വീണ്ടും വീണ്ടും മടങ്ങി​ച്ചെ​ല്ലു​ന്ന​തി​ന്റെ കാരണം

1. നമ്മുടെ പ്രസം​ഗ​വേല സംബന്ധിച്ച്‌ ഏതു ചോദ്യം ഉദിക്കു​ന്നു?

¹ പല സ്ഥലങ്ങളി​ലും നാം പ്രദേ​ശങ്ങൾ കൂടെ​ക്കൂ​ടെ പ്രവർത്തി​ച്ചു​തീർക്കു​ന്നു. താത്‌പ​ര്യ​മി​ല്ലെന്നു വീട്ടു​കാർ പറഞ്ഞാൽപോ​ലും അതേ വീടു​ക​ളി​ലേക്കു നാം വീണ്ടും വീണ്ടും മടങ്ങി​ച്ചെ​ല്ലു​ന്നു. മുമ്പ്‌ അനുകൂ​ല​മാ​യി പ്രതി​ക​രി​ച്ചി​ട്ടി​ല്ലാ​ത്ത​വരെ എന്തിനാണ്‌ വീണ്ടും സന്ദർശി​ക്കു​ന്നത്‌?

2. നാം ശുശ്രൂ​ഷ​യിൽ സ്ഥിരോ​ത്സാ​ഹം കാണി​ക്കു​ന്ന​തി​ന്റെ പ്രമുഖ കാരണം എന്താണ്‌?

² യഹോവയോടും ആളുക​ളോ​ടു​മുള്ള സ്‌നേഹം: പ്രസം​ഗ​വേ​ല​യിൽ നാം സ്ഥിരോ​ത്സാ​ഹ​ത്തോ​ടെ ഏർപ്പെ​ടു​ന്ന​തി​ന്റെ പ്രമുഖ കാരണം യഹോ​വ​യോ​ടുള്ള നമ്മുടെ സ്‌നേ​ഹ​മാണ്‌. നമ്മുടെ മഹാ ദൈവ​ത്തെ​ക്കു​റിച്ച്‌ മറ്റുള്ള​വ​രോ​ടു പറഞ്ഞു​കൊ​ണ്ടി​രി​ക്കാൻ ഹൃദയം നമ്മെ പ്രചോ​ദി​പ്പി​ക്കു​ന്നു. (ലൂക്കൊ. 6:45) അവന്റെ കൽപ്പനകൾ അനുസ​രി​ക്കാ​നും മറ്റുള്ള​വരെ അതിനു സഹായി​ക്കാ​നും യഹോ​വ​യോ​ടുള്ള സ്‌നേഹം നമ്മെ പ്രേരി​പ്പി​ക്കു​ന്നു. (സദൃ. 27:11; 1 യോഹ. 5:3) ആളുക​ളു​ടെ പ്രതി​ക​ര​ണ​ത്തി​ന്റെ അടിസ്ഥാ​ന​ത്തി​ലല്ല നാം ഈ വേലയിൽ വിശ്വ​സ്‌ത​ത​യോ​ടെ മുന്നേ​റു​ന്നത്‌. പീഡി​പ്പി​ക്ക​പ്പെ​ട്ട​പ്പോൾപോ​ലും, ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ “വിടാതെ” പ്രസം​ഗി​ക്കു​ന്ന​തിൽ തുടർന്നു. (പ്രവൃ. 5:42) അതു​കൊണ്ട്‌, ആളുകൾ കേൾക്കാൻ വിസമ്മ​തി​ക്കു​മ്പോ​ഴും, നാം നിരു​ത്സാ​ഹി​ത​രാ​കാ​തെ സ്ഥിരത​യോ​ടെ യഹോ​വ​യോ​ടുള്ള നമ്മുടെ ആഴമായ സ്‌നേ​ഹ​വും ഭക്തിയും പ്രകടി​പ്പി​ക്കു​ന്നു.

3. പ്രസം​ഗ​വേ​ല​യിൽ തുടരാൻ ആളുക​ളോ​ടുള്ള സ്‌നേഹം നമ്മെ എങ്ങനെ സഹായി​ക്കും?

³ അയൽക്കാരോടുള്ള സ്‌നേ​ഹ​മാണ്‌ നാം സ്ഥിരോ​ത്സാ​ഹം കാണി​ക്കു​ന്ന​തി​ന്റെ മറ്റൊരു കാരണം. (ലൂക്കൊ. 10:27) ആരും നശിച്ചു​പോ​കാൻ യഹോവ ആഗ്രഹി​ക്കു​ന്നില്ല. (2 പത്രൊ. 3:9) കൂടെ​ക്കൂ​ടെ പ്രവർത്തി​ക്കുന്ന പ്രദേ​ശ​ത്തു​പോ​ലും യഹോ​വയെ സേവി​ക്കാൻ ആഗ്രഹി​ക്കു​ന്ന​വരെ നാം കണ്ടെത്തു​ന്നു. ഉദാഹ​ര​ണ​ത്തിന്‌, ഗ്വാഡ​ലൂ​പ്പിൽ 56 പേരിൽ ഒരാൾ വീതം യഹോ​വ​യു​ടെ സാക്ഷി​യാ​ണെ​ങ്കി​ലും കഴിഞ്ഞ വർഷം അവിടെ 214 പേർ സ്‌നാ​പ​ന​മേറ്റു. സ്‌മാ​ര​ക​ത്തിന്‌ ഏകദേശം 20,000 പേർ ഹാജരാ​യി, അതായത്‌ 22 പേരിൽ ഒരാൾ വീതം!

