ബന്ധുക്ക​ളോട്‌ എങ്ങനെ സാക്ഷീ​ക​രി​ക്കാം?

¹ യഹോവയെ ആരാധി​ക്കു​ന്ന​തിൽ നമ്മുടെ പ്രിയ​പ്പെ​ട്ടവർ നമ്മോടു ചേരു​ക​യും തുടർന്ന്‌ അവരോ​ടൊ​പ്പം പുതിയ ലോക​ത്തി​ലേക്കു പ്രവേ​ശി​ക്കു​ക​യും ചെയ്യു​ന്ന​തി​നെ​ക്കാൾ സന്തോ​ഷ​പ്ര​ദ​മാ​യി മറ്റെന്താ​ണു​ള്ളത്‌! ബന്ധുക്ക​ളോ​ടു സാക്ഷീ​ക​രി​ക്കു​ന്ന​തി​ലൂ​ടെ സന്തോ​ഷ​ക​ര​മായ ഈ പ്രത്യാശ സാക്ഷാ​ത്‌ക​രി​ക്ക​പ്പെ​ട്ടേ​ക്കാം. എന്നാൽ, നവോ​ന്മേ​ഷ​പ്ര​ദ​മായ ഒരു വിധത്തിൽ അപ്രകാ​രം ചെയ്യാൻ വിവേചന ആവശ്യ​മാണ്‌. ഒരു സർക്കിട്ട്‌ മേൽവി​ചാ​രകൻ പറയുന്നു: “ആകാംക്ഷ ജനിപ്പി​ക്കുന്ന ഏതെങ്കി​ലും വിഷയ​ങ്ങ​ളെ​ക്കു​റിച്ച്‌ ഉചിത​മായ സന്ദർഭ​ങ്ങ​ളിൽ ബന്ധുക്ക​ളോ​ടു സംസാ​രി​ക്കു​ന്ന​വർക്കു നല്ല ഫലം ലഭിക്കു​ന്നു.” ഇത്‌ എങ്ങനെ ചെയ്യാൻ കഴിയും?

² ജിജ്ഞാസ ജനിപ്പി​ക്കുക: എപ്രകാ​രം ബന്ധുക്ക​ളു​ടെ താത്‌പ​ര്യം ഉണർത്താൻ കഴിയും എന്നതി​നെ​ക്കു​റി​ച്ചു കാലേ​കൂ​ട്ടി ശ്രദ്ധാ​പൂർവം ചിന്തി​ക്കുക. (സദൃ. 15:28) അവരെ ഉത്‌ക​ണ്‌ഠ​പ്പെ​ടു​ത്തുന്ന സംഗതി​കൾ ഏതെല്ലാ​മാണ്‌? എന്തൊക്കെ വെല്ലു​വി​ളി​ക​ളാണ്‌ അവർ അഭിമു​ഖീ​ക​രി​ക്കു​ന്നത്‌? വിശേ​ഷാൽ താത്‌പ​ര്യ​ജ​ന​ക​മായ ഏതെങ്കി​ലും വിഷയ​ത്തെ​ക്കു​റി​ച്ചുള്ള ഒരു ലേഖനം അവരെ കാണി​ക്കാ​നോ അല്ലെങ്കിൽ അതു സംബന്ധി​ച്ചുള്ള ആകർഷ​ക​മായ ഒരു തിരു​വെ​ഴുത്ത്‌ അവരുടെ ശ്രദ്ധയിൽപ്പെ​ടു​ത്താ​നോ നിങ്ങൾക്കു കഴി​ഞ്ഞേ​ക്കും. ബന്ധുക്കൾ താമസി​ക്കു​ന്നത്‌ ദൂരെ​യാ​ണെ​ങ്കിൽ ഒരു കത്തിലൂ​ടെ​യോ ഫോണി​ലൂ​ടെ​യോ നിങ്ങൾക്ക്‌ ഇപ്രകാ​രം ചെയ്യാൻ കഴി​ഞ്ഞേ​ക്കും. അവരെ മടുപ്പി​ക്കാ​തെ സത്യത്തി​ന്റെ വിത്ത്‌ വിതയ്‌ക്കുക, എന്നിട്ട്‌ അതിന്റെ വളർച്ച​യ്‌ക്കാ​യി യഹോ​വ​യി​ലേക്കു നോക്കുക.—1 കൊരി. 3:6.

