സൗമ്യ​ത​യു​ള്ള​വരെ ദൈവ​ത്തി​ന്റെ വഴിക​ളിൽ നടക്കാൻ പഠിപ്പി​ക്കു​ക

1. ശിഷ്യ​രാ​ക്ക​ലിൽ എന്ത്‌ ഉൾപ്പെ​ട്ടി​രി​ക്കു​ന്നു?

¹ ഒന്നാം നൂറ്റാ​ണ്ടി​ലെ ക്രിസ്‌തു​ശി​ഷ്യ​ന്മാർ ഒരു പ്രത്യേക വഴി പിൻപ​റ്റി​യി​രു​ന്നവർ എന്നനി​ല​യിൽ ‘മാർഗ്ഗ​ക്കാർ’ എന്നാണ്‌ അറിയ​പ്പെ​ട്ടി​രു​ന്നത്‌. (പ്രവൃ. 9:2) ഒരുവന്റെ മുഴു ജീവി​ത​ഗ​തി​യെ​യും ഉൾക്കൊ​ള്ളു​ന്ന​താണ്‌ സത്യ​ക്രി​സ്‌ത്യാ​നി​ത്വം. (സദൃ. 3:5, 6) അതു​കൊണ്ട്‌ ബൈബി​ള​ധ്യ​യ​നങ്ങൾ നടത്തു​മ്പോൾ ബൈബി​ളു​പ​ദേ​ശങ്ങൾ സംബന്ധിച്ച സൂക്ഷ്‌മ​പ​രി​ജ്ഞാ​നം പകർന്നു​കൊ​ടു​ക്കു​ന്ന​തി​ല​ധി​കം നാം ചെയ്യേ​ണ്ട​തുണ്ട്‌. യഹോ​വ​യു​ടെ വഴിക​ളിൽ നടക്കാൻ നാം ബൈബിൾ വിദ്യാർഥി​കളെ സഹായി​ക്കു​ക​യും ചെയ്യണം.—സങ്കീ. 25:8, 9.

2. ദൈവ​ത്തി​ന്റെ കൽപ്പനകൾ അനുസ​രി​ക്കാൻ ഒരു ബൈബിൾ വിദ്യാർഥി​യെ എന്തു പ്രചോ​ദി​പ്പി​ക്കും?

² യഹോവയോടും യേശു​വി​നോ​ടും ഉള്ള സ്‌നേഹം: അപൂർണ​മ​നു​ഷ്യ​രെന്ന നിലയിൽ നമ്മുടെ ചിന്താ​ഗ​തി​യും മനോ​ഭാ​വ​വും സംസാ​ര​വും നടത്തയും ദൈ​വേ​ഷ്ട​ത്തി​നു ചേർച്ച​യിൽ കൊണ്ടു​വ​രിക എന്നത്‌ എത്ര വലി​യൊ​രു വെല്ലു​വി​ളി​യാണ്‌! (റോമർ 7:21-23; എഫെ. 4:22-24) എന്നാൽ ഈ വെല്ലു​വി​ളി നേരി​ടാൻ ദൈവ​ത്തോ​ടും അവന്റെ പുത്ര​നോ​ടു​മുള്ള സ്‌നേഹം സൗമ്യ​ത​യു​ള്ള​വരെ പ്രചോ​ദി​പ്പി​ക്കു​ന്നു. (യോഹ. 14:15; 1 യോഹ. 5:3) ഈ സ്‌നേഹം വളർത്തി​യെ​ടു​ക്കാൻ നമ്മുടെ ബൈബിൾ വിദ്യാർഥി​കളെ എങ്ങനെ സഹായി​ക്കാം?

3. യഹോ​വ​യോ​ടും യേശു​വി​നോ​ടു​മുള്ള സ്‌നേഹം വളർത്തി​യെ​ടു​ക്കാൻ വിദ്യാർഥി​യെ നമുക്ക്‌ എങ്ങനെ സഹായി​ക്കാം?

