തന്നിൽ ആശ്രയി​ക്കു​ന്ന​വരെ യഹോവ സഹായി​ക്കു​ന്നു

¹ വിജയത്തിന്റെ നിർണാ​യ​ക​ഘ​ട​ക​ങ്ങ​ളാ​യി പല ആളുക​ളും വീക്ഷി​ക്കു​ന്നത്‌ പണം, അധികാ​രം, മാനു​ഷിക വൈദ​ഗ്‌ധ്യ​ങ്ങൾ എന്നിവ​യെ​യാണ്‌. (സങ്കീ. 12:4; 33:16, 17; 49:6) എന്നാൽ യഹോ​വയെ ഭയപ്പെട്ട്‌ അവനിൽ ആശ്രയം വെക്കു​ന്ന​വർക്ക്‌ “അവൻ അവരുടെ സഹായ​വും പരിച​യും ആകുന്നു” എന്ന്‌ ബൈബിൾ ഉറപ്പു നൽകുന്നു. (സങ്കീ. 115:11) യഹോ​വ​യിൽ ആശ്രയം പ്രകട​മാ​ക്കേണ്ട രണ്ടു മേഖലകൾ നമുക്കു പരിചി​ന്തി​ക്കാം.

² ക്രിസ്‌തീയ ശുശ്രൂ​ഷകർ എന്ന നിലയിൽ: സഭയിൽ നിയമ​നങ്ങൾ കൈകാ​ര്യം ചെയ്യു​ക​യും വയൽശു​ശ്രൂ​ഷ​യിൽ ആളുകളെ പഠിപ്പി​ക്കു​ക​യും ചെയ്യുന്ന എല്ലാ അവസര​ങ്ങ​ളി​ലും നാം നമ്മുടെ ദൈവ​ത്തിൽ ആശ്രയി​ക്കണം. യേശു​വി​ന്റെ ദൃഷ്ടാന്തം പരിചി​ന്തി​ക്കുക. ദൈവ​പു​ത്രൻ ആയിരു​ന്നി​ട്ടും സ്വന്തജ്ഞാ​ന​ത്തി​ലോ കഴിവി​ലോ ആശ്രയി​ക്കാ​തെ അവൻ പൂർണ​മാ​യും തന്റെ സ്വർഗീയ പിതാ​വിൽ ആശ്രയി​ച്ചു. (യോഹ. 12:49; 14:10) നാം അത്‌ എത്ര അധിക​മാ​യി ചെയ്യേ​ണ്ടി​യി​രി​ക്കു​ന്നു! (സദൃ. 3:5-7) യഹോ​വ​യു​ടെ അനു​ഗ്ര​ഹ​ത്താൽ മാത്രമേ, നമ്മുടെ എളിയ ശ്രമങ്ങൾ അവന്റെ മഹത്ത്വ​ത്തി​ലും മറ്റുള്ള​വ​രു​ടെ പ്രയോ​ജ​ന​ത്തി​ലും കലാശി​ക്കു​ക​യു​ള്ളൂ.—സങ്കീ. 127:1, 2.

³ യഹോവയുടെ മാർഗ​നിർദേ​ശ​ത്തി​നും അവന്റെ പരിശു​ദ്ധാ​ത്മാ​വി​ന്റെ സഹായ​ത്തി​നും വേണ്ടി പ്രാർഥി​ക്കു​മ്പോൾ നാം അവനി​ലുള്ള ആശ്രയം പ്രകട​മാ​ക്കു​ന്നു. (സങ്കീ. 105:4; ലൂക്കൊ. 11:13) നമ്മുടെ പഠിപ്പി​ക്ക​ലു​കൾ ദൈവ​ത്തി​ന്റെ വചനമായ ബൈബി​ളിൽ അടിസ്ഥാ​ന​പ്പെ​ടു​ത്തു​ക​യാണ്‌ അവനി​ലുള്ള ആശ്രയം പ്രകട​മാ​ക്കു​ന്ന​തി​നുള്ള മറ്റൊരു മാർഗം. അതിന്റെ സന്ദേശ​ത്തിന്‌ ആളുക​ളു​ടെ ഹൃദയ​ങ്ങളെ സ്‌പർശി​ക്കാ​നും ജീവി​ത​ത്തി​നു പരിവർത്തനം വരുത്താ​നു​മുള്ള ശക്തിയുണ്ട്‌. (എബ്രാ. 4:12) നാം ‘ദൈവം നല്‌കുന്ന പ്രാപ്‌തിക്ക്‌ ഒത്തവണ്ണം ശുശ്രൂഷ ചെയ്യു​മ്പോൾ’ അത്‌ യഹോ​വയെ മഹത്ത്വ​പ്പെ​ടു​ത്തു​ന്നു.—1 പത്രൊ. 4:11.

⁴ പ്രശ്‌നങ്ങൾ കൈകാ​ര്യം ചെയ്യു​മ്പോൾ: സമ്മർദ​ങ്ങ​ളും പ്രശ്‌ന​ങ്ങ​ളും നേരി​ടു​മ്പോ​ഴും നാം സഹായ​ത്തി​നാ​യി യഹോ​വ​യി​ലേക്കു നോ​ക്കേ​ണ്ട​തുണ്ട്‌. (സങ്കീ. 46:1) ദൃഷ്ടാ​ന്ത​ത്തിന്‌, സമ്മേള​ന​ത്തി​നു പോകു​ന്ന​തിന്‌ അവധി തരാൻ തൊഴി​ലു​ടമ വിസമ്മ​തി​ച്ചേ​ക്കാം. അല്ലെങ്കിൽ നാം കുടും​ബ​ത്തിൽ വെല്ലു​വി​ളി നിറഞ്ഞ ഒരു സാഹച​ര്യ​ത്തെ നേരി​ട്ടേ​ക്കാം. അത്തരം സന്ദർഭ​ങ്ങ​ളിൽ ആത്മാർഥ​മാ​യി പ്രാർഥി​ച്ചു​കൊ​ണ്ടും തന്റെ വചനത്തി​ലൂ​ടെ​യും സംഘട​ന​യി​ലൂ​ടെ​യും അവൻ പ്രദാനം ചെയ്യുന്ന മാർഗ​നിർദേ​ശങ്ങൾ ബാധക​മാ​ക്കി​ക്കൊ​ണ്ടും നാം യഹോ​വ​യി​ലുള്ള ആശ്രയം പ്രകട​മാ​ക്കു​ന്നു. (സങ്കീ. 62:8; 119:143, 173) അപ്രകാ​രം ചെയ്യവേ, യഹോ​വ​യു​ടെ സഹായ​ഹ​സ്‌തം തങ്ങളുടെ ജീവി​ത​ത്തിൽ പ്രവർത്തി​ക്കു​ന്നത്‌ അവന്റെ ദാസർക്ക്‌ അനുഭ​വി​ച്ച​റി​യാൻ കഴിയു​ന്നു.—സങ്കീ. 37:5; 118:13, 16.

⁵ യഹോവതന്നെ നമുക്ക്‌ ഈ ഉറപ്പു നൽകുന്നു: “യഹോ​വ​യിൽ ആശ്രയി​ക്ക​യും യഹോവ തന്നേ ആശ്രയ​മാ​യി​രി​ക്ക​യും ചെയ്യുന്ന മനുഷ്യൻ ഭാഗ്യ​വാൻ.” (യിരെ. 17:7) നാം ചെയ്യുന്ന എല്ലാറ്റി​ലും അവനി​ലുള്ള ആശ്രയം നമുക്കു പ്രകട​മാ​ക്കാം!—സങ്കീ. 146:5.