സന്നദ്ധ മനോ​ഭാ​വം അനു​ഗ്ര​ഹങ്ങൾ കൈവ​രു​ത്തു​ന്നു

1. ദാവീ​ദും നെഹെ​മ്യാ​വും സേവന സന്നദ്ധത പ്രകട​മാ​ക്കി​യത്‌ എങ്ങനെ?

¹ ഇസ്രായേലിന്റെ സൈന്യ​ത്തെ ഗൊല്യാത്ത്‌ നിന്ദി​ച്ച​പ്പോൾ സൈനി​ക​രിൽ ആർക്കെ​ങ്കി​ലും മുന്നോ​ട്ടു​വന്ന്‌ അവനെ നേരി​ടാ​മാ​യി​രു​ന്നു. എന്നാൽ സൈനിക പരിശീ​ലനം ഒന്നും ലഭിച്ചി​ട്ടി​ല്ലാ​യി​രുന്ന ഒരു ഇടയബാ​ല​നാണ്‌ അതിനു സന്നദ്ധനാ​യത്‌. (1 ശമൂ. 17:32) യെരൂ​ശ​ലേ​മി​ലേക്കു മടങ്ങി​പ്പോയ യെഹൂദർ നഗരമ​തിൽ പണിയു​ന്ന​തിൽ പരാജ​യ​പ്പെ​ട്ട​പ്പോൾ, പേർഷ്യൻ രാജാ​വി​ന്റെ ഒരു പാനപാ​ത്ര​വാ​ഹ​ക​നാ​യി​രു​ന്നു തന്റെ വിശിഷ്ട പദവി ഉപേക്ഷിച്ച്‌ യെരൂ​ശ​ലേ​മി​ലേക്കു പോകാ​നും മതിലി​ന്റെ പണി നടത്താ​നും സന്നദ്ധനാ​യത്‌. (നെഹെ. 2:5) ഈ രണ്ടു പുരു​ഷ​ന്മാ​രെ​യും—ദാവീ​ദി​നെ​യും നെഹെ​മ്യാ​വി​നെ​യും—അവർ കാണിച്ച സന്നദ്ധ മനോ​ഭാ​വ​ത്തെ​പ്രതി യഹോവ അനു​ഗ്ര​ഹി​ച്ചു.—1 ശമൂ. 17:45, 50; നെഹെ. 6:15, 16.

2. ക്രിസ്‌ത്യാ​നി​കൾ എന്തു​കൊണ്ട്‌ സന്നദ്ധ മനോ​ഭാ​വം പ്രകട​മാ​ക്കണം?

² എന്നാലിന്ന്‌, സേവന സന്നദ്ധത വളരെ​ക്കു​റ​വാ​ണു ലോക​ത്തിൽ. ഈ “അന്ത്യകാ​ലത്തു” വളരെ തിരക്കുള്ള ഒരു ജീവി​ത​മാണ്‌ ആളുകൾ നയിക്കു​ന്നത്‌, പലരും “സ്വസ്‌നേ​ഹി​കളു”മാണ്‌. (2 തിമൊ. 3:1, 2) മറ്റുള്ള​വരെ സന്നദ്ധത​യോ​ടെ സേവി​ക്കാ​നുള്ള അവസരങ്ങൾ കാണാൻ കഴിയാ​തെ പോകുന്ന അളവോ​ളം, സ്വന്തം താത്‌പ​ര്യ​ങ്ങ​ളിൽ മുഴു​കി​പ്പോ​കുക ഒരു വ്യക്തിയെ സംബന്ധി​ച്ചി​ട​ത്തോ​ളം എളുപ്പ​മാണ്‌. എന്നാൽ ക്രിസ്‌ത്യാ​നി​കൾ എന്ന നിലയിൽ, മറ്റുള്ള​വരെ സഹായി​ക്കാൻ സന്നദ്ധത കാണിച്ച യേശു​വി​നെ നമുക്ക്‌ അനുക​രി​ക്കാം. (യോഹ. 5:5-9; 13:12-15; 1 പത്രൊ. 2:21) നമുക്ക്‌ എങ്ങനെ സന്നദ്ധ മനോ​ഭാ​വം പ്രകട​മാ​ക്കാം, അത്‌ എന്തെല്ലാം അനു​ഗ്ര​ഹങ്ങൾ കൈവ​രു​ത്തും?

