പയനിയർ ആത്മാവ്‌ പ്രകടി​പ്പി​ക്കു​വിൻ

¹ ഇപ്പോൾ പയനി​യർമാ​രാ​യി പ്രവർത്തി​ക്കാൻ കഴിഞ്ഞാ​ലും ഇല്ലെങ്കി​ലും എല്ലാ രാജ്യ പ്രസാ​ധ​കർക്കും പയനിയർ ആത്മാവു പ്രകടി​പ്പി​ക്കാൻ സാധി​ക്കും. പ്രസം​ഗി​ക്കാ​നും ശിഷ്യരെ ഉളവാ​ക്കാ​നു​മുള്ള കൽപ്പന അനുസ​രി​ക്കാൻ എല്ലാ പ്രസാ​ധ​ക​രും അതിയാ​യി ആഗ്രഹി​ക്കു​ന്നു. (മത്താ. 28:19, 20; പ്രവൃ. 18:5) അവർക്ക്‌ ആളുക​ളിൽ യഥാർഥ താത്‌പ​ര്യ​മുണ്ട്‌, ശുശ്രൂഷ നിർവ​ഹി​ക്കു​ന്ന​തിന്‌ അവർ പല ത്യാഗ​ങ്ങ​ളും അനുഷ്‌ഠി​ക്കു​ന്നു. (മത്താ. 9:36; പ്രവൃ. 20:24) സത്യം മനസ്സി​ലാ​ക്കാൻ മറ്റുള്ള​വരെ സഹായി​ക്കു​ന്ന​തിന്‌ എന്തു സഹായ​വും ചെയ്യാൻ യഹോ​വ​യു​ടെ ദാസർ മനസ്സൊ​രു​ക്ക​മു​ള്ള​വ​രാണ്‌. (1 കൊരി. 9:19-23) അത്തരം ആത്മാവു​ണ്ടാ​യി​രുന്ന ഫിലി​പ്പൊസ്‌ എന്ന സുവി​ശേ​ഷ​കന്റെ ദൃഷ്ടാന്തം നമുക്കു പരിചി​ന്തി​ക്കാം.

² പ്രസംഗിക്കലും പഠിപ്പി​ക്ക​ലും: ഫിലി​പ്പൊ​സിന്‌ ഒന്നാം നൂറ്റാ​ണ്ടി​ലെ സഭയിൽ ഗൗരവ​മേ​റിയ ഉത്തരവാ​ദി​ത്വ​ങ്ങൾ ഉണ്ടായി​രു​ന്നു. (പ്രവൃ. 6:1-6) എങ്കിലും തീക്ഷ്‌ണ​ത​യുള്ള ഒരു സുവി​ശേ​ഷകൻ എന്ന നിലയി​ലാ​യി​രു​ന്നു അവൻ പ്രധാ​ന​മാ​യും സഭയിൽ സേവി​ച്ചി​രു​ന്നത്‌. (പ്രവൃ. 8:40) അതു​കൊണ്ട്‌ ഇന്ന്‌, തങ്ങളുടെ നിയമിത ഉത്തരവാ​ദി​ത്വ​ങ്ങൾ നിറ​വേ​റ്റു​ന്ന​തി​നോ​ടൊ​പ്പം, ശുശ്രൂ​ഷ​യിൽ ഉത്സാഹ​പൂർവ​മായ നേതൃ​ത്വ​മെ​ടു​ത്തു​കൊണ്ട്‌ മൂപ്പന്മാർക്കും ശുശ്രൂ​ഷാ ദാസന്മാർക്കും പയനിയർ ആത്മാവു പ്രകടി​പ്പി​ക്കാൻ കഴിയും. ഇത്‌ സഭയുടെ ആത്മാവി​നെ എത്രയ​ധി​കം ഉത്തേജി​പ്പി​ക്കു​ന്നു!—റോമ. 12:11.

