നാം രാജ്യ​പ്ര​ത്യാ​ശ പങ്കു​വെ​ക്കു​ന്നു

¹ ദുഷ്‌കരമായ ഈ അന്ത്യനാ​ളു​ക​ളിൽ പ്രത്യാ​ശ​യി​ല്ലാ​തെ ജീവിതം തള്ളിനീ​ക്കു​ന്ന​വ​രാണ്‌ അനേക​രും. (എഫെ. 2:12) മുന്നും പിന്നും ചിന്തി​ക്കാ​തെ സമ്പത്തി​ലും മനുഷ്യ ഭരണകർത്താ​ക്ക​ളി​ലും ആധുനിക ശാസ്‌ത്ര​ത്തി​ലും വിശ്വാ​സം അർപ്പി​ച്ചി​രി​ക്കു​ന്ന​വ​രു​മുണ്ട്‌. ഭാവി​യി​ലേക്കു പ്രത്യാ​ശ​യോ​ടെ നോക്കാൻ കഴിയു​ന്ന​തിൽ നാം എത്ര സന്തുഷ്ട​രാണ്‌! അതേ, ‘ആത്മാവി​ന്റെ നങ്കൂര​മായ നിശ്ചയ​വും സ്ഥിരവു​മായ പ്രത്യാശ’യുള്ളവ​രാ​ണു നാം.—എബ്രാ. 6:19.

² ദൈവരാജ്യ ഭരണത്തിൻകീ​ഴിൽ ഭൂമി ഒരു പറുദീ​സ​യാ​യി​ത്തീ​രും. മരണം തട്ടി​യെ​ടുത്ത നമ്മുടെ പ്രിയ​പ്പെ​ട്ടവർ വീണ്ടും ജീവനി​ലേക്കു വരും. (പ്രവൃ. 24:15) പട്ടിണി​യും അനീതി​യും രോഗ​വും വാർധ​ക്യ​വും മരണവും ഒക്കെ പഴങ്കഥ​ക​ളാ​യി മാറും. (സങ്കീ. 9:18; മത്താ. 12:19-21; വെളി. 21:3-5) പെട്ടെന്ന്‌ സാക്ഷാ​ത്‌ക​രി​ക്ക​പ്പെ​ടാ​നി​രി​ക്കുന്ന ദിവ്യ​വാ​ഗ്‌ദാ​ന​ങ്ങ​ളിൽ ചിലതു​മാ​ത്ര​മാ​ണിത്‌. ഏതു വാഗ്‌ദാ​നം നിവൃ​ത്തി​യേ​റി​ക്കാ​ണാ​നാണ്‌ നിങ്ങൾ ഏറ്റവും ആഗ്രഹി​ക്കു​ന്നത്‌?

³ സുവാർത്ത അറിയി​ക്കുക: രാജ്യ​പ്ര​ത്യാ​ശ നമ്മിൽത്തന്നെ ഒതുക്കി​വെ​ക്കാ​തി​രി​ക്കാൻ നാം ശ്രദ്ധി​ക്കണം. ദൈവ​ത്തോ​ടും അയൽക്കാ​രോ​ടു​മുള്ള സ്‌നേഹം യേശു​വി​ന്റെ പാത പിന്തു​ടർന്നു​കൊണ്ട്‌ ‘ദരി​ദ്ര​ന്മാ​രോ​ടു സുവി​ശേഷം അറിയി​പ്പാ​നും ബദ്ധന്മാർക്കു വിടു​ത​ലും കുരു​ട​ന്മാർക്കു കാഴ്‌ച​യും പ്രസം​ഗി​പ്പാ​നും പീഡി​ത​ന്മാ​രെ വിടു​വി​ച്ച​യ​പ്പാ​നും’ നമ്മെ പ്രചോ​ദി​പ്പി​ക്കു​ന്നു. (ലൂക്കൊ. 4:18) അങ്ങാടി​യി​ലും ആളുകളെ കണ്ടുമു​ട്ടിയ എല്ലാ സ്ഥലങ്ങളി​ലും അപ്പൊ​സ്‌ത​ല​നായ പൗലൊസ്‌ രാജ്യ​സു​വാർത്ത അറിയി​ച്ചു. പൗലൊ​സി​ന്റെ ജീവി​ത​ത്തി​ന്റെ അവിഭാ​ജ്യ ഘടകമാ​യി​രു​ന്നു ശുശ്രൂഷ. (പ്രവൃ. 18:5) ആ മാതൃക പിൻചെന്ന്‌ ശുശ്രൂ​ഷ​യിൽ തീക്ഷ്‌ണ​ത​യോ​ടെ പങ്കുപ​റ്റു​ന്നത്‌ “ധനത്തിന്റെ വഞ്ചനയും മറ്റു വിഷയ മോഹ​ങ്ങ​ളും” നമ്മുടെ ക്രിസ്‌തീയ പ്രത്യാ​ശയെ മങ്ങലേൽപ്പി​ക്കു​ന്നതു തടയും.—മർക്കൊ. 4:19.

⁴ ആളുകൾ നമ്മുടെ സന്ദേശം ശ്രദ്ധി​ക്കാ​തി​രി​ക്കു​ക​യോ വിലകു​റച്ചു കാണു​ക​യോ എതിർക്കു​ക​യോ ചെയ്‌താ​ലും നമ്മുടെ രാജ്യ​പ്ര​ത്യാ​ശ​യു​ടെ ഒളിമ​ങ്ങു​ന്നില്ല. “പ്രത്യാ​ശ​യു​ടെ സ്വീകാ​രം നാം മുറുകെ പിടി”ക്കും. (എബ്രാ. 10:23) ‘സുവി​ശേ​ഷ​ത്തെ​ക്കു​റി​ച്ചു നമുക്കു ലജ്ജയില്ല.’ (റോമ. 1:16) നമ്മുടെ ബോധ്യ​വും സ്ഥിരോ​ത്സാ​ഹ​വും സുവാർത്ത​യ്‌ക്ക്‌ കാതോർക്കാൻ ഒരുനാൾ അവരെ പ്രേരി​പ്പി​ക്കി​ല്ലെന്ന്‌ ആരുകണ്ടു?

⁵ ബൈബിൾ പ്രവച​ന​ങ്ങ​ളു​ടെ നിവൃ​ത്തി​യാ​യി ലോക​രം​ഗത്ത്‌ അരങ്ങേ​റുന്ന മോശ​മായ അവസ്ഥകൾ ആളുക​ളു​ടെ ശ്രദ്ധയിൽപ്പെ​ടു​ത്തു​ന്നത്‌ ഉചിത​മാ​ണെ​ങ്കി​ലും ദുഃഖ​വാർത്ത​ക​ളു​ടെ വക്താക്കളല്ല നാം. മറിച്ച്‌, രാജ്യ​പ്ര​ത്യാ​ശ, അതേ ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത​യാണ്‌ നമ്മുടെ ശുശ്രൂ​ഷ​യു​ടെ കേന്ദ്ര​ബി​ന്ദു. “പ്രത്യാ​ശ​യു​ടെ പൂർണ്ണ​നി​ശ്ചയം പ്രാപി​പ്പാൻ അവസാ​ന​ത്തോ​ളം ഒരു​പോ​ലെ ഉത്സാഹം കാണിക്കേ”ണ്ടതിന്‌ ബോധ്യ​ത്തോ​ടും തീക്ഷ്‌ണ​ത​യോ​ടും കൂടെ നമുക്ക്‌ ഈ സുവാർത്ത പ്രസം​ഗി​ക്കാം.—എബ്രാ. 6:11.