3. യോഗ​ങ്ങ​ളിൽ സന്നദ്ധ മനോ​ഭാ​വം പ്രകട​മാ​ക്കു​ന്ന​തു​കൊ​ണ്ടുള്ള പ്രയോ​ജ​ന​ങ്ങ​ളേവ?

³ സഹോദരങ്ങൾക്കുവേണ്ടി: യോഗ​ങ്ങ​ളിൽ സദസ്യ​പ​ങ്കു​പ​റ്റ​ലിന്‌ അവസര​മു​ള്ള​പ്പോൾ അഭി​പ്രാ​യം പറയാൻ സന്നദ്ധത കാണി​ച്ചു​കൊ​ണ്ടു മറ്റുള്ള​വർക്ക്‌ “ആത്മിക​വരം” നൽകാൻ നമുക്കു സാധി​ക്കും. (റോമ. 1:11) നമ്മുടെ ഉത്തരങ്ങൾ, യഹോ​വ​യ്‌ക്കു ബഹുമതി കരേറ്റു​ന്നു, നമ്മുടെ മനസ്സി​ലും ഹൃദയ​ത്തി​ലും സത്യം കൂടുതൽ നന്നായി പതിയാൻ അത്‌ ഇടയാ​ക്കു​ന്നു, യോഗങ്ങൾ കൂടുതൽ ആസ്വാ​ദ്യ​മാ​ക്കു​ക​യും ചെയ്യുന്നു. (സങ്കീ. 26:12) ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ പ്രസംഗം നടത്താൻ ഒരു പകരക്കാ​രനെ ആവശ്യ​മു​ള്ള​പ്പോൾ അതു നടത്താൻ നമുക്കു സന്നദ്ധത പ്രകട​മാ​ക്കാൻ സാധി​ക്കും. ഇതു നമ്മുടെ പഠിപ്പി​ക്കൽ പ്രാപ്‌തി മെച്ച​പ്പെ​ടാൻ സഹായി​ക്കും.

4. സന്നദ്ധ മനോ​ഭാ​വം പ്രകട​മാ​ക്കാൻ സാധി​ക്കുന്ന മറ്റുചില മാർഗ​ങ്ങ​ളേവ?

⁴ സഭയിലെ ഉത്തരവാ​ദി​ത്വ​ങ്ങൾ എത്തിപ്പി​ടി​ച്ചു​കൊ​ണ്ടു സഹോ​ദ​ര​ന്മാർക്ക്‌ സന്നദ്ധ മനോ​ഭാ​വം പ്രകട​മാ​ക്കാൻ കഴിയും. (യെശ. 32:2; 1 തിമൊ. 3:1) കൺ​വെൻ​ഷ​നു​ക​ളു​ടെ​യും സമ്മേള​ന​ങ്ങ​ളു​ടെ​യും വിവിധ ഡിപ്പാർട്ടു​മെ​ന്റു​ക​ളിൽ പ്രവർത്തി​ക്കാൻ സന്നദ്ധരാ​യി​ക്കൊണ്ട്‌ അവയുടെ സുഗമ​മായ നടത്തി​പ്പിന്‌ എല്ലാവർക്കും സഹായി​ക്കാൻ കഴിയും. ശുശ്രൂ​ഷ​യിൽ സഞ്ചാര മേൽവി​ചാ​ര​ക​നോ​ടൊ​പ്പം പ്രവർത്തി​ക്കാ​നോ അദ്ദേഹ​ത്തിന്‌ ഒരു നേരത്തെ ഭക്ഷണം കൊടു​ക്കാ​നോ നാം സന്നദ്ധത കാണി​ക്കു​മ്പോൾ അത്‌ ‘പരസ്‌പര പ്രോ​ത്സാ​ഹന’ത്തിനു കാരണ​മാ​കു​ന്നു. (റോമ. 1:12, ന്യൂ ഇൻഡ്യ ബൈബിൾ ഭാഷാ​ന്തരം) അനാഥർ, വിധവ​മാർ, ആതുരർ, കുഞ്ഞു​കു​ട്ടി​ക​ളുള്ള അമ്മമാർ, സഭയിലെ മറ്റുള്ളവർ ഇവരെ​യെ​ല്ലാം സഹായി​ക്കാൻ നാം സന്നദ്ധരാ​കു​മ്പോൾ, സന്തോ​ഷ​വും യഹോ​വ​യു​ടെ അംഗീ​കാ​ര​വും നാം ആസ്വദി​ക്കും.—സദൃ. 19:17; പ്രവൃ. 20:35.