4. ഏതു വിധങ്ങ​ളി​ലാണ്‌ പ്രദേ​ശ​ത്തി​നു മാറ്റം​വ​രു​ന്നത്‌?

⁴ മാറ്റംവരുന്ന പ്രദേ​ശങ്ങൾ: നമ്മുടെ പ്രദേശം നിരന്തരം മാറ്റങ്ങൾക്കു വിധേ​യ​മാണ്‌. അനുകൂ​ല​മാ​യി പ്രതി​ക​രി​ക്കാ​തി​രുന്ന ഒരു വീട്ടിൽ അടുത്ത പ്രാവ​ശ്യം സന്ദർശി​ക്കു​മ്പോൾ മറ്റൊ​രം​ഗം—ഒരുപക്ഷേ ഒരിക്ക​ലും നമ്മുടെ ദൂത്‌ കേട്ടി​ട്ടി​ല്ലാത്ത ഒരാൾ—വാതിൽ തുറക്കു​ക​യും കേൾക്കാൻ മനസ്സു​കാ​ണി​ക്ക​യും ചെയ്‌തേ​ക്കാം. അല്ലെങ്കിൽ, പുതു​താ​യി താമസം മാറിവന്ന വീട്ടു​കാർക്കു താത്‌പ​ര്യം ഉള്ളതായി നാം കണ്ടെത്തി​യേ​ക്കാം. എതിർപ്പു​കാ​ണിച്ച മാതാ​പി​താ​ക്ക​ളു​ടെ കുട്ടികൾ വളർന്ന്‌ മാറി​ത്താ​മ​സി​ക്കു​ക​യും രാജ്യ​സ​ന്ദേശം കേൾക്കാൻ താത്‌പ​ര്യ​പ്പെ​ടു​ക​യും ചെയ്‌തേ​ക്കാം.

5. സുവാർത്ത​യ്‌ക്കു ചെവി​കൊ​ടു​ക്കാൻ ആളുകളെ എന്തു പ്രേരി​പ്പി​ച്ചേ​ക്കാം?

⁵ ആളുകൾക്കും മാറ്റം​വ​രു​ന്നു. അപ്പൊ​സ്‌ത​ല​നായ പൗലൊസ്‌ ഒരിക്കൽ “ദൂഷക​നും ഉപദ്ര​വി​യും നിഷ്‌ഠു​ര​നും ആയിരു​ന്നു.” (1 തിമൊ. 1:13) സമാന​മാ​യി, ഇന്ന്‌ യഹോ​വയെ സേവി​ക്കുന്ന പലരും ഒരിക്കൽ സത്യത​ത്‌പരർ ആയിരു​ന്നില്ല. ചിലർ സുവാർത്ത​യോട്‌ എതിർപ്പു പ്രകടി​പ്പി​ച്ച​വർപോ​ലും ആയിരു​ന്നി​രി​ക്കാം. മാറി​ക്കൊ​ണ്ടി​രി​ക്കുന്ന ലോകാ​വ​സ്ഥകൾ ചില എതിരാ​ളി​ക​ളെ​യും നിസം​ഗതാ മനോ​ഭാ​വ​മു​ള്ള​വ​രെ​യും ശ്രദ്ധി​ക്കാൻ പ്രേരി​പ്പി​ച്ചേ​ക്കാം. മറ്റു ചിലരാ​കട്ടെ, കുടും​ബ​ത്തി​ലെ ആരു​ടെ​യെ​ങ്കി​ലും മരണം, ജോലി​നഷ്ടം, സാമ്പത്തിക പ്രതി​സന്ധി, ആരോ​ഗ്യ​പ്ര​ശ്‌നം എന്നിങ്ങ​നെ​യുള്ള ഏതെങ്കി​ലും ദുരന്ത​ത്തി​ന്റെ ഫലമായി ഇപ്പോൾ സുവാർത്ത​യോ​ടു നന്നായി പ്രതി​ക​രി​ച്ചേ​ക്കാം.

6. നാം ഉത്സാഹ​ത്തോ​ടെ പ്രസം​ഗ​വേ​ല​യിൽ തുട​രേ​ണ്ടത്‌ എന്തു​കൊണ്ട്‌?

⁶ ഈ വ്യവസ്ഥി​തി അതിന്റെ പരിസ​മാ​പ്‌തി​യി​ലേക്കു നീങ്ങു​മ്പോൾ നമ്മുടെ പ്രസംഗ-പഠിപ്പി​ക്കൽ വേല അതി​വേഗം മുന്നേ​റു​ക​യാണ്‌. (യെശ. 60:22) അതു​കൊണ്ട്‌ നാം ഉത്സാഹ​ത്തോ​ടെ പ്രസം​ഗ​വേ​ല​യിൽ തുടരു​ക​യും ഒരു ക്രിയാ​ത്മക മനോ​ഭാ​വം നിലനി​റു​ത്താൻ ശ്രമി​ക്കു​ക​യും ചെയ്യുന്നു. നാം അടുത്ത​താ​യി കണ്ടുമു​ട്ടുന്ന വ്യക്തി നമ്മെ ശ്രദ്ധി​ച്ചേ​ക്കാം. നാം സംസാ​രി​ച്ചു​കൊ​ണ്ടേ​യി​രി​ക്കണം! ‘അങ്ങനെ ചെയ്‌താൽ നാം നമ്മെയും നമ്മുടെ പ്രസംഗം കേൾക്കു​ന്ന​വ​രെ​യും രക്ഷിക്കും.’—1 തിമൊ. 4:16.