³ സ്‌തെഫാനൊസിന്റെ മരണത്തെ തുടർന്ന്‌ ആഞ്ഞടിച്ച പീഡന തരംഗം ശിഷ്യ​ന്മാ​രു​ടെ ജീവനു ഭീഷണി ഉയർത്തി. എന്നിരു​ന്നാ​ലും ഫിലി​പ്പൊസ്‌ പ്രസം​ഗ​വേ​ല​യിൽനി​ന്നു പിന്മാ​റി​യില്ല. ശമര്യ​രു​ടെ​യി​ട​യിൽ പ്രസം​ഗി​ക്കു​ന്ന​തിൽ അവൻ ഒരു പ്രധാന പങ്കുവ​ഹി​ച്ചു. (പ്രവൃ. 8:1, 4-6, 12, 14-17) പരി​ശോ​ധ​നകൾ നേരി​ടു​മ്പോൾ പോലും സുവാർത്ത പ്രസി​ദ്ധ​മാ​ക്കി​ക്കൊ​ണ്ടും കണ്ടുമു​ട്ടുന്ന ഏവരോ​ടും മുഖപ​ക്ഷ​മി​ല്ലാ​തെ പ്രസം​ഗി​ച്ചു​കൊ​ണ്ടും നമുക്ക്‌ ഫിലി​പ്പൊ​സി​ന്റെ മാതൃക അനുക​രി​ക്കാൻ കഴിയും.—യോഹ. 4:9.

⁴ ദൈവവചനം പഠിപ്പി​ക്കുന്ന ഒരുവൻ എന്ന നിലയി​ലുള്ള ഫിലി​പ്പൊ​സി​ന്റെ മികവ്‌ എത്യോ​പ്യൻ ഷണ്ഡനു​മാ​യുള്ള സംഭാ​ഷ​ണത്തെ കുറി​ച്ചുള്ള വിവര​ണ​ത്തിൽ കാണാ​നാ​കും. (പ്രവൃ. 8:26-38) ബൈബിൾ ഉപയോ​ഗി​ക്കാ​നുള്ള കഴിവു വർധി​പ്പി​ക്കു​ന്ന​തും ‘തിരു​വെ​ഴു​ത്തു​കളെ ആധാര​മാ​ക്കി [ന്യായ]വാദം ചെയ്യു​ന്ന​തും’ പയനിയർ ആത്മാവു പ്രകടി​പ്പി​ക്കാ​വുന്ന മറ്റൊരു വിധമാണ്‌. (പ്രവൃ. 17:2, 3) ഫിലി​പ്പൊ​സി​നെ​പ്പോ​ലെ, അനു​യോ​ജ്യ​മായ ഏത്‌ അവസര​ത്തി​ലും ആളുകളെ കണ്ടെത്താൻ കഴിയുന്ന ഏതൊരു സ്ഥലത്തും സുവാർത്ത പങ്കു​വെ​ക്കാൻ നാം ശ്രമി​ക്കു​ന്നു.

⁵ കുടുംബവും സഭയും: ഫിലി​പ്പൊ​സി​ന്റെ മനോ​ഭാ​വ​വും മാതൃ​ക​യും അവന്റെ മക്കളു​ടെ​മേൽ ക്രിയാ​ത്മ​ക​മായ പ്രഭാവം ചെലുത്തി എന്നതിനു സംശയ​മില്ല. (പ്രവൃ. 21:9) സമാന​മാ​യി, തങ്ങളുടെ ജീവിതം രാജ്യ​താ​ത്‌പ​ര്യ​ങ്ങ​ളിൽ കേന്ദ്രീ​ക​രി​ക്കുന്ന ക്രിസ്‌തീയ മാതാ​പി​താ​ക്കൾ തങ്ങളുടെ കുട്ടി​കളെ അതുതന്നെ ചെയ്യാൻ പ്രോ​ത്സാ​ഹി​പ്പി​ക്കു​ന്നു. വാരാ​ന്ത്യ​ത്തിൽ, ക്ഷീണം ഉണ്ടായി​രി​ക്കാ​മെ​ങ്കി​ലും അതീവ ഉത്സാഹ​ത്തോ​ടെ പ്രസം​ഗ​വേ​ല​യിൽ ഏർപ്പെ​ടുന്ന ഒരു പിതാവ്‌ അല്ലെങ്കിൽ മാതാവ്‌ കുട്ടി​യു​ടെ ഹൃദയ​ത്തിൽ നിലനിൽക്കുന്ന മതിപ്പ്‌ ഉളവാ​ക്കു​ന്നു.—സദൃ. 22:6.