³ യഹോവയെ ഒരു വ്യക്തി​യെന്ന നിലയിൽ അടുത്ത​റി​യാൻ വിദ്യാർഥി​യെ സഹായി​ക്കുക. “ആളുകൾക്ക്‌ തങ്ങളറി​യാത്ത ഒരു വ്യക്തിയെ സ്‌നേ​ഹി​ക്കാ​നാ​വില്ല, അതു​കൊണ്ട്‌ അധ്യയ​ന​ത്തി​ന്റെ തുടക്കം​മു​തൽ ഞാൻ ബൈബി​ളിൽനിന്ന്‌ അവരെ ദൈവ​നാ​മം പഠിപ്പി​ക്കു​ന്നു, യഹോ​വ​യു​ടെ ഗുണങ്ങ​ളെ​ക്കു​റിച്ച്‌ ഊന്നി​പ്പ​റ​യാൻ ഞാൻ പ്രത്യേ​കം ശ്രദ്ധി​ക്കാ​റുണ്ട്‌” എന്ന്‌ ഒരു സഹോ​ദരൻ വിശദീ​ക​രി​ച്ചു. അതിനുള്ള ഒരു മികച്ച മാർഗ​മാണ്‌ യേശു​വി​ന്റെ മാതൃക വിശേ​ഷ​വ​ത്‌ക​രി​ക്കു​ന്നത്‌. (യോഹ. 1:14; 14:9) കൂടാതെ, ദൈവ​ത്തി​ന്റെ​യും അവന്റെ പുത്ര​ന്റെ​യും മഹത്തായ ഗുണങ്ങ​ളെ​ക്കു​റി​ച്ചു വിലമ​തി​പ്പോ​ടെ ചിന്തി​ക്കു​ന്ന​തി​നു വിദ്യാർഥി​യെ സഹായി​ക്കാൻ ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ലെ ഓരോ അധ്യാ​യ​ത്തി​ന്റെ​യും അവസാ​ന​ഭാ​ഗ​ത്തുള്ള പുനര​വ​ലോ​കന ചതുരം ഉപയോ​ഗ​പ്പെ​ടു​ത്തുക.

4. (എ) പല വിദ്യാർഥി​കൾക്കും പ്രസം​ഗ​വേല ഒരു വെല്ലു​വി​ളി​യാ​യി തോന്നു​ന്നത്‌ എന്തു​കൊണ്ട്‌? (ബി) നമ്മുടെ വിദ്യാർഥി​കൾ ക്രിസ്‌തീയ ശുശ്രൂ​ഷ​യിൽ ആദ്യ ചുവടു​കൾ വെക്കു​മ്പോൾ നമുക്ക്‌ അവരെ എങ്ങനെ സഹായി​ക്കാം?

⁴ മാതൃകയിലൂടെ പഠിപ്പി​ക്കുക: അധ്യാ​പ​ക​രും വഴികാ​ട്ടി​ക​ളും എന്നനി​ല​യിൽ, ദൈവ​ത്തി​ന്റെ വഴിക​ളിൽ നടക്കു​ന്ന​തി​ന്റെ അർഥം എന്താ​ണെന്നു മനസ്സി​ലാ​ക്കാൻ പ്രവൃ​ത്തി​ക​ളി​ലൂ​ടെ നാം മറ്റുള്ള​വരെ സഹായി​ക്കു​ന്നു. (1 കൊരി. 11:1) ഉദാഹ​ര​ണ​ത്തിന്‌, ബൈബിൾ വിദ്യാർഥി​ക​ളിൽ മിക്കവർക്കും അപരി​ച​തരെ സമീപിച്ച്‌ തങ്ങളുടെ വിശ്വാ​സങ്ങൾ അവരു​മാ​യി ചർച്ച​ചെ​യ്യു​ന്നത്‌ എളുപ്പ​മാ​യി​രി​ക്കില്ല. അതു​കൊണ്ട്‌ പ്രസംഗ-ശിഷ്യ​രാ​ക്കൽ വേലയിൽ പങ്കുപ​റ്റാൻ ആവശ്യ​മായ സ്‌നേ​ഹ​വും വിശ്വാ​സ​വും ധൈര്യ​വും വളർത്തി​യെ​ടു​ക്കാൻ അവരെ സഹായി​ക്കു​ന്ന​തിന്‌ ക്ഷമയും വൈദ​ഗ്‌ധ്യ​വും ആവശ്യ​മാണ്‌. (2 കൊരി. 4:13; 1 തെസ്സ. 2:2) നമ്മുടെ വിദ്യാർഥി​കളെ സഹായി​ക്കാ​നുള്ള ആഗ്രഹം അവർ ക്രിസ്‌തീയ ശുശ്രൂ​ഷ​യിൽ ആദ്യ ചുവടു​കൾ വെക്കു​മ്പോൾ അവരോ​ടൊ​പ്പം ഉണ്ടായി​രി​ക്കാൻ നമ്മെ പ്രേരി​പ്പി​ക്കും.