5. രാജ്യ​ഹാ​ളു​ക​ളോ​ടു ബന്ധപ്പെട്ട്‌ ഏതെല്ലാം കാര്യ​ങ്ങൾക്കു സന്നദ്ധ സേവകരെ ആവശ്യ​മുണ്ട്‌?

⁵ രാജ്യഹാൾ ശുചീ​ക​ര​ണ​ത്തി​നും അറ്റകു​റ്റ​പ്പ​ണി​കൾ ചെയ്യു​ന്ന​തി​നു​മാ​യി നമ്മുടെ സമയവും പ്രയത്‌ന​വും സ്വമേ​ധയാ നൽകാ​നാ​വും. ഇതു കൂടാതെ അനേകം ആളുകൾ സത്യത്തി​ലേക്കു വരുന്ന​തു​കൊണ്ട്‌ രാജ്യ​ഹാ​ളു​ക​ളു​ടെ​യും അവ നിർമി​ക്കാൻ സന്നദ്ധ സേവക​രു​ടെ​യും വർധി​ച്ചു​വ​രുന്ന ആവശ്യ​മുണ്ട്‌. നിർമാണ ജോലി​ക​ളി​ലൊ​ന്നും പരിച​യ​മി​ല്ലാ​തി​രു​ന്നി​ട്ടും ഒരു ദമ്പതികൾ സ്ഥലത്തെ മേഖലാ നിർമാ​ണ​ക്ക​മ്മി​റ്റി​യെ സഹായി​ക്കാൻ സന്നദ്ധരാ​യി വന്നു. കാല​ക്ര​മേണ പരിശീ​ലനം നേടിയ ഈ ദമ്പതികൾ ഇപ്പോൾ മേസ്‌തി​രി​പ്പ​ണി​യിൽ സഹായി​ക്കു​ന്നു. ഭാര്യ അഭി​പ്രാ​യ​പ്പെട്ടു: “മറ്റുള്ള​വ​രു​ടെ​യൊ​പ്പം തോ​ളോ​ടു​തോൾ ചേർന്നു ജോലി​ചെ​യ്യു​ന്നതു വളരെ അടുത്ത സൗഹൃ​ദ​ത്തി​നി​ട​യാ​ക്കി​യി​രി​ക്കു​ന്നു. ദിവസ​ത്തി​ന്റെ ഒടുവിൽ ശാരീ​രി​ക​മാ​യി തളർന്നി​രി​ക്കു​മെ​ങ്കി​ലും ആത്മീയ​മാ​യി ഉണർവു​ള്ള​വ​രാ​യി​രി​ക്കും ഞങ്ങൾ.”

6. നമുക്കു നിർവ​ഹി​ക്കാൻ സാധി​ക്കുന്ന ഏറ്റവും പ്രധാ​ന​പ്പെട്ട സന്നദ്ധ സേവനം ശുശ്രൂഷ ആയിരി​ക്കു​ന്നത്‌ എന്തു​കൊണ്ട്‌?