⁶ യഹോവയുടെ സേവന​ത്തിൽ തീക്ഷ്‌ണ​മാ​യി അധ്വാ​നി​ച്ചു​കൊ​ണ്ടി​രുന്ന പൗലൊ​സി​നും ലൂക്കൊ​സി​നും ഫിലി​പ്പൊസ്‌ ആതിഥ്യം നൽകി. (പ്രവൃ. 21:8, 10) ഇന്ന്‌ തീക്ഷ്‌ണത പ്രകട​മാ​ക്കു​ന്ന​വ​രോ​ടു വിലമ​തി​പ്പു കാണി​ക്കാ​നും അവരെ പിന്തു​ണ​യ്‌ക്കാ​നും നമുക്ക്‌ എങ്ങനെ​യാ​ണു കഴിയു​ന്നത്‌? വയലിൽ പ്രവർത്തി​ക്കാൻ ആളുകൾ കുറവുള്ള ഒരു ദിവസം രാവി​ലെ​യോ ഉച്ചകഴി​ഞ്ഞോ ശുശ്രൂ​ഷ​യിൽ അവരോ​ടൊ​പ്പം പ്രവർത്തി​ക്കാൻ നമുക്കു കഴിയും. (ഫിലി. 2:4) കെട്ടു​പണി ചെയ്യുന്ന സഹവാ​സ​ത്തി​നാ​യി അവരെ വീട്ടി​ലേക്കു ക്ഷണിക്കാ​നാ​കും. നമ്മുടെ സാഹച​ര്യം എന്തുതന്നെ ആയിരു​ന്നാ​ലും നമു​ക്കെ​ല്ലാ​വർക്കും പയനിയർ ആത്മാവു പ്രകടി​പ്പി​ക്കാൻ പരി​ശ്ര​മി​ക്കാം.

[അധ്യയന ചോദ്യ​ങ്ങൾ]

1. പയനിയർ ആത്മാവ്‌ എന്താണ്‌? വിശദീ​ക​രി​ക്കുക.

2. മൂപ്പന്മാർക്കും ശുശ്രൂ​ഷാ​ദാ​സ​ന്മാർക്കും, ഫിലി​പ്പൊ​സിന്‌ ശുശ്രൂ​ഷ​യിൽ ഉണ്ടായി​രുന്ന തീക്ഷ്‌ണത അനുക​രി​ക്കാൻ കഴിയു​ന്നത്‌ എങ്ങനെ?

3. പരി​ശോ​ധ​നകൾ നേരി​ടു​മ്പോൾ പോലും നമുക്ക്‌ പയനിയർ ആത്മാവ്‌ പ്രകടി​പ്പി​ക്കാൻ കഴിയു​ന്നത്‌ എങ്ങനെ?

4. ദൈവ​വ​ചനം പഠിപ്പി​ക്കുന്ന ഒരുവൻ എന്ന നിലയിൽ ഫിലി​പ്പൊസ്‌ എന്തു ദൃഷ്ടാ​ന്ത​മാ​ണു വെച്ചത്‌?

5. കുട്ടി​ക​ളിൽ പയനിയർ ആത്മാവ്‌ ഉൾനടാൻ ക്രിസ്‌തീയ മാതാ​പി​താ​ക്കളെ എന്തു സഹായി​ക്കും?

6. നമ്മുടെ സഭയിലെ പയനി​യർമാ​രോട്‌ നമുക്കു വിലമ​തി​പ്പു പ്രകടി​പ്പി​ക്കാൻ കഴിയു​ന്ന​തെ​ങ്ങനെ?