5. ദൈവ​ത്തി​ന്റെ കൽപ്പനകൾ പിൻപ​റ്റു​ന്ന​തിൽ ഉൾപ്പെ​ട്ടി​രി​ക്കു​ന്നത്‌ എന്താ​ണെന്നു മനസ്സി​ലാ​ക്കാൻ ഒരു നല്ല മാതൃക വിദ്യാർഥി​കളെ സഹായി​ക്കു​ന്നത്‌ എങ്ങനെ?

⁵ ക്രിസ്‌തീയ ജീവി​ത​ത്തി​ന്റെ സുപ്ര​ധാ​ന​മായ മറ്റു വശങ്ങളിൽ പ്രാവർത്തി​ക​മാ​ക്കേണ്ട അറിവു നേടാൻ നിങ്ങളു​ടെ മാതൃക വിദ്യാർഥി​കളെ സഹായി​ക്കും. നിങ്ങൾ ഒരു രോഗി​യെ സന്ദർശി​ക്കു​മ്പോ​ഴും ക്രിസ്‌തീ​യ​യോ​ഗ​ങ്ങ​ളിൽ മറ്റുള്ള​വരെ ഊഷ്‌മ​ള​മാ​യി അഭിവാ​ദ്യം ചെയ്യു​മ്പോ​ഴും സ്‌നേഹം എങ്ങനെ പ്രവൃ​ത്തി​പ​ഥ​ത്തിൽ കൊണ്ടു​വ​രാ​മെന്ന്‌ അവർ കാണും. (യോഹ. 15:12) നിങ്ങൾ രാജ്യ​ഹാൾ ശുചീ​ക​ര​ണ​ത്തിൽ പങ്കു​ചേ​രു​മ്പോ​ഴും മറ്റുള്ള​വർക്കു സഹായങ്ങൾ ചെയ്‌തു​കൊ​ടു​ക്കു​മ്പോ​ഴും സേവനം ചെയ്യേ​ണ്ടത്‌ എങ്ങനെ​യെന്നു നിങ്ങൾ അവരെ പഠിപ്പി​ക്കു​ന്നു. (യോഹ. 13:12-15) നിങ്ങൾ ലളിത​മായ ഒരു ജീവിതം നയിക്കു​ന്നത്‌ അവർ കാണു​മ്പോൾ ‘മുമ്പെ രാജ്യം അന്വേഷി’ച്ചുകൊ​ണ്ടി​രി​ക്കുക എന്നതിന്റെ അർഥ​മെ​ന്താ​ണെന്ന്‌ അവർ മനസ്സി​ലാ​ക്കു​ന്നു.—മത്താ. 6:33.

6. യഹോ​വയെ സേവി​ക്കാൻ മറ്റുള്ള​വരെ സഹായി​ക്കു​ന്ന​തി​ന്റെ ഫലം എന്താണ്‌?

⁶ ദൈവവചനത്തിൽനിന്ന്‌ ആളുകളെ പഠിപ്പി​ക്കു​ന്ന​തി​ലും ശിഷ്യരെ ഉളവാ​ക്കു​ന്ന​തി​ലും വളരെ​യ​ധി​കം ശ്രമം ഉൾപ്പെ​ട്ടി​രി​ക്കു​ന്നു. സൗമ്യ​ത​യു​ള്ളവർ “സത്യത്തിൽ നടക്കുന്ന”തു കാണു​ന്നത്‌ എത്ര സന്തോ​ഷ​ക​ര​മാണ്‌!—3 യോഹ. 4.