⁶ പ്രസംഗവേലയിൽ ഏർപ്പെ​ട്ടു​കൊണ്ട്‌: നമുക്കി​ന്നു ചെയ്യാൻ കഴിയുന്ന ഏറ്റവും പ്രധാ​ന​പ്പെട്ട സന്നദ്ധ സേവനം രാജ്യ​പ്ര​സംഗ വേലയാണ്‌. ബൈബി​ളി​ന്റെ ബുദ്ധി​യു​പ​ദേശം മനസ്സി​ലാ​ക്കാ​നും ബാധക​മാ​ക്കാ​നും സഹായം ലഭിക്കു​മ്പോൾ, ആളുകൾ ജീവി​ത​ത്തിൽ ഒരു ഉദ്ദേശ്യ​വും ദുശ്ശീ​ലങ്ങൾ തരണം​ചെ​യ്യാ​നുള്ള ശക്തിയും നേടുന്നു. ഭാവിയെ സംബന്ധിച്ച ബൈബി​ളി​ന്റെ പ്രോ​ത്സാ​ഹ​ജ​ന​ക​മായ പ്രത്യാ​ശ​യെ​ക്കു​റി​ച്ചും അവർ പഠിക്കു​ന്നു. മറ്റുള്ള​വർക്കു ശാശ്വത പ്രയോ​ജനം ചെയ്യുന്ന സന്തോ​ഷ​പ്ര​ദ​മായ ഒരു സന്നദ്ധ സേവന​മാ​ണു നാം ബൈബിൾ വിദ്യാ​ഭ്യാ​സ​ത്തി​ലൂ​ടെ നിർവ​ഹി​ക്കു​ന്നത്‌. (യോഹ. 17:3; 1 തിമൊ. 4:16) സഹായ പയനി​യ​റോ സാധാരണ പയനി​യ​റോ ആയി പ്രവർത്തി​ച്ചു​കൊ​ണ്ടോ കൂടുതൽ ആവശ്യ​മു​ള്ളി​ടത്തു സേവി​ച്ചു​കൊ​ണ്ടോ പുതി​യൊ​രു ഭാഷ പഠിച്ചു​കൊ​ണ്ടോ വേലയി​ലെ പങ്കു വർധി​പ്പി​ക്കാൻ സാഹച​ര്യം ഒരുപക്ഷേ നമ്മെ അനുവ​ദി​ച്ചേ​ക്കും.

7. സേവന സന്നദ്ധത ഇന്നു വിശേ​ഷാൽ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁷ മിശിഹാ ഭരണം ആരംഭി​ക്കുന്ന സമയത്ത്‌ ദൈവ​ത്തി​ന്റെ ജനം “സ്വമേ​ധാ​ദാ​ന​മാ​യി​രി​ക്കു”മെന്നു ദാവീദ്‌ പ്രവചി​ച്ചു. (സങ്കീ. 110:3) യഹോവ ആത്മീയ കൊയ്‌ത്ത്‌ ത്വരി​ത​പ്പെ​ടു​ത്തു​ന്ന​തി​നാൽ സന്നദ്ധ സേവകരെ ആവശ്യ​മുള്ള ധാരാളം ജോലി​ക​ളുണ്ട്‌. (യെശ. 60:22) “അടിയൻ ഇതാ അടിയനെ അയക്കേ​ണമേ” എന്നു നിങ്ങൾ പറഞ്ഞോ? (യെശ. 6:8) സത്യമാ​യും, നമ്മുടെ സേവന സന്നദ്ധത യഹോ​വയെ സന്തോ​ഷി​പ്പി​ക്കു​ന്നു, അത്‌ ധാരാളം അനു​ഗ്ര​ഹങ്ങൾ കൈവ​രു​ത്തു​ക​യും ചെയ്യും.