സ്‌മാരക ഓർമി​പ്പി​ക്ക​ലു​കൾ

ഈ വർഷത്തെ സ്‌മാ​ര​കാ​ച​രണം ഏപ്രിൽ 2 തിങ്കളാ​ഴ്‌ച​യാണ്‌. മൂപ്പന്മാർ ദയവായി പിൻവ​രുന്ന കാര്യ​ങ്ങൾക്കു ശ്രദ്ധ നൽകുക:

◼ യോഗ​സ​മയം നിശ്ചയി​ക്കു​മ്പോൾ, ചിഹ്നങ്ങ​ളു​ടെ കൈമാ​റൽ സൂര്യാ​സ്‌തമയ ശേഷം മാത്രമേ നടക്കു​ക​യു​ള്ളു എന്ന്‌ ഉറപ്പു​വ​രു​ത്തുക.

◼ പ്രസം​ഗകൻ ഉൾപ്പെടെ എല്ലാവ​രെ​യും സ്‌മാ​ര​കാ​ച​ര​ണ​ത്തി​ന്റെ കൃത്യ സമയവും സ്ഥലവും അറിയി​ച്ചി​രി​ക്കണം.

◼ ഉചിത​മായ തരത്തി​ലുള്ള അപ്പവും വീഞ്ഞും തയ്യാറാ​ക്കി വെച്ചി​രി​ക്കണം.—2003 ഫെബ്രു​വരി 15 ലക്കം വീക്ഷാ​ഗോ​പു​ര​ത്തി​ന്റെ 14-15 പേജുകൾ കാണുക.

◼ പ്ലെയി​റ്റു​കൾ, ഗ്ലാസുകൾ, അനു​യോ​ജ്യ​മായ മേശ, മേശവി​രി എന്നിവ നേര​ത്തേ​തന്നെ ഹാളിൽ എത്തിച്ചി​രി​ക്കണം. പരിപാ​ടി തുടങ്ങു​ന്ന​തി​നു മുമ്പു​തന്നെ അവ ഉചിത​മായ ഇടങ്ങളിൽ ക്രമീ​ക​രി​ച്ചി​രി​ക്കണം.

◼ കൂടി​വ​രു​ന്നതു രാജ്യ​ഹാ​ളി​ലാ​യാ​ലും മറ്റേ​തെ​ങ്കി​ലും സ്ഥലത്താ​യാ​ലും നേര​ത്തേ​തന്നെ അതു നന്നായി വൃത്തി​യാ​ക്കി​യി​രി​ക്കണം.

◼ സേവക​ന്മാ​രെ​യും സ്‌മാ​ര​ക​ചി​ഹ്നങ്ങൾ വിതരണം ചെയ്യു​ന്ന​വ​രെ​യും മുന്ന​മേ​തന്നെ തിര​ഞ്ഞെ​ടുത്ത്‌ അവർ എന്തൊക്കെ, എങ്ങനെ​യെ​ല്ലാം ചെയ്യണ​മെ​ന്നതു സംബന്ധിച്ച നിർദേ​ശങ്ങൾ നൽകണം. മാന്യ​മായ വസ്‌ത്ര​ധാ​ര​ണ​ത്തി​ന്റെ​യും ചമയത്തി​ന്റെ​യും ആവശ്യം സംബന്ധി​ച്ചും അവരെ ഓർമി​പ്പി​ക്കേ​ണ്ട​തുണ്ട്‌.

◼ രോഗ​മോ മറ്റ്‌ അവശത​ക​ളോ നിമിത്തം ഹാജരാ​കാൻ സാധി​ക്കാത്ത അഭിഷി​ക്തർ ആരെങ്കി​ലും ഉണ്ടെങ്കിൽ അവർക്ക്‌ അപ്പവും വീഞ്ഞും നൽകാ​നുള്ള ക്രമീ​ക​ര​ണങ്ങൾ ചെയ്‌തി​രി​ക്കണം.

◼ ഒന്നില​ധി​കം സഭകൾ ഒരേ രാജ്യ​ഹാൾ ഉപയോ​ഗി​ക്കുന്ന സ്ഥലങ്ങളിൽ പ്രവേശന കവാടം, രാജ്യ​ഹാ​ളി​ലേ​ക്കുള്ള പാത, പാർക്കിങ്‌ സ്ഥലം എന്നിവി​ട​ങ്ങ​ളിൽ അനാവശ്യ തിരക്ക്‌ ഒഴിവാ​ക്കാൻ സഭകൾ തമ്മിൽ നല്ല സഹകരണം ഉണ്ടായി​രി​ക്കണം.