലപ്പെ​ടു​ത്തു​ക​യും സഭയിലെ സമാധാ​നത്തെ ഉന്നമി​പ്പി​ക്കു​ക​യും ചെയ്യും. കൂടാതെ, സഹോ​ദ​ര​ങ്ങ​ളോ​ടു കാണി​ക്കുന്ന സ്‌നേ​ഹ​ത്തിന്‌ യഹോ​വ​തന്നെ നമ്മെ അനു​ഗ്ര​ഹി​ക്കും. (സങ്കീ. 41:1, 2; എബ്രാ. 6:10) കഴിയു​ന്നത്ര സഹോ​ദ​ര​ങ്ങളെ മെച്ചമാ​യി പരിച​യ​പ്പെ​ടാൻ നിങ്ങൾക്ക്‌ ഒരു ലക്ഷ്യം വെച്ചു​കൂ​ടേ?

[അധ്യയന ചോദ്യ​ങ്ങൾ]

1. നമുക്ക്‌ ഓരോ​രു​ത്തർക്കും എന്ത്‌ ഉത്തരവാ​ദി​ത്വ​മുണ്ട്‌?

2. സഹവി​ശ്വാ​സി​ക​ളു​മാ​യി സൗഹൃദം വളർത്തി​യെ​ടു​ക്കു​ന്നത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

3. നമുക്ക്‌ എങ്ങനെ മറ്റുള്ള​വർക്ക്‌ ബലപ്പെ​ടു​ത്തുന്ന ഒരു സഹായ​മാ​യി​രി​ക്കാൻ കഴിയും?

4. സഭയിലെ മറ്റുള്ള​വരെ നമുക്ക്‌ എങ്ങനെ കൂടുതൽ അടുത്ത​റി​യാൻ കഴിയും?

5. നമ്മുടെ സുഹൃ​ദ്വ​ലയം വിശാ​ല​മാ​ക്കാ​നുള്ള ഒരു വഴി എന്ത്‌?

6. സഹോ​ദ​ര​ങ്ങ​ളോ​ടുള്ള ആർദ്ര​പ്രി​യ​ത്തിൽ വിശാ​ല​രാ​കു​ന്ന​തി​ന്റെ ചില പ്രയോ​ജ​നങ്ങൾ ഏവ?