നിക്ഷേപം ഭരമേൽപ്പി​ക്ക​പ്പെ​ട്ടി​രി​ക്കു​ന്നവർ

¹ ദൈവം നൽകിയ പ്രസം​ഗ​നി​യ​മ​നത്തെ പൗലൊസ്‌ അപ്പൊ​സ്‌തലൻ അമൂല്യ​മാ​യി വീക്ഷി​ക്കു​ക​യും അതിനെ ഒരു “നിക്ഷേപ”മെന്നു വിശേ​ഷി​പ്പി​ക്കു​ക​യും ചെയ്‌തു. (2 കൊരി. 4:7) ആ നിയമനം നിറ​വേ​റ്റവേ അവൻ പലവിധ കഷ്ടപ്പാ​ടു​ക​ളും പീഡന​വും സഹിച്ചു. കണ്ടുമു​ട്ടിയ എല്ലാവ​രോ​ടും അക്ഷീണം പ്രസം​ഗി​ച്ചു; കരയി​ലും കടലി​ലു​മാ​യി ദുർഘ​ട​വും അപകട​ക​ര​വു​മായ പല യാത്ര​ക​ളും നടത്തി. പൗലൊ​സി​നെ​പ്പോ​ലെ, ശുശ്രൂ​ഷയെ അമൂല്യ​മാ​യി കരുതു​ന്നു​വെന്നു പ്രകട​മാ​ക്കാൻ നമുക്ക്‌ എങ്ങനെ കഴിയും? (റോമർ 11:14) എന്തു​കൊ​ണ്ടാണ്‌ നമ്മുടെ ശുശ്രൂഷ അനുപ​മ​മായ ഒരു നിക്ഷേ​പ​മാ​യി​രി​ക്കു​ന്നത്‌?

² ഒരു അതിവി​ശിഷ്ട നിക്ഷേപം: ഭൂമി​യിൽ സ്വരു​ക്കൂ​ട്ടുന്ന നിക്ഷേ​പ​ങ്ങ​ളെ​ല്ലാം മിക്ക​പ്പോ​ഴും ഹൃദയ​വേദന ഉളവാ​ക്കു​ന്ന​വ​യാണ്‌. കൂടാതെ അവയുടെ പ്രയോ​ജ​നങ്ങൾ പരിമി​ത​മോ താത്‌കാ​ലി​ക​മോ ആയിരി​ക്കും. എന്നാൽ ക്രിസ്‌തീയ ശുശ്രൂഷ നമുക്കും മറ്റുള്ള​വർക്കും ശാശ്വത പ്രയോ​ജനം കൈവ​രു​ത്തു​ന്നു. (1 തിമൊ. 4:16) യഹോ​വ​യെ​ക്കു​റിച്ച്‌ അറിയാ​നും ജീവി​ത​ത്തിൽ ആവശ്യ​മായ മാറ്റങ്ങൾ വരുത്താ​നും നിത്യ​ജീ​വന്റെ സുനി​ശ്ചിത പ്രത്യാശ നേടാ​നും അത്‌ ആത്മാർഥ​ഹൃ​ദ​യരെ സഹായി​ക്കു​ന്നു. (റോമ. 10:13-15) ശുശ്രൂ​ഷയെ അത്യന്തം മൂല്യ​വ​ത്താ​യി വീക്ഷി​ക്കു​ന്നത്‌, സംതൃ​പ്‌തി​ദാ​യ​ക​മായ ഒരു ജീവി​ത​ല​ക്ഷ്യ​വും നിലനിൽക്കുന്ന ചാരി​താർഥ്യ​വും ശോഭ​ന​മായ ഒരു ഭാവി​പ്ര​ത്യാ​ശ​യും ഉള്ളവരാ​യി​രി​ക്കാൻ നമ്മെ സഹായി​ക്കും.—1 കൊരി. 15:58.

³ ‘നിക്ഷേ​പത്തെ’ വിലമ​തി​ക്കു​ന്നു​വെന്നു പ്രകട​മാ​ക്കുക: ഒരു കാര്യ​ത്തി​നാ​യി എന്തൊക്കെ ചെയ്യാൻ നാം മനസ്സു​ള്ള​വ​രാണ്‌ എന്നത്‌ മിക്ക​പ്പോ​ഴും, നാം അതിനെ എത്ര മൂല്യ​വ​ത്താ​യി കാണുന്നു എന്നതിന്റെ പ്രകട​ന​മാ​യി​രി​ക്കും. യഹോ​വയെ സ്‌തു​തി​ച്ചു​കൊണ്ട്‌ നമ്മുടെ സമയവും ഊർജ​വും വിനി​യോ​ഗി​ക്കാൻ കഴിയു​ന്നത്‌ എന്തൊരു പദവി​യാണ്‌! (എഫെ. 5:16, 17) നാം സമയം ചെലവ​ഴി​ക്കുന്ന വിധം, ആത്മീയ കാര്യ​ങ്ങളെ നാം ഭൗതിക സംഗതി​ക​ളേ​ക്കാൾ മൂല്യ​വ​ത്താ​യി കാണു​ന്നു​വെന്നു പ്രകട​മാ​ക്കണം. മറ്റുള്ള​വർക്കു നൽകാൻ വിലതീ​രാത്ത ഒന്നു കൈവ​ശ​മു​ള്ള​തി​നാൽ വചന​ഘോ​ഷ​ണ​ത്തിൽ ശുഷ്‌കാ​ന്തി​യു​ള്ള​വ​രാ​യി​രി​ക്കാ​നും സുവാർത്ത അറിയി​ക്കാ​നുള്ള എല്ലാ അവസര​ങ്ങ​ളും പ്രയോ​ജ​ന​പ്പെ​ടു​ത്താ​നും നാം ആഗ്രഹി​ക്കും.

⁴ സാധാരണഗതിയിൽ അമൂല്യ​മായ നിക്ഷേ​പങ്ങൾ ആരും മൂടി​വെ​ക്കാ​റില്ല, മറ്റുള്ള​വർക്കാ​യി പ്രദർശി​പ്പി​ക്കു​ക​യാ​ണു ചെയ്യു​ന്നത്‌. നാം ശുശ്രൂ​ഷയെ ഒരു നിക്ഷേ​പ​മാ​യി വീക്ഷി​ക്കു​ന്ന​പക്ഷം അതു നമ്മുടെ ജീവി​ത​ത്തി​ന്റെ ഒരു മുഖ്യ സവി​ശേ​ഷ​ത​യാ​യി​രി​ക്കും. (മത്താ. 5:14-16) ഹൃദയം നിറഞ്ഞു​തു​ളു​മ്പുന്ന കൃതജ്ഞ​ത​യോ​ടെ, നമുക്ക്‌ എല്ലായ്‌പോ​ഴും പൗലൊസ്‌ അപ്പൊ​സ്‌ത​ലനെ അനുക​രി​ക്കു​ക​യും ശുശ്രൂ​ഷയെ വില​യേ​റിയ ഒരു നിക്ഷേ​പ​മാ​യി കരുതു​ന്നു​വെന്നു പ്രകട​മാ​ക്കാ​നുള്ള എല്ലാ അവസര​ങ്ങ​ളും പ്രയോ​ജ​ന​പ്പെ​ടു​ത്തു​ക​യും ചെയ്യാം.