³ ഒരിക്കൽ ഒരു മനുഷ്യ​നിൽനിന്ന്‌ അനേകം ഭൂതങ്ങളെ പുറത്താ​ക്കി​യ​ശേഷം യേശു അയാ​ളോട്‌ ഇങ്ങനെ പറഞ്ഞു: “നിന്റെ വീട്ടിൽ നിനക്കു​ള്ള​വ​രു​ടെ അടുക്കൽ ചെന്നു, കർത്താവു നിനക്കു ചെയ്‌തതു ഒക്കെയും നിന്നോ​ടു കരുണ​കാ​ണി​ച്ച​തും പ്രസ്‌താ​വിക്ക.” (മർക്കൊ. 5:19) ഈ സംഭവം അദ്ദേഹ​ത്തി​ന്റെ ബന്ധുക്കളെ എപ്രകാ​രം സ്വാധീ​നി​ച്ചി​രി​ക്കാ​മെന്നു ചിന്തി​ക്കുക! ഇത്രയ്‌ക്കു വിസ്‌മ​യാ​വ​ഹ​മായ അനുഭ​വങ്ങൾ നിങ്ങളു​ടെ ജീവി​ത​ത്തിൽ ഉണ്ടാ​യേ​ക്കു​ക​യി​ല്ലെ​ങ്കി​ലും, നിങ്ങൾ അല്ലെങ്കിൽ നിങ്ങളു​ടെ മക്കൾ ചെയ്യുന്ന കാര്യ​ങ്ങ​ളിൽ ബന്ധുക്കൾ തത്‌പരർ ആയിരു​ന്നേ​ക്കാം. ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ നടത്തിയ ഒരു പ്രസംഗം, നിങ്ങൾ സംബന്ധിച്ച ഒരു കൺ​വെൻ​ഷൻ, നിങ്ങളു​ടെ ബെഥേൽ സന്ദർശനം, ജീവി​ത​ത്തി​ലെ സുപ്ര​ധാ​ന​മായ ഏതെങ്കി​ലും ഒരു സംഭവം എന്നിങ്ങ​നെ​യുള്ള കാര്യങ്ങൾ പ്രതി​പാ​ദി​ക്കു​ന്നത്‌, യഹോ​വ​യെ​യും അവന്റെ സംഘട​ന​യെ​യും കുറിച്ചു കൂടു​ത​ലായ ചില കാര്യങ്ങൾ ബന്ധുക്ക​ളു​മാ​യി പങ്കു​വെ​ക്കാൻ നിങ്ങളെ സഹായി​ച്ചേ​ക്കാം.

⁴ വിവേചന പ്രകടി​പ്പി​ക്കുക: ബന്ധുക്ക​ളോ​ടു സാക്ഷീ​ക​രി​ക്കു​മ്പോൾ ഒരു സമയത്ത്‌ ഒരുപാ​ടു കാര്യങ്ങൾ അവതരി​പ്പി​ക്കാ​തി​രി​ക്കാൻ ശ്രദ്ധി​ക്കുക. ബൈബിൾപ​ഠനം ആരംഭിച്ച നാളുകൾ അനുസ്‌മ​രി​ച്ചു​കൊണ്ട്‌ ഒരു സഹോ​ദരൻ ഇങ്ങനെ പറയുന്നു: “ബൈബി​ളിൽനി​ന്നു ഞാൻ പഠിച്ച മിക്കവാ​റും എല്ലാ കാര്യ​ങ്ങ​ളെ​ക്കു​റി​ച്ചും വിശദീ​ക​രി​ച്ചു​കൊണ്ട്‌ മണിക്കൂ​റു​ക​ളോ​ളം ഞാൻ അമ്മയെ വീർപ്പു​മു​ട്ടി​ക്കു​മാ​യി​രു​ന്നു. ഇതു മിക്ക​പ്പോ​ഴും തർക്കങ്ങൾക്കു കാരണ​മാ​യി, പ്രത്യേ​കി​ച്ചും ഡാഡി​യു​മാ​യി.” ബന്ധുക്ക​ളിൽ ഒരാൾ ബൈബിൾസ​ന്ദേ​ശ​ത്തിൽ താത്‌പ​ര്യം പ്രകടി​പ്പി​ക്കു​മ്പോൾപ്പോ​ലും കൂടുതൽ അറിയാ​നുള്ള ആഗ്രഹം അദ്ദേഹ​ത്തിൽ അവശേ​ഷി​പ്പി​ക്കുന്ന ഒരു വിധത്തിൽ പ്രതി​ക​രി​ക്കുക. (സദൃ. 25:7, NW) ശുശ്രൂ​ഷ​യിൽ കണ്ടുമു​ട്ടുന്ന അപരി​ചി​ത​രു​ടെ കാര്യ​ത്തി​ലെ​ന്ന​പോ​ലെ ബന്ധുക്ക​ളോ​ടും ആദരവും ദയയും ക്ഷമയും പ്രകടി​പ്പി​ക്കുക.—കൊലൊ. 4:6.

⁵ യേശുവിന്‌ ബുദ്ധി​ഭ്രമം സംഭവി​ച്ചെന്ന്‌ ഒരിക്കൽ അവന്റെ ബന്ധുക്കൾ വിചാ​രി​ച്ചു. (മർക്കൊ. 3:21) എന്നിരു​ന്നാ​ലും, അവരിൽ ചിലർ പിന്നീട്‌ വിശ്വാ​സി​കൾ ആയിത്തീർന്നു. (പ്രവൃ. 1:14) ബന്ധുക്ക​ളു​മാ​യി സത്യം പങ്കു​വെ​ക്കാൻ നിങ്ങൾ നടത്തുന്ന ശ്രമങ്ങൾ വിഫല​മാ​കു​ന്നെ​ങ്കിൽ നിരാ​ശ​പ്പെ​ട​രുത്‌. അവരുടെ സാഹച​ര്യ​ങ്ങൾക്കും മനോ​ഭാ​വ​ത്തി​നും മാറ്റം സംഭവി​ച്ചേ​ക്കാം. ജിജ്ഞാസ ഉണർത്താൻ സാധ്യ​ത​യുള്ള ഒരു ആശയം അവരു​മാ​യി പങ്കു​വെ​ക്കാൻ കഴിയുന്ന മറ്റൊരു സന്ദർഭ​ത്തി​നാ​യി കാത്തി​രി​ക്കുക. നിത്യ​ജീ​വ​നി​ലേക്കു നയിക്കുന്ന പാതയിൽ സഞ്ചരിച്ചു തുടങ്ങാൻ അവരെ സഹായി​ക്കാൻ കഴിയു​ന്ന​തി​ന്റെ സന്തോഷം നിങ്ങൾക്ക്‌ അനുഭ​വി​ക്കാൻ സാധി​ച്ചേ​ക്കും.—മത്താ. 7:13, 14.

[അധ്യയന ചോദ്യ​ങ്ങൾ]

1. ബന്ധുക്ക​ളോ​ടു സാക്ഷീ​ക​രി​ക്കു​ന്ന​തിൽ വിവേചന ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌?

2. ബന്ധുക്ക​ളിൽ ആത്മാർഥ താത്‌പ​ര്യം ഉണ്ടായി​രി​ക്കു​ന്നത്‌ അവരുടെ ആകാംക്ഷ ഉണർത്താൻ നമ്മെ എങ്ങനെ സഹായി​ക്കും?

3. ബന്ധുക്കൾക്കു നമ്മിലുള്ള താത്‌പ​ര്യം സാക്ഷീ​ക​ര​ണ​ത്തി​നു വഴിതു​റ​ന്നേ​ക്കാ​വു​ന്നത്‌ എങ്ങനെ?

4. ബന്ധുക്ക​ളോ​ടു സാക്ഷീ​ക​രി​ക്കു​മ്പോൾ ഏതു പിശകു​കൾ നാം ഒഴിവാ​ക്കണം?

5. ബന്ധുക്ക​ളോ​ടു സാക്ഷീ​ക​രി​ക്കു​മ്പോൾ അവർ അനുകൂ​ല​മാ​യി പ്രതി​ക​രി​ക്കു​ന്നി​ല്ലെ​ങ്കിൽ നാം എന്തു ചെയ